 |
ທ່ານ ຫງວຽນກ໊ວກຢູງ ນຳໜ້າຄະນະຜູ້ແທນຫວຽດນາມ ເຂົ້າຮ່ວມກອງປະຊຸມບັນດາເຈົ້າໜ້າທີ່ອາວຸໂສອາຊຽນ. (ພາບ: TTXVN)
ທີ່ກອງປະຊຸມ, ບັນດາເຈົ້າໜ້າທີ່ອາວຸໂສ ASEAN ໄດ້ກວດກາຄືນວຽກງານການກະກຽມທຸກດ້ານໃຫ້ແກ່ກອງປະຊຸມລັດຖະມົນຕີການຕ່າງປະເທດອາຊຽນ ຄັ້ງທີ 52 (AMM-52) ແລະ ບັນດາກອງປະຊຸມລັດຖະມົນຕີກ່ຽວຂ້ອງກັບຄູ່ຮ່ວມມືຕ່າງໆ; ແລກປ່ຽນບັນດາບັນຫາທີ່ພົ້ນເດັ່ນຂຶ້ນໃນວິວັດທະນາການກໍ່ສ້າງປະຊາຄົມອາຊຽນ, ແຜນການຜັນຂະຫຍາຍເອກະສານທັດສະນະຂອງອາຊຽນ ກ່ຽວກັບມະຫາສະໝຸດອິນເດຍ-ປາຊີຟິກ (AOIP), ການພົວພັນລະຫວ່າງ ອາຊຽນ ກັບບັນດາຄູ່ຮ່ວມມື, ຄື: ອົດສະຕາລີ, ນິວຊີແລນ, ແຜນການຜັນຂະຫຍາຍຄະນະສຳຫຼວດຂອງ ອາຊຽນ ຢູ່ Timor Leste, ວິວັດທະນາການເຈລະຈາປະມວນກົດແຫ່ງການປະພຶດຢູ່ທະເລຕາເວັນອອກ (COC) ແລະບັນຫາທະເລຕາເວັນອອກ... ຕາມລາຍການ, ບັນດາເຈົ້າໜ້າທີ່ອາວຸໂສ ອາຊຽນ ຈະສືບຕໍ່ຈັດກອງປະຊຸມກັບເຈົ້າໜ້າທີ່ອາວຸໂສບັນດາຄູ່ຮ່ວມມື ຈີນ, ຍີ່ປຸ່ນ, ສ. ເກົາຫຼີ ແລະບັນດາປະເທດເຂົ້າຮ່ວມຂັ້ນສູງອາຊີຕາເວັນອອກ (EAS) ໃນວັນທີ 30 ກໍລະກົດ.
（ຄຳຮຸ່ງ）
