ກອງປະຊຸມກໍ່ແມ່ນການເຄື່ອນໄຫວສຳຄັນທຳອິດໃນການຜັນຂະຫຍາຍຂໍ້ລິເລີ່ມ ວັນ ອາຊຽນ - ຍີ່ຢຸ່ນ ຢູ່ ຫວຽດນາມ ປີ 2019. ກ່າວຄຳເຫັນທີ່ກອງປະຊຸມ, ທ່ານລັດຖະມົນຕີ ຫົວໜ້າຫ້ອງວ່າສຳນັກງານນາຍົກ ມາຍ ຕ໋ຽນ ຢຸງ ເນັ້ນໜັກວ່າ: ຫວຽດນາມ ຖືເປັນສຳຄັນ ແລະ ສະຫງວນບຸລິມະສິດສູງໃຫ້ແກ່ການຮັບປະກັນບົດບາດປະສານງານການພົວພັນລະຫວ່າງ ອາຊຽນ - ຍີ່ປຸ່ນ ໄລຍະປີ 2018 – 2021. ຫວຽດນາມ ຈະມານະພະຍາຍາມເປັນຂົວເຊື່ອມຕໍ່ຢ່າງມີປະສິດທິຜົນ ລະຫວ່າງ ອາຊຽນ ແລະ ຍີ່ປຸ່ນ. ຫວຽດນາມ ມີຄວາມປາດຖະໜາໃຫ້ ຍີ່ປຸ່ນ ສືບຕໍ່ໜູນຊ່ວຍບັນດາປະເທດ ອາຊຽນ ແລະ ຫວຽດນາມ ພັດທະນາ ບັນດາຂະແໜງເຕັກໂນໂລຊີສູງ, ຄົ້ນຄວ້າສັນຍາການຄ້າເສລີ ອາຊຽນ - ຍີ່ປຸ່ນ ຢ່າງມີປະສິດທິຜົນກ່ວາອີກ.
 |
ທ່ານລັດຖະມົນຕີ, ຫົວໜ້າຫ້ອງວ່າການລັດຖະບານ ຫວຽດນາມ ມາຍຕ໊ຽນຢຸງ ກ່າວຄຳປາໄສ ໃນກອງປະຊຸມ. (ພາບ: TTXVN)
ສະແດງຄວາມດີໃຈທີ່ໄດ້ເຂົ້າຮ່ວມກອງປະຊຸມ ອາຊຽນ - ຍີ່ປຸ່ນ ໃນປີ 2019, ທ່ານ Norikazu Suzuki, ລັດຖະມົນຕີຊ່ວຍວ່າການກະຊວງການຕ່າງປະເທດ ຍີ່ປຸ່ນ ຫວັງວ່າ ຫວຽດນາມ ແລະ ຍີ່ປຸ່ນ ຈະເຂົ້າໃຈຢ່າງກະຈ່າງແຈ້ງການພົວພັນ ລະຫວ່າງສອງປະເທດ, ສ້າງສາຍພົວພັນຮ່ວມມື, ນຳມາແຫ່ງສັນຕິພາບ, ການພັດທະນາ ແລະ ຄວາມຫມັ້ນຄົງ ໃຫ້ແກ່ເຂດອາຊີປາຊີຟິກ.
ເນື່ອງໃນໂອກາດນີ້, 2 ຝ່າຍໄດ້ເປີດ ງານວາງສະແດງພາບຖ່າຍ ສະເຫຼີມສະຫຼອງ 45 ປີ ແຫ່ງການພົວພັນ ລະຫວ່າງ ອາຊຽນ - ຍີ່ປຸ່ນ. ມີພາບຖ່າຍເກືອບ 30 ແຜ່ນ ມາວາງສະແດງແມ່ນບັນດາຂີດໝາຍການພັດທະນາສຳຄັນຂອງການພົວພັນລະຫວ່າງ ຍີ່ປຸ່ນ ກັບ ອາຊຽນ ກໍ່ຄືກັບແຕ່ລະປະເທດສະມາຊິກ.
（ຄຳຮຸ່ງ）
