ທ່ານ ສຈ ຫງວຽນ ຊົນ ຖັ໋ງ, ກຳມະການສູນກາງພັກ, ອຳນວຍການສະຖາບັນການເມືອງການປົກຄອງ ກ່າວວ່າ: ກອງປະຊຸມສຳມະນາ "ການຮ່ວມມືພັດທະນາຫວຽດນາມ - ອິນເດຍ ກ່ຽວກັບຄວາມປອດໄພດ້ານພະລັງງານໃນສະຖານະການໃຫມ່" ສະແດງການຮ່ວມມືຍຸດທະສາດ ລະຫວ່າງ ຫວຽດນາມ ແລະ ອິນເດຍ ໄດ້ຮັບຄວາມເລິກເຊິ່ງ ແລະ ປະສິດທິຜົນ.
ສຈ ຫງວຽນ ຊ່ວຍ ຖັ໋ງ ໃຫ້ຮູ້ວ່າ: ການຮ່ວມມືດ້ານພະລັງງານ ລະຫວ່າງ ຫວຽດນາມ ແລະ ອິນເດຍ ເປັນການພັດທະນາ ແລະ ເປັນພື້ນຖານທີ່ສໍາຄັນ ໃນການຮ່ວມມື ລະຫວ່າງສອງປະເທດ. ທັງສອງປະເທດ ຫວຽດນາມ ແລະ ອິນເດຍ ມີແຫຼ່ງພະລັງງານທີ່ຫຼາຍຮູບແບບ, ໂດຍສະເພາະແມ່ນແຫຼ່ງພະລັງງານແບບສ້າງໃໝ່.
 |
ທ່ານ Parvathaneni Harish - ເອກອັກຄະລັດຖະທູດ ອິນເດຍ ປະຈຳຫວຽດນາມ ກ່າວຄຳປາໄສ. (ພາບ: qdnd online)
ສ່ວນ ປະເທດ ອິນເດຍ, ທີ່ປຶກສາລັດຖະມົນຕີການຕ່າງປະເທດອິນເດຍ, ເອກອັກຄະລັດຖະທູດຜູ້ມີອຳນາດເຕັມອິນເດຍ ປະຈຳ ສສ ຫວຽດນາມ - ທ່ານ Parvathaneni Harish ຢັ້ງຢືນວ່າ: ປະເທດອິນເດຍຈະເປັນຄູ່ຮ່ວມມື ທີ່ເຊື່ອຖືໄດ້ ຂອງ ຫວຽດນາມໃນທຸກຂົງເຂດ, ການຮ່ວມມື ລະຫວ່າງ ອິນເດຍ-ຫວຽດນາມ ໃນຂົງເຂດຄວາມໝັ້ນຄົງດ້ານພະລັງງານ ມີທ່າແຮງ ແລະ ປະກອບສ່ວນໃນສາຍພົວພັນສອງຝ່າຍ.
ທ່ານ Parvathaneni Harish ຫວັງວ່າ ໃນອະນາຄົດ, ສາຍພົວພັນມິດຕະພາບ ແລະ ການຮ່ວມມືຮອບດ້ານ ລະຫວ່າງ ຫວຽດນາມ ແລະ ອິນເດຍ ຈະສືບຕໍ່ພັດທະນາຢ່າງເລິກເຊິ່ງ.
ກອງປະຊຸມວິທະຍາສາດສາກົນ ກ່ຽວກັບ "ການຮ່ວມມືພັດທະນາ ຫວຽດນາມ - ອິນເດຍ ກ່ຽວກັບຄວາມໝັ້ນຄົງດ້ານພະລັງງານໃນສະຖານະການໃຫມ່" ແມ່ນໂອກາດໃຫ້ຜູ້ເຂົ້າຮ່ວມປຶກສາຫາລື ແລະ ສະເຫນີແນວຄວາມຄິດ ທີ່ມີຄຸນປະໂຫຍດ ເພື່ອສົ່ງເສີມ ການຮ່ວມມື ລະຫວ່າງ ສອງປະເທດໃນຂະແຫນງພະລັງງານ.
（ຄຳຮຸ່ງ）
