 |
ຫວຽດນາມຮຽກຮ້ອງໃຫ້ວົງຄະຍາດສາກົນຈົ່ງຮ່ວມກັນໃນການຟື້ນຟູຫຼັງສົງຄາມ, ເພື່ອສັນຕິພາບ ແລະ ພັດທະນາແບບຍືນຍົງ
ສໍາມະນາສາກົນກ່ຽວກັບການຟື້ນຟູຫຼັງສົງຄາມຢູ່ຫວຽດນາມ, ຄວາມພະຍາຍາມເພື່ອສັນຕິພາບ ແລະ ການພັດທະນາແບບຍືນຍົງ ໄດ້ໄຂຂຶ້ນໃນຕອນບ່າຍຂອງວັນທີ 25 ມີນາ ທີ່ ນີວຢອກ, ອາເມລີກາ. ທີ່ສໍາມະນາ, ທ່ານ ພົນໂທ ຫງວຽນຈີວີ້ງ ຮອງລັດຖະມົນຕີກະຊວງປ້ອງກັນຊາດຫວຽດນາມ ໄດ້ເນັ້ນໜັກວ່າ: ຫວຽດນາມຮຽກຮ້ອງໃຫ້ວົງຄະຍາດສາກົນຈົ່ງຮ່ວມກັນໃນການຟື້ນຟູຫຼັງສົງຄາມຢູ່ຫວຽດນາມກ່ຽວກັບສິ່ງແວດລ້ອມ ແລະ ຜູ້ຄົນ, ປະກອບສ່ວນເຂົ້າໃນການພັດທະນາແບບຍືນຍົງຂອງຫວຽດນາມ ແລະ ມີສ່ວນຮ່ວມຢ່າງຕັ້ງໜ້າໃນບັນດາກິດຈະກໍາຕ່າງໆກ່ຽວກັບການຮັກສາສັນຕິພາບຂອງສະຫະປະຊາຊາດກວ່າອີກ.
ທ່ານ ພົນໂທ ຫງວຽນຈີວີ້ງ ກໍ່ໄດ້ຢືນຢັນວ່າຫວຽດນາມຫວັງວ່າຈະໄດ້ຮັບການຮ່ວມມືຂອງວົງຄະນະຍາດສາກົນໃນການຟື້ນຟູຫຼັງສົງຄາມກວ່າອີກ, ພ້ອມກັນນັ້ນກໍ່ກຽມພ້ອມໃນການແບ່ງປັນປະສົບການ ແລະ ຄວາມສາມາດຂອງຕົນເພື່ອຊ່ວຍໜູນໃຫ້ວົງຄະນະຍາດສາກົນໃນການຟື້ນຟູຫຼັງສົງຄາມຢູ່ຫຼາຍຂົງເຂດໃນທົ່ວໂລກ.
ບັນດາຜູ້ແທນສາກົນລ້ວນແຕ່ມີການຕີລາຄາສູງຕໍ່ຄວາມພະຍາຍາມຂອງຫວຽດນາມໃນການຟື້ນຟູຫຼັງສົງຄາມ ແລະ ເຂົ້າຮ່ວມບັນດາກິດຈະກໍາຕ່າງໆໃນການຮັກສາສັນຕິພາບຂອງສະຫະປະຊາຊາດໃນໄລຍະເວລາທີ່ຜ່ານມາ. ພ້ອມກັນນັ້ນກໍ່ໃຫ້ຄໍາໝັ້ນສັນຍາວ່າຈະສືບຕໍ່ໃຫ້ການສະໜັບສະໜູນດ້ານແຫຼ່ງຊັບພະຍາກອນມະນຸດໃຫ້ແກ່ຫວຽດນາມໃນເວລາຕໍ່ໜ້າເພື່ອສືບຕໍ່ແກ້ໄຂບັນດາບັນຫາຄົງຄ້າງຫຼັງສົງຄາມ, ມີສ່ວນຮ່ວມໃນການປະກອບສ່ວນເຂົ້າໃນດ້ານສັນຕິພາບ ແລະ ພັດທະນາແບບຍືນຍົງໃນທົ່ວໂລກ.
（ໄຊພອນ）
