 |
ກອງປະຊຸມອະນຸກຳມະການການຄ້າຮ່ວມລະຫວ່າງຫວຽດນາມ-ອິນເດຍ ຄັ້ງທີ 4 ຈັດຂື້ນຢູ່ນະຄອນຫລວງຮ່າໂນ້ຍ
ທ່ານ ອານຸບວາດຮາວານ ຮອງລັດຖະມົນຕີກະຊວງອຸດສາຫະກຳການຄ້າຂອງອິນເດຍກ່າວໃນກອງປະຊຸມອະນຸກຳມະການການຄ້າຮ່ວມລະຫວ່າງຫວຽດນາມ-ອິນເດຍ ຄັ້ງທີ 4 ຈັດຂື້ນຢູ່ນະຄອນຫລວງຮ່າໂນ້ຍໃນວັນທີ 23 ເດືອນມັງກອນຜ່ານມາວ່າມູນຄ່າການຄ້າສອງສົ້ນລະຫວ່າງຫວຽດນາມ-ອິນເດຍ ໄດ້ສືບຕໍ່ເພີ່ມຂຶ້ນຢ່າງແຂງແຮງ. ປີ 2018, ສອງຝ່າຍໄດ້ຊຸກຍູ້ການຮ່ວມມືກ່ຽວກັບພະລັງງານ, ກົນຈັກ, ຢາປິ່ນປົວພະຍາດ, ເສື້ອຜ້າອາພອນ, ການທ່ອງທ່ຽວ ແລະ ອື່ນໆ ເຮັດໃຫ້ມູນຄ່າການຄ້າສອງສົ້ນລະຫວ່າງຫວຽດນາມ-ອິນເດຍບັນລຸເຖິງ13 ຕື້ໂດລາສະຫະລັດ ແລະ ຈະຊຸກຍູ້ໃຫ້ບັນລຸເຖິງ 15 ຕື້ໂດລາສະຫະລັດໃນປີ 2020. ຂະນະດຽວກັນນັ້ນ, ທ່ານ ກາວ ກວັກ ຮືງ ຮອງລັດຖະມົນຕີກະຊວງອຸດສາຫະກຳການຄ້າຫວຽດນາມໄດ້ຕີລາຄາສູງຕໍ່ຄວາມສຳເລັດຂອງອິນເດຍໃນໄລຍະການພັດທະນາເສດຖະກິດໃນຊຸມປີຜ່ານມາ. ປັດຈຸບັນ, ອິນເດຍມີ 208 ໂຄງການ FDI (ການລົງທຶນຢູ່ຕ່າງປະເທດ) ເຂົ້າຫວຽດນາມດ້ວຍບ້ວງເງິນການລົງທຶນຈົດທະບຽນປະມານ 878 ລ້ານໂດລາສະຫະລັດ, ຈັດເປັນອັນດັບ 26/126 ປະເທດ ແລະ ເຂດແຄ້ວນທ່ີມີແຫລ່ງ ການລົງທຶນຢູ່ຫວຽດນາມ. ຄາດວ່າກອງປະຊຸມຄັ້ງນີ້ຈະຊຸກຍູ້ການຮ່ວມມືຂອງສອງຝ່າຍໃຫ້ຈະເລີນເຕີບໃຫຍ່ ແລະ ແໜ້ນແຟ້ນຂຶ້ນຕື່ມ.
（ແຫຼ່ງຂໍ້ມູນ： ຂປລ）
