ຫວຽດນາມ ເຂົ້າຮ່ວມກອງປະຊຸມເຈົ້າໜ້າທີ່ອາວຸໂສປ້ອງກັນປະເທດບັນດາປະເທດອາຊຽນ

ທ່ານພົນໂທ ຫງວຽນຈີວີ້ງ ກ່າວຄໍາເຫັນທີ່ກອງປະຊຸມ

ກອງປະຊຸມເຈົ້າໜ້າທີ່ອາວຸໂສປ້ອງກັນປະເທດບັນດາປະເທດອາຊຽນພາຍໃຕ້ຫົວຂໍ້ວ່າ “ຄວາມໝັ້ນຄົງແບບຍືນຍົງ” ແລະ ບັນດາກອງປະຊຸມທີ່ກ່ຽວຂ້ອງທີ່ກໍາລັງດຳເນີນຢູ່ Phetchaburi, ປະເທດ ໄທ ໃນລະຫວ່າງແຕ່ວັນທີ 02 – 05 ເມສາ, ທ່ານພົນໂທ ຫງວຽນຈີວີ້ງ ຮອງລັດຖະມົນຕີກະຊວງປ້ອງກັນປະເທດຫວຽດນາມ ນຳໜ້າຄະນະຜູ້ແທນກະຊວງປ້ອງກັນປະເທດຫວຽດນາມໄດ້ເຂົ້າຮ່ວມກອງປະຊຸມ.

ບັນດາຜູ້ແທນເຂົ້າຮ່ວມກອງປະຊຸມໄດ້ປຶກສາຫາລືເນື້ອໃນຂໍ້ສະເໜີບັນດາ ຜູ້ສັງເກດການຂອງບັນດາກຸ່ມນັກຊ່ຽວຊານກອງປະຊຸມລັດຖະມົນຕີກະຊວງປ້ອງກັນປະເທດອາຊຽນເປີດກ້ວາງ (ADMM+); ບັນດາຂໍ້ລິເລີ່ມຂອງບັນດາປະເທດສະມາຊິກ.

ກ່າວຄໍາເຫັນທີ່ກອງປະຊຸມ, ທ່ານພົນໂທ ຫງວຽນຈີວີ້ງ ໄດ້ເນັ້ນໜັກເຖິງບົດບາດເປັນໃຈກາງ ແລະ ການຕົກລົງເຫັນດີລະຫວ່າງບັນດາປະເທດອາຊຽນເຊິ່ງໄດ້ກຳນົດໃນບັນດາຫຼັກການລວມຂອງ ສະມາຄົມອາຊຽນ, ພ້ອມທັງ ກໍ່ສະເໜີບັນດາປະເທດສະມາຊິກຢັ້ງຢືນລັກສະນະເປັນເອກະລາດຂອງອາຊຽນ ໃນທຸກການຕັດສິນທີ່ກ່ຽວຂ້ອງເຖິງບັນດາບັນຫາຄວາມໝັ້ນຄົງພາຍໃນສະມາຄົມອາຊຽນ.

（ໄຊພອນ）