ພະນະທ່ານ ຫງວຽ໋ນ ຝູຈ້ອງ ເລຂາທິການໃຫຍ່ ປະທານປະເທດ ພົບປະກັບນັກຮຽນ ນັກສຶກສາດີເດັ່ນ

ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດຫວຽດນາມ ພ້ອມກັບບັນດາຜູ້ແທນ ແລະນັກຮຽນ, ນັກສຶກສາດີເດັ່ນ. (ພາບ: ຫງວຽນເຕີ໋ນຕວນ)

ກ່າວຄຳເຫັນທີ່ການພົບປະສັງສັນ, ທ່ານ ຫງວຽນຝູຈ້ອງ ສະແດງຄວາມພາກພູມໃຈ ແລະຕີລາຄາສູງບັນດາຜົນງານ, ໝາກຜົນ ເຊິ່ງຂະແໜງສຶກສາບັນລຸໄດ້, ຢືນຢັນວ່າ, ເຖິງວ່າຍັງມີຫຼາຍວຽກຕ້ອງເຮັດກໍ່ຕາມ, ແຕ່ເບິ່ງລວມແລ້ວ, ຂະແໜງສຶກສາໄດ້ມີບາດກ້າວພັດທະນາຢ່າງກ້າວກະໂດດ. ທ່ານ ຫງວຽນຝູຈ້ອງ ກ່າວວ່າ, ໂດຍເລີ່ມຈາກປະເທດມີພົນລະເມືອງກວ່າ 90% ກືກໜັງສື, ແຕ່ວ່າປະຈຸບັນປະເທດຫວຽດນາມ ມີປະຊາກອນເພີ່ມຂຶ້ນສູງ, ຈຳນວນຄົນໄປຮຽນຫຼາຍ, ວຸດທິການສຶກສາໄດ້ຮັບການຍົກສູງ, ໄດ້ຮັບການຕີລາຄາສູງຈາກເພື່ອນມິດສາກົນ.

ທ່ານ ຫງວຽນຝູຈ້ອງ ກໍ່ສະແດງຄວາມປິຕິຊົມຊື່ນ ແລະຕື້ນຕັນໃຈ ຕໍ່ຈິດໃຈບືນຕົວຂຶ້ນໃນການຮ່ຳຮຽນຂອງບັນດານັກຮຽນ, ນັກສຶກສາໄດ້ມີຈິດໃຈມັກຮ່ຳຮຽນ, ຮຽນເກັ່ງ, ຊ່ວຍເຫຼືອເພື່ອນມິດ, ເປັນແບບຢ່າງທີ່ໃສແຈ້ງເພື່ອໃຫ້ບັນດາໝູ່ເພື່ອນປະຕິບັດຕາມ.

ທ່ານ ຫງວຽນຝູຈ້ອງ ສະເໜີຂະແໜງສຶກສາບໍ່ຄວນປະໝາດ, ຕ້ອງມານະພະຍາຍາມກວ່າອີກເພື່ອຕອບສະໜອງຄວາມມຸ່ງມາດປາດຖະໜາຂອງປະຊາຊົນ. ທ່ານ ຫງວຽນຝູຈ້ອງ ກ່າວວ່າ, ໃນການສຶກສາຮອບດ້ານ, ຕ້ອງເອົາໃຈໃສ່ເຖິງຄຸນສົມບັດ ແລະຄວາມເກັ່ງກ້າສາມາດ.

（ແຫຼ່ງ​ຂໍ້​ມູນ​： ວຽງຄຳ/ກປ.ອອນໄລ）