 |
ປະທານສະມັດຊາ ທະວີບເອີຣົບ Donald Tusk ແລະ ປະທານກຳມາທິການ ທະວີບເອີຣົບ Jean-Claude Juncker ຕ້ອນຮັບ ນາຍົກລັດຖະມົນຕີ ຫງວ໋ຽນຊົນ ຟຸກ. (ພາບ: ສະມັດຊາ ທະວີເອີຣົບ)
ກອງປະຊຸມ ສຸດຍອດ ອາຊີ-ເອີຣົບ ຄັ້ງທີ 12 (ASEM 12) ໄດ້ເປີດສາກຂື້ນ ຢູ່ ສຳນັກງານ Europa, ນະຄອນຫຼວງ Brussels, ລາດຊະອານາຈັກ ເບວຢ້ຽມ ໃນຕອນເຊົ້າມື້ນີ້ ຕາມເວລາຂອງປະເທດຫວຽດນາມ.
ເຂົ້າຮ່ວມກອງປະຊຸມສຸດຍອດຄັ້ງນີ້ປະກອບມີບັນດາຜູ້ນຳອັນດັບສູງຂອງ 53 ປະເທດ ສະມາຊິກຂອງເວທີ ການຮ່ວມມື ອາຊີ-ເອີຣົບ (ASEM), ເຊິ່ງປະກອບມີ 21 ປະເທດອາຊີ, 30 ປະເທດ ເອີຣົບ, ສະຫະພາບເອີຣົບ(EU) ແລະ ຄະນະເລຂາທິການ ASEAN. ຄະນະຜູ້ແທນອັນດັບສູງຂອງຫວຽດນາມ ໂດຍທ່ານນາຍົກລັດຖະມົນຕີ ຫງວຽ໋ນຊົນ ຟຸກ ນຳພາຄະນະເຂົ້າຮ່ວມກອງປະຊຸມໃນຄັ້ງນີ້.
ກ່າວຄຳປາໄສໃນພິທີເປີດ ປະທານ ສະມັດຊາ ທະວີບເອີຣົບ Donald Tusk ຕີລາຄາສູງ ບັນດາຜົນສຳເລັດ ຂອງ ເວທີ ນັບຕັ້ງແຕ່ກອງປະຊຸມສຸດຍອດ ASEM 11 ຢູ່ Ulanbato, ປະເທດ ມົງໂກ ປີ 2016, ຍົກສູງບົດບາດ ASEM ວ່າເປັນກົນໄກການຮ່ວມມື, ເຈລະຈາ ທີ່ສຳຄັນທີ່ສຸດ ລະຫວ່າງ ສອງທະວີບ , ນຳໜ້າໃນການຊຸກຍູ້ການຮ່ວມມື ແລະ ຄວາມເປັນລະບຽບຮຽບຮ້ອຍສາກົນ ບົນພື້ນຖານ ລະບຽບກົດໝາຍ, ປະກອບສ່ວນຮັກສາສັນຕິພາບ, ຄວາມສະຫງົບ, ສະຖຽນລະພາບ ຂອງພູມມິພາກ ແລະ ໃນໂລກ.
（ຫັດທະບູນ）
