ກ່າວຄຳປາໄສທີ່ພິທີເປີດກອງປະຊຸມ ທ່ານຮອງນາຍົກລັດຖະມົນຕີ ລາວ ບຸນທອງ ຈິດມະນີ ໄດ້ເນັ້ນໜັກວ່າ: “ ໃນການຮ່ວມມືພາຍໃນກຸ່ມກ້ອນ ASEAN , ໜຶ່ງໃນຈຸດພິເສດສຳຄັນຂອງ ເສົາຫຼັກ ປະຊາຄົມ ການເມືອງ-ຄວາມສະຫງົບ ອາຊຽນ ASEAN ແມ່ນການກໍ່ສ້າງ ASEAN ໃຫ້ກາຍເປັນ ເສົາຫຼັກປະຊາຄົມ ອີງໃສ່ກົດລະບຽບ, ເພື່ອປະຊາຊົນ ແລະ ເອົາປະຊາຊົນເປັນໃຈກາງ. ສຸມໃສ່ປົກປັກຮັກສາ ແລະ ຊຸກຍູ້ສັນຕິພາບ, ຄວາມສະຫງົບ ແລະ ຮ່ວມມື ເພື່ອການພັດທະນາ ໃນພູມມິພາກ ອາຊີຕາເວັນອອກສ່ຽງໃຕ້ ແລະ ໃນໂລກ. ຕໍ່ກັບບັນຫານີ້, ກອງປະຊຸມລັດຖະມົນຕີ ຍຸດຕິທຳ ບັນດາປະເທດ ອາຊຽນ ມີບົດບາດສຳຄັນໃນການບໍລິຫານຈັດການ ແຕ່ລະຝ່າຍທີ່ກ່ຽວຂ້ອງເພື່ອເປົ້າໝາຍນີ້ປະກົດຜົນເປັນຈິງ”.
 |
ບັນດາຜູ້ແທນຂອງບັນດາປະເທດ ອາຊຽນ ທີ່ກອງປະຊຸມ.
ພາຍຫຼັງພິທີເປີດຢ່າງເປັນທາງການ ALAWMM 10 ໄດ້ເລີ່ມປະຊຸມປຶກສາຫາລື, ພິຈາລະນາເພື່ອອະນຸມັດຜ່ານ ບົດລາຍງານຂອງກອງປະຊຸມ ຄັ້ງທີ 18 ເຈົ້າໜ້າທີ່ດ້ານກົດໝາຍຂັ້ນສູງບັນດາປະເທດ ASEAN (ASLOM 18) ດຳເນີນແຕ່ວັນທີ 9 ຫາ 10 ຕຸລາທີ່ ນະຄອນຫຼວງວຽງຈັນ.
ໃນຕອນເຊົ້າຂອງວັນທີ 12 ຕຸລາ, ອ້ອມຂ້າງກອງປະຊຸມ ALAWMM 10 ລັດຖະມົນຕີຍຸດຕິທຳ ເລແທັ່ງ ລອງ ໄດ້ມີການພົບປະສອງຝ່າຍກັບ ລັດຖະມົນຕີ ຍຸດຕິທຳ ກຳປູເຈຍ Angvong Vathana.
ທີ່ກອງປະຊຸມພົບປະ ທັງສອງລັດຖະມົນຕີໄດ້ແລກປ່ຽນສະພາບການຈັດຕັ້ງປະຕິບັດວຽກງານຍຸດຕິທຳຂອງແຕ່ລະປະເທດ; ເຫັນດີເປັນເອກກະພາບ ຈະສືບຕໍ່ຈັດກອງປະຊຸມຍຸດຕິທຳ ບັນດາແຂວງ ທີ່ມີຊາຍແດນຮ່ວມລະຫວ່າງ ຫວຽດນາມ-ກຳປູເຈຍ ຄັ້ງທີ 2 ຢູ່ ກຳປູເຈຍ ໃນປີ 2019. ທັງສອງລັດຖະມົນຕີສະແດງຄວາມເຊື່ອໝັ້ນວ່າ: ສາຍພົວພັນຮ່ວມມືລະຫວ່າງ ກະຊວງຍຸດຕິທຳ ແລະ ຂະແໜງຍຸດຕິທຳ ສອງປະເທດ ຈະສືບຕໍ່ພັດທະນາໄດ້ຢ່າງເຂັ້ມແຂງ, ເຂົ້າສູ່ລວງເລິກ, ເພື່ອຕອບສະໜອງຄວາມຕ້ອງການພັດທະນາ ເສດຖະກິດ-ສັງຄົມ ສອງປະເທດ, ປະກອບສ່ວນຢ່າງຕັ້ງໜ້າເຂົ້າໃນວຽກງານຊຸກຍູ້ ແລະ ເພີ່ມທະວີສາຍພົວພັນບ້ານໄກ້ເຮືອນຄຽງອັນຈົບງາມ, ມູນເຊື້ອມິດຕະພາບ, ຮ່ວມມືຮອບດ້ານ, ຍືນຍົງຍາວນາມ ຫວຽດນາມ-ກຳປູເຈຍ.
（ຫັດທະບູນ）
