 |
ທ່ານ ເຈີ່ນວັນຕຸ໋ຍ ປະທານສູນກາງສະມາຄົມຫວຽດ-ລາວ ມອບເງິນຊ່ວຍເຫຼືອ ໃຫ້ແກ່ທ່ານເອກອັກຄະລັດຖະທູດລາວ.(ພາບ: ເຟືອງມາຍ)
ຕ່າງໜ້າສະມາຄົມມິດຕະພາບ ຫວຽດ-ລາວ , ທ່ານ ເຈີ່ນວັນຕຸ໋ຍ ສະແດງຄວາມເຫັນອົກເຫັນໃຈກັບຄວາມສູນເສຍທັງຄົນ ແລະ ຊັບສິນ ທີ່ປະຊາຊົນລາວ ປະສົບໃນເຫດການຄູກັນນ້ຳຂອງເຂື່ອນໄຟຟ້າພະລັງງານນ້ຳ ແຕກຢ່າງຮ້າຍແຮງ. ທ່ານຍັງໃຫ້ຮູ້ວ່າ ນີ້ແມ່ນການຊ່ວຍເຫຼືອເບື້ອງຕົ້ນຂອງສູນກາງສະມາຄົມມິດຕະພາບຫວຽດ-ລາວ ເພື່ອແບ່ງປັນ, ຊ່ວຍເຫຼືອລັດຖະບານ ແລະ ພໍ່ແມ່ປະຊາຊົນລາວ ພິເສດແມ່ນປະຊາຊົນເຂດປະສົບໄພພິພັດ.
ທ່ານເອກອັກຄະລັດຖະທູດລາວ ປະຈຳຫວຽດນາມ ທອງສະຫວັນ ພົມວິຫານ ໄດ້ໃຫ້ຮູ້ວ່າ: ໃນມື້ທີ່ຜ່ານມາ ພັກ ແລະ ລັດ ກຳລັງສຸມໃສ່ໃນວຽກງານແກ້ໄຂ, ຊ່ວຍເຫຼືອຜົນກະທົບພາຍຫຼັງເຫດການຄູກັ້ນນ້ຳເຂື່ອນແຕກ ດ້ວຍຫຼາຍຮູບແບບ ຄື: ບໍລິຈາກສະບຽງອາຫານ, ເຄື່ອງນຸ່ງຂອງຖື , ເງິນຄຳ…
ສະແດງຄວາມຊາບຊື້ງຕໍ່ການຊ່ວຍເຫຼືອອັນມີປະສິດທິດຜົນ ແລະ ຄວາມເອົາໃຈໃສ່, ຊ່ວຍເຫຼືອຢ່າງທັນການທັງວັດຖຸ ແລະ ຈິດໃຈ ຂອງລັດຖະບານ ແລະ ປະຊາຊົນຫວຽດນາມ, ພິເສດແມ່ນສະມາຄົມມິດຕະພາບຫວຽດ-ລາວ, ທ່ານເອກອັກຄະລັດຖະທູດ ທອງສະຫວັນ ພົມວິຫານ ຕີລາຄາສູງນ້ຳໃຈມິດຕະພາບ ສາມັກຄີ ພິເສດທີ່ປະຊາຊົນຫວຽດນາມ ມອບໃຫ້ປະຊາຊົນລາວ. ຕ່າງໜ້າໃຫ້ພັກ-ລັດ ແລະ ປະຊາຊົນລາວ, ທ່ານທູດສະແດງຄວາມຂອບອົກຂອບໃຈຢ່າງສຸດຊື້ງ ແລະ ສັນຍາວ່າຈະນຳສົ່ງຈຳນວນເງິນຊ່ວຍເຫຼືອເຖິງປະຊາຊົນລາວ ເຂດປະສົບໄພພິບັດໃຫ້ໄວທີ່ສຸດ ປະກອບສ່ວນຊ່ວຍເຫຼືອປະຊາຊົນ ຜ່ານຜ່າຄວາມຫຍຸ້ງຍາກລຳບາກຄັ້ງນີ້ໃຫ້ໄວທີ່ສຸດ.
ທ່ານເຈີ່ນວັນຕຸ໋ຍ ສະແດງຄວາມມຸ້ງມາດປາດຖະໜາ ແລະ ເຊື່ອໝັ້ນ ພາຍໃຕ້ການນຳພາອັນສະຫຼາດສ່ອງໃສ ຂອງພັກ-ລັດ ແລະ ອຳນາດການປົກຄອງທຸກຂັ້ນຂອງ ແຂວງອັດຕະປື, ປະຊາຊົນເຂດປະສົບໄພພິບັດ ຈະໄດ້ຮັບການປັບປຸງຢ່າງໄວວາ, ກັບມາດຳລົງຊີວິດ ແລະ ຟື້ນຟູການເພີ່ມພູນຜລິດຜົນ.
（ຫັດທະບູນ）
