ຫວຽດນາມ ຊ່ວຍເຫຼືອທາງດ້ານເຕັກນິກນິວເຄຼຍ ແກ່ ລາວ ແລະ ກຳປູເຈຍ

ຕ່າງໜ້າຂອງ 3 ປະເທດ: ຫວຽດນາມ, ລາວ, ກຳປູເຈຍ ທີ່ກອງ​ປະ​ຊຸມ ຈັດ​ຂື້ນ​ທີ່​ສ​ຳ​ນັກ​ງານ IAEA ເດືອນ​ມິ​ຖຸ​ນາ​ທີ່​ຜ່ານ​ມາ. (ພາບ: IAEA)

ກ່​ອນ​ໜ້ານີ້ ຊ່ວງ​ເດືອນ ສິງ​ຫາ 2016 ຫວຽດ​ນາມ​ໄດ້ ສະ​ແດງ​ຄວາມ​ປາດ​ຖະ​ໜາ​ທີ່​ຈະ​ຊ່ວຍ​ເຫຼືອ ສອງ ປະ​ເທດ​ເພື່ອນ​ບ້ານ​ຂອງ​ຕົນ ຄື: ກຳ​ປູ​ເຈຍ ແລະ ລາວ ດ້ານ​ເຕັກ​ນິກ ນິວ​ເຄຼຍ. ຫວຽດ​ນາມ ໄດ້​ເຂົ້າ​ຫາປະ​ສານ​ງານ IAEA ເພື່ອ​ຊຸກ​ຍູ້​ໂຄງ​ການ ການ​ຮ່ວມ​ມື​ດັ່ງ​ກ່າວນີ້, ຫຼັງ​ຈາກນັ້ນ IAEA ໄດ້​ໃຫ້​ຄຳ​ປຶກ​ສາ​ກັບ ລາວ ແລະ ກຳ​ປູ​ເຈຍ. ກອງ​ປະ​ຊຸມ​ໃນ​ເດືອນ ມິ​ຖຸ​ນາ​ທີ່​ຜ່ານ​ມາ​ເປັນ​ໜື່ງ​ໃນ​ການ​ເຄື່ອນ​ໄຫວ​ເພື່ອ​ຊ່ວຍ​ເຫຼືອ​ຫຼ້າ​ສຸດ​ແກ່ 3 ປ​ະ​ເທດ​ນີ້​ໃນ​ຂອບ​ເຂດ 5 ປີ.

ໃນ​ກອງ​ປະ​ຊຸມ​ເທື່ອນີ້ ທັງ​ສາມ​ປະ​ເທດ ແລະ IAEA ໄດ້​ເຮັດຫຼາຍ​ວຽກເພື່ອ​ພັດ​ທະ​ນາ ສ້າງ​ເງື່ອນ​ໄຂ​ໃຫ້​ການ​ຮ່​ວມ​ມື ລະ​ຫວ່າງ ສາມ​ປະ​ເທດ ໃນ​ຂະ​ແໜງ ເຕັກ​ນິກ​ນິວ​ເຄຼຍ. ປະ​ກອບ​ມີ ສ້າງ ເສັ້ນ​ທາງ ເພື່ອ​ໃຫ້ ທັງ​ສາມ​ປະ​ເທດ​ສາ​ມາດ​ເອກ​ກະ​ພາບ ໃນ​ຂະ​ແໜງ​ບູ​ລິ​ມະ​ສິດ​ເພື່ອ​ຮ່ວມ​ມື.

ນອກ​ນັ້ນ IAEA ກໍ່​ໄດ້​ສ້າງ​ແຜນ​ທີ່​ເພື່ອ​ກຳ​ນົດ​ຕ້ອງ​ການ​ກ່ຽວ​ກັບ​ຄວາມ​ສາ​ມາດ ແລະ ລະ​ດັບ​ວິ​ຊາ​ສະ​ເພາະ ຂອງ​ກຳ​ປູ​ເຈຍ ແລະ ລາວ ໃນ​ຂ​ະ​ແໜງ ເຕັກ​ນິກ​ນິວ​ເຄຼຍ ແລະ ແຍກ​ປະ​ເພດ ຄວາມ​ສາ​ມາດ​ດ້ານ​ເຕັກ​ນິກ ແລະ ບຸກ​ຄະ​ລາ​ກອນ​ທີີ່​ມີ​ໃນ​ປະ​ຈຸ​ບັນ ຢູ່​ ອົງ​ການຂອງ ຫ​ວຽດ​ນາມ ທີ່​ຈະ​ສາ​ມາດ​ຕອບ​ສະ​ໜອງ​ໄດ້​.

ຫຼັງ​ຈາກນັ້ນ ຊັ່ງ​ຊາ​ກ່ຽວ​ກັບ​ຄວາມ​ຕ້ອງ​ການ​ຂອງ​ ລາວ, ກຳ​ປູ​ເຈຍ ແລະ ຄວາມ​ສາ​ມາດ​ຈະ​ຕອ​ບ​ສະ​ໜອງ ຂອງ​ຫວຽ​ດ​ນາມ ທີ່ IAEA ໄດ້​ຕັ້ງ​ບັນ​ຫາ​ໄວ້​ນັ້ນ ບັນ​ດາ​ຈຸດ​ສຳ​ຄັນ ທີ່​ຫວຽດ​ນາມ​ຈະ​ຊ່ວຍ​ສອງ​ປະ​ເທດ​ດັ່ງ​ກ່າວ​ຂ້າງ​ເທິງ.

- ເຕັກ​ນິກກວດ​ກາ​ນິວ​ເຄຼຍ ບໍ່​ທຳ​ລາຍ

- ສາຍ​ລັງ​ສີ​ອຸດ​ສາ​ຫະ​ກຳ( ແກ້​ໄຂ​ບັນ​ຫາ ລັງ​ສີ)

- ການ​ແພດ​ນິວ​ເຄຼຍ

- ຄວາມ​ປອດ​ໄພລັງ​ສີ

- ໂຄນ​ນິ້ງ​ສາຍ​ພັນ​ໃໝ່

ໃນ​ກອງ​ປະ​ຊຸມ​ທີ່​ສຳ​ນັກ​ງານ IAEA ແຕ່​ວັນທີ 11-13 ມິ​ຖຸ​ນາ ທີ່​ຜ່ານ​ມາ, ທັງ​ສາມ​ຝ່າຍ​ໄດ້​ຕັດ​ສິນ​ໃຈ​ທີ່​ຈະ​ຮ່ວມ​ມື​ກັນ​ຜ່ານ​ໂຄງ​ການ​ຊ່ວຍ​ເຫຼືອ​ຮ່ວມ​ມື​ເຕັກ​ນິກ (TC) ຂອງ IAEA. ຕາມ IAEA ຜົນ​ສຳ​ເລັດ​​ຕົວ​ຈິ່ງ​ທີ່​ໄດ້​ຮັບ ແມ່ນ​ຕົວ​ຢ່າງ​ທີ່​ເປັນ​ແບບ​ຢ່າງ ໃຫ້​ເຫັນ​ໄດ້​ກາ​ນ​ຮ່ວມ​ມື​ລະ​ຫວ່າງ​ບັນ​ດາ​ປະ​ເທດ ສະ​ມາ​ຊິ​ກ ໃນ​ຂອບ​ເຂດ ໂຄງ​ການ (TC) ແມ່ນ​ມີ​ປະ​ສິດ​ທິ​ຜົນ.

（ຫັດ​ທະ​ບູນ）