 |
ຄະນະບໍລິຫານງານສະມາຄົມມິດຕະພາບ ຫວຽດນາມ-ລາວ ສະໄໝ II.
ໃນສະໄໝການຈັດຕັ້ງປະຕິບັດວຽກງານທີ່ຜ່ານມາ, ສະມາຄົມມິດຕະພາບຫວຽດນາມ-ລາວແຂວງ ໄດ້ຈັດຕັ້ງປະຕິບັດຢ່າງມີປະສິດທິຜົນ ວຽກງານການໂຄສະນາເຜີຍແຜ່, ສຶກສາອົບຮົບໃຫ້ພະນັກງານ, ສະມາຊິກສະມາຄົມ ແລະ ປະຊາຊົນ ຈັດຕັ້ງປະຕິບັດຢ່າງເລິກເຊິ່ງກ່ຽວກັບມູນເຊື້ອຄວາມສາມັກຄີ, ສາຍພົບພັນມິດຕະພາບພິເສດ ລະຫວ່າງ ພັກ-ລັດ ແລະ ປະຊາຊົນ ສອງຊາດ ສອງເຜົ່າ ຫວຽດ-ລາວ.
ສະມາຄົມໄດ້ຈັດຕັ້ງປະຕິບັດໜ້າທີ່ທູດປະຊາຊົນດ້ວຍການເຄື່ອນໄຫວທີ່ເປັນນາມມະທຳ, ໄດ້ຮັບຜົນສຳເລັດສູງ; ພິເສດແມ່ນການຮັກສາ ແລະ ພັດທະນາສາຍພົວພັນສາມັກຄີ, ມິດຕະພາບປະຊາຊົນກັບແຂວງຄຳມ່ວນ, ສະຫວັນນະເຂດ ເວົ້າສະເພາະ ແລະ ປະຊາຊົນ, ບັນດາອົງການຈັດຕັ້ງຂອງປະຊາຊົນຢູ ສປປ ລາວ.
ແຕ່ລະປີ ສະມາຄົມໄດ້ປະສານສົມທັບກັບບັນດາອົງການທີ່ກ່ຽວຂ້ອງຈັດງານ ຮັບຕ້ອນວັນບຸນປະເພນີປີໃໝ່ລາວ ໃຫ້ນ້ອງນັກຮຽນ ລາວ ທີ່ກຳລັງສຶກສາຮ່ຳຮຽນຢູ່ແຂວງ ກວ້າງບິ່ງ; ຈັດໂຄງການ " ມ່ວນຊື່ນປີໃໝ່ຢູ່ບ້ານເກີດເມືອງນອນ ກວ້າງບິ່ງ" ແລະ ບັນດາໂຄງການອື່ນໆ. ຄຽງຄູ່ກັນນັ້ນ ສະມາຄົມແຕ່ລະຂັ້ນແຕ່ແຂວງຫາຮາກຖານ ໄດ້ເອົາໃຈໃສ່ຢູ່ຕະຫຼອດ, ຈັດຕັ້ງປະຕິບັດດີນະໂຍບາຍສັງຄົມ, ຊ່ວຍເຫຼືອສະມາຊິກສະມາຄົມ ພັດທະນາການຜລິດ, ລົບລ້າງຄວາມທຸກຍາກ.
ບົນພື້ນຖານນະໂຍບາຍການຕ່າງປະເທດຂອງພັກກ່ຽວກັບສາຍພົວພັນມິດຕະພາບພິເສດ ຫວຽດນາມ-ລາວ, ໄລຍະ 2018-2023 ສະມາຄົມມິດຕະພາບ ຫວຽດນາມ-ລາວ ແຂວງໄດ້ສະເໜີ ທິດທາງໃຈກາງນັ້ນຄື: ພັດທະນາ ແລະ ເຮັດໃຫ້ເລິກເຊິ່ງກວ່າເກົ່າສາຍພົວພັນກັບຄູ່ຮ່ວມມືກັບປະເທດລາວ; ຕື່ນຕົວ, ມີຫົວຄິດປະດິດສ້າງ ແລະ ປັບປຸງວິທີການການເຄື່ອນໄຫວຂອງສະມາຄົມ; ສືບຕໍ່ຊຸກຍູ້ວຽກງານໂຄສະນາເຜີຍແຜ່ສູ່ປະຊາຊົນທົ່ວທຸກຂັ້ນ ເພື່ອແນໃສ່ ຮັດແໜ້ນກວ່າເກົ່າສາຍສຳພັນມິດຕະພາບ ຫວຽດ-ລາວ.
ຕີລາຄາສູງບົດບາດຂອງສະມາຄົມມິດຕະພາບຫວຽດນາມ-ລາວ ໃນພາລະກິດ ການທູດປະຊາຊົນ, ໃນຕໍ່ໜ້າ ທ່ານ ເລມິງເງິນ ຮອງເຈົ້າແຂວງໄດ້ສະເໜີວ່າ: ໃຫ້ສະມາຄົມສືບຕໍ່ກໍ່ສ້າງລະບົບສະມາຄົມທີ່ມີຄວາມເຂັ້ມແຂງສະເພາະແມ່ນ ຮາກຖານ; ເອົາໃຈໃສ່ວຽກງານພັດທະນາ ສະມາຊິກສະມາຄົມ ທັງດ້ານຈຳນວນ ແລະ ຄຸນນະພາບ; ຊຸກຍູ້ຫັນເປັນສັງຄົມ ແຫຼ່ງທືນ ເພື່ອຈັດຕັ້ງປະຕິບັດໃຫ້ດີຂື້ນການເຄື່ອນໄຫວຂອງສະມາຄົມ ແລະ ຊ່ວຍເຫຼືອສະມາຊິກ; ປະສານສົມທົບ ຮັດແໜ້ນກວ່າເກົ່າ ກັບຫົວໜ່ວຍ, ອົງການຈັດຕັ້ງທີ່ກ່ຽວຂ້ອງ, ກະຕຸກຊຸກຍູ້ວຽກງານການໂຄສະນາເຜີຍແຜ່ ແນວທາງ, ນະໂຍບາຍຂອງພັກ-ລັດ ເພື່ອຍົກສູງຄຸນນະພາບທູດປະຊາຊົນໃນສະພາບການໃໝ່.
ທີ່ກອງປະຊຸມ ບັນດາຜູ້ແທນໄດ້ປືກສາຫາລື ແລະ ຜ່ານບົດສະຫຼຸດ, ມາດຕາການ, ແຜນວິທີເຮັດວຽກວິຊາສະເພາະການເຄື່ອນໄຫວໃນສະໄໝໜ້າ.ກອງປະຊຸມໃຫຍ່ໄດ້ເປັນເອກກະພາບ ແລະ ໄດ້ເລືອກຕັ້ງ ຄະນະບໍລິຫານງານສະມາຄົມໄດ້ 13 ທ່ານ. ທ່ານ ດັ້ງວັນວຶ່ງ ໄດ້ຮັບການເລືອກຕັ້ງ ເປັນປະທານສະມາຄົມມິດຕະພາບຫວຽດນາມ-ລາວ ແຂວງ ສະໄໝທີ II, ໄລຍະ 2018-2023.
（ຫັດທະບູນ）
