ຕາມດັດຊະນີກ່ຽວກັບການຟື້ນຟູູພາຍຫຼັງພະຍາດໂຄວິດ-19 ໃນເດືອນ ພຶດສະພາ 2022 ເຊ່ິງ Nikkei Asia ຫາກໍ່ປະກາດ, ຫວຽດນາມ ແລະຟີລິບປິນ ໄດ້ບັນລຸຜົນດີທີ່ສຸດໃນການຟື້ນຟູເສດຖະກິດພາຍຫຼັງສອງປະເທດມານະພະຍາຍາມຜ່ອນຜັນມາດຕະການຕ້ານພະຍາດໂຄວິດ-19, ພ້ອມທັງຄວບຄຸມເພື່ອໃຫ້ພະຍາດແຜ່ລະບາດໃນລະດັບຕໍ່າສຸດ. ຫວຽດນາມ ໄດ້ເພີ່ມ 48 ຂັ້ນຂຶ້ນອັນດັບທີ 14 ຂອງໂລກ, ໃນຂະນະນັ້ນ ຟີລິບປິນ ເພີ່ມ 40 ຂັ້ນຢືນອັນດັບທີ 33.
 |
| ພາບປະກອບຈາກ: baochinhphu.vn |
Nikkei Asia ເນັ້ນໜັກວ່າ ດ້ວຍ 80% ຈຳນວນພົນລະເມືອງໄດ້ສັກວັກຊິນກັນໂຄວິດ-19 ຢ່າງຄົບຖ້ວນ ແລະ 60% ຈຳນວນພົນລະເມືອງໄດ້ສັກວັກຊິນໂດສກະຕຸ້ນ, ຫວຽດນາມ ໄດ້ຮັບ 27/30 ຄະແນນກ່ຽວກັບລະດັບສັກວັກຊິນ. Nikkei Asia ຖືວ່າການເພີ່ມຄະແນນໄດ້ຄືດັ່ງກ່າວແມ່ນຍ້ອນຫວຽດນາມ ໄດ້ຜ່ອນຜັນບັນດາຂໍ້ກຳນົດທີ່ເຄັ່ງຄັດພາຍຫຼັງພະຍາດໃຫ້ດີຂຶ້ນ. ຫວຽດນາມ ແມ່ນປະເທດທໍາອິດຢູ່ອາຊີຕາເວັນອອກສ່ຽງໃຕ້ໄດ້ຍົກເລີກບັນດາຂໍ້ກຳນົດກ່ຽວກັບການເກັບຕົວຢ່າງວິເຄາະຫາເຊື້ອ, ສັກວັກຊິນ ແລະແຍກຕົວໃຫ້ນັກທ່ອງທ່ຽວຕ່າງປະເທດ.
la.qdnd.vn
The document has moved here.
