| ຫວຽດນາມ ເຂົ້າຮ່ວມຮອບເຈລະຈາກ່ຽວກັບການໜູນຊ່ວຍ ສິນໃນນ້ຳຂອງ WTO | |
| ຫວຽດນາມ ຈະປະສານສົມທົບຢ່າງແໜ້ນແຟ້ນ ກັບຜູ້ອຳນວຍການໃຫຍ່ຂອງອົງການ WTO ໃນບັນດາການເຄື່ອນໄຫວ |
 |
| ທ່ານຮອງນາຍົກລັດຖະມົນຕີ ເລມິງຄ໋າຍ ແລະ ທ່ານຮອງຜູ້ອຳນວຍການໃຫຍ່ WTO ເຈື່ອງເຮືອງເທິ່ນ (ພາບ: chinhphu.vn) |
ທີ່ການເຮັດວຽກ, ທ່ານຮອງນາຍົກລັດຖະມົນຕີ ເລມິງຄ໋າຍ ຢືນຢັນວ່າ ຫວຽດນາມ ຖືເປັນສຳຄັນບົດບາດເປັນໃຈກາງຂອງ WTO ໃນການຊຸກຍູ້ລະບົບການຄ້າຫຼາຍຝ່າຍເປີດ, ໂປ່ງໃສ, ໂດຍອີງໃສ່ລະບຽບກົດໝາຍ, ລົບລ້າງສິ່ງກີດຂວາງດ້ານພາສີ, ຕ້ານລັດທິອາລັກຂາດ້ານການຄ້າ, ປາຖະໜາໃຫ້ WTO ສືບຕໍ່ເສີມຂະຫຍາຍບົດບາດປະສານງານເພື່ອຊຸກຍູ້ການຄ້າທົ່ວໂລກຕາມທິດກວມລວມ, ສົມດຸນ, ປະກອບສ່ວນເຂົ້າໃນການຟື້ນຟູ ແລະ ເຕີບໂຕຂອງເສດຖະກິດ.
ທ່ານຮອງນາຍົກລັດຖະມົນຕີໄດ້ສະເໜີວ່າ ວິວັດການປະຕິຮູບ WTO ຕ້ອງຮັບປະກັນຄວາມສົມດຸນຂອງສິດ ແລະ ພັນທະ, ເໝາະສົມກັບລະດັບການພັດທະນາ ແລະ ຄວາມສາມາດໃນການປະຕິບັດຂອງບັນດາສະມາຊິກ, ພິເສດແມ່ນບັນດາສະມາຊິກທີ່ກໍາລັງພັດທະນາ ແລະ ດ້ອຍພັດທະນາ.
ຫວຽດນາມ ກໍໄດ້ປະກອບສ່ວນຢ່າງຕັ້ງໜ້າເຂົ້າໃນການປຶກສາຫາລືກ່ຽວກັບຄວາມໝັ້ນຄົງດ້ານສະບຽງອາຫານທີ່ເວທີປາໄສເສດຖະກິດໂລກ (WEF) Davos 2022, ຢືນຢັນວ່າ ຫວຽດນາມ ຈະສືບຕໍ່ເປັນສະມາຊິກທີ່ມີຄວາມຮັບຜິດຊອບໃນບັນຫາຄວາມໝັ້ນຄົງດ້ານສະບຽງອາຫານ, ປະກອບສ່ວນເຂົ້າໃນໝາກຜົນລວມຂອງກອງປະຊຸມລັດຖະມົນຕີ WTO ທີ່ຈະມາເຖິງນີ້.
ທ່ານຮອງຜູ້ອຳນວຍການໃຫຍ່ WTO ເຈື່ອງເຮືອງເທິ່ນ ປາຖະໜາຢາກໃຫ້ ຫວຽດນາມ ສືບຕໍ່ປະກອບສ່ວນຢ່າງຕັ້ງໜ້າເຂົ້າໃນຂະບວນການປຶກສາຫາລືທີ່ກອງປະຊຸມລັດຖະມົນຕີ WTO ຄັ້ງທີ 12 ໃນເດືອນມິຖຸນາຈະມາເຖິງນີ້ ເພື່ອບັນລຸໄດ້ໝາກຜົນລະອຽດ, ເປັນຕົ້ນແມ່ນໃນຂົງເຂດໜູນຊ່ວຍຂະແໜງສິນໃນນ້ຳ ແລະ ກະສິກຳ, ຜ່ານນັ້ນກໍປະກອບສ່ວນເຂົ້າໃນການຊຸກຍູ້ການຄ້າທົ່ວໂລກ.
ຕອນບ່າຍວັນ 25 ພຶດສະພາ, ທ່ານຮອງນາຍົກລັດຖະມົນຕີ ເລມິງຄ໋າຍ ໄດ້ໄປຢ້ຽມຢາມ ແລະ ໂອ້ລົມກັບພະນັກງານ, ລັດຖະກອນຄະນະ ຫວຽດນາມ ປະຈຳ ສປຊ, WTO ແລະ ອົງການຈັດຕັ້ງສາກົນຕ່າງໆທີ່ເຈນີວາ ພ້ອມກັບຜູ້ຕາງໜ້າສະຖານທູດ ຫວຽດນາມ ປະຈຳ ສະວິດເຊີແລນ.
ຫອມມາລາ
