ພິມຈຳໜ່າຍ ພາບເລື່ອງຊຸດທຳອິດກ່ຽວກັບບານເຕະຫວຽດນາມ ຢູ່ຍີ່ປຸ່ນ

10:15 | 01/04/2022

ຍສໝ - ຫວ່າງແລ້ວນີ້, ບໍລິສັດຫຸ້ນສ່ວນ Kadokawa (ຍີ່ປຸ່ນ) ໄດ້ນຳສະເໜີພາບເລື່ອງຊຸດທຳອິດ ກ່ຽວກັບກິລາບານເຕະຫວຽດນາມ, ເຊິ່ງສຳນັກພິມແຫ່ງນີ້ກຳລັງຈະນຳອອກຈຳໜ່າຍ.

	ທ່ານເລຂາຄະນະພັກນະຄອນຮ່າໂນ້ຍ ໄດ້ໃຫ້ການຕ້ອນຮັບທ່ານເອກອັກຄະລັດຖະທູດ ຍີ່ປຸ່ນ ປະຈຳ ຫວຽດນາມ Yamada Takio
	ຍີ່ປຸ່ນ ອຸປະຖໍາກວ່າ 1,6 ລ້ານ USD ໃຫ້ 9 ໂຄງການຢູ່ ຫວຽດນາມ

ດ້ວຍຫົວຂໍ້ "Son Goal", ພາບເລື່ອງຊຸດນີ້ ແຕ່ງໂດຍນັກສິລະປິນຍີ່ປຸ່ນ Baba Tamio. ເລື່ອງລາວແມ່ນ ກ່ຽວກັບການເດີນທາງຂອງເດັກຊາຍລູກຊອດ ທີ່ມີຊື່ວ່າ Son ຢູ່ຫວຽດນາມ. Son ມີພໍ່ເປັນຊາວບຣາຊິນ ແລະ ແມ່ຫວຽດນາມ. Son ມາຮຽນຢູ່ຫວຽດນາມ ຫຼັງຈາກພໍ່ຍ້າຍມາເຮັດວຽກຢູ່ຫວຽດນາມ. ໃນປະເທດຫວຽດນາມ, ລາວໄດ້ພົບ ແລະ ຮູ້ຈັກກັບກຸ່ມເຍົາວະຊົນ ແລະ ຊ່ວຍທີມຂອງພວກເຂົາຈາກທີມອ່ອນແອ ໄປສູ່ທີມທີ່ເຂັ້ມແຂງ.

ພິມຈຳໜ່າຍ ພາບເລື່ອງຊຸດທຳອິດກ່ຽວກັບບານເຕະຫວຽດນາມ ຢູ່ຍີ່ປຸ່ນ. (ພາບ: TTXVN)

ກ່າວຄຳເຫັນທີ່ການພົບປະກັບ ທ່ານເອກອັກຄະລັດຖະທູດ ຫວຽດນາມ ປະຈຳ ຍີ່ປຸ່ນ ຫວູຮົ່ງນາມ ຢູ່ ໂຕກຽວ, ທ່ານ Aoyagi Masayuki, ຜູ້ອຳນວຍການໂຮງພິມຈຳໜ່າຍ Kadokawa ໃຫ້ຮູ້ວ່າ ດ້ວຍການໜູນຊ່ວຍຂອງສຳນັກພິມ Kim Dong, Kadokawa ໄດ້ສ້າງຊຸດເລື່ອງພາບ ດ້ວຍຄວາມຫວັງໃຫ້ເດັກນ້ອຍທັງສອງປະເທດ ສາມາດພົບຄວາມສຸກໃນກິລາ ແລະ ເຂົ້າໃຈການເຮັດວຽກເປັນທີມໄດ້ດີຂຶ້ນ.

ນອກຈາກນັ້ນ, ຜ່ານການປະກົດຕົວຂອງບັນດາສະຖານທີ່ ແລະ ທັດສະນີຍະພາບທີ່ມີຊື່ສຽງຂອງ ຫວຽດນາມ ຄື: ຂົວມັງກອນ ຫຼື ຫາດຊາຍ My Khe, Kadokawa ກໍ່ປາດຖະໜາໃຫ້ຊາວຕ່າງປະເທດ, ໃນນັ້ນມີຊາວຍີ່ປຸ່ນ ເຂົ້າໃຈກ່ວາອີກ ກ່ຽວກັບຜືນແຜ່ນດິນຂອງປະເທດ ແລະ ປະຊາຊົນ ຫວຽດນາມ. ຕາມທ່ານ Masayuki ແລ້ວ, ພາຍຫຼັງສຳເລັດແລ້ວ, ສຳນັກພິມແຫ່ງນີ້ປາດຖະໜາຢາກສົ່ງປື້ມ 1.000 ຫົວ ໃຫ້ເດັກນ້ອຍຫວຽດນາມ ຜ່ານສະຖານທູດຫວຽດນາມ ປະຈຳ ຍີ່ປຸ່ນ.

ສ່ວນທ່ານເອກອັກຄະລັດຖະທູດ ຫວູຮົ່ງນາມ ໄດ້ຂອບອົກຂອບໃຈບໍລິສັດຫຸ້ນສ່ວນ Kadokawa ກ່ຽວກັບແນວຄວາມຄິດສ້າງຊຸດພາບເລື່ອງກິລາບານເຕະຫວຽດນາມ ແລະ ຢືນຢັນວ່າ: ເລື່ອງຈຳໜ່າຍ “Son Goal” ຈະແມ່ນເຫດການທີ່ມີຄວາມໝາຍທີ່ສຸດ ເມື່ອຫວຽດນາມ ແລະ ຍີ່ປຸ່ນ ພວມກະກຽມສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ.

ຄຳຮຸ່ງ