| ຫວຽດນາມ: ເສີມຂະຫຍາຍບົດບາດເປັນເຈົ້າຕົນເອງ, ປ່ຽນແປງໃໝ່ປະດິດສ້າງຂອງວິສາຫະກິດ-ໝູນໃຊ້ກາລະໂອກາດຈາກ EVFTA | |
| ສັນຍາການຄ້າເສລີລະຫວ່າງສະຫະພາບເອີລົບ (EU) - ຫວຽດນາມ (EVFTA), ເປັນສັນຍາການຄ້າຮອບດ້ານທີ່ສຸດ |
 |
| ພາບປະກອບ: kinhtexaydung.petrotimes.vn |
ຕາມນັ້ນແລ້ວ, ບັນຊີລາຍຊື່ສະມາຊິກຂອງກຸ່ມ DAG ຫວຽດນາມ ເປັນທາງການໄດ້ເພີ່ມເຕີມ 3 ອົງການຄື: ຫ້ອງການການຄ້າ ແລະ ອຸດສາຫະກຳຫວຽດນາມ (ຫ້ອງການວົງການຜູ້ນຳໃຊ້ແຮງງານ), ສະຖາບັນຄົນງານ - ກໍາມະບານ(ຂຶ້ນກັບສະຫະພັນແຮງງານໃຫຍ່ຫວຽດນາມ) ແລະ ສູນພັດທະນາຊົນນະບົດແບບຍືນຍົງ (SRD). ສະນັ້ນ, ກຸ່ມ DAG ຫວຽດນາມ ມີ 6 ສະມາຊິກຢ່າງເປັນທາງການ.
ກຸ່ມ DAG ຫວຽດນາມ ໄດ້ຮັບການສ້າງຕັ້ງຂຶ້ນຕາມຂໍ້ກຳນົດ ມາດຕາ 13.15 ຂອງສັນຍາ EVFTA ລວມມີ ບັນດາສະມາຄົມ, ອົງການບໍ່ຂຶ້ນກັບລັດຖະບານ , ບໍ່ຫວັງຜົນກຳໄລ ຂອງຫວຽດນາມ, ໄດ້ຮັບການສ້າງຕັ້ງຂຶ້ນ ແລະ ເຄື່ອນໄຫວຢ່າງຖືກຕ້ອງຕາມກົດໝາຍຢູ່ ຫວຽດນາມ, ເປັນຜູ້ຕາງໜ້າໃຫ້ບັນດາຜົນປະໂຫຍດອັນຊອບທຳຂອງ ຫວຽດນາມ ກ່ຽວຂ້ອງເຖິງການຄ້າ ແລະ ການພັດທະນາແບບຍືນຍົງ.
ໜ້າທີ່ຕົ້ນຕໍຂອງກຸ່ມ DAG ຫວຽດນາມ ແມ່ນເຕົ້າໂຮມ, ສະເໜີທັດສະນະ ແລະ ຍົກອອກຄຳສະເໜີແນະ, ໃຫ້ຄຳປຶກສາກ່ຽວກັບການປະຕິບັດພາກການຄ້າ ແລະ ພັດທະນາແບບຍືນຍົງຂອງສັນຍາ EVFTA ໃຫ້ສອດຄ່ອງກັບບັນດາຄຳໝັ້ນສັນຍາໃນສັນຍາ.
ໄຊພອນ
