ຍສໝ - ການຫັນເປັນດິຈິຕອນ ພວມກາຍເປັນແຮງຂັບເຄື່ອນສຳຄັນ ເພື່ອຍົກສູງຜະລິດຕະພາບ, ຄວາມໂປ່ງໃສຂອງຕ່ອງໂສ້ມູນຄ່າ ແລະ ເພີ່ມຂີດຄວາມສາມາດໃນການແຂ່ງຂັນຂອງສິນຄ້າກະສິກຳຫວຽດນາມ. ຢ່າງໃດກໍຕາມ, ເພື່ອໃຫ້ຂະບວນການນີ້ ບັນລຸຜົນຢ່າງແທ້ຈິງ ບໍ່ພຽງແຕ່ຕ້ອງການເຕັກໂນໂລຊີເທົ່ານັ້ນ, ແຕ່ຍັງຕ້ອງອາໄສການປະສານງານຢ່າງໃກ້ຊິດລະຫວ່າງລັດ, ວິສາຫະກິດ, ອົງການສາກົນ, ສະຖາບັນຄົ້ນຄວ້າ ແລະ ຊາວກະສິກອນ ເພື່ອສ້າງລະບົບນິເວດການຮ່ວມມືຈາກຫຼາຍຝ່າຍ ສຳລັບການພັດທະນາຢ່າງຍືນຍົງ.
ຍສໝ - ໃນລະດູແລ້ງ ປີ 2025-2026, ບັນດາຄະນະຄົ້ນຫາ ແລະ ກູ້ເອົາອັດຖິ ຂອງຫວຽດນາມ ໄດ້ຄົ້ນຫາ ແລະ ກູ້ເອົາອັດຖິນັກຮົບອາສາສະໝັກ ແລະ ຊ່ຽວຊານຫວຽດນາມ ຜູ້ເສຍສະລະຊີວິດຢູ່ ລາວ ໃນຊ່ວງສົງຄາມຕ່າງໆ ໄດ້ທັງໝົດ 173 ອັດຖິ.
ຍສໝ - ເນື່ອງໃນໂອກາດຄົບຮອບ 79 ປີ ວັນທະຫານຜູ້ບາດເຈັບ-ນັກຮົບຜູ້ເສຍສະລະຊີວິດເພື່ອຊາດ (27/7/1947-27/7/2026), ໃນຕອນເຊົ້າຂອງວັນທີ 26 ກໍລະກົດ, ຄະນະຜູ້ແທນຄະນະກຳມະການບໍລິຫານສູນກາງພັກ, ປະທານປະເທດ, ສະພາແຫ່ງຊາດ ແລະ ລັດຖະບານ ໄດ້ ຖະຫວາຍທູບທຽນ, ລະນຶກຄຸນບັນດານັກຮົບຜູ້ເສຍສະລະຊີວິດເພື່ອຊາດຢູ່ອະນຸສາວະລີລະນຶກບັນດາວີລະຊົນພົນສະຫຼະ ຖະໜົນ ບັກເຊີນ (ນະຄອນຮ່າໂນ້ຍ), ວາງພວງມາລາ ແລະ ເຂົ້າຄາລະວະສຸສານປະທານ ໂຮ່ຈີມິນ.
ຍສໝ - ໃນໄລຍະຜ່ານມາ, ຂະບວນການ 500 ວັນຄືນ ໄດ້ສຸມໃສ່ປະຕິບັດບັນດາໜ້າທີ່ຢ່າງສອດຄ່ອງ ທັງວຽກງານຄົ້ນຫາ ແລະ ເກັບກູ້ອັດຖິວີລະຊົນພົນສະຫຼະ; ການເກັບກຳ, ຮັກສາ ແລະ ກວດພິສູດ ADN; ການສ້າງຖານຂໍ້ມູນເພື່ອກວດສອບ ແລະ ປຽບທຽບຂໍ້ມູນ; ພ້ອມທັງດຳເນີນວຽກງານເກັບກູ້ລະເບີດ ແລະ ວັດຖຸລະເບີດ ຢູ່ບັນດາພື້ນທີ່ທີ່ຍັງມີຮ່ອງຮອຍສົງຄາມຈຳນວນຫຼາຍ ແລະ ບໍລິເວນທີ່ສົງໄສວ່າມີຫຼຸມຝັງສົບຂອງວີລະຊົນພົນສະຫຼະ.
ຍສໝ - ຄະນະຜູ້ແທນສະຫະພັນແຮງງານຫວຽດນາມ ໄດ້ຖະຫວາຍທູບທຽນ ເພື່ອລະນຶກເຖິງບັນດາວີລະຊົນພົນສະຫຼະ ຢູ່ສຸສານວີລະຊົນພົນສະຫຼະສາກົນ ຫວຽດນາມ - ລາວ.
ຍສໝ - Plan International ຫວຽດນາມ ຫາເກີດມີຄຳມັ້ນສັນຍາ ບ່ວງງົບປະມານສະໜັບສະໜູນສຸກເສີນ ມູນຄ່າ 350 ລ້ານດົ່ງ ໃຫ້ແກ່ນັກຮຽນ ໂຮງຮຽນປະຖົມ ຟຸກທານ ແລະ ໂຮງຮຽນລ້ຽງເດັກກ່ອນໄວຮຽນ ຟຸກທານ, ຕຳບົນ ເມືອງທານ, ແຂວງ ໄລເຈົາ, ພາຍຫຼັງເຫດການນ້ຳຊ່າມໄຫຼຊົ່ວຄາວ ສ້າງຄວາມເສຍຫາຍຢ່າງໜັກໜ່ວງ.
ຍສໝ - ພາຍໃນໄລຍະຫຼາຍປີທີ່ຜ່ານມາ, ອົງການກາແດງຫວຽດນາມ ສືບຕໍ່ຢັ້ງຢືນບົດບາດເປັນອົງການມະນຸດສະທຳຮັບຜິດຊອບສະເພາະ, ເປັນແກນນຳ, ເປັນຂົວຕໍ່ ແລະ ປະສານງານ ພາຍໃນວຽກງານມະນຸດສະທຳ. ໂດຍຜ່ານນັ້ນ ໄດ້ລະດົມທຶນໄດ້ກວ່າ 21.000 ຕື້ດົ່ງ, ໃຫ້ການຊ່ວຍເຫຼືອປະຊາຊົນທີ່ມີເງື່ອນໄຂຫຍຸ້ງຍາກ ກວ່າ 52 ລ້ານເທື່ອຄົນ.
ຍສໝ - ນັບຕັ້ງແຕ່ບັນດານະໂຍບາຍການເບິ່ງແຍງດູແລອັນແທດຕົວຈິງ ທີ່ສະຫງວນໃຫ້ແກ່ຜູ້ມີຄຸນງາມຄວາມດີຕໍ່ຊາດ ຕະຫຼອດຮອດການເດີນທາງຄົ້ນຫາແລະຄືນຊື່ໃຫ້ແກ່ບັນດາວິລະຊົນ, ນັກຮົບເສຍສະຫຼະຊີວິດເພື່ອຊາດ ໂດຍຜ່ານ "ບັ້ນຮົບ 500 ວັນແລະຄືນ", ວຽກງານ "ຕອບບຸນແທນຄຸນ" ພວມໄດ້ຮັບການຜັນຂະຫຍາຍຢ່າງເປັນລະບົບແລະຄົບຊຸດໃນທົ່ວປະເທດ, ສະແດງໃຫ້ເຫັນເຖິງຄວາມຮູ້ບຸນຄຸນ ແລະ ຄວາມຮັບຜິດຊອບຂອງພັກ, ລັດ ກໍຄືທົ່ວສັງຄົມ ເນື່ອງໃນໂອກາດສະເຫຼີມສະຫຼອງວັນທະຫານເສຍອົງຄະ - ນັກຮົບເສຍສະຫຼະຊີວິດເພື່ອຊາດ ຄົບຮອບ 79 ປີ, ທັງມຸ່ງໄປສູ່ຂີດໝາຍຄົບຮອບ 80 ປີ ຂອງວັນບຸນແຫ່ງການລະນຶກຄຸນອັນພິເສດນີ້.
ຍສໝ - ເອກະສານຖອດລະຫັດນາມລັບຂອງກົມກອງ 962, ແຜນຜັງເຂດຝັງສົບນັກຮົບເສຍສະຫຼະຊີວິດ 21 ທ່ານ ຢູ່ໂຮງໝໍ K76A T7 ເຂດທະຫານ 7, ພ້ອມກັບເອກະສານ ແລະ ວັດຖຸພັນທີ່ລະນຶກ ທີ່ພົວພັນເຖິງສະໜາມຮົບພາກຕາເວັນອອກສ່ຽງໃຕ້ ໃນໄລຍະປີ 1966-1972... ຫາກໍໄດ້ຮັບການສົ່ງມອບຈາກໂຄງການ "ຄວາມຄິດລິເລີ່ມຊອກຫາຄົນຫວຽດນາມຫາຍສາບສູນໃນປາງສົງຄາມ" (VWAI) ໃຫ້ແກ່ພາກສ່ວນກ່ຽວຂ້ອງຂອງຫວຽດນາມ, ເພື່ອຮັບໃຊ້ເຂົ້າໃນການກຳນົດຂອບເຂດທີ່ຕັ້ງຂຸມຝັງສົບ, ຊອກຫາພີ່ນ້ອງຍາດຕິພີ່ນ້ອງ ແລະ ສົມທຽບ DNA ພາຍໃນບັ້ນຮົບ 500 ວັນແລະຄືນ.
ຍສໝ - ພາຍຫຼັງຜັນຂະຫຍາຍເປັນເວລາຫຼາຍກວ່າສີ່ເດືອນ, "ບັ້ນຮົບ 500 ວັນ ແລະ ຄືນ" ໄດ້ສ້າງບາດກ້າວຫັນປ່ຽນຢ່າງແຂງແຮງ ແລະ ຕັ້ງໜ້າທີ່ສຸດ ເທົ່າທີ່ເຄີຍມີມາ ພາຍໃນວຽກງານຊອກຫາ, ທ້ອນໂຮມ ແລະ ພິສູດເອກະລັກອັດຖິ ຂອງບັນດາທະຫານທີ່ເສຍສະຫຼະຊີວິດເພື່ອຊາດ.
ຍສໝ - ດ້ວຍຍອດງົບປະມານກວ່າ 3,74 ຕື້ດົ່ງ, ໂຄງການດັ່ງກ່າວແມ່ນໄດ້ຮັບການອຸປະຖຳໂດຍພັນທະມິດກູ້ໄພ ເຢຍລະມັນ (ADH) ໂດຍຜ່ານອົງການ World Vision ເພື່ອຊ່ວຍເຫຼືອ 376 ຄອບຄົວ ຢູ່ສອງຕາແສງ ນາມຈາໝີ ແລະ ຈາເວີນ ພາຍໃນການສ້ອມແປງເຮືອນຊານບ້ານຊ່ອງ, ຟື້ນຟູລະບົບນ້ຳສະອາດ, ວຽກງານສຸຂາພິບານ ແລະ ຟື້ນຟູຊີວິດການເປັນຢູ່ພາຍຫຼັງການເກີດໄພພິບັດທຳມະຊາດ.
ຍສໝ - ບັນດາຄະນະປະຕິບັດງານຂອງ ຄະນະຊີ້ນຳ 515 ແລະ ກອງທັບເຂດ 3 ໄດ້ລົງກວດກາການຜັນຂະຫຍາຍ “ແຜນງານ 500 ວັນ ແລະ ຄືນ” ພາຍໃນການຊອກຫາ, ທ້ອນໂຮມ ແລະ ກຳນົດຕົວຕົນອັດຖິຂອງນັກຮົບເສຍສະຫຼະຊີບເພື່ອຊາດ ຢູ່ຫຼາຍທ້ອງຖິ່ນ; ໃນຂະນະດຽວກັນ ກໍສືບຕໍ່ຄົ້ນພົບ ແລະ ທ້ອນໂຮມອັດຖິນັກຮົບເສຍສະຫຼະຊີບເພື່ອຊາດເພີ່ມເຕີມ ຢູ່ດານັງ ແລະ ກາວບັງ.
ຍສໝ - ກຳແໜ້ນຄຳຊີ້ນຳຂອງທ່ານນາຍົກລັດຖະມົນຕີ ເລມິງຮຶງ ຢູ່ທີ່ພິທີ "ເດັດຂາດບໍ່ຢຸດເຊົາ ໃນເວລາທີ່ອັດຖິຂອງບັນດາທະຫານເສຍສະຫຼະຊີວິດເພື່ອຊາດ ຍັງບໍ່ທັນໄດ້ຮັບການເກັບໂຮມຢ່າງຄົບຖ້ວນ", ສູ້ຊົນບັນລຸ ແລະ ລື່ນກາຍຄາດໝາຍທີ່ວາງໄວ້ ຢູ່ທີ່ບັ້ນຮົບ 500 ວັນແລະຄືນ.
ຍສໝ - ບາງທັດສະນະຢູ່ເທິງເຄືອຂ່າຍອິນເຕີເນັດ ໄດ້ສວຍໂອກາດນຳໃຊ້ຄວາມຫຍຸ້ງຍາກ ຢູ່ເຂດພໍ່ແມ່ປະຊາຊົນບັນດາເຜົ່າສ່ວນໜ້ອຍ ແລະ ເຂດພູດອຍ ເພື່ອໃຫ້ທັດສະນະວ່າ ການຫັນປ່ຽນດິຈິຕອນ ພວມເຮັດໃຫ້ໄລຍະຫ່າງການຂະຫຍາຍຕົວເພີ່ມຂຶ້ນ, ພໍ່ແມ່ປະຊາຊົນບໍ່ໄດ້ຮັບຜົນປະໂຫຍດຢ່າງຄົບຖ້ວນ ຈາກໝາກຜົນຂອງການປະຕິວັດອຸດສາຫະກຳ ຄັ້ງທີ ສີ່. ເຖິງຢ່າງໃດກໍຕາມ, ເມື່ອເບິ່ງຈາກແຜນນະໂຍບາຍຂອງພັກ, ນະໂຍບາຍຂອງລັດ ແລະ ຕົວຈິງການຜັນຂະຫຍາຍ, ບັນດາການຮັບຮູ້ນັ້ນ ແມ່ນບໍ່ໄດ້ສະທ້ອນໃຫ້ເຫັນຢ່າງຖືກຕ້ອງ ເຖິງທາດແທ້ຂອງວິວັດທະນາການຂະຫຍາຍຕົວຢ່າງຮອບດ້ານ ທີ່ ຫວຽດນາມ ພວມສະແຫວງຫາ.
ຍສໝ - ລະບົບບັນດາສູນຫໍພິພິດທະພັນແຫ່ງຊາດ ພວມຊຸກຍູ້ການກວດກາ, ຂຸດຄົ້ນ ແລະ ຫັນເປັນດິຈິຕອນເທື່ອລະກ້າວ ຕໍ່ກັບແຫຼ່ງເອກະສານຫໍພິພິດທະພັນ ແນໃສ່ຮັບໃຊ້ໃຫ້ແກ່ມູນນິທິຂະບວນການ "500 ວັນ ແລະ ຄ່ຳຄືນ ຊຸກຍູ້ການປະຕິບັດການຊອກຄົ້ນ, ເກັບໂຮມ ແລະ ກຳນົດເອກະລັກອັດຖິສະຫາຍນັກຮົບເສຍສະຫຼະຊີວິດເພື່ອຊາດ". ຫຼາກຫຼາຍສຳນວນເອກະສານ, ເອກະສານຂໍ້ມູນທີ່ມີຄຸນຄ່າ ແມ່ນໄດ້ຮັບການຄົ້ນພົບ, ປະກອບສ່ວນເພີ່ມເຕີມເຂົ້າໃນຖານຂໍ້ມູນຮັບໃຊ້ການກວດສອບຂໍ້ມູນຂ່າວສານ, ພ້ອມທັງເປີດທິດທາງການປະຍຸກໃຊ້ນຳໃຊ້ເຕັກໂນໂລຊີດິຈິຕອນ ແລະ ປັນຍາປະດິດ (AI) ພາຍໃນຂົງເຂດຫໍພິພິດທະພັນ.
ຍສໝ - ໃນຕອນບ່າຍວັນທີ 22 ມິຖຸນາ, ຄະນະຊີ້ນຳ 515 ແຂວງ ອານຢາງ ໄດ້ຈັດຕັ້ງກອງປະຊຸມທາງໄກ (ອອນລາຍ) ຜັນຂະຫຍາຍ “ບັ້ນຮົບ 500 ວັນ ແລະ ຄືນ ເພື່ອຍູ້ແຮງການຈັດຕັ້ງປະຕິບັດການຊອກຫາ, ເກັບກູ້ ແລະ ຢັ້ງຢືນຕົວຕົນອັດຖິນັກຮົບເສຍສະຫຼະຊີວິດເພື່ອຊາດ” ແລະ ວຽກງານການເກັບກູ້, ມອບ-ຮັບຕົວຢ່າງອັດຖິນັກຮົບເສຍສະຫຼະຊີວິດເພື່ອຊາດ ຢູ່ພາຍໃດທ້ອງຖິ່ນແຂວງ. ຕາມແຜນການແລ້ວ, ທ້ອງຖິ່ນແມ່ນສູ້ຊົນໃຫ້ສຳເລັດການເກັບກູ້ຕົວຢ່າງອັດຖິນັກຮົບເສຍສະຫຼະຊີວິດເພື່ອຊາດ ທີ່ຍັງບໍ່ທັນສາມາດຢັ້ງຢືນຂໍ້ມູນໄດ້ ຈຳນວນ 15.747 ຕົວຢ່າງ ເພື່ອຮັບໃຊ້ເຂົ້າພາຍໃດການກວດພິສູດ ADN, ອັນເປັນການປະກອບສ່ວນເລັ່ງລັດຄວາມໄວ ຂອງຂະບວນການຢັ້ງຢືນຕົວຕົນຂອງບັນດານັກຮົບເສຍສະຫຼະຊີວິດເພື່ອຊາດ.
ຍສໝ - ວັນທີ 16 ມິຖຸນາ, ຄະນະຊີ້ນຳການຊອກຫາ, ທ້ອນໂຮມ ແລະ ກຳນົດຕົວຕົນອັດຖິທະຫານເສຍສະຫຼະຊີວິດເພື່ອຊາດ ນະຄອນ ເຫ້ວ ໄດ້ປະສານງານຮ່ວມກັບ ຄະນະກຳມະການປະຊາຊົນຕາແສງ ອານກິວ (An Cựu) (ນະຄອນ ເຫ້ວ) ຈັດຕັ້ງການເກັບຕົວຢ່າງອັດຖິທະຫານເສຍສະຫຼະຊີວິດເພື່ອຊາດ ທີ່ຍັງບໍ່ທັນສາມາດກຳນົດຕົວຕົນໄດ້ ເພື່ອຮັບໃຊ້ເຂົ້າໃສ່ວຽກງານການກວດພິສູດ DNA ຢູ່ທີ່ ປ່າຊ້າທະຫານເສຍສະຫຼະຊີວິດເພື່ອຊາດ ນະຄອນ ເຫ້ວ.
ຍສໝ - ເມື່ອບໍ່ດົນມານີ້, ທ່ານເອກອັກຄະລັດຖະທູດ ມາຍຟານຢຸ້ງ (Mai Phan Dũng) - ຫົວໜ້າຄະນະຜູ້ແທນ ຫວຽດນາມ ປະຈຳ Geneva ໄດ້ເຂົ້າຮ່ວມ ແລະ ກ່າວປາໄສຢູ່ພາຍໃດ ວາລະກອງປະຊຸມຄົບຄະນະ ຂອງກອງປະຊຸມໃຫຍ່ແຮງງານສາກົນ ຄັ້ງທີ 114 (ILC114) ຂອງອົງການແຮງງານສາກົນ (ILO).
ຍສໝ - ແຕ່ວັນທີ 8-12/6, ໂຄງການ “ການເດີນທາງຫວ່ານເມັດພັນຂຽວແຫ່ງຄວາມຫວັງ” ຜ່າຕັດເດັກພິການທີ່ມີເງື່ອນໄຂຄອບຄົວຝືດເຄືອງ ຢູ່ພາຍໃດທ້ອງຖິ່ນແຂວງ ດຽນບຽນ ປະຈຳປີ 2026 ແມ່ນໄດ້ຈັດຂຶ້ນຢູ່ທີ່ ໂຮງໝໍມະໂຫສົດແຂວງ. ພາຍໃດນັ້ນ, ມີເດັກນ້ອຍທີ່ປະສົບກັບຮູບແບບຄວາມພິການຕ່າງໆຈຳນວນ 370 ຄົນ ໄດ້ຮັບການສະໜັບສະໜູນເພື່ອເຂົ້າຮັບການກວດພະຍາດ, ວິນິດໄສຮ່ວມ, ປິ່ນປົວ ແລະ ຜ່າຕັດ.
ຍສໝ - ໃນຕອນເຊົ້າວັນທີ 8/6, ສະຫະພັນບັນດາອົງການຈັດຕັ້ງມິດທະພາບແຂວງ ອານຢາງ (An Giang), ອົງການ Sunflower Mission (ອາເມລິກາ) ຮ່ວມກັບ ຄະນະກຳມະການປະຊາຊົນຕາແສງ ອານຝູ (An Phú) ຈັດຕັ້ງພິທີສະຫຼອງ ແລະ ມອບ-ຮັບ ຫ້ອງຮຽນຈຳນວນ 6 ຫ້ອງ ຢູ່ທີ່ໂຮງຮຽນປະຖົມ "B" ວິງໂຮ້ຍດົງ.
ຍສໝ - ວັນທີ 3/6, ກົມກວດພະຍາດແມ່ ແລະ ເດັກ, ກະຊວງສາທາລະນະສຸກ ພ້ອມດ້ວຍ ລະບົບນິເວດການແພດ Tam Anh - VNVC - ECO - Nutrihome ໄດ້ລົງນາມໃນບົດບັນທຶກຄວາມເຂົ້າໃຈຮ່ວມມື ເພື່ອຜັນຂະຫຍາຍຂະບວນການເບີກຈ່າຍ ແລະ ເບິ່ງແຍງດູແລສຸຂະພາບຢ່າງຮອບດ້ານ ໃຫ້ແກ່ເດັກນ້ອຍ ແລະ ແມ່ຍິງ ໃນທົ່ວປະເທດ ຢ່າງພ້ອມກັນ.
ຍສໝ - ຍ້ອນການຫັນກະບວນການຂັ້ນຕອນໃຫ້ມີຄວາມງ່າຍດາຍ ແລະ ການນຳໃຊ້ເຕັກໂນໂລຊີ, ຂະແໜງສາທາລະນະສຸກ ແຂວງກວາງຈິ ໄດ້ໃຫ້ການສະໜັບສະໜູນຢ່າງມີປະສິດທິຜົນ ແກ່ຜູ້ປ່ວຍ HIV ຫຼາຍຮ້ອຍຄົນ ໃຫ້ສາມາດເຂົ້າເຖິງການປິ່ນປົວໄດ້ແຕ່ຫົວທີ, ຮັກສາຄວາມລັບຂອງຂໍ້ມູນ ແລະ ມີສຸຂະພາບທີ່ສະຖຽນລະພາບ.
ຍສໝ - ການກວດຫາເຊື້ອ HIV ພາຍໃນຊຸມຊົນ, ການປິ່ນປົວປ້ອງກັນກ່ອນການສຳຜັດເຊື້ອ (PrEP), ການແຈກຢາຍຢາ ເມທາໂດນ (Methadone) ສຳລັບຫຼາຍວັນ ຫຼື ການເຂົ້າຮ່ວມຂອງບັນດາກຸ່ມຊຸມຊົນ ພວມຊ່ວຍໃຫ້ວຽກງານການປ້ອງກັນ ແລະ ຕ້ານ HIV/AIDS ເຂົ້າເຖິງໄດ້ໃກ້ຊິດກັບຜູ້ທີ່ມີຄວາມສ່ຽງ ແລະ ຜູ້ປ່ວຍກວ່າເກົ່າ. ຈາກພຶດຕິກຳຕົວຈິງຢູ່ຫຼາກຫຼາຍທ້ອງຖິ່ນ, ຂະແໜງສາທາລະນະສຸກພວມຄ່ອຍໆປັບປຸງວິທີການຈັດຕັ້ງປະຕິບັດ ໄປໃນທິດທາງທີ່ມີຄວາມຢືດຢຸ່ນ, ຫຼຸດຜ່ອນອຸປະສັກໃນການເຂົ້າເຖິງບໍລິການ ແລະ ຮັກສາການປິ່ນປົວໃນໄລຍະຍາວ.
ຍສໝ - ການໃຫ້ຄຳປຶກສາຜ່ານເຄືອຂ່າຍສັງຄົມອອນລາຍ, ການສະໜັບສະໜູນການກວດຫາເຊື້ອ HIV ພາຍໃນຊຸມຊົນ, ການເຊື່ອມຕໍ່ເຂົ້າສູ່ການປິ່ນປົວດ້ວຍຢາ ARV ຫຼື ການນຳພາຜູ້ທີ່ລະເລີຍການປິ່ນປົວກັບຄືນເຂົ້າສູ່ສະຖານທີ່ບໍລິການທາງການແພດ... ແມ່ນບັນດາວຽກງານທີ່ພວມໄດ້ຮັບການຈັດຕັ້ງປະຕິບັດໂດຍ ຫຼາກຫຼາຍອົງການຈັດຕັ້ງທີ່ອີງໃສ່ຊຸມຊົນ (CBO) ຢູ່ຕາມບັນດາທ້ອງຖິ່ນ. ໃນບໍລິບົດທີ່ບັນຫາ HIV/AIDS ນັບມື້ນັບມີຄວາມຫຍຸ້ງຍາກໃນການເຂົ້າເຖິງຕາມແບບດັ້ງເດີມ, ບັນດາກຸ່ມຊຸມຊົນເຫຼົ່ານີ້ ພວມກາຍເປັນກຳລັງແຮງສະໜັບສະໜູນອັນສຳຄັນ ໃຫ້ແກ່ລະບົບການປ້ອງກັນ ແລະ ຕ້ານ HIV/AIDS ນັບຕັ້ງແຕ່ຂັ້ນຮາກຖານ.
ຍສໝ - ການເປີດໂຮງທານ (ເຮືອນຄົວການກຸສົນ), ການຮັກສາຮ້ານຂາຍຢາພື້ນເມືອງ (ຢາພື້ນເມືອງຕາເວັນອອກ), ການສ້າງຕັ້ງຮູບແບບ "02 ສະຫງົບ", "03 ຮ່ວມເດີນທາງ"... ຫຼາຍອົງການຈັດຕັ້ງສາສະໜາ ຢູ່ ຫວຽດນາມ ພວກກຳລັງຂະຫຍາຍບົດບາດທາງດ້ານສັງຄົມ ຈາກກິດຈະກຳການກຸສົນ ໄປສູ່ການເບິ່ງແຍງດູແລຊຸມຊົນ, ການຮັກສາຄວາມສະຫງົບຮຽບຮ້ອຍຢູ່ຕາມເຂດຊຸມຊົນ ແລະ ການຊ່ວຍເຫຼືອຜູ້ດ້ອຍໂອກາດ ຢູ່ທີ່ຮາກຖານໂດຍກົງ.
ຍສໝ - ພາຍຫຼັງກອງປະຊຸມໃຫຍ່ຜູ້ແທນທົ່ວປະເທດ ແນວໂຮມປະເທດຊາດ ຫວຽດນາມ ຄັ້ງທີ XI, ການນຳແນວໂຮມປະເທດຊາດ ຫວຽດນາມ ໃຫ້ຮູ້ວ່າ ຈະດຳເນີນການກວດກາຄືນບັນດາຂະບວນການແຂ່ງຂັນທັງໝົດ, ກ້າຫານທີ່ຈະຢຸດຕິບັນດາການເຄື່ອນໄຫວທີ່ມີລັກສະນະຮູບການ, ພ້ອມທັງຜັນຂະຫຍາຍບັນດາຮູບແບບໃໝ່ ເຊັ່ນ: "ເດືອນຮັບຟັງສຽງປະຊາຊົນ", "ແນວໂຮມດິຈິຕອນ", "ໝູ່ບ້ານດິຈິຕອນ" ເພື່ອເພີ່ມທະວີການພົວພັນໂດຍກົງກັບປະຊາຊົນ ແລະ ຍົກສູງປະສິດທິຜົນໃນການຕິດຕາມກວດກາ, ວິພາກວິຈານສັງຄົມ.
ຍສໝ - "ແນວໂຮມດີຈີຕອນ" - ພື້ນທີ່ໃໝ່ເພື່ອເຂົ້າເຖິງ, ຮັບ ແລະ ຕອບຮັບຄຳເຫັນຂອງປະຊາຊົນ ຈາກໂທລະສັບພຽງໜ່ວຍດຽວ, ຫຼາຍການສະທ້ອນກ່ຽວກັບສະພາບແວດລ້ອມ, ຜັງເມືອງ ຫຼື ຊີວິດການເປັນຢູ່ຂອງປະຊາຊົນ ໃນປັດຈຸບັນແມ່ນບໍ່ຈຳເປັນຕ້ອງຄອຍຖ້າຈົນຮອດກອງປະຊຸມຢູ່ເຂດທີ່ພັກອາໄສອີກຕໍ່ໄປ, ແຕ່ໄດ້ຖືກສົ່ງກົງໄປຫາບັນດາກຸ່ມ Zalo, Fanpage ຫຼື ປະຕູປະກອບຄຳເຫັນອອນລາຍຂອງ ແນວໂຮມ. ດ້ວຍເຫດນັ້ນ, "ແນວໂຮມດີຈີຕອນ" ຈຶ່ງບໍ່ແມ່ນພຽງແຕ່ເລື່ອງຂອງຊອບແວ (Software) ຫຼື ແອັບພລິເຄຊັນ (Application) ເທົ່ານັ້ນ, ແຕ່ພວມປ່ຽນແປງວິທີການທີ່ວຽກງານ ແນວໂຮມ ເຂົ້າເຖິງ, ຮັບເອົາ ແລະ ຕອບຮັບຄຳເຫັນຂອງປະຊາຊົນ.
ຍສໝ - ພາຍຫຼັງເຫດການຝົນຕົກ ແລະ ນ້ຳຖ້ວມໃນທ້າຍປີ 2025, ຫຼາຍຄອບຄົວຢູ່ຕາແສງ ຮວາທິ້ງ (Hòa Thịnh) (ແຂວງ ດັກລັກ - Đắk Lắk) ຕ້ອງຕົກຢູ່ໃນສະພາບທີ່ບໍ່ມີທີ່ຢູ່ອາໄສ. ແຕ່ພຽງແຕ່ໄລຍະເວລາເດືອນປາຍເທົ່ານັ້ນ, ເຮືອນໃໝ່ຫຼາຍຫຼັງກໍໄດ້ຮັບການກໍ່ສ້າງໃຫ້ສຳເລັດທັນກ່ອນລະດູໃບໄມ້ປົ່ງ ຈາກແຫຼ່ງທຶນຊ່ວຍເຫຼືອຂອງລັດ, ການຮ່ວມແຮງຮ່ວມໃຈຂອງສັງຄົມ ແລະ ວິວັດທະນາການປຸກລະດົມ, ເຊື່ອມຕໍ່ການຊ່ວຍເຫຼືອຈາກລະບົບແນວໂຮມປະເທດຊາດ ຫວຽດນາມ.
ຍສໝ - ບັນດາຫ້ອງຝຶກອົບຮົມທີ່ຈັດຂຶ້ນຢູ່ພາຍໃນວິຫານອິດສະລາມ ໂດຍມີການເຂົ້າຮ່ວມຂອງບັນດາພະເຖລານຸເຖລະທາງພຸດທະສາສະໜາ; ບັນດາໂຮງຄົວສົງເຄາະຊ່ວຍເຫຼືອຊຸມຊົນໃນໄລຍະການລະບາດໃຫຍ່ຂອງພະຍາດ COVID-19; ການເຄື່ອນໄຫວປະສານສົມທົບເບິ່ງແຍງດູແລຜູ້ປ່ວຍ HIV/AIDS ຢູ່ ເຫ້ວ (Huế)... ແມ່ນໜຶ່ງໃນບັນດາຮູບແບບການຮັດແໜ້ນຄວາມສາມັກຄີ ແລະ ປະສານສົມທົບລະຫວ່າງສາສະໜາທີ່ດີເດັ່ນຢູ່ ຫວຽດນາມ.
ຍສໝ - ປະຕິບັດຕາມມະຕິສະບັບເລກທີ 75/2025/NQ-HĐND ຂອງສະພາປະຊາຊົນແຂວງ ກ່ຽວກັບນໂຍບາຍຊ່ວຍເຫຼືອໃນການອະນຸລັກ, ເສີມຂະຫຍາຍພາສາຊົນເຜົ່າສ່ວນໜ້ອຍ ໄລຍະ 2025 - 2030, ບັນດາທ້ອງຖິ່ນ ແລະ ຮາກຖານການສຶກສາໃນທົ່ວແຂວງ ໄດ້ຕັ້ງໜ້າຜັນຂະຫຍາຍບັນດາຫ້ອງຮຽນຖ່າຍທອດພາສາຊົນເຜົ່າ, ປະກອບສ່ວນຮັກສາເອກະລັກວັດທະນະທຳ ແລະ ຍົກສູງປະສິດທິຜົນການສຶກສາ ຢູ່ເຂດພໍ່ແມ່ປະຊາຊົນບັນດາເຜົ່າ.
