| World Vision ຊຸກຍູ້ການດູແລໂພຊະນາຫານຢ່າງຄົບຖ້ວນໃຫ້ແກ່ເດັກນ້ອຍຫວຽດນາມ World Vision International ປະຈຳ ຫວຽດນາມ ແລະ EU ໜູນຊ່ວຍເດັກອໍທິດສະຕິກ ແລະ ຄວາມພິການທີ່ສະຕິປັນຍາ ຢູ່ ດ່າໜັງ |
ສອງຝ່າຍໄດ້ລົງນາມໃນບົດບັນທຶກຄວາມເຂົ້າໃຈ ເພື່ອຜັນຂະຫຍາຍທົດລອງຮູບແບບການລ້ຽງກຸ້ງທີ່ປັບຕົວຕໍ່ການປ່ຽນແປງສະພາບອາກາດ ຕາມແນວທາງແບບທົ່ວເຖິງ ຢູ່ຕາແສງ ຫວິ້ງຖ້ວນ (ແຂວງ ອານຢາງ). ນີ້ແມ່ນເຂດທີ່ໄດ້ຮັບຜົນກະທົບຈາກການປ່ຽນແປງສະພາບອາກາດຢ່າງຫຼວງຫຼາຍ, ບ່ອນທີ່ຊີວິດການເປັນຢູ່ຂອງປະຊາຊົນ ແລະ ການພັດທະນາຂອງເດັກນ້ອຍ ຂຶ້ນກັບສະພາບດິນ, ແຫຼ່ງນ້ຳ ແລະ ການຜະລິດກະສິກຳຢ່າງໃກ້ຊິດ.
ຕາມຂໍ້ຕົກລົງການຮ່ວມມື, ບັນດາຄອບຄົວລ້ຽງກຸ້ງ ຈະໄດ້ຮັບການສະໜັບສະໜູນໃຫ້ນຳໃຊ້ຂະບວນການລ້ຽງກຸ້ງແບບຍືນຍົງ ຕາມມາດຕະຖານຂອງ ສະພາບໍລິຫານການລ້ຽງສັດນ້ຳ (ASC), ຍົກສູງຄວາມສາມາດໃນການຮັບມືກັບຜົນກະທົບຈາກການປ່ຽນແປງສະພາບອາກາດ ເຊັ່ນ ນ້ຳຖ້ວມ ແລະ ການລຸກລາມຂອງນ້ຳເຄັມ, ພ້ອມທັງເຊື່ອມຕໍ່ກັບຕະຫຼາດທີ່ໝັ້ນຄົງ ຜ່ານ ບໍລິສັດ ຈຳກັດ ສັງຄົມ ກຸ້ງຮັບຮອງ ມິງຟູ. ໂຄງການໃຫ້ຄວາມສຳຄັນແກ່ການມີສ່ວນຮ່ວມຂອງຄອບຄົວລ້ຽງກຸ້ງຂະໜາດນ້ອຍ, ແມ່ຍິງ, ຊົນເຜົ່າຊົນເຜົ່ານ້ອຍ, ຄົນພິການ ແລະ ບັນດາກຸ່ມທີ່ດ້ອຍໂອກາດ.
 |
| ອົງການ World Vision International ປະຈຳ ຫວຽດນາມ ແລະ ບໍລິສັດ ຈຳກັດ ສັງຄົມ ກຸ້ງຮັບຮອງ ມິງຟູ ໄດ້ລົງນາມໃນບົດບັນທຶກຄວາມເຂົ້າໃຈ (MoU). |
ກິດຈະກຳດັ່ງກ່າວ ແມ່ນດຳເນີນພາຍໃຕ້ໂຄງການ BASIN - ເສີມສ້າງການເຂົ້າເຖິງຕະຫຼາດກະສິກຳ ຜ່ານຮູບແບບທຸລະກິດແບບທົ່ວເຖິງ ທີ່ປັບຕົວຕໍ່ການປ່ຽນແປງສະພາບອາກາດໃຫ້ແກ່ຊຸມຊົນ. ໂຄງການໄດ້ຮັບທຶນສະໜັບສະໜູນຈາກລັດຖະບານ ອົດສະຕຣາລີ ຜ່ານໂຄງການຄູ່ຮ່ວມມື ແມ່ນ້ຳຂອງ - ອົດສະຕຣາລີ, ໂດຍດຳເນີນໃນໄລຍະ 2025-2029 ຢູ່ ກຳປູເຈຍ, ລາວ ແລະ ຫວຽດນາມ ເພື່ອເສີມສ້າງຄວາມສາມາດຮັບມືດ້ານເສດຖະກິດໃຫ້ແກ່ລະບົບກະສິກຳ - ອາຫານ ຜ່ານການພັດທະນາກະສິກຳອັດສະລິຍະທີ່ສອດຄ່ອງກັບສະພາບອາກາດ ແລະ ຕະຫຼາດແບບທົ່ວເຖິງ.
ຜ່ານບົດບັນທຶກຄວາມເຂົ້າໃຈ, ໂຄງການ BASIN ແລະ ບໍລິສັດ ມິງຟູ ຈະປະສານງານເພື່ອຍົກສູງຄວາມສາມາດດ້ານວິຊາການໃຫ້ແກ່ຄອບຄົວລ້ຽງກຸ້ງ, ປັບປຸງຄຸນນະພາບຜະລິດຕະພັນ, ເພີ່ມທະວີຄວາມສາມາດໃນການສືບຄົ້ນແຫຼ່ງກຳເນີດ ແລະ ຄ່ອຍໆຕອບສະໜອງບັນດາມາດຕະຖານຂອງວິສາຫະກິດ ກໍຄືຄວາມຮຽກຮ້ອງຂອງຕະຫຼາດ. ສອງຝ່າຍຍັງມຸ່ງເສີມສ້າງການເຊື່ອມໂຍງລະຫວ່າງຄອບຄົວຜູ້ລ້ຽງ, ກຸ່ມຮ່ວມມື, ສະຫະກອນ, ວິສາຫະກິດ ແລະ ອົງການປົກຄອງທ້ອງຖິ່ນ ເພື່ອກໍ່ສ້າງ, ຕິດຕາມ ແລະ ຂະຫຍາຍຮູບແບບທຸລະກິດແບບທົ່ວເຖິງ ທີ່ປັບຕົວຕໍ່ການປ່ຽນແປງສະພາບອາກາດ ໃນຕ່ອງໂສ້ມູນຄ່າກຸ້ງ.
ກ່າວຄຳປາໄສໃນພິທີລົງນາມ, ທ່ານ ເລິມຖາຍຊວຽນ, ຜູ້ອຳນວຍການ ບໍລິສັດ ຈຳກັດ ສັງຄົມ ກຸ້ງຮັບຮອງ ມິງຟູ, ກ່າວວ່າ ວິສາຫະກິດປາຖະໜາຢາກຮ່ວມເດີນທາງຢ່າງຍາວນານກັບຜູ້ລ້ຽງກຸ້ງຢູ່ ອານຢາງ, ບໍ່ພຽງແຕ່ໃນໄລຍະດຳເນີນໂຄງການ BASIN ເທົ່ານັ້ນ ແຕ່ຍັງລວມເຖິງຫຼັງຈາກໂຄງການສິ້ນສຸດ, ເພື່ອປະກອບສ່ວນປັບປຸງຊີວິດການເປັນຢູ່ ແລະ ຊຸກຍູ້ຮູບແບບການລ້ຽງກຸ້ງຢ່າງຍືນຍົງ.
ທ່ານ Doseba Sinay, ຫົວໜ້າຜູ້ແທນ World Vision International ປະຈຳ ຫວຽດນາມ ເນັ້ນໜັກວ່າ ການຮ່ວມມືຄັ້ງນີ້ ສະທ້ອນໃຫ້ເຫັນວິໄສທັດຂອງ World Vision ໃນການຊ່ວຍໃຫ້ຄອບຄົວມີລາຍຮັບທີ່ຍືນຍົງ ແລະ ມີຄວາມສາມາດຮັບມືທີ່ດີຂຶ້ນ ເພື່ອໃຫ້ເດັກນ້ອຍ, ໂດຍສະເພາະເດັກນ້ອຍທີ່ຢູ່ໃນສະພາບສ່ຽງ, ໄດ້ຮັບການພັດທະນາຢ່າງຮອບດ້ານ. ທ່ານ ໄດ້ຢືນຢັນວ່າ World Vision ມີຄວາມມຸ່ງໝັ້ນ ໃນການຮັບປະກັນໃຫ້ແມ່ຍິງ, ຄົນພິການ, ຊົນເຜົ່າຊົນເຜົ່ານ້ອຍ ແລະ ກຸ່ມຜູ້ດ້ອຍໂອກາດ ໄດ້ມີສ່ວນຮ່ວມ ແລະ ໄດ້ຮັບການເສີມພະລັງ, ເພື່ອບໍ່ໃຫ້ຄອບຄົວໃດຖືກປະຖິ້ມໄວ້ຂ້າງຫຼັງ.
ທ່ານ Doseba Sinay ຍັງເຫັນວ່າ ບົດບັນທຶກຄວາມເຂົ້າໃຈ ບໍ່ພຽງແຕ່ເປັນຂໍ້ຕົກລົງການຮ່ວມມືເທົ່ານັ້ນ, ແຕ່ຍັງສະທ້ອນເຖິງຄຳໝັ້ນສັນຍາຮ່ວມກັນຂອງບັນດາຝ່າຍ ໃນການເຊື່ອມຕໍ່ແຫຼ່ງກຳລັງຈາກອົງການພາກລັດ, ວິສາຫະກິດ, ຄູ່ຮ່ວມພັດທະນາ ແລະ ຊຸມຊົນ ເພື່ອແກ້ໄຂສິ່ງທ້າທາຍທີ່ບັນດາຄອບຄົວກະສິກອນຂະໜາດນ້ອຍ ກຳລັງປະສົບ ຈາກການປ່ຽນແປງສະພາບອາກາດ, ຄວາມຜັນຜວນຂອງຕະຫຼາດ ແລະ ຄວາມຮຽກຮ້ອງທີ່ນັບມື້ນັບສູງຂຶ້ນ ຕໍ່ການຜະລິດກະສິກຳແບບຍືນຍົງ.
ຕາມແຜນການ, ໄລຍະທົດລອງຂອງຮູບແບບ ຈະຖືກດຳເນີນຜ່ານຢ່າງໜ້ອຍ 2 ລະດູການລ້ຽງກຸ້ງຕິດຕໍ່ກັນ, ຄາດວ່າຈະດຳເນີນໃນລະດູການປີ 2027-2028. ບົດບັນທຶກຄວາມເຂົ້າໃຈ ມີຜົນບັງຄັບໃຊ້ຈົນເຖິງວັນທີ 31 ທັນວາ 2028. ຄຽງຄູ່ກັບກິດຈະກຳນີ້, World Vision ຍັງສືບຕໍ່ຊອກຫາຄູ່ຮ່ວມມືທາງທຸລະກິດເພີ່ມຕື່ມ ເພື່ອຂະຫຍາຍບັນດາຂໍ້ລິເລີ່ມ ສະໜັບສະໜູນຊີວິດການເປັນຢູ່ທີ່ປັບຕົວຕໍ່ການປ່ຽນແປງສະພາບອາກາດ ຢູ່ແຂວງ ອານຢາງ.
 World Vision ຕ້ອງມີຄວາມເອົາໃຈໃສ່ກ່ວາອີກຕໍ່ເດັກນ້ອຍ ຫວຽດນາມ ທີ່ປະສົບກັບຄວາມຫຍຸ້ງຍາກ ຍສໝ - ທີ່ການພົບປະ, ຜູ້ຕາງໜ້າ WVI ໃຫ້ຮູ້ວ່າ: ພວມຜັນຂະຫຍາຍຍຸດທະສາດດຳເນີນງານໄລຍະ 2023-2027 ເພື່ອແນໃສ່ພັດທະນາສາຍພົວພັນຮ່ວມມືລະຫວ່າງ WVI ກັບບັນດາຄູ່ຮ່ວມມື, ສືບຕໍ່ຍົກສູງປະສິດທິຜົນຂອງບັນດາໂຄງການ, ປະກອບສ່ວນພັດທະນາແບບຍືນຍົງຢູ່ຫວຽດນາມ. |
 World Vision ພ້ອມກັບ ຫວຽດນາມ ເພື່ອປົກປ້ອງເດັກນ້ອຍໃນທາງອິນເຕີເນັດ ຍສໝ - “ໃນຄວາມມານະພະຍາຍາມເພື່ອສ້າງສະພາບແວດລ້ອມອິນເຕີເນັດທີ່ປອດໄພ ແລະ ມີປະສິດທິຜົນໃຫ້ເດັກນ້ອຍ, World Vision International ຢູ່ ຫວຽດນາມ ຍາມໃດກໍ່ສຸມໃສ່ໃນບັນດາວິທີທີ່ເຂົ້າເຖິງການເົອາເດັກນ້ອຍເປັນໃຈກາງ. World Vision ພິເສດຖືເປັນສຳຄັນລາຍການສຶກສາທັກສະດິຈິຕອນຮອບດ້ານ ເພື່ອໃຫ້ເດັກນ້ອຍທັງຮູ້ຈັກວິທີປ້ອງກັນຕົນເອງ ແລະ ທັງສາມາດນຳໃຊ້ອິນເຕີເນັດຢ່າງສ້າງສັນ. ພ້ອມກັນນັ້ນ, ກໍ່ມີສະຕິເຖິງບົດບາດເປັນເຈົ້າການຂອງຕົນໃນການສ້າງສະພາບແວດລ້ອມອິນເຕີເນັດທີ່ປອດໄພ ແລະ ມີປະສິດທິຜົນ". |
ມິງດຶກ
