ຫ້ອງຮຽນພາສາຫວຽດ ຢູ່ ລາວ

11:20 2018/12/24

ເພື່ອແນໃສ່ຮັກສາເກົ້າເຄົ້າຂອງຕົນ, ນັກຮຽນຫຼາຍຮ້ອຍຄົນຢູ່ສະຫວັນນະເຂດ(ລາວ) ແຕ່ລະມື້ຍັງຄົງຮຽນພາສາຫວຽດ ກັບ ຄູອາຈານ ແຂວງກວ້າງຈິ.

ຫ້ອງຮຽນພາສາຫວຽດ ຢູ່ ລາວ
ຊົ່ວໂມງສອນວິຊາດົນຕີຂອງ ສາວຄູ ຮວ່ຽນ.

ສາວຄູ ເຈີ່ນ ຖິແທັງຮວ່ຽນ ເຂົ້າຫ້ອງ, ນ້ອງນັກຮຽນຫ້ອງ ມໍ1 ໂຮງຮຽນ ມິດຕະພາບ ລາວ-ຫວຽດ (ນະຄອນ ໄກສອນ ພົມວິຫານ, ແຂວງ ສະຫວັນນະເຂດ) ລຸກຂື້ນ, ເວົ້າວ່າ: “ ພວກຫຼານ ສະບາຍດີສາວຄູ”. ສາວຄູ ອາຍຸ 25ປີ, ເກີດຢູ່ ວິງລິງ, ແຂວງກວ້າງຈິ ຕັ້ງລຳໂພງຂື້ນເທິງໂຕະ ແລະ ບອກພວກນ້ອງນັກຮຽນນັ່ງລົງ.

ນັກຮຽນໃນຫ້ອງ ໃສ່ຊຸດເຄື່ອງແບບນັກຮຽນ ເສື້ອຂາວ ໂສ້ງດຳ ເປີດປື້ມ ວິຊາດົນຕີຂື້ນມາ. ສາວຄູ ຮວ່ຽນ ເລີ່ມຊົ່ວໂມງສອນດ້ວຍການໃຫ້ນັກຮຽນທັງຫ້ອງ ທວນຄືນບົດເພງ “ ຂອງຂວັນແດ່ສາວຄູ” . ໃນສຽງກັບວານຂອງສຽງເພງ, ນັກຮຽນທັງໝົດເປັ່ງສຽງຂື້ນ “ ພວກນ້ອງນັກຮຽນຮັກສາວຄູຍ້ອນສາວຄູທັງງາມທັງໃຈດີ”.

ເພື່ອເປັນການຕອບແທນບຸນຄຸນຂອງສາວຄູ, ສາວຄູ ຮວ່ຽນ ໄດ້ສອນຮ້ອງເພງເປັນພາສາຫວຽດ ຫຼາຍເພງ... ໃນຊົ່ວໂມງສອນຂອງ ເອື້ອຍຄູຮ່ວຽນ ຍາມໃດກໍ່ມີຄວາມຟົດຟື້ນ ແລະ ນັກຮຽນທຸກຄົນໃຜໆກໍ່ມັກ. ນອກຈາກສອນຮ້ອງເພງແລ້ວ ສາວຄູຮວ່ຽນ ຍັງສອນຟ້ອນ, ເຕັ້ນ. ໃນໂອກາດສຳຄັນຕ່າງໆ, ສາວຄູກໍ່ໄດ້ຈັດການແຂ່ງຂັນ ແຕ້ມຮູບ, ວາດພາບ ແລະ ສະແດງວັນນະຄະດີ.

ຫ້ອງຮຽນພາສາຫວຽດ ຢູ່ ສະຫວັນນະເຂດ.

ຕາມການສັງເກດຂອງສາວຄູ ຮວ່ຽນ ແລະ ອາຈານຜູ້ອື່ນ ບັນດານ້ອງນັກຮຽນ ຫວຽດກ່ຽວ ຢູ່ ລາວ ມັກຮຽນ ພາສາຫວຽດ ຫຼາຍ, ໄກ້ສິດ ແລະ ຮັກແພງຄູອາຈານທີ່ມາຈາກຫວຽດນາມຫຼາຍ.  ລະບົບການຮຽນ ແລະ ສິດສອນ ພື້ນຖານກໍ່ຄ້າຍຄືກັບ ລະບົບຂອງຫວຽດນາມ. ຢູ່ ລາວ ພາສາຫວຽດ ເປັນຄືພາສາທີສອງ, ຮອງຈາກພາສາ ອັງກິດ. ເນື້ອໃນການສິດສອນ ແມ່ນສອນຕາມ ຮ່າງການສອນພາສາຫວຽດ ໃຫ້ແກ່ຄົນຫວຽດນາມ ຢູ່ ຕ່າງປະເທດ ຂອງ ກະຊວງສຶກສາ ແລະ ບຳລຸງສ້າງ ຫວຽດນາມ.

ທິດໜຶ່ງ ນ້ອງນັກຮຽນຈະໄດ້ຮຽນ 10 ຊົ່ວໂມງ ເປັນພາສາຫວຽດ. ໃນນັ້ນ ປ 1-2 ຮຽນ 10ຊມ/ອາທິດ, ປ3-5 8ຊມ/ອາທິດ, ມ1 6ຊົ່ວໂມງ/ອາທິດ. ມ 4 ແມ່ນປີສຸດທ້າຍ ຊົ່ວໂມງຮຽນພາຫວຽດ ຫຼຸດລົງມາພຽງແຕ່ 4ຊມ/ອາທິດ.

ໂຮງຮຽນປະຖົມສົມບູນ ຖົງເຍີດ ຢູ່ ສະຫວັນນະເຂດ.

ດ້ວຍຄວາມຕ້ອງການຢາກໃຫ້ລູກຫຼານໄດ້ຮຽນພາສາຫວຽດ ໂດຍການສິດສອນຈາກອາຈານຄົນຫວຽດ ເພື່ອຮັກສາກົກເຄົ້າຂອງຕົນ, ສະມາຄົມໄດ້ສ້າງຕັ້ງໂຮງຮຽນ 4 ແຫ່ງ ຢູ່ແຂວງ ສະຫວັນນະເຂດ, ສິດສອນໃຫ້ແກ່ຫວຽດກ່ຽວ ແລະ ນັກຮຽນລາວ ປະກອບມີ: ໂຮງຮຽນອະນຸບານ ຫລາກຮົ່ງ, ໂຮງຮຽນປະຖົມ ຖົງເຫຍີດ, ໂຮງຮຽນປະຖົມ ຫງວ໋ຽນຈ໋າຍ ແລະ ໂຮງຮຽນມັດທະຍົມຕົ້ນ ມິດຕະພາບ ລາວ-ຫວຽດ. ມາຮອດປະຈຸບັນ ນະຄອນໄກສອນ ພົມວິຫານ ສ້າງຕັ້ງໂຮງຮຽນປະຖົມຕື່ມອີກ 1 ແຫ່ງ ເປັນຂອງເອກກະຊົນ ຊື່ ໂຮງຮຽນປະຖົມ ຮ່ວາງ ແອັງ, ສອນອະນຸບານ ແລະ ປະຖົມ. ໂຮງຮຽນ ຫຼາກຮົ່ງ ແລະ ຖົງເຫຍີດ ເປັນສອງໂຮງຮຽນທີ່ມີຄວາມເກົ່າແກ່ທີ່ສຸດ ສ້າງຕັ້ງຂື້ນກ່ອນ ແລະ ຫຼັງ ປີ 1975.

ນອກຈາກນັ້ນ ຢູ່ ແຂວງ ໄກສອນ ພົມວິຫານ, ສະມາຄົມ ກຳລັງກໍ່ສ້າງ ໂຮງຮຽນມັດທະຍົມສົມບູນ ດ້ວຍມູນຄ່າການລົງທືນ ເຖິງ 2 ລ້ານໂດລາສະຫະລັດ, ໂດຍລັດຖະບານ ສອງປະເທດ ຫວຽດນາມ-ລາວ ໃຫ້ການຊ່ວຍເຫຼືອ. ໂຮງຮຽນດັ່ງກ່າວມີແຜນຈະເປີດການສິດສອນໃນສົກຮຽນປີ 2019-2020, ເຮັດໃຫ້ ສະມາຄົມມີຄົບທຸກຂັ້ນການສຶກສາລະດັບມັດທະຍົມ, ປະຖົມ ແລະ ອະນຸບານ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll