ສໍາເລັດກອງປະຊຸມ ພົບປະທະນາຄານທຸລະກິດ ທົ່ວປະເທດ ປະຈຳປີ 2016

ທະນາຄານແຫ່ງ ສປປ ລາວ ໄດ້ຈັດຕັ້ງກອງປະຊຸມ ພົບປະທະນາຄານທຸລະກິດ ທົ່ວປະເທດ ປະຈໍາປີ 2016 ຢ່າງເປັນທາງການໃນວັນທີ 3 ກຸມພາ 2017 ທີ່ນະຄອນຫຼວງວຽງຈັນ ເຊິ່ງໄດ້ດໍາເນີນມາເປັນເວລາໜຶ່ງມື້ ໂດຍການໃຫ້ກຽດເປັນປະທານຂອງທ່ານ ສົມພາວ ໄຟສິດ ກໍາມະການສູນກາງພັກ, ຜູ້ວ່າການທະນາຄານແຫ່ງ ສປປ ລາວ, ນອກນີ້ ຍັງມີຮອງລັດຖະມົນຕີກະຊວງແຜນການ ແລະ ການລົງທຶນ, ຮອງລັດຖະມົນຕີກະຊວງການເງິນ, ຮອງລັດຖະມົນຕີກະຊວງກະສິກໍາ ແລະ ປ່າ ໄມ້, ຄະນະທະນາຄານແຫ່ງ ສປປ ລາວ 4 ພາກ, ບັນດາທະນາຄານທຸລະກິດໃນທົ່ວປະເທດ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ລາວອອກລະບຽບຄຸ້ມຄອງທຸລະກິດຂາຍກົງ

ແຫລ່ງຂ່າວສໍານັກຂ່າວສານປະເທດລາວ ໃຫ້ຮູ້ວ່າ: ກະຊວງອຸດສາຫະກໍາ ແລະ ການຄ້າໄດ້ອອກຂໍ້ຕົກລົງສະບັບເລກທີ 0060/ອຄ, ລົງວັນທີ 12 ມັງກອນ 2017 ວ່າດ້ວຍທຸລະກິດຂາຍກົງ ເພື່ອຄຸ້ມຄອງການດຳເນີນທຸລະກິດປະເພດດັ່ງກ່າວໃຫ້ຖືກຕ້ອງຕາມລະບຽບກົດໝາຍ, ພາຍຫລັງເຫັນວ່າທຸລະກິດປະເພດນີ້ໄດ້ມີການເຄື່ອນໄຫວຢ່າງແຜ່ຫລາຍແຕ່ຍັງບໍ່ມີລະບຽບຄຸ້ມຄອງສະເພາະ.