| ມອບລາງວັນໃຫ້ແກ່ 20 ໂຄງການການລິເລີ່ມທີ່ດີເລີດຂອງນັກຮຽນ ແລະ ນັກສຶກສາ | |
| ປະທານປະເທດ ຫງວຽນຊວັນຝຸກ ສົ່ງສານອວຍພອນງານມະຫາກຳກິລາ Olympic ແລະ Paralympic ລະດູໜາວ ປັກກິ່ງ 2022 |
 |
| ທ່ານຮັກສາການຜູ້ອໍານວຍການສູນວິທະຍາສາດ ແລະ ວັດທະນະທໍາ ລັດເຊຍ ປະຈໍາ ຮ່າໂນ້ຍ Andrey Borodenko ກ່າວຄໍາປາໄສທີ່ງານບຸນ(ພາບ: ຫວູແຄ໋ງ) |
ເຂົ້າຮ່ວມງານບຸນມີ ທ່ານຮັກສາການຜູ້ອໍານວຍການສູນວິທະຍາສາດ ແລະ ວັດທະນະທໍາ ລັດເຊຍ ປະຈໍາ ຮ່າໂນ້ຍ Andrey Borodenko, ເລຂາໂທ ຂອງ ສະຖານທູດສະຫະພັນລັດເຊຍ ປະຈຳ ຫວຽດນາມ Artem Zaleshchikov; ຜູ້ຕາງໜ້າສະຫະພັນບັນດາອົງການຈັດຕັ້ງມິດຕະພາບ ຫວຽດນາມ, ສະມາຄົມມິດຕະພາບ ຫວຽດນາມ - ລັດເຊຍ, ສະຖາບັນ Pushkin ຢູ່ ຮ່າໂນ້ຍ ພ້ອມດ້ວຍບັນດາແຂກທີ່ຖືກເຊີນ, ຜູ້ປົກຄອງ ແລະ ບັນດານັກຮຽນ.
ໂດຍກ່າວຄໍາປາໄສທີ່ງານບຸນ, ທ່ານຮັກສາການຜູ້ອໍານວຍການສູນວິທະຍາສາດ ແລະ ວັດທະນະທໍາ ລັດເຊຍ ປະຈໍາ ຮ່າໂນ້ຍ Andrey Borodenko ໃຫ້ຮູ້ວ່າ: ພິທີມອບລາງວັນໄດ້ຈັດຂຶ້ນກົງກັບໂອກາດສະເຫຼີມສະຫຼອງວັນຫນັງສື Slavơ (24 ພຶດສະພາ 2022) - ເຊິ່ງນີ້ແມ່ນວັນເພື່ອລະນຶກເຖິງຄຸນງາມຄວາມດີຂອງສອງອ້າຍນ້ອງ Kiril ແລະ Metody (ຜູ້ສ້າງຕົວໜັງສື Slavơ). ທ່ານ A. Borodenko ສົ່ງຄໍາຂອບໃຈຢ່າງຈິງໃຈມາຍັງກະຊວງສຶກສາ ແລະ ກໍ່ສ້າງ ຫວຽດນາມ ທີ່ໄດ້ໃຫ້ການຮ່ວມມືໃນການຄັດເລືອກຜູ້ສະໝັກຈະໄປຮຽນຢູ່ບັນດາມະຫາວິທະຍາໄລທີ່ ລັດເຊຍ.
ການປະກວດ Olympic ໂດຍສູນວິທະຍາສາດ ແລະ ວັດທະນະທຳລັດເຊຍ ຈັດຕັ້ງ ເຊິ່ງແມ່ນໜຶ່ງໃນບັນດາກິດຈະກໍາສຳຄັນເພື່ອໂຄສະນາ ແລະ ເຜີຍແຜ່ພາສາລັດເຊຍ ແລະ ວັດທະນະທຳລັດເຊຍ ທີ່ ຫວຽດນາມ ຢ່າງກວ້າງຂວາງ. ຜູ້ທີ່ຊະນະໃນການປະກວດ Olympic ຈະໄດ້ຮັບທຶນສຶກສາຈາກລັດຖະບານລັດເຊຍ, ໄປສຶກສາຮໍ່າຮຽນຢູ່ມະຫາວິທະຍາໄລແຫ່ງໜຶ່ງຂອງລັດເຊຍ ແລະ ໄດ້ຮັບບ້ວງເງິນອຸດໜູນຈາກລັດຖະບານ ຫວຽດນາມ ຖ້າຫາກຕອບສະໜອງໄດ້ຕາມບັນດາເງື່ອນໄຂຂໍ້ກຳນົດກ່ຽວກັບທຶນການສຶກສາຂອງລັດຖະບານ ຫວຽດນາມ ຢ່າງຄົບຖ້ວນ. ໝາກຜົນນີ້ໄດ້ສະແດງໃຫ້ເຫັນຄວາມສົນໃຈຢ່າງໃຫຍ່ຫຼວງຂອງບັນດານັກຮຽນ, ນັກສຶກສາຫວຽດນາມ ຕໍ່ກັບລັດເຊຍ ເວົ້າລວມ ແລະ ການສຶກສາຂອງລັດເຊຍ ເວົ້າສະເພາະ.
ນັບແຕ່ປີ 2014 ມາຮອດປະຈຸບັນ, ຈຳນວນທຶນການສຶກສາທີ່ລັດຖະບານສະຫະພັນລັດເຊຍມອບໃຫ້ພົນລະເມືອງຫວຽດນາມ ໄດ້ເພີ່ມຂຶ້ນລຽນຕິດ. ໃນປີ 2014, ສະຫະພັນລັດເຊຍໄດ້ໃຫ້ທຶນການສຶກສາ 600 ທຶນ, ປີ 2015 ແມ່ນ 795 ທຶນ, ປີ 2019 ແມ່ນ 965 ທຶນ ແລະ ປີ 2022 ແມ່ນ 1000 ທຶນ.
ນາງ ດາວແອັງງອກ, ນັກຮຽນຊັ້ນ ມ.7, ໂຮງຮຽນມັດທະຍົມປາຍອາຊີວະ ທ໋າຍງວຽນ (ຜູ້ເຂົ້າປະກວດທີ່ໄດ້ຮັບລາງວັນໃນການປະກວດ Olympic ພາສາລັດເຊຍ) ໃຫ້ຮູ້ວ່າ: “ນ້ອງດີໃຈ ແລະ ເປັນກຽດຫຼາຍທີ່ໄດ້ຮັບລາງວັນໃນການປະກວດຄັ້ງນີ້. ນີ້ແມ່ນລາງວັນທີ່ມີຄວາມໝາຍຫຼາຍສໍາລັບຄວາມພະຍາຍາມຂອງນ້ອງໃນໄລຍະຜ່ານມາ, ພ້ອມກັນນັ້ນກໍເປັນສິ່ງທີ່ພິສູດເຖິງຄວາມຮັກອັນພິເສດຂອງນ້ອງຕໍ່ພາສາລັດເຊຍ ແລະ ປະເທດລັດເຊຍ”.
ໃນງານບຸນ, ຄະນະຈັດຕັ້ງໄດ້ສາຍວິດີໂອແນະນຳກ່ຽວກັບໜັງສື Slavơ ແລະ ພາສາລັດເຊຍ ແບບທັນສະໄໝ, ກໍຄືເນັ້ນໜັກເຖິງຄຸນລັກສະນະແບບຫຼາຍທິດ, ຄວາມອຸດົມສົມບູນ ແລະ ຄວາມງາມຂອງລະບົບພາສານີ້. ຄຽງຂ້າງນັ້ນ, ບັນດາຜູ້ແທນກໍຍັງໄດ້ຮັບຊົມລາຍການສິລະປະທີ່ພິເສດເຊິ່ງສະແດງໂດຍນັກຮຽນ, ນັກສຶກສາ ຫວຽດນາມ.
ຫອມມາລາ
