| ການສົ່ງອອກໝາກໄມ້ ແລະ ຜັກຂອງຫວຽດນາມໄປຍັງ ສ.ເກົາຫຼີ ເພີ່ມຂຶ້ນຢ່າງແຮງ | |
| ຫວຽດນາມ ຮ່ວມມືເປີດກວ້າງຕະຫຼາດສົ່ງອອກຜະລິດຕະພັນກະເສດສະບຽງອາຫານ |
ຕູ້ຄອນເທນເນີຫອຍກີ້ແກະກາບສຳເລັດຮູບນີ້ ແມ່ນຢູ່ໃນໃບສັ່ງຊື້ສິນຄ້າ ໃຫ້ແກ່ຕະຫຼາດແອັດສະປາຍ ຂອງບໍລິສັດ ອາຫານທະເລ Lenger ຫວຽດນາມ ຈຳກັດ. ໃບສັ່ງຊື້ດັ່ງກ່າວ ມີທັງໝົດ 2 ລ້ານກ່ອງ (10 ຕູ້ຄອນເທນເນີ) ແລະ ຕູ້ຄອນເທນເນີຕໍ່ໄປແມ່ນຈະໄດ້ສືບຕໍ່ຜະລິດ ແລະ ສົ່ງອອກໃນປີ 2022.
ຫອຍກີ້ແກະກາບສຳເລັດຮູບ ແມ່ນຜະລິດຈາກຫອຍທີ່ເອົາມາຈາກສະຖານທີ່ລ້ຽງຫອຍໃນແຂວງນາມດິງ, ໂດຍຜະລິດພາຍໃຕ້ມາດຕະຖານການປຸງແຕ່ງຢ່າງເຂັ້ມງວດ ແລະ ມີຄຸນນະພາບ.
 |
| ຫວຽດນາມ ໄດ້ສົ່ງອອກຫອຍກີ້ແກະກາບສຳເລັດຮູບ ຊຸດທໍາອິດ ໄປຍັງເອີຣົບ. (ພາບ: nongnghiep) |
ທ່ານ ເຈີນດີງລ່ວນ, ຫົວໜ້າກົມໃຫຍ່ກົມການສິນທະເລ ໃຫ້ຮູ້ວ່າ: ນີ້ແມ່ນສັນຍານທີ່ດີທີ່ສຸດ: “ການສົ່ງອອກຜະລິດຕະພັນຫອຍກີ້ແກະກາບສຳເລັດຮູບ ໄປຍັງເອີລົບ ໄດ້ສະແດງໃຫ້ເຫັນວ່າ ພວກເຮົາໄດ້ມີການຄວບຄຸມເຂດລ້ຽງຫອຍເປັນຢ່າງດີ, ດ້ວຍເຂດວັດຖຸດິບທີ່ໄດ້ຮັບການຢັ້ງຢືນ ASC ແລະ ມີວິວັດການຜະລິດທີ່ຕອບສະຫນອງຄວາມຕ້ອງການທີ່ເຄັ່ງຄັດຂອງຕະຫຼາດເອີຣົບ.”
ທ່ານ ລ່ວນ ກ່າວວ່າ ສັນຍາສົ່ງອອກນີ້ ແມ່ນໝາກຜົນຂອງສັນຍາການຄ້າເສລີ EVFTA, ຜ່ານນັ້ນໄດ້ສືບຕໍ່ຂະຫຍາຍຕະຫຼາດຜະລິດຕະພັນອາຫານທະເລ ຂອງຫວຽດນາມ. ການເປັນເຈົ້າການດ້ານເຕັກໂນໂລຊີການຜະລິດນີ້ ຈະຊ່ວຍໃຫ້ຂະແໜງການລ້ຽງຫອຍກີ້ ບໍ່ເອື່ອຍອີງໃສ່ຕະຫຼາດສົດຫຼາຍເກີນໄປ, ແຕ່ສາມາດປະຕິບັດຢ່າງເຕັມສ່ວນໃນການຜະລິດວັດຖຸດິບ, ປຸງແຕ່ງ ແລະ ສົ່ງອອກຜະລິດຕະພັນຫອຍກີ້.
ຜູ້ຕາງໜ້າຂອງບໍລິສັດ Lenger ຫວຽດນາມ ໃຫ້ຮູ້ວ່າ ນີ້ແມ່ນໝາກຜົນແຫ່ງການສ້າງຕ່ອງໂສ້ການຜະລິດຫອຍກີ້ແກະກາບສຳເລັດຮູບ ແລະ ພະຍາຍາມໃນການຊອກຫາລູກຄ້າ ແລະ ພັດທະນາຕະຫຼາດ.
 |
| ບໍລິສັດກໍາລັງປະຕິບັດຂັ້ນຕອນສຸດທ້າຍໃຫ້ສຳເລັດ ເພື່ອນໍາເອົາຫອຍກີ້ແກະກາບສຳເລັດຮູບ ເຂົ້າໄປໃນລະບົບຕ່ອງໂສ້ ຊຸບເປີ້ມາແກັດ, ຮ້ານອາຫານສະອາດ... ພາຍໃນປະເທດ. (ພາບ: nongnghiep) |
ຫຼັງຈາກການທົດລອງຈໍຜະລິດ ແລະ ປະຕິບັດສໍາເລັດຂະບວນການຜະລິດ, ຕົວຢ່າງຂອງຫອຍກີ້ແກະກາບສຳເລັດຮູບ ໄດ້ຖືກກວດກາໂດຍລູກຄ້າເອີຣົບ. ມາຮອດປະຈຸບັນ, ບໍລິສັດໄດ້ມີການສັ່ງຊື້ສິນຄ້າເປັນຄັ້ງທຳອິດ ດ້ວຍຍອດຈຳນວນ 2 ລ້ານກ່ອງໃນປີ 2022 (ເທົ່າກັບ 2,000 ໂຕນຫອຍກີ້ວັດຖຸດິບ).
ບໍລິສັດກໍາລັງປະຕິບັດຂັ້ນຕອນສຸດທ້າຍໃຫ້ສຳເລັດ ເພື່ອນໍາເອົາຫອຍກີ້ແກະກາບສຳເລັດຮູບ ເຂົ້າໄປໃນລະບົບຕ່ອງໂສ້ ຊຸບເປີ້ມາແກັດ, ຮ້ານອາຫານສະອາດ... ພາຍໃນປະເທດ. ບໍລິສັດ ໄດ້ຕັ້ງໜ້າຊອກຫາຕະຫຼາດ ແລະ ລູກຄ້າທີ່ມີທ່າແຮງສໍາລັບຜະລິດຕະພັນຫອຍກີ້ແກະກາບສຳເລັດຮູບຢູ່ ຍີ່ປຸ່ນ, ສ.ເກົາຫຼີ, ລັດເຊຍ...
ຄຳຮຸ່ງ
