ການຍົກສູງຄຸນຄ່າ ແລະ ສ້າງເຄື່ອງໝາຍ ກາເຟຫວຽດນາມ ໃນຕະຫຼາດໂລກ

	ມອບຫຼຽນໄຊມິດຕະພາບໃຫ້ແກ່ທ່ານ Siegfried Kaulfuß - ຊາວເຢຍລະມັນຜູ້ທີ່ຫ່ວງໃຍກັບກາເຟຫວຽດນາມ
	ເຄື່ອງໝາຍກາເຟຫວຽດນາມ - King Coffee ຈະປະກົດຕົວໃນບັນດາລະບົບຂາຍຍ່ອຍຢູ່ລັດເຊຍ.

ເຫດການນີ້ຈັດຂຶ້ນໂດຍ ສະມາຄົມກາເຟ - ໂກໂກ້ ຫວຽດນາມ (VICOFA), ເຊິ່ງເປັນຂີດໝາຍບາດກ້າວຂະຫຍາຍຕົວໃໝ່ ໃນຍຸດທະສາດການຍົກສູງຄຸນຄ່າ ແລະ ສ້າງເຄື່ອງໝາຍການຄ້າ ກາເຟຫວຽດນາມ ໃນຕະຫຼາດໂລກ.

ກ່າວຄຳປາໄສໃນພິທີ, ທ່ານ ຫວູ ໂຮ່, ເອກອັກຄະລັດຖະທູດ ຫວຽດນາມ ປະຈຳ ສເກົາຫຼີ ໄດ້ເນັ້ນໜັກວ່າ: ການທີ່ຫວຽດນາມເຂົ້າຮ່ວມງານ Coffee Expo Seoul ບໍ່ພຽງແຕ່ມີຄວາມໝາຍໃນດ້ານການສົ່ງເສີມການຄ້າເທົ່ານັ້ນ, ແຕ່ຍັງສະແດງໃຫ້ເຫັນຢ່າງຈະແຈ້ງເຖິງທິດທາງຍຸດທະສາດຂອງຫວຽດນາມ ໃນສະພາບການເສດຖະກິດໂລກທີ່ກຳລັງມີການຫັນປ່ຽນຢ່າງແຂງແຮງ. ຕາມນັ້ນແລ້ວ, ຫວຽດນາມ ກຳລັງຫັນປ່ຽນຈາກຮູບແບບການເຕີບໂຕທີ່ອີງໃສ່ປະລິມານ ໄປສູ່ການໃຫ້ຄວາມສຳຄັນດ້ານຄຸນນະພາບ, ມູນຄ່າເພີ່ມ ແລະ ການພັດທະນາແບບຍືນຍົງ.

ທ່ານ ຫວູ ໂຮ່, ເອກອັກຄະລັດຖະທູດ ຫວຽດນາມ ປະຈຳ ສເກົາຫຼີ ກ່າວຄຳປາໄສໃນພິທີເປີດ. (ຮູບພາບ: ສະຖານທູດຫວຽດນາມ ປະຈຳ ສເກົາຫຼີ)

ທ່ານທູດ ໃຫ້ຮູ້ຕື່ມວ່າ: ຂະແໜງການກາເຟໃນປັດຈຸບັນ ບໍ່ແມ່ນພຽງແຕ່ເລື່ອງຂອງປະລິມານການສົ່ງອອກເທົ່ານັ້ນ, ແຕ່ແມ່ນຄວາມສາມາດໃນການສ້າງຄຸນຄ່າທີ່ແຕກຕ່າງ, ການສ້າງເຄື່ອງໝາຍການຄ້າແຫ່ງຊາດ ແລະ ການປັບຕົວຢ່າງຄ່ອງຕົວເຂົ້າກັບທ່າອ່ຽງການຊົມໃຊ້ ກໍຄືມາດຕະຖານທີ່ສູງຂຶ້ນເລື້ອຍໆຂອງຕະຫຼາດສາກົນ. ບັນດາວິສາຫະກິດຫວຽດນາມ ທີ່ເຂົ້າຮ່ວມງານວາງສະແດງຄັ້ງນີ້ ແມ່ນຫຼັກຖານທີ່ຊັດເຈນໃຫ້ແກ່ສະມັດຖະພາບການຜະລິດ ແລະ ຄວາມສາມາດໃນການປັບຕົວທີ່ດີຂຶ້ນຂອງຂະແໜງການກາເຟຫວຽດນາມ.

ໃນພາບລວມຂອງສາຍພົວພັນ ຄູ່ຮ່ວມຍຸດທະສາດຮອບດ້ານ ຫວຽດນາມ - ສເກົາຫຼີ, ການຮ່ວມມືໃນຂະແໜງກາເຟ ເຖິງວ່າຈະຍັງມີຂະໜາດນ້ອຍ ແຕ່ກໍ່ມີຄວາມໝາຍອັນແທ້ຈິງ, ປະກອບສ່ວນເຂົ້າໃນການເຊື່ອມຕໍ່ຕ່ອງໂສ້ອຸປະທານ, ຊຸກຍູ້ການຮ່ວມມືລະຫວ່າງວິສາຫະກິດ ແລະ ເພີ່ມທະວີການແລກປ່ຽນວັດທະນະທຳລະຫວ່າງສອງປະເທດ. ທັງສອງຝ່າຍຍັງມີກຳລັງບົ່ມຊ້ອນຫຼາຍຢ່າງ ເພື່ອຂະຫຍາຍການຮ່ວມມືໃນດ້ານການຄ້າ, ການນຳໃຊ້ເຕັກໂນໂລຊີ ແລະ ການພັດທະນາແບບຍືນຍົງໃນຂະແໜງກາເຟ.

ຮ້ານວາງສະແດງແຫ່ງຊາດຫວຽດນາມ ທີ່ງານ Coffee Expo Seoul 2026. (ຮູບພາບ: ສະຖານທູດຫວຽດນາມ ປະຈຳ ສເກົາຫຼີ)

ເນື່ອງໃນໂອກາດນີ້, ທ່ານທູດ ໄດ້ໃຫ້ກຽດເຊື້ອເຊີນບັນດາຄູ່ຮ່ວມງານ, ວິສາຫະກິດ ແລະ ແຂກຜູ້ເຂົ້າຊົມ ມາຢ້ຽມຢາມຮ້ານວາງສະແດງຂອງຫວຽດນາມ ເພື່ອສຳຜັດກັບລົດຊາດທີ່ເປັນເອກະລັກຂອງກາເຟຫວຽດນາມ, ພ້ອມທັງຊອກຫາໂອກາດການຮ່ວມມືໃໝ່ໆ. ຂໍ້ຄວາມຫຼັກທີ່ໄດ້ຮັບການເນັ້ນໜັກຄື: "ຄຸນຄ່າທີ່ຍິ່ງໃຫຍ່ທີ່ສຸດ ບໍ່ໄດ້ຢູ່ພຽງແຕ່ສິ່ງທີ່ນຳມາສະເໜີໃນມື້ນີ້, ແຕ່ແມ່ນການຮ່ວມມືທີ່ຍາວນານ ແລະ ຍືນຍົງ ທີ່ຈະຖືກສ້າງຂຶ້ນໃນອະນາຄົດ."

ຢັ້ງຢືນເຄື່ອງໝາຍ Festival ເຫວ້ ນັບແຕ່ປີ 2022 Festivalເຫວ້ ຈະຖືກຈັດຂຶ້ນຕາມຮູບແບບໃໝ່ ໂດຍງານ Festival ສີ່ລະດູ. ບັນດາການເຄື່ອນໄຫວງານບຸນ, ເຫດການວັດທະນະທຳສິລະປະ ແລະ ທ່ອງທ່ຽວຈະແກ່ຍາວໃນຕະຫຼອດສີ່ລະດູ, ໃນນັ້ນຈຸດທີ່ພົ້ນເດັ່ນແມ່ນສັບປະດາ Festival ເຫວ້ 2022 ໃນທ້າຍເດືອນ ມິຖຸນາ. ວິທີການໃໝ່ນີ້ແມ່ນໄດ້ຮັບຄວາມສົນໃຈຈາກວົງຄະນາຍາດ.

ຜັ​ນ​ຂະ​ຫຍາຍ​ສັບ​ປະ​ດາ​ເຄື່ອງ​ໝາຍ​ການ​ຄ້າ​ແຫ່ງ​ຊາດ ຫວຽດ​ນາມ ປີ 2022 ຍສໝ - ປີ 2021, ມູນຄ່າເຄື່ອງໝາຍການຄ້າແຫ່ງຊາດຫວຽດນາມ ສືບຕໍ່ເພີ່ມຂຶ້ນ 21,6% ເມື່ອທຽບໃສ່ປີ 2020, ຈາກ 319 ຕື້ USD ຂຶ້ນເປັນ 388 ຕື້ USD.