ນັກສຶກສາລາວ, ກຳປູເຈຍ ສະຫຼອງບຸນປີໃໝ່ປະເພນີ ຢູ່ໂຮງຮຽນມິດຕະພາບ 80

	ຮັດແໜ້ນຄວາມມິດຕະພາບລະຫວ່າງຫວຽດນາມ - ລາວ ແລະ ກຳປູເຈຍ ໂດຍຜ່ານລາຍການ “ຄອບຄົວຫວຽດນາມ ກັບນັກຮຽນລາວ ແລະ ກຳປູເຈຍ”.
	ນັກສຶກສາລາວ 91 ຄົນຢູ່ໂຮງຮຽນມິດຕະພາບ 80 ມີຄອບຄົວທີສອງຢູ່ ຫວຽດນາມ ຕື່ມອີກ

ຕາມຂໍ້ມູນຈາກໂຮງຮຽນມິດຕະພາບ 80, ລາຍການມີການເຂົ້າຮ່ວມຂອງຜູ້ຕາງໜ້າສະຖານທູດລາວ, ສະຖານທູດກຳປູເຈຍ ປະຈຳຫວຽດນາມ, ກະຊວງສຶກສາທິການ ແລະ ກິລາ, ບັນດາສະມາຄົມມິດຕະພາບ ຫວຽດນາມ - ລາວ, ຫວຽດນາມ - ກຳປູເຈຍ ແລະ ອຳນາດການປົກຄອງທ້ອງຖິ່ນ.

ບັນດາກິດຈະກຳໄດ້ດຳເນີນໄປໃນບັນຍາກາດທີ່ເຕັມໄປດ້ວຍເອກະລັກວັດທະນະທຳ, ດ້ວຍບັນດາລາຍການສິລະປະວັນນະຄະດີ ໂດຍນັກສຶກສາສະແດງ ແລະ ການແນະນຳກ່ຽວກັບຕົ້ນກຳເນີດ, ຄວາມໝາຍ, ຮີດຄອງປະເພນີບຸນປີໃໝ່ ຂອງແຕ່ລະປະເທດ.

ສາຂາສະມາຄົມມິດຕະພາບ ຫວຽດນາມ - ລາວ ເຊີີນເຕີຍ ມອບຊໍ່ດອກໄມ້ອວຍພອນ ຄະນະນັກສຶກສາລາວ. (ຮູບ: ໂຮງຮຽນມິດຕະພາບ 80)

ກ່າວປາໄສໃນລາຍການສະຫຼອງບຸນປີໃໝ່, ທ່ານນາງ ຈູກິມເຟືອງ, ອຳນວຍການໂຮງຮຽນມິດຕະພາບ 80 ໄດ້ສົ່ງຄຳອວຍພອນປີໃໝ່ເຖິງພະນັກງານສະຖານທູດລາວ ປະຈຳຫວຽດນາມ ແລະ ບັນດານັກສຶກສາ, ພ້ອມທັງຢືນຢັນວ່າ ທາງໂຮງຮຽນຍາມໃດກໍ່ສ້າງເງື່ອນໄຂສະດວກໃຫ້ແກ່ນັກສຶກສາໄດ້ຮ່ຳຮຽນ, ຝຶກຝົນຫຼໍ່ຫຼອມໃນສະພາບແວດລ້ອມທີ່ສາມັກຄີ, ສະໜິດສະໜົມ, ຮັກສາ ແລະ ສົ່ງເສີມເອກະລັກວັດທະນະທຳຂອງຊາດ. ທ່ານນາງ ໃຫ້ຮູ້ວ່າ, ສາຍພົວພັນ ຫວຽດນາມ - ລາວ ແມ່ນສາຍພົວພັນພິເສດ, ໄດ້ຮັບການເພີ່ມພູນຄູນສ້າງດ້ວຍ "ຄວາມຈິງໃຈ, ຄວາມຮັກແພງທີ່ຊື່ສັດບໍລິສຸດ, ການສະໜັບສະໜູນທີ່ເຕັມໄປດ້ວຍໄມຕີຈິດມິດພາບ".

ທ່ານ ອິນທະວົງ ມະນີທອງ, ທີ່ປຶກສາດ້ານວັດທະນະທຳ ແລະ ການສຶກສາ ສະຖານທູດລາວ ປະຈຳຫວຽດນາມ ໄດ້ສະແດງຄວາມຂອບໃຈຕໍ່ທາງໂຮງຮຽນທີ່ໄດ້ເອົາໃຈໃສ່, ສ້າງເງື່ອນໄຂໃຫ້ແກ່ນັກສຶກສາລາວໄດ້ຈັດຕັ້ງບຸນປີໃໝ່ປະເພນີ, ພ້ອມທັງໃຫ້ຮູ້ວ່າ: "ຜູ້ທີ່ພວມດຳລົງຊີວິດຢູ່ຫ່າງໄກຈາກປະເທດຊາດຄືພວກຂ້າພະເຈົ້າ ແມ່ນຍັງສາມາດສຳພັດໄດ້ເຖິງຄວາມອົບອຸ່ນຂອງບ້ານເກີດເມືອງນອນ ຜ່ານພິທີໃນມື້ນີ້".

ລາຍການສິລະປະວັນນະຄະດີລາຍການໜຶ່ງ ໂດຍນັກສຶກສາກຳປູເຈຍ ສະແດງ. (ຮູບພາບ: ໂຮງຮຽນມິດຕະພາບ 80)

ຢູ່ທີ່ລາຍການສະຫຼອງບຸນໂຈນຈະນຳທະໄມ, ທ່ານນາງ ຈູກິມເຟືອງ ສືບຕໍ່ຢືນຢັນວ່າ ການເອົາໃຈໃສ່ເບິ່ງແຍງຊີວິດການເປັນຢູ່ດ້ານວັດຖຸ, ຈິດໃຈ ໃຫ້ແກ່ນັກສຶກສາສາກົນ ແມ່ນໜ້າທີ່ສຳຄັນ; ການຈັດຕັ້ງບຸນປີໃໝ່ປະເພນີ ຊ່ວຍໃຫ້ບັນດານ້ອງໆ ຜ່ອນຄາຍຄວາມຄິດຮອດບ້ານເກີດເມືອງນອນ, ເພີ່ມທະວີຄວາມຜູກພັນກັບໂຮງຮຽນ ແລະ ປະເທດຫວຽດນາມ

ທ່ານ ທົດ ສົກພາຣັດ, ເອກອັກຄະລັດຖະທູດກຳປູເຈຍ ປະຈຳຫວຽດນາມ ໄດ້ສະແດງຄວາມຕື້ນຕັນໃຈຕໍ່ກັບຄວາມເອົາໃຈໃສ່ຂອງທາງໂຮງຮຽນ, ພ້ອມທັງສະແດງຄວາມຂອບໃຈມາຍັງລັດຖະບານ, ກະຊວງສຶກສາທິການ ແລະ ກິລາ ຫວຽດນາມ ແລະ ໂຮງຮຽນມິດຕະພາບ 80 ທີ່ໄດ້ຊ່ວຍເຫຼືອນັກສຶກສາກຳປູເຈຍ ໃນຕະຫຼອດໄລຍະເວລາການຮ່ຳຮຽນ; ເນື່ອງໃນໂອກາດປີໃໝ່, ໄດ້ສົ່ງຄຳອວຍພອນອັນປະເສີດມາຍັງບັນດານັກສຶກສາ.

ນັກສຶກສາລາວ ແລະ ກຳປູເຈຍ 72 ຄົນ ລົງຕົວຈິງ ແລະ ຊອກຮູ້ກ່ຽວກັບຊີວິດວັດທະນະທຳຫວຽດນາມ ຍສໝ - ຕອນ​ເຊົ້າ​ວັນ​ທີ 17 ກັນຍາ, ຄະນະ​ກຳມະການ​ ແນວ​ໂຮມ​ປະ​ເທດ​ຊາດ​ຫວຽດນາມ ​ແຂວງ ຟູ້​ຢວນ ​ແລະ ບັນດາ​ອົງການ​ຈັດ​ຕັ້ງ​ການ​ເມືອງ-ສັງຄົມ​ ຂອງ​ເມືອງ ​ໄດ້​ຈັດ​ຕັ້ງ​ງານ​ບຸນ​ແລກປ່ຽນ​ວັດທະນະທຳ ໃນຫົວ​ຂໍ້​ “ງານ​ບຸນ​ເຊື່ອມ​ຈອດວົງແຂນທີ່ກວ້າງໃຫຍ່” ຄັ້ງ​ທີ 3 ປີ 2023.

ນັກສຶກສາລາວ, ກຳປູເຈຍ ສະຫງ່າງາມໃນຊຸດອ໋າວຢ່າຍປະຈໍາຊາດຂອງຫວຽດນາມ ຍສໝ - ຄວາມຕື້ນຕັນໃຈ, ຄວາມພາກພູມໃຈ..... ນັ້ນເປັນຄວາມຮູ້ສືກຂອງນັກສືກສາລາວ, ກໍາປູເຈຍຫຼາຍຄົນເມື່ອໄດ້ຮັບຂອງຂັວນເຊີ່ງເປັນຊຸດເສື້ອຍາວ - ຊຸດອ໋າວຢ່າຍປະຈໍາຊາດຫວຽດນາມຈາກບັນດາຜູ້ເປັນແມ່, ເປັນເອື້ອຍ, ເປັນໝູ່ເພື່ອນຄົນຫວຽດ.