ເປີດຕົວເຄືອຂ່າຍນັກຊ່ຽວຊານ ແລະ ນັກວິທະຍາສາດຫວຽດນາມ ຢູ່ການາດາ

	ວັດທະນະທໍາຊາຫວຽດນາມ ປະກາຍແຈ້ງຢູ່ໃນປະເທດການາດາ
	ເສີມຂະຫຍາຍບົດບາດເປັນຂົວເຊື່ອມຕໍ່, ຊຸກຍູ້ການຮ່ວມມືດ້ານເສດຖະກິດ, ການສຶກສາລະຫວ່າງຫວຽດນາມ - ການາດາ

ພິທີເປີດຕົວເຄືອຂ່າຍນັກຊ່ຽວຊານ ແລະ ນັກວິທະຍາສາດຫວຽດນາມ ຢູ່ການາດາ (CVSE). (ພາບ: TTXVN)

ຕາມຂ່າວສານຫວຽດນາມແລ້ວ, ເຄືອຂ່າຍ CVSE ໄດ້ເຕົ້າໂຮມບັນດານັກຊ່ຽວຊານ, ນັກວິທະຍາສາດຫວຽດນາມ ພວມດຳລົງຊີວິດ ແລະ ເຮັດວຽກຢູ່ການາດາ. ເຂົາເຈົ້າສ່ວນຫຼາຍໄດ້ສ້າງຕັ້ງທີ່ຕັ້ງ, ຊື່ສຽງໃນຂະແໜງວິທະຍາສາດ, ເຕັກໂນໂລຢີແລະ ນະວັດຕະກໍາ ໃນປະເທດປະຈຳຖີ່ນ. ດ້ວຍການເຂົ້າການເຄື່ອນໄຫວຢ່າງເປັນທາງການ, ເຄືອຂ່າຍຈະເປັນຂົວຕໍ່ທີ່ມີປະສິດທິຜົນເພື່ອຊ່ວຍແບ່ງປັນຄວາມຮູ້, ປະສົບການດ້ານວິຊາຊີບ ແລະ ຖ່າຍທອດເຕັກໂນໂລຢີຈາກການາດາເຖິງຫວຽດນາມ.

ທ່ານ ຮວ່າງງອກດິງ, ຫົວໜ້າຜູ້ຕາງໜ້າຫ້ອງການວິທະຍາສາດເຕັກໂນໂລຢີ (ສະຖານທູດ ຫວຽດນາມ ປະຈຳ ການາດາ) ເນັ້ນໜັກວ່າ “ເຄືອຂ່າຍ CVSE ຈະແມ່ນແຫຼ່ງຊັບພະຍາກອນອັນລ້ຳຄ່າ, ພ້ອມທັງເປັນຊ່ອງທາງເຊື່ອມຕໍ່ຂໍ້ມູນຂ່າວສານຢ່າງມີປະສິດທິຜົນໃນຂົງເຂດວິທະຍາສາດເຕັກໂນໂລຢີລະຫວ່າງ 2 ປະເທດ, ຮັບໃຊ້ທິດພັດທະນາຂອງພັກ ແລະ ລັດໃນໄລຍະຈະມາເຖິງ”.

ປະຈຸບັນ, ປະຊາຄົມຊາວຫວຽດນາມ ຢູ່ການາດາ ມີເກືອບ 300.000 ຄົນ, ໃນນັ້ນມີບັນດານັກປັນຍາຊົນ, ນັກວິທະຍາສາດ ແລະ ນັກທຸລະກິດໄດ້ຖືຄວາມຮູ້ ແລະ ເຕັກໂນໂລຢີຫຼັກແຫຼ່ງ ທີ່ເໝາະສົມກັບທິດພັດທະນາເສດຖະກິດ - ສັງຄົມຂອງ ຫວຽດນາມ. ດັ່ງນັ້ນ, ການເສີມຂະຫຍາຍຂອງກໍາລັງນີ້ຜ່ານເຄືອຂ່າຍ CVSE ໄດ້ຮັບການຕີລາຄາວ່າ ເປັນແທດຈິງ ແລະ ທັນເວລາ.

ຕາມທ່ານເອກອັກຄະລັດຖະທູດຫວຽດນາມ ປະຈຳ ການາດາ ຟ້າມວິງກວາງ ແລ້ວ, ການສ້າງຕັ້ງເຄືອຂ່າຍ CVSE ບໍ່ພຽງແຕ່ຫັນຈິດໃຈມະຕິເລກທີ 169/NQ-CP ຂອງລັດຖະບານກ່ຽວວຽກງານສຳລັບຊາວຫວຽດນາມ ອາໄສຢູ່ຕ່າງປະເທດເປັນຕົວຈິງເທົ່ານັ້ນ ຫາກຍັງຫັນຍຸດທະສາດພັດທະນາວິທະຍາສາດ ແລະ ເຕັກໂນໂລຢີຕາມມະຕິເລກທີ 57 ຂອງສູນກາງເປັນລະອຽດອີກດ້ວຍ. ທ່ານປາດຖະໜາວ່າ ເຄືອຂ່າຍຈະນັບມື້ນັບພັດທະນາຢ່າງເຂັ້ມແຂງ, ປະກອບສ່ວນຢ່າງຕັ້ງໜ້າເຂົ້າໃນຄວາມມານະພະຍາຍາມເຮັດໃຫ້ຫວຽດນາມ ເປັນປະເທດພັດທະນາ, ຈັບຄູ່ກັບມະຫາອຳນາດດ້ານວິທະຍາສາດ ແລະ ເຕັກໂນໂລຢີ.

ຜູ້ຕາງໜ້າຄະນະຄຸ້ມຄອງເຄືອຂ່າຍ CVSE, ຮອງສາດສະດາຈານ ຫວູຫວຽດຮື່ງ (ສະຖາບັນເຕັກນິກການທະຫານ ການາດາ) ໃຫ້ຮູ້ວ່າ ເປົ້າໝາຍທັນທີແມ່ນການກໍ່ສ້າງເວທີປາໄສເຊື່ອມຕໍ່ນັກວິທະຍາສາດ ຫວຽດນາມ ແລະ ການາດາ, ສ້າງເງື່ອນໄຂເພື່ອນຳບັນດາຜົນງານວິທະຍາສາດບຸກເບີກຂອງ ການາດາ ມານຳໃຊ້ຢູ່ ຫວຽດນາມ.

ທ່ານປອ. ຫງວຽນຊວນຟອງ, ຊ່ຽວຊານ AI ຢູ່ສະຖາບັນຄົ້ນຄ້ວາ Mila, ສະມາຊິກໃນເຄືອຂ່າຍ CVSE ຢືນຢັນວ່າ “ນີ້ແມ່ນພື້ນຖານສຳຄັນເພື່ອໃຫ້ ຫວຽດນາມ ຫຍໍ້ໃຫ້ສັ້ນເຂົ້າກັບໂລກໃນຂົງເຂດເຕັກໂນໂລຢີສູງ. CVSE ຈະໜູນຊ່ວຍຢ່າງຕັ້ງໜ້າການຖ່າຍທອດເຕັກໂນໂລຢີ ແລະ ສ້າງຂົວເຊື່ອມຕໍ່ລະຫວ່າງ ຫວຽດນາມ ກັບເພື່ອນມິດສາກົນ”.

ປະຈຸບັນ, ການຮ່ວມມືດ້ານວິທະຍາສາດ ແລະ ເຕັກໂນໂລຢີ ແມ່ນໜຶ່ງໃນ 7 ຂົງເຂດບຸລິມະສິດໃນການພົວພັນຫວຽດນາມ - ການາດາ. ການເປີດຕົວ CVSE ຄາດວ່າຈະເພີ່ມທະວີການຮ່ວມມືລະຫວ່າງສອງປະເທດໃນຂົງເຂດປະດິດສ້າງ, ພ້ອມທັງຢືນຢັນບົດບາດຂອງປັນຍາຊົນຫວຽດນາມ ຢູ່ຕ່າງປະເທດໃນການພັດທະນາຂອງປະເທດ.

ດ້ວຍພື້ນຖານນະໂຍບາຍທີ່ສະດວກ ແລະ ການຮ່ວມເດີນທາງຂອງບັນດາອົງການຜູ້ຕາງໜ້າຫວຽດນາມ, CVSE ຄາດວ່າຈະກາຍເປັນເຄືອຂ່າຍວິຊາຊີບ, ເສີມຂະຫຍາຍແຫຼ່ງກຳລັງປັນຍາຊົນຊາວຫວຽດນາມຢູ່ຕ່າງປະເທດ ຢ່າງສູງສຸດ, ປະກອບສ່ວນຢ່າງແທດຈິງເຂົ້າໃນເປົ້າໝາຍສ້າງຫວຽດນາມ ໃຫ້ກາຍເປັນປະເທດພັດທະນາ, ຮັ່ງມີ ແລະ ວັດຈະນາຖາວອນ.

ຫວຽດນາມ ແລະການາດາ ເພີ່ມທະວີເຊື່ອມຕໍ່ໃນດ້ານການຄ້າ, ການລົງທຶນ

ຍສໝ - ຫວຽດນາມ ເຂົ້າຮ່ວມງານວາງສະແດງການສົ່ງເສີມການລົງທຶນສາກົນ MIBIExpo ດ້ວຍຄວາມປາດຖະໜາຢາກຊຸກຍູ້ເຊື່ອມຕໍ່ ພ້ອມກັນນັ້ນ ກໍ່ສ້າງອອກລະບົບນິເວດໃນລະບົບບັນດາສັນຍາການຄ້າເສລີລະຫວ່າງ 2 ປະເທດທີ່ມີຢູ່ແລ້ວ.

ຊາວຫວຽດນາມ ອາໄສຢູ່ ການາດາ ເຜີຍແຜ່ຄວາມເອກອ້າງທະນົງໃຈຫວຽດນາມ

ຍສໝ - ໃນບັນຍາກາດສະເຫຼີມສະຫຼອງວັນຊາດວັນທີ 2 ກັນຍາ ຂອງທົ່ວປວງຊົນທັງຊາດ, ປະຊາຄົມຊາວຫວຽດນາມ ອາໄສຢູ່ບາງສະຖານທີ່ຂອງ ການາດາ ໄດ້ຈັດພິທີເອົາທຸງຊາດຂຶ້ນຢູ່ສຳນັກງານເທດສະບານນະຄອນ ທີ່ພວກເຂົາດຳລົງຊີວິດເພື່ອສະແດງຄວາມເອກອ້າງທະນົງໃຈ ແລະ ນ້ຳໃຈຄວາມສາມັກຄີພ້ອມກັນມຸ່ງໄປເຖິງປະເທດຊາດ.

ມີງດຶກ