ສະມາຄົມມິດຕະພາບຫວຽດນາມ - ລາວ ໃນຂົງເຂດຕຳຫຼວດປະຊາຊົນ, ແມ່ນຂົວຕໍ່ສຳຄັນໃຫ້ນ້ຳໃຈມິດຕະພາບ
 | ເພີ່ມຂົວຕໍ່ພັດທະນາພາສາຫວຽດ ຢູ່ຍີ່ປຸ່ນ ໂດຍຜ່ານການຮ່ວມມືດ້ານການສຶກສາ |
| ຮ່າໂນ້ຍ ແມ່ນໜຶ່ງໃນບັນດາຈຸດໝາຍປາຍທາງທີ່ໄດ້ຮັບຄວາມນິຍົມທີ່ສຸດໃນທຸກຍຸກສະໄໝ |
ໃນຊຸມປີມໍ່ໆມານີ້, ພັກ, ລັດ ແລະ ປະຊາຊົນຫວຽດນາມ ແລະ ລາວ ໄດ້ປັບປຸງແລະ ພັດທະນາການພົວພັນລະຫວ່າງສອງປະເທດຂຶ້ນສູ່ລະດັບສູງໃໝ່, ກ້າວເຂົ້າສູ່ລວງເລິກ, ແທດຈິງ ແລະ ມີປະສິດທິຜົນໃນທຸກຂົງເຂດ.
ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ-ລາວ ແມ່ນຊັບສົມບັດລວມອັນລ້ຳຄ່າຂອງສອງຊາດ, ແມ່ນຄວາມຈຳເປັນທີ່ມີຈຸດປະສົງ, ເປັນກົດໝາຍປະຫວັດສາດ ແລະ ເປັນແຫຼ່ງກຳລັງອັນໃຫຍ່ຫຼວງ, ເປັນພື້ນຖານເພື່ອໃຫ້ສອງປະເທດພັດທະນາ ແລະ ສົ່ງຕໍ່ໃຫ້ຄົນລຸ້ນຫຼັງ. 2 ປະເທດສະເໝີຕົ້ນສະເໝີປາຍ, ສະໜັບສະໜູນເຊິ່ງກັນ ແລະ ກັນໃນການປະດິດສ້າງ, ກໍ່ສ້າງ, ພັດທະນາ ແລະ ປົກປັກຮັກສາປະເທດ; ໃນນັ້ນ, ການຮ່ວມມືດ້ານປ້ອງກັນປະເທດ - ຄວາມໝັ້ນຄົງສືບຕໍ່ໄດ້ຮັບການຮັກສາ ແລະ ພັດທະນາ, ແມ່ນໜຶ່ງໃນບັນດາເສົາຄ້ຳສຳຄັນໃນການພົວພັນລະຫວ່າງ 2 ປະເທດ.
 |
| ສະຫາຍ ເລືອງຕ໋າມກວາງ, ກຳມະການກົມການເມືອງ, ລັດຖະມົນຕີກະຊວງຕຳຫຼວດ ຫວຽດນາມ ແລະ ສະຫາຍ ວິໄລ ຫຼ້າຄຳຟອງ, ກຳມະການກົມການເມືອງ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນຄວາມສະຫງົບລາວ ໄດ້ລົງນາມໃນສັນຍາຮ່ວມມືລະຫວ່າງກະຊວງຕຳຫຼວດ 2 ປະເທດ. (ພາບ: Khong Ha) |
ການພົວພັນຮ່ວມມືຂອງກະຊວງຕຳຫຼວດຂອງສອງປະເທດໃນຫຼາຍປີມານີ້ລ້ວນແຕ່ໄດ້ຮັບການຮັກສາ, ປັບປຸງ, ພັດທະນາທັງລວງກວ້າງ ແລະ ລວງເລິກ, ໂດຍສະເພາະແມ່ນວຽກງານປະສານງານ, ແລກປ່ຽນຂໍ້ມູນຂ່າວສານກ່ຽວກັບຄວາມໝັ້ນຄົງແຫ່ງຊາດ, ຮັກສາຄວາມເປັນລະບຽບຮຽບຮ້ອຍ, ຄວາມປອດໄພສັງຄົມຂອງແຕ່ລະປະເທດ. ພາຍໃຕ້ການຊີ້ນຳຢ່າງໃກ້ຊິດຂອງການນຳສອງກະຊວງ, ກຳລັງຕຳຫຼວດຫວຽດນາມ ແລະ ລາວ ໄດ້ສຳເລັດໜ້າທີ່ຢ່າງດີເລີດ, ຮັບປະກັນຄວາມໝັ້ນຄົງແຫ່ງຊາດ, ຄວາມເປັນລະບຽບຮຽບຮ້ອຍ, ຄວາມປອດໄພສັງຄົມ, ປະກອບສ່ວນສຳຄັນເຂົ້າໃນພາລະກິດການກໍ່ສ້າງ ແລະ ພັດທະນາຂອງແຕ່ລະປະເທດ.
ໃນທັງໝົດການພົວພັນທາງການອັນດີງາມ ແລະ ຮອບດ້ານໃນບັນດາຊ່ອງທາງການທູດຂອງພັກ, ລັດ, ສະພາແຫ່ງຊາດ, ກະຊວງຕຳຫຼວດ ພ້ອມທັງບັນດາກະຊວງ, ຂະແໜງການ ກໍ່ໄດ້ຍູ້ແຮງການຜັນຂະຫຍາຍຢ່າງຕັ້ງໜ້າວຽກງານການທູດປະຊາຊົນ, ແມ່ນໜຶ່ງໃນ 3 ເສົາຄ້ຳຂອງການທູດຫວຽດນາມ ຮອບດ້ານ, ທັນສະໄໝ, ເພື່ອປະກອບສ່ວນຜັນຂະຫຍາຍວຽກງານຕຳຫຼວດຢ່າງມີປະສິດທິຜົນ ທີ່ມາຈາກຄວາມຮັກແພງອັນດີງາມ, ມູນເຊື້ອ, ສັດຊື່ຂອງປະຊາຊົນສອງປະເທດເວົ້າລວມ, ພະນັກງານ, ນັກຮົບຂອງສອງກະຊວງເວົ້າສະເພາະ.
ບົນພື້ນຖານນັ້ນ, ກອນຄວາມຮຽກຮ້ອງຕ້ອງການຂອງສະພາບການໃໝ່, ໂດຍໄດ້ຮັບຄວາມເອົາໃຈໃສ່ຈາກຄະນະພັກຕຳຫຼວດສູນກາງ, ການນຳກະຊວງຕຳຫຼວດ, ສູນກາງສະມາຄົມມິດຕະພາບ ຫວຽດນາມ - ລາວ, ສະມາຄົມມິດຕະພາບ ຫວຽດນາມ - ລາວ ໃນຂົງເຂດຕຳຫຼວດປະຊາຊົນໄດ້ຮັບການສ້າງຕັ້ງຢ່າງເປັນທາງການໃນປີ 2018; ແມ່ນອົງການທີ່ຂຶ້ນກັບສະມາຄົມມິດຕະພາບຫວຽດນາມ - ລາວ.
ການສ້າງຕັ້ງສະມາຄົມມິດຕະພາບຫວຽດນາມ - ລາວ ໃນຂົງເຂດຕຳຫຼວດປະຊາຊົນ ມີຄວາມໝາຍສຳຄັນຫຼາຍໃນການຊຸກຍູ້ການພົວພັນຮ່ວມມືທີ່ມີຢູ່ແລ້ວ ແລະ ເປີດຊ່ອງທາງໃໝ່ຂອງການຮ່ວມມືຢ່າງແທດຈິງ, ມີປະສິດທິຜົນລະຫວ່າງສອງປະເທດ; ເປັນການເຄື່ອນໄຫວທີ່ຈໍາເປັນ ແລະ ມີຄວາມຫມາຍ; ເປັນການສະແດງໃຫ້ເຫັນຢ່າງສົດໃສ ແລະ ເປັນເວທີປາໄສສຳຄັນເພື່ອໃຫ້ບັນດາສະຫາຍການນຳ, ພະນັກງານ, ນັກຮົບຜູ້ພວມປະຈຳການ, ອອກກິນເບ້ຍບຳນານ ມີເງື່ອນໄຂເພື່ອສືບຕໍ່ປະກອບສ່ວນສ້າງສາ ແລະ ພັດທະນາສາຍພົວພັນຄວາມສາມັກຄີ, ເປັນມູນເຊື້ອ, ການຮ່ວມມືແບບພິເສດ ແລະ ຮອບດ້ານລະຫວ່າງສອງປະເທດເວົ້າລວມ ແລະ ລະຫວ່າງກະຊວງຕຳຫຼວດຫວຽດນາມ ແລະ ກະຊວງຕຳຫຼວດລາວ ເວົ້າສະເພາະ.
ສະມາຄົມມິດຕະພາບຫວຽດນາມ - ລາວ ໃນຂົງເຂດຕຳຫຼວດປະຊາຊົນ ເຄື່ອນໄຫວເພື່ອເປົ້າໝາຍແມ່ນປະກອບສ່ວນເພີ່ມທະວີຄວາມເຂົ້າໃຈລະຫວ່າງກຳລັງຕຳຫຼວດຂອງສອງປະເທດ, ປັບປຸງ ແລະ ພັດທະນາສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງປະເທດ.
ນັບແຕ່ໄດ້ຮັບການສ້າງຕັ້ງມາຮອດປະຈຸປັນ, ສະມາຄົມມິດຕະພາບຫວຽດນາມ-ລາວ ໃນຂົງເຂດຕຳຫຼວດປະຊາຊົນ ໄດ້ສືບຕໍ່ປ່ຽນແປງໃໝ່ມາດຕະການເຄື່ອນໄຫວການຕ່າງປະເທດປະຊາຊົນຢ່າງບໍ່ຢຸດຢັ້ງ, ເພີ່ມທະວີການສົມທົບກັບສູນກາງສະມາຄົມມິດຕະພາບຫວຽດນາມ-ລາວ ເພື່ອຜັນຂະຫຍາຍບັນດາການເຄື່ອນໄຫວລວມທີ່ຕິດກັບໜ້າທີ່ການເມືອງ ແລະ ວຽກງານຕຳຫຼວດ. ປະຈຸບັນ, ສະຫາຍປະທານຊົ່ວຄາວສະມາຄົມມິດຕະພາບຫວຽດນາມ - ລາວ ໃນຂົງເຂດຕຳຫຼວດປະຊາຊົນໃນຕຳແໜ່ງເປັນຮອງປະທານ ແລະ ຫົວໜ້າກົມການຕ່າງປະເທດ, ກະຊວງຕຳຫຼວດ ເປັນຄະນະບໍລິຫານງານສະມາຄົມມິດຕະພາບ ຫວຽດນາມ - ລາວ ຊຸດ 5, ອາຍຸການ 2023-2028. ສະມາຄົມ ໄດ້ຜັນຂະຫຍາຍຢ່າງຕັ້ງໜ້າບັນດາການເຄື່ອນໄຫວໂຄສະນາ, ສຶກສາກ່ຽວກັບມູນເຊື້ອແຫ່ງການພົວພັນອັນດີງາມລະຫວ່າງສອງປະເທດ, ກະຊວງຕຳຫຼວດຫວຽດນາມ - ກະຊວງຕຳຫຼວດລາວ; ຍົກສູງຄວາມຮັບຮູ້ຂອງພະນັກງານ, ນັກຮົບ, ປະກອບສ່ວນປັບປຸງ ແລະ ພັດທະນາການພົວພັນສອງຝ່າຍ, ຈາກນັ້ນບັນດາສະມາຊິກ ຈະນຳໃຊ້ປະດິດສ້າງເຂົ້າໃນວຽກງານ, ການເຄື່ອນໄຫວຕົວຈິງ, ສຶກສາອົບຮົມຊາວໜຸ່ມໃນການຮັກສາ, ເສີມຂະຫຍາຍການພົວພັນທີ່ເປັນມູນເຊື້ອລະຫວ່າງ 2 ປະເທດ ແລະ ສອງກະຊວງ...
ສະມາຄົມມິດຕະພາບ ຫວຽດນາມ - ລາວ ໃນຂົງເຂດຕຳຫຼວດປະຊາຊົນ ສົມທົບກັບສູນກາງສະມາຄົມມິດຕະພາບຫວຽດນາມ - ລາວ ຈັດຕັ້ງບັນດາການເຄື່ອນໄຫວຢ່າງແທດຈິງ, ມີຄວາມໝາຍເນື່ອງໃນໂອກາດສະເຫຼີມສະຫຼອງ 2 ປະເທດ ແລະ ສອງກະຊວງ; ຈັດຕັ້ງການພົບປະ, ສະແດງຄວາມຮູ້ບຸນຄຸນ, ເຂົ້າຢ້ຽມຂ່ຳນັບບັນດາສະຫາຍນັກຮົບເກົ່າ, ຍາດພີ່ນ້ອງບັນດາຄອບຄົວທີ່ໄດ້ປະກອບສ່ວນຫຼາຍຢ່າງເຂົ້າໃນການພັດທະນາການພົວພັນລະຫວ່າງສອງປະເທດ ແລະ ສອງກະຊວງ.
ຄາດຄະເນວ່າ, ໃນໄລຍະຈະມາເຖິງ, ສະພາບການຂອງໂລກ ແລະ ພາກພື້ນຈະສືບຕໍ່ພັດທະນາຢ່າງສັບສົນ ແລະ ບໍ່ສາມາດຄາດຄະເນ; ເປົ້າໝາຍ ແລະ ຄູຮ່ວມມືສະຫຼັບຊັບຊ້ອນກັນໄປ; ທັງສູ້ຮົບ ແລະ ຮ່ວມມື..., ຍິ່ງກວ່າອີກ, ສອງພັກ, ສອງລັດ ແລະ ປະຊາຊົນສອງປະເທດຕ້ອງຮ່ວມມື, ມີນ້ຳໃຈໜຶ່ງດຽວ, ເສີມຂະຫຍາຍຢ່າງເຂັ້ມແຂງມູນເຊື້ອຄວາມສາມັກຄີແບບພິເສດ ແລະ ການຮ່ວມມື, ຊ່ວຍເຫຼືອເຊິ່ງກັນ ແລະ ກັນ, ສືບຕໍ່ນຳພາລະກິດການປະຕິວັດຂອງປະຊາຊົນສອງປະເທດຢ່າງບໍ່ຢຸດຢັ້ງ, ມຸ່ງໄປເຖິງຈຸດໝາຍສັງຄົມນິຍົມ. ສະມາຄົມມິດຕະພາບ ຫວຽດນາມ-ລາວ ໃນຂົງເຂດຕຳຫຼວດປະຊາຊົນ ຕ້ອງສືບຕໍ່ເສີມຂະຫຍາຍບົດບາດ, ທີ່ຕັ້ງ, ປະກອບສ່ວນຢ່າງຕັ້ງໜ້າເຂົ້າໃນວຽກງານຂອງສະມາຄົມເວົ້າສະເພາະ ແລະ ເພີ່ມທະວີການພົວພັນມິດຕະພາບທີ່ເປັນມູນເຊື້ອແບບພິເສດລະຫວ່າງສອງປະເທດ ເວົ້າລວມ.
ດ້ວຍຈິດໃຈນັ້ນ, ສະມາຄົມມິດຕະພາບຫວຽດນາມ - ລາວ ໃນຂົງເຂດຕຳຫຼວດປະຊາຊົນ ຈະສືບຕໍ່ແມ່ນຂົວຕໍ່ທີ່ສຳຄັນຂອງການພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງປະຊາຊົນຫວຽດນາມ - ລາວ.
 | ເຊື່ອມຕໍ່ ຫວຽດນາມ ແລະ ຈີນ ຜ່ານການປູກຕົ້ນໄມ້ມິດຕະພາບ ຍສໝ - ຕອນບ່າຍວັນທີ 20 ກຸມພາ, ບັນດາຜູ້ແທນທີ່ເຂົ້າຮ່ວມລາຍການພົບປະລະດູບານໃໝ່ປີ 2025 ແລະ ກອງປະຊຸມຄະນະກຳມະການວຽກງານປະສົມ ຄັ້ງທີ 16 ດຳເນີນຢູ່ ກວາງນິງ ໄດ້ເຂົ້າຮ່ວມການປູກຕົ້ນໄມ້ມິດຕະພາບຢູ່ສວນສາທາລະນະດອກໄມ້ ຮ້າລອງ (ເມືອງ ແບ້ກດັງ, ນະຄອນ ຮ້າລອງ). |
 | ຫວຽດນາມ ສືບຕໍ່ແມ່ນຈຸດໝາຍປາຍທາງນິຍົມທີ່ສຸດສຳລັບບັນດາຄອບຄົວ ສ.ເກົາຫຼີ ທີ່ມີເດັກນ້ອຍ. ຍສໝ - ຫວຽດນາມ ຍັງສືບຕໍ່ຮັກສາຕຳແໜ່ງອັນດັບ 1 ໃນການຈັດອັນດັບຈຸດໝາຍປາຍທາງແຫຼ່ງທ່ອງທ່ຽວໃຫ້ກັບຄອບຄົວທີ່ມີເດັກນ້ອຍອາຍຸຕ່ຳກວ່າ 10 ປີໃນ ສ.ເກົາຫຼີ, ຍ້ອນອາກາດອົບອຸ່ນ, ບັນດາການເຄື່ອນໄຫວທີ່ບັນເທິງຫຼາກຫຼາຍ ແລະ ບັນດາຣີສອດທີ່ຫຼູຫຼາ. |
ມີງດຶກ