ຮ່າໂນ້ຍ ເກັບລາຍຮັບໄດ້ກວ່າ 2,18 ຕື້ດົ່ງ ໃນໂອກາດບຸນວັນຊາດທີ 2 ກັນຍາ
| ນັກສຶກສາ ຮ່າໂນ້ຍ - ຟູກູໂອກະ ພົບປະແລກປ່ຽນວັດທະນະທຳ ແລະການສຶກສາ | |
| ສູນວັດທະນະທຳຈີນຢູ່ຮ່າໂນ້ຍ: ຊຸກຍູ້ການແລກປ່ຽນວັດທະນະທຳ ແລະ ສິລະປະຫວຽດນາມ - ຈີນ |
ຕົວເລກສະຖິຕິຂອງພະແນກທ່ອງທ່ຽວຮ່າໂນ້ຍ, ໃນໂອກາດວັນຊາດ, ຂໍ້ມູນດັ່ງກ່າວສະແດງໃຫ້ເຫັນເຖິງການຟື້ນຕົວຢ່າງແຂງແຮງຂອງຂະແໜງທ່ອງທ່ຽວນະຄອນຫຼວງພາຍຫຼັງໂລກລະບາດໂຄວິດ-19. ໃນນັ້ນ, ນັກທ່ອງທ່ຽວສາກົນບັນລຸ 58.900 ເທື່ອຄົນ, ເພີ່ມຂຶ້ນ 35,8% ເມື່ອທຽບໃສ່ປີຜ່ານມາ.
ຢູ່ບັນດາສະຖານທີ່ພັກນັກທ່ອງທ່ຽວ, ຜົນການດຳເນີນທຸລະກິດຍັງໄດ້ຮັບຜົນດີຫຼາຍສົມຄວນ. ອັດຕາການເຂົ້າພັກໂດຍສະເລ່ຍຂອງໂຮງແຮມ ແລະ ຫ້ອງເຊົ່ານັກທ່ອງທ່ຽວບັນລຸປະມານ 61,2%, ເພີ່ມຂຶ້ນ 1,7% ເມື່ອທຽບໃສ່ໄລຍະດຽວກັນໃນປີ 2023. ໂຮງແຮມ 4-5 ດາວ ແລະ ຫ້ອງເຊົ່າຫຼູ ມີອັດຕາການເຂົ້າຫ້ອງພັກສູງເຖິງ 90 - 100%.
 |
| ແຂກທ່ອງທ່ຽວອິນເດຍ ໄປຢ້ຽມຢາມ ແລະ ຊອກຮູ້ຮ່ອງຮອຍປະຫວັດສາດ ວັນມ້ຽວ ໃນຕອນບ່າຍວັນທີ 27 ສິງຫາ (ພາບ: T.L). |
ສະຖານທີ່ທ່ອງທ່ຽວທີ່ສຳຄັນຂອງຮ່າໂນ້ຍ ສືບຕໍ່ດຶງດູດນັກທ່ອງທ່ຽວເປັນຈຳນວນຫຼວງຫຼາຍຄື: ສວນສັດຮ່າໂນ້ຍ ຕ້ອນຮັບນັກທ່ອງທ່ຽວ 76.671 ເທື່ອຄົນ; ເຂດຖະໜົນຍ່າງຢູ່ເຂດໜອງເຕົ່າ (ໜອງຮວ່ານກຽມ) ໄດ້ຕ້ອນຮັບແຂກທ່ອງທ່ຽວປະມານ 47.000 ເທື່ອຄົນ; ຮ່ອງຮອຍຄຸກ ຮວາລໍ່ ຕ້ອນຮັບແຂກທ່ອງທ່ຽວ 28.020 ເທື່ອຄົນ; ເຂດຮ່ອງຮອຍປະຫວັດສາດ ກຳແພງເມືອງເກົ່າ ຮວ່າງແທງທັງລອງ ແລະ ຮ່ອງຮອຍ ວັນມ້ຽວ ໄດ້ຕ້ອນຮັບແຂກທ່ອງທ່ຽວກວ່າ 22.000 ເທື່ອຄົນ.
ນອກຈາກນັ້ນ, ສະຖານທີ່ທ່ອງທ່ຽວໃໝ່ເຊັ່ນ: Lotte Mall Tay Ho, Vinhomes Ocean Park ແລະ ເຂດທ່ອງທ່ຽວຢູ່ຊານເມືອງກໍ່ດຶງດູດນັກທ່ອງທ່ຽວເປັນຈໍານວນຫຼວງຫຼາຍ. ພິເສດ, ພະແນກທ່ອງທ່ຽວ ຮ່າໂນ້ຍ ໄດ້ສົມທົບກັບຄະນະຄຸ້ມຄອງສຸສານປະທານ ໂຮ່ຈີມິນ ຈັດພິທີມອບຂອງຂວັນ 28.000 ອັນໃຫ້ແກ່ນັກທ່ອງທ່ຽວທີ່ມາຢ້ຽມຢາມສຸສານ. ການເຄື່ອນໄຫວນີ້ບໍ່ພຽງແຕ່ສະແດງໃຫ້ເຫັນຄວາມຮັກແພງ, ໜ້າທີ່ຄວາມຮັບຜິດຊອບໃນການບໍລິການ ແລະ ຕ້ອນຮັບແຂກທ່ອງທ່ຽວເທົ່ານັ້ນ ແຕ່ຍັງໄດ້ປະກອບສ່ວນໂຄສະນາຮູບພາບການທ່ອງທ່ຽວຂອງນະຄອນຫຼວງໃຫ້ແກ່ປະຊາຊົນ ແລະ ນັກທ່ອງທ່ຽວສາກົນ.
ໃນໂອກາດວັນຊາດ, ລາຍການແຫ່ຂະບວນ “ຊຸດເສື້ອຍາວເຊື່ອມສານການທ່ອງທ່ຽວກັບມໍລະດົກຮ່າໂນ້ຍ ປີ 2024” ໄດ້ດຶງດູດການເຂົ້າຮ່ວມຂອງ 150 ກວ່າຄົນນຸ່ງຊຸດເສື້ອຍາວທີ່ເປັນເອກະລັກ ເດີນຕາມຖະໜົນຫົນທາງເຕົ້າໂຮມກັນໄປຍັງສະຖານທີ່ທ່ອງທ່ຽວທີ່ມີຊື່ສຽງຂອງຮ່າໂນ້ຍ. ກິດຈະກຳນີ້ບໍ່ພຽງແຕ່ເປັນການເຊີດຊູຄວາມງາມແບບເອກະລັກດັ້ງເດີມ ແລະ ທັນສະໄໝຂອງນະຄອນຫຼວງເທົ່ານັ້ນ ແຕ່ຍັງເປັນການປະກອບສ່ວນເຊື່ອມຕໍ່ການທ່ອງທ່ຽວກັບມໍລະດົກຢ່າງເປັນເອກະລັກ ແລະ ມີປະສິດທິຜົນ.
ດ້ວຍບັນດາໝາກຜົນທີ່ໜ້າປະທັບໃຈນັ້ນ, ຂະແໜງທ່ອງທ່ຽວຮ່າໂນ້ຍ ຢືນຢັນການຟື້ນຟູຢ່າງແຮງອີກຄັ້ງໜຶ່ງພາຍຫຼັງໂລກລະບາດແຜ່ລະບາດ, ສືບຕໍ່ເສີມຂະຫຍາຍບົດບາດເປັນຈຸດໝາຍປາຍທາງການທ່ອງທ່ຽວທີ່ດຶງດູດ, ປອດໄພ ແລະ ເປັນມິດຕໍ່ບັນດານັກທ່ອງທ່ຽວພາຍໃນ ແລະ ຕ່າງປະເທດ. ຜົນສຳເລັດດັ່ງກ່າວຍັງສ້າງພື້ນຖານອັນໜັກແໜ້ນໃຫ້ແກ່ການພັດທະນາການທ່ອງທ່ຽວແບບຍືນຍົງຂອງນະຄອນຫຼວງໃນໄລຍະຈະມາເຖິງ, ມຸ່ງໄປເຖິງການສ້າງຮ່າໂນ້ຍ ໃຫ້ເປັນແຫຼ່ງທ່ອງທ່ຽວທີ່ “ປອດໄພ-ເປັນມິດ-ມີຄຸນນະພາບ-ດຶງດູດ”.
 | ສະຖານທູດ ຫວຽດນາມ ປະຈຳ ອີຢິບ ໄດ້ຈັດພິທີສະເຫຼີມສະຫຼອງວັນຊາດ 2 ກັນຍາ |
| ໂຮ້ຍອານ ໄດ້ຈັດອັນດັບທີ 4 ໃນບັນຊີລາຍຊື່ 25 ນະຄອນທີ່ນິຍົມທີ່ສຸດໃນໂລກ |
ອ.ສະຫວັດ