| ເຊື່ອມໂຍງສາມເສດຖະກິດ ຫວຽດນາມ - ລາວ - ກຳປູເຈຍ, ເປີດກວ້າງໂອກາດການເຕີບໂຕ ຫວຽດນາມ - ລາວ ເພີ່ມທະວີການຮ່ວມມືດ້ານປ້ອງກັນຊາດ, ເສີມສ້າງຄວາມຜູກພັນທາງຍຸດທະສາດ |
 |
| ສະຫາຍ ພົນເອກ ຟານ ວັນ ຢາງ ແລະ ສະຫາຍ ພົນເອກ ຄຳລຽງ ອຸທະໄກສອນ ປະຕິບັດພິທີກວດແຖວກອງທະຫານກຽດຕິຍົດຂອງກອງທັບປະຊາຊົນຫວຽດນາມ ໃນພິທີຕ້ອນຮັບ. |
ສະຫາຍ ພົນເອກ ຄຳລຽງ ອຸທະໄກສອນ ໄດ້ຢ້ຽມຢາມຫວຽດນາມຢ່າງເປັນທາງການ, ພ້ອມທັງເຂົ້າຮ່ວມການພົບປະປະຈຳປີລະຫວ່າງລັດຖະມົນຕີກະຊວງປ້ອງກັນປະເທດສາມປະເທດ ແລະ ການຝຶກຊ້ອມຮ່ວມດ້ານການປ້ອງກັນພົນລະເຮືອນລະຫວ່າງກອງທັບສາມປະເທດ ຫວຽດນາມ - ລາວ - ກຳປູເຈຍ ປີ 2026.
ໃນການເຈລະຈາ, ສະຫາຍ ພົນເອກ ຟານ ວັນ ຢາງ ແລະ ສະຫາຍ ພົນເອກ ຄຳລຽງ ອຸທະໄກສອນ ໄດ້ເຫັນດີວ່າ ກະຊວງປ້ອງກັນປະເທດສອງປະເທດຈະສືບຕໍ່ເປັນເຈົ້າການຜັນຂະຫຍາຍບັນດາເນື້ອໃນການຮ່ວມມືໃນໄລຍະຕໍ່ໜ້າ, ໂດຍສຸມໃສ່ຍົກສູງປະສິດທິຜົນຂອງບັນດາກົນໄກປຶກສາຫາລື, ການສົນທະນາ ແລະ ການປະສານສົມທົບໃນການຄຸ້ມຄອງ, ປົກປ້ອງຊາຍແດນ.
ສອງຝ່າຍຍັງເຫັນດີຊຸກຍູ້ການຮ່ວມມືໃນວຽກງານຊອກຫາ, ເກັບກູ້ ແລະ ນຳສົ່ງອັດຖິຂອງນັກຮົບພະລີຊີບຈາກກອງທັບອາສາສະໝັກ ແລະ ຊ່ຽວຊານຫວຽດນາມທີ່ເສຍສະຫຼະຊີວິດຢູ່ລາວໃນໄລຍະສົງຄາມຕ່າງໆ ກັບຄືນປະເທດ; ເພີ່ມທະວີການປະສານສົມທົບໃນຂົງເຂດອຸດສາຫະກຳປ້ອງກັນຊາດ ແລະ ຊຸກຍູ້ການປຶກສາຫາລື, ການຮ່ວມມືລະຫວ່າງກອງທັບສາມປະເທດ ຫວຽດນາມ - ລາວ - ກຳປູເຈຍ.
ໂດຍສະເພາະ, ການນຳກະຊວງປ້ອງກັນປະເທດສອງປະເທດຍັງສືບຕໍ່ກຳນົດໃຫ້ການຝຶກອົບຮົມຊັບພະຍາກອນມະນຸດເປັນໜ້າທີ່ສຳຄັນທີ່ສຸດ, ມີຄວາມໝາຍທາງຍຸດທະສາດໃນໄລຍະຍາວ, ປະກອບສ່ວນເສີມສ້າງພື້ນຖານສາຍພົວພັນພິເສດລະຫວ່າງຫວຽດນາມ ແລະ ລາວ ເວົ້າລວມ, ລະຫວ່າງກອງທັບສອງປະເທດເວົ້າສະເພາະ.
ໃນໂອກາດນີ້, ສະຫາຍ ພົນເອກ ຟານ ວັນ ຢາງ ແລະ ສະຫາຍ ພົນເອກ ຄຳລຽງ ອຸທະໄກສອນ ໄດ້ລົງນາມແຜນການຮ່ວມມືດ້ານປ້ອງກັນຊາດ ຫວຽດນາມ - ລາວ ປີ 2027, ສ້າງພື້ນຖານໃຫ້ສອງຝ່າຍສືບຕໍ່ຜັນຂະຫຍາຍບັນດາກິດຈະກຳປະສານສົມທົບໃນໄລຍະຕໍ່ໜ້າ.
 ຫວຽດນາມ - ລາວ ແລກປ່ຽນເອກະສານການຮ່ວມມື 11 ສະບັບໃນຫຼາຍຂົງເຂດ ຍສໝ -ຕອນບ່າຍວັນທີ 8/10, ທີ່ສຳນັກງານນາຍົກລັດຖະມົນຕີລາວ ໃນນະຄອນຫຼວງວຽງຈັນ, ທ່ານ ເລ ມິງ ຮຶງ ນາຍົກລັດຖະມົນຕີຫວຽດນາມ ແລະ ທ່ານ ສະເຫຼີມໄຊ ກົມມະສິດ ນາຍົກລັດຖະມົນຕີລາວ ໄດ້ເປັນສັກຂີພິຍານໃນພິທີແລກປ່ຽນເອກະສານການຮ່ວມມື 11 ສະບັບ ລະຫວ່າງບັນດາກະຊວງ, ຂະແໜງການ ແລະ ທ້ອງຖິ່ນຂອງສອງປະເທດ ພາຍຫຼັງການເຈລະຈາ. ບັນດາເອກະສານດັ່ງກ່າວກວມເອົາຫຼາຍຂົງເຂດ, ນັບແຕ່ຄົມມະນາຄົມ, ການສຶກສາ, ຄວາມໝັ້ນຄົງທາງໄຊເບີ ໄປຈົນເຖິງການເງິນ, ພະລັງງານ ແລະ ການຮ່ວມມືລະຫວ່າງທ້ອງຖິ່ນ. |
 ທະຫານຊາຍແດນຫວຽດນາມ - ລາວ ປະສານສົມທົບລາດຕະເວນ ຮັກສາຄວາມໝັ້ນຄົງຕາມຊາຍແດນ ຍສໝ - ວັນທີ 9/10, ປ້ອມທະຫານຊາຍແດນ ຈ່ຽງເຕືອງ (ແຂວງເຊີນລາ, ຫວຽດນາມ) ແລະ ກອງຮ້ອຍທະຫານຊາຍແດນ 213 (ແຂວງຫົວພັນ, ລາວ) ໄດ້ຈັດການລາດຕະເວນຮ່ວມສອງຝ່າຍ, ກວດກາລະບົບເສັ້ນຊາຍແດນ, ຫຼັກໝາຍຊາຍແດນ ແລະ ແລກປ່ຽນສະພາບການຄວາມໝັ້ນຄົງໃນເຂດຊາຍແດນທີ່ຕິດຈອດກັນ, ປະກອບສ່ວນຮັກສາເສັ້ນຊາຍແດນແຫ່ງສັນຕິພາບ, ມິດຕະພາບ ແລະ ຄວາມໝັ້ນຄົງ. |
ມິງດຶກ
