ບໍ່ຢຸດການຟ້ອງຮ້ອງຈົນກວ່າບໍລິສັດທີ່ຜະລິດສານພິດສີສົ້ມຕ້ອງໄດ້ຮັບຜິດຊອບຕໍ່ຄວາມຜິດຂອງພວກເຂົາ

	ການໂທດກຳສົງຄາມທີ່ເຮັດຜິດກັບທຳມະຄະຕິຄື ທາດພິດສີສົ້ມ ຈະບໍ່ໄດ້ປິດບັງໄວ້
	ສານ Evry - ຝ​ລັ່ງ ປະ​ຕິ​ເສດ​ໃບ​ຮ້ອງ​ຟ້ອງ​ຂອງ​ທ່ານ​ນາງ ເຈິ່ນ​ໂຕ໊ງາ

ຊາວຫວຽດນາມທີ່ຮັບຜົນກະທົບຈາກທາດພິດສີສົ້ມ ໄດ້ຮັບການສະໜັບສະໜູນຈາກໂຄງການ RENEW.

ທ່ານຮູ້ກ່ຽວກັບການເດີນທາງຂອງ ທ່ານນາງ ເຈີນໂຕຫງ່າ ເພື່ອຮຽກຮ້ອງຄວາມຍຸຕິທຳ ສຳລັບຜູ້ປະສົບເຄາະຮ້າຍຈາກທາດພິດສີສົ້ມບໍ?

ຂ້າພະເຈົ້າໄດ້ພົບກັບທ່ານນາງ ເຈີນໂຕຫງ່າ ເມື່ອສອງສາມປີກ່ອນ ໃນເວລາທີ່ທ່ານນາງມາຢ້ຽມຢາມຮ່າໂນ້ຍ, ຂ້າພະເຈົ້າຮູ້ສຶກປະທັບໃຈຈາກຄວາມຈິງໃຈ, ຄວາມຖ່ອມຈຽມ ແລະ ມານະຈິດ, ຄວາມຕັ້ງໃຈຂອງນາງ ໃນການຊອກຫາຄວາມຍຸດຕິທຳ ເພື່ອຕໍ່ຕ້ານບໍລິສັດເຄມີທີ່ໄດ້ສ້າງຄວາມເສຍຫາຍໃຫ້ ຫຼາຍຄົນທີ່ບໍ່ມີຄວາມຜິດ. ທ່ານນາງ ເຈີນໂຕຫງ່າ ກຳລັງສະແດງ ແລະ ຕາງໜ້າໃຫ້ແກ່ຜູ້ເຄາະຮ້າຍຫລາຍພັນຄົນ, ຂ້າພະເຈົ້າມີຄວາມເຄົາລົບນັບຖື ແລະ ຮູ້ສຶກຂອບໃຈຫຼາຍສຳລັບຄວາມມຸ່ງໝັ້ນຂອງນາງ ທີ່ຈະຊອກຫາຄວາມຍຸຕິທຳໃຫ້ກັບຕົນເອງ, ຄອບຄົວຂອງນາງ ແລະ ຂອງຜູ້ເຄາະຮ້າຍອື່ນໆ.

ທ່ານ Chuck Searcy - ປະທານສາຂາສາຂາສະມາຄົມ 106, ສະມາຄົມນັກຮົບເກົ່າເພື່ອສັນຕິພາບ (ອາເມລິກາ)

ໃນຖານະເປັນຄົນທີ່ໄດ້ອາໄສຢູ່ຫວຽດນາມມາ ເປັນເວລາດົນນານ, ທ່ານຮູ້ສຶກແນວໃດເມື່ອໄດ້ພົບກັບຜູ້ປະສົບເຄາະຮ້າຍຈາກທາດພິດສີສົ້ມ?

ແນ່ນອນຂ້ອຍຂໍສະແດງຄວາມໂສກເສົ້າ ແລະ ເຫັນອົກເຫັນໃຈນໍາພວກເຂົາ, ເພາະວ່າ ບັນຫາສຸຂະພາບຮ່າງກາຍ ແລະ ຈິດໃຈຂອງພວກເຂົາບໍ່ໄດ້ເກີດຈາກຍ້ອນສິ່ງທີ່ພວກເຂົາເຮັດ. ພວກເຂົາທຸກຄົນ ແມ່ນຜູ້ເຄາະຮ້າຍຈາກສົງຄາມທໍລະຫົດ ແລະ ໄຮ້ສິນທຳ, ພວກເຂົາ ແລະ ຄອບຄົວພວກເຂົາ ປະສົບກັບຄວາມບໍ່ຍຸດຕິທຳ.

ຄະດີຟ້ອງຮ້ອງຕ້ອງການໄດ້ສືບຕໍ່ນຳຕົວຕໍ່ສານດ້ວຍທຸກຂັ້ນ ແລະ ບໍ່ຢຸດການຟ້ອງຮ້ອງຈົນກວ່າບໍລິສັດເຄມີ ແລະ ລັດຖະບານຕ້ອງຮັບຜິດຊອບຕໍ່ການກະທຳທີ່ຜິດຂອງພວກເຂົາ.

ຖ້າທ່ານປະຕິບັດ, ທ່ານຈະເຮັດຫຍັງແດ່ ເພື່ອຊ່ວຍເຫຼືອຜູ້ປະສົບເຄາະຮ້າຍຈາກທາດພິດສີສົ້ມຂອງຫວຽດນາມ ໃນການຕໍ່ສູ້ດ້ານກົດໝາຍນີ້?

ພວກເຮົາຫຼາຍຄົນ ເຊິ່ງເປັນນັກຮົບຂອງອາເມລິກາ ໄດ້ເວົ້າ, ຂຽນບົດ ແລະ ຂຽນຈົດໝາຍສົ່ງເຖິງຜູ້ ນຳລັດຖະບານ ເພື່ອຮຽກຮ້ອງໃຫ້ພວກເຂົາຕ້ອງເຮັດຫຼາຍກວ່າເກົ່າ ໃນການຊ່ວຍເຫຼືອຜູ້ປະສົບເຄາະຮ້າຍຈາກທາດພິດສີສົ້ມ - ດີໂອຊີນທັງຜູ້ໃຫຍ່ ແລະເດັກນ້ອຍທັງເປັນຄົນຫວຽດນາມ ແລະ ອາເມລິກາ.

ລັດຖະບານສະຫະລັດອາເມລິກາ ກຳລັງເລີ່ມຕົ້ນທີ່ຈະຊ່ວຍເຫຼືອຄອບຄົວຫວຽດນາມທີ່ຖືກກະທົບທາດພິດສີສົ້ມ - ດີໂອຊີນຢ່າງໜັກ.

ຕ້ອງສືບຕໍ່ນຳເອົາຄະດີຟ້ອງຮ້ອງຂອງທ່ານນາງ ເຈີນໂຕຫງ່າ ໄປເຖີງສານທຸກຂັ້ນ

ສະນັ້ນພວກເຮົາຕ້ອງສືບຕໍ່ນຳເອົາຄະດີຟ້ອງຮ້ອງຂອງທ່ານນາງ ເຈີນໂຕຫງ່າ ໄປເຖີງສານທຸກຂັ້ນ, ພະຍາຍາມຊອກຫາຜູ້ພິພາກສາ ຫລື ຄະນະຕຸລາການທີ່ຮັບປະກັນຄວາມຍຸດຕິທຳຢ່າງແທ້ຈິງ, ແລະ ບໍ່ຢຸດການຟ້ອງຮ້ອງຈົນກວ່າບໍລິສັດທີ່ຜະລິດສານພິດສີສົ້ມ ແລະ ລັດຖະບານຕ້ອງຮັບຜິດຊອບຕໍ່ຄວາມຜິດຂອງພວກເຂົາ. ແລະ ພວກເຂົາຕ້ອງຮູ້ວ່າແມ່ນບໍ່ຖືກຕ້ອງທີ່ໄດ້ຜະລິດສານພິດສີສົ້ມ ແລະ ແຜ່ຂະຫຍາຍໄປສູ່ແຜ່ນດິນ ແລະ ປະຊາຊົນຂອງຫວຽດນາມ.

- ຂໍຂອບໃຈ!

ການໂທດກຳສົງຄາມທີ່ເຮັດຜິດກັບທຳມະຄະຕິຄື ທາດພິດສີສົ້ມ ຈະບໍ່ໄດ້ປິດບັງໄວ້ ຍສໝ - ກອງທຶນສັນຕິພາບ ສ.ເກົາຫຼີ - ຫວຽດນາມ ໄດ້ເຫັນດີຢ່າງເຕັມສ່ວນກັບຄະດີຂອງທ່ານນາງ ເຈີນໂຕຫງ່າ ໃນການຊອກຫາຄວາມຍຸຕິທຳໃຫ້ຜູ້ປະສົບເຄາະຮ້າຍຈາກທາດພິດສີສົ້ມໃນຄັ້ງນີ້.

ສະຫະພັນນັກຮົບເກົ່າຢູແກຼນ ໄດ້ອອກຖະແຫຼງການສະໜັບສະໜູນ ຜູ້ປະສົບເຄາະຮ້າຍຈາກທາດພິດສີສົ້ມຂອງຫວຽດນາມ ຍສໝ - ສະຫະພັນນັກຮົບເກົ່າຢູແກຼນ ໄດ້ປະກາດຄວາມສາມັກຄີ ກັບ ທ່ານນາງ ເຈີນໂຕຫງ່າ ແລະຜູ້ປະສົບເຄາະຮ້າຍຈາກທາດພິດສີສົ້ມຫວຽດນາມ ໃນການຕໍ່ສູ້ດ້ານກົດໝາຍ ຕໍ່ບໍລິສັດເຄມີຫຼາຍປະເທດຈຳນວນ 14 ແຫ່ງ.

ພັກກອມມູນິດເຢຍລະມັນ (DKP) ສະໜັບສະໜູນຄະດີຮ້ອງຟ້ອງ ຂອງຜູ້ປະສົບເຄາະຮ້າຍທາດພິດສີສົ້ມ - ດີໂອຊີນຫວຽດນາມ ຍສໝ - ຫວ່າງມໍ່ໆນີ້, ພັກກອມມູນິດເຢຍລະມັນ (DKP) ໄດ້ອອກຖະແຫຼງການວ່າດ້ວຍການສະໜັບສະໜູນການຟ້ອງຮ້ອງປະຫວັດສາດ ຂອງທ່ານນາງ ເຈີນໂຕຫງ່າ ພ້ອມດ້ວຍບັນດາຜູ້ປະສົບເຄາະຮ້າຍຈາກທາດພິດສີສົ້ມ - ດີໂອຊີນຢູ່ຫວຽດນາມ ຕໍ່ 14 ບໍລິສັດເຄມີໃນຫຼາຍປະເທດ.