ສະຖານທູດຫວຽດນາມ ໄດ້ຈັດຕັ້ງພິທີສະເຫຼີມສະຫຼອງ 58 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ຫວຽດນາມ ແລະ Algeria

	ສະຖານທູດຫວຽດນາມ ປະຈຳອິນເດຍ ໄດ້ແບ່ງປັນຄວາມຫຍຸ້ງຍາກ ກັບຜູ້ປະສົບໄພນ້ຳຖ້ວມຢູ່ພາກກາງຫວຽດນາມ
	ຫວຽດນາມ ແລະ ເວເນຊູເອລາ ຊຸກຍູ້ການຮ່ວມມືດ້ານການຄ້າ ແລະ ການລົງທຶນ

ຢູ່ທີ່ນີ້, ງານວາງສະແດງຮູບພາບ ໄດ້ແນະນຳປະມານ 50 ຮູບ ເຊິ່ງແມ່ນຂີດໝາຍສຳຄັນໃນປະຫວັດສາດການພົວພັນຫວຽດນາມ - Algeria, ພິເສດແມ່ນບົດບັນທຶກຢ່າງເປັນທາງການ ທີ່ປະກາດວ່າ ລັດຖະບານສາທາລະນະລັດປະຊາທິປະໄຕຫວຽດນາມ ໄດ້ຮັບຮອງລັດຖະບານຊົ່ວຄາວສາທາລະນະລັດ Allgeria ໃນວັນທີ 26 ກັນຍາ 1958, ບັນດາການຢ້ຽມຢາມຂອງການນຳຂັ້ນສູງຂອງສອງປະເທດ, ການເຄື່ອນໄຫວຮ່ຳຮຽນ ແລະ ສະແດງສິລະປະ ຫວຽດນາມ ຢູ່ Algeria…

ເນື່ອງໃນໂອກາດນີ້, ນັກໄປທັດສະນະສຶກສາທີ່ມາວາງສະແດງ ກໍ່ໄດ້ແນະນຳ ແລະ ຊິມບັນດາເຍື່ອງອາຫານພື້ນເມືອງທີ່ແຊບໆຂອງຫວຽດນາມ ໂດຍໄດ້ຮັບການກະກຽມ ແລະ ປຸງແຕ່ງຈາກພໍ່ຄົວຂອງສະຖານທູດຫວຽດນາມ.

ສະຖານທູດຫວຽດນາມ ປະຈຳ Algeria ໄດ້ຈັດຕັ້ງພິທີສະເຫຼີມສະຫຼອງ 58 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ຫວຽດນາມ ແລະ Algeria. (ພາບ: thoidai.com.vn)

ກ່າວຄຳເຫັນທີ່ພິທີ, ທ່ານຫງວຽນແທງວິງ - ເອກອັກຄະລັດຖະທູດປະຈຳ Algeria ໄດ້ຢືນຢັນວ່າ ໃນຕະຫຼອດ 60 ປີທີ່ຜ່ານມາ, ການພົວພັນລະຫວ່າງສອງປະເທດ ໄດ້ຜ່ານຜ່າສິ່ງທ້າທາຍຫຼາຍຢ່າງ ແລະ ນັບມື້ນັບໃກ້ຊິດຕິດພັນກັນ. ທ່ານຫງວຽນແທງວິງ ໄດ້ສະແດງຄວາມເຊື່ອໝັ້ນວ່າ ດ້ວຍການພົວພັນດ້ານການເມືອງທີ່ດີ ແລະ ຄວາມຕັດສິນໃຈຂອງຜູ້ນຳສອງປະເທດ, ການຮ່ວມມືຫຼາຍດ້ານລະຫວ່າງສອງປະເທດ ຈະມີແງ່ຫວັງພັດທະນາທີ່ເຂັ້ມແຂງກວ່າເກົ່າໃນໄລຍະຈະມາເຖິງ.

ທ່ານເອກອັກຄະລັດຖະທູດ ຫງວຽນແທງວິງ ກໍ່ໄດ້ສະແດງຄວາມຂອບໃຈຕໍ່ການຮ່ວມມື ແລະ ການສະໜັບສະໜູນຂອງກະຊວງການຕ່າງປະເທດ ແລະ ກົມສຳເນົາແຫ່ງຊາດປະເທດ Algeria ໃນການກະກຽມງານວາງສະແດງຮູບພາບຄັ້ງນີ້. ພ້ອມດຽວກັນນີ້, ທ່ານເອກອັກຄະລັດຖະທູດ ກໍ່ໄດ້ກ່າວວ່າ: ງານວາງສະແດງຮູບພາບຄັ້ງນີ້ ແມ່ນການສະແດງໃຫ້ເຫັນຢ່າງຈະແຈ້ງ ກ່ຽວກັບສາຍພົວພັນມິດຕະພາບທີ່ດີ ແລະ ການຮ່ວມມືທີ່ແໜ້ນແຟ້ນລະຫວ່າງສອງປະເທດ.

ຕາງໜ້າໃຫ້ກະຊວງການຕ່າງປະເທດ Algeria, ທ່ານ Boumediene Guennad - ຫົວໜ້າກົມໃຫຍ່ອາຊີ - ອົດສະຕາລີ ໄດ້ສະແດງຄວາມຊົມເຊີຍ ແລະ ທົບທວນຄືນປະຫວັດສາດຂອງການພົວພັນມິດຕະພາບທີ່ເປັນມູນເຊື້ອ ລະຫວ່າງສອງປະເທດ, ໄດ້ຕີລາຄາສູງຕໍ່ຜົນສຳເລັດດ້ານເສດຖະກິດ - ສັງຄົມ ທີ່ປະເທດຫວຽດນາມບັນລຸໄດ້ພາຍຫຼັງກວ່າ 30 ປີຂອງການປ່ຽນໃໝ່.

ພ້ອມດຽວກັນນີ້, ທ່ານ Boumediene Guennad ເຊື່ອວ່າ ການພົວພັນສອງຝ່າຍ ຈະສືບຕໍ່ໄດ້ຮັບການເພີ່ມທະວີ ແລະ ຂະຫຍາຍຕົວໃນຫຼາຍຂົງເຂດໃນໄລຍະຈະມາເຖິງ, ໂດຍສະເພາະໃນສະພາບການທີ່ປະເທດ Algeria ພວມປະຕິບັດນະໂຍບາຍການປະຕິຮູບທີ່ສຳຄັນ.

ສະຖານທູດຫວຽດນາມ ປະຈຳອິນເດຍ ໄດ້ແບ່ງປັນຄວາມຫຍຸ້ງຍາກ ກັບຜູ້ປະສົບໄພນ້ຳຖ້ວມຢູ່ພາກກາງຫວຽດນາມ ຍສໝ - ເມື່ອບໍ່ດົນມານີ້, ສະຖານທູດຫວຽດນາມ ປະຈຳອິນເດຍ ໄດ້ຈັດຕັ້ງການປຸກລະດົມບໍລິຈາກເງິນ ເພື່ອຊ່ວຍເຫຼືອປະຊາຊົນໃນເຂດພາກກາງ ເພື່ອແກ້ໄຂຜົນຮ້າຍຢ້ອນຫຼັງຈາກໄພນ້ຳຖ້ວມ.

ສະຖານທູດຫວຽດນາມ ປະຈຳຢູ່ບຣຸໃນ ໄດ້ປຸກລະດົມການຊ່ວຍເຫຼືອປະຊາຊົນພາກກາງ ຢູ່ ຫວຽດນາມ ຍສໝ - ໃນວັນທີ 22 ຕຸລາ, ສະຖານທຸດຫວຽດນາມ ປະຈຳຢູ່ບຣຸໃນ ໄດ້ຈັດພິທີການປຸກລະດົມການຊ່ວຍເຫືອປະຊາຊົນພາກກາງ ສສ.ຫວຽດນາມ ຜູ້ທີ່ຖືກຮັບຜົນສະທ້ອນ ເນື່ອງຈາກ ໄພທໍາມະຊາດ.

ສະຖານທູດຫວຽດນາມ ປະຈຳເວເນຊູເອລາ ໄດ້ສະເຫຼີມສະຫຼອງວັນຊາດຫວຽດນາມ ຄົບຮອບ 75 ປີ ຍສໝ - ເນື່ອງໃນໂອກາດສະເຫຼີມສະຫຼອງ 75 ປີແຫ່ງການປະຕິວັດເດືອນສິງຫາ ແລະ ວັນຊາດຫວຽດນາມ (2 ກັນຍາ 1945 - 2 ກັນຍາ 2020), ສະຖານທູດຫວຽດນາມ ປະຈຳເວເນຊູເອລາ ໄດ້ຈັດຕັ້ງລາຍການພົບປະແລກປ່ຽນວັດທະນະທຳຫວຽດນາມ - ເວເນຊູເອລາ ທີ່ໂຮງລະຄອນ Principal de Caracas.