ສປປ ລາວ ບໍ່ພົບຜູ້ຕິດເຊື້ອໂຄວິດ-19 ເພີ່ມ

	ສປປ ລາວ ບໍ່ມີຜູ້ຕິດເຊື້ອໂຄວິດ-19 ເພີ່ມ
	ລາວ: ບໍ່ພົບຜູ້ຕິດເຊື້ອໂຄວິດ-19 ເພີ່ມ

ທ່ານ ດຣ. ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ

ປັດຈຸບັນ, ຍັງມີຜູ້ຈໍາກັດບໍລິເວນທັງໝົດ 3.962 ຄົນ ຢູ່ 50 ສູນທົ່ວປະເທດ ແລະ ໄດ້ເກັບຕົວຢ່າງມາກວດວິເຄາະທັງໝົດ ແລະ ບໍ່ພົບຜູ້ຕິດເຊື້ອເພີ່ມໃໝ່. ໝາຍວ່າຜູ້ຕິດເຊື້ອ ຢູ່ປະເທດເຮົາ ຍັງຢູ່ທີ່ຕົວເລກສະສົມຈໍານວນ 23 ຄົນ. ຂະນະທີ່, ຜູ້ຕິດເຊື້ອຄົນທີ 23 ແມ່ນສືບຕໍ່ປິ່ນປົວຢູ່ໂຮງໝໍ ມິດຕະພາບ.

ທ່ານ ດຣ. ສີສະຫວາດ ສຸດທານີລະໄຊ ໃຫ້ຮູ້ຕື່ມວ່າ: ມາຮອດວັນທີ 2 ຕຸລາ 2020 ທົ່ວໂລກມີລາຍງານການລະບາດ ຂອງພະຍາດ COVID-19 ຫລາຍກວ່າ 34 ລ້ານຄົນ ຢູ່ 213 ປະເທດ/ເຂດ. ໃນນີ້, ມີຜູ້ເສຍຊີວິດ ຫລາຍກວ່າ1ລ້ານຄົນ ແລະ ປິ່ນປົວຫາຍດີມີຈໍານວນ 25 ລ້ານກວ່າຄົນ. ຕໍ່ສະພາບທີ່ໜ້າເປັນຫ່ວງດັ່ງກ່າວ ຍັງເຫັນວ່າປະຊາຊົນ ຈໍານວນບໍ່ໜ້ອຍ ໄດ້ປະໝາດ ແລະ ລະເລີງ, ໂດຍບໍ່ເອົາໃຈໃສ່ປະຕິບັດວິທີປ້ອງກັນ ການຕິດເຊື້ອດີເທົ່າທີ່ຄວນ, ຈຶ່ງຮຽກຮ້ອງມາຍັງທຸກພາກສ່ວນ ໃນສັງຄົມຈົ່ງສືບຕໍ່ປະ ຕິບັດ ການດໍາລົງຊີວິດປົກກະຕິ ແບບໃໝ່ ໃຫ້ກາຍເປັນຄວາມຊິນເຄີຍ ເພື່ອສະກັດກັ້ນການລະບາດ ຂອງພະຍາດ COVID-19 ບໍ່ໃຫ້ກັບຄືນມາຮອບໃໝ່ ໃນປະເທດເຮົາ.

ສປປ ລາວ ບໍ່ມີຜູ້ຕິດເຊື້ອໂຄວິດ-19 ເພີ່ມ ແລະ ຍິນດີ ກັບຜູ້ຕິດເຊື້ອນ້ຳເບີ 22 ໄດ້ອອກຈາກໂຮງໝໍແລ້ວ ໃນວັນທີ 14 ກັນຍາ 2020 ທີ່ກະຊວງສາທາລະນະສຸກ ໄດ້ລາຍງານສະພາບ ການລະບາດຂອງພະຍາດ ໂຄວິດ-19 ໃນ ສປປ ລາວ ໂດຍ ທ່ານ ນາງ ດຣ.ລັດສະໝີ ວົງຄຳຊາວ ຮອງຫົວໜ້າກົມ ຄວບຄຸມພະຍາດຕິດຕໍ່ ກະຊວງສາທາລະນະສຸກ, ມີບັນດາສື່ມວນຊົນ ເຂົ້າຮ່ວມ.

ສປປ ລາວ ບໍ່ມີຜູ້ຕິດເຊື້ອໂຄວິດ-19 ເພີ່ມ ໃນວັນທີ 9 ກັນຍາ 2020 ທີ່ກະຊວງສາທາລະນະສຸກ ໄດ້ລາຍງານສະພາບ ການລະ ບາດຂອງພະຍາດ ໂຄວິດ-19 ໃນ ສປປ ລາວ ໂດຍທ່ານ ດຣ. ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມ ພະຍາດຕິດຕໍ່ ກະຊວງສາທາລະນະສຸກ, ມີບັນດາສື່ມວນຊົນ ເຂົ້າຮ່ວມ.

ລາວ: ບໍ່ມີຜູ້ຕິດເຊື້ອໂຄວິດ-19 ເພີ່ມ ປັດຈຸບັນທົ່ວປະເທດ ລາວ ສູນຈໍາກັດບໍລິເວນທີ່ຍັງເປີດຢູ່ ມີທັງໝົດ 40 ສູນ, ມີຜູ້ຖືກຈຳກັດບໍລິເວນຢູ່ສູນ 2.758 ຄົນ, ໄດ້ເກັບຕົວຢ່າງມາກວດວິເຄາະທັງໝົດ ແລະ ບໍ່ພົບຜູ້ຕິດເຊື້ອ.