ຮີບຮ້ອນຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ແນວໂຮມປະເທດຊາດຫວຽດນາມ

	ດານັງ ນຳໜ້າດ້ານຈຳນວນການຄົ້ນຫາ ພາຍໃດບັນດາຈຸດໝາຍປາຍທາງຢູ່ພາກກາງ
	ຄວາມສາມັກຄີ, ຄວາມຜູກພັນລະຫວ່າງ ຫວຽດນາມ ແລະ ເວເນຊູເອລາ ແມ່ນຫຼັກຖານອັນມີຊີວິດຊີວາໃຫ້ແກ່ແນວຄິດໂຮ່ຈີມິນ ພາຍໃດສັງກາດໃໝ່

ທ່ານຮອງປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຮ່າທິຫງາ ກ່າວປາໄສຢູ່ພາຍໃດກອງປະຊຸມ. ພາບ: ຮວ່າງຫງອກ/TTXVN

ໃນວັນທີ 24 ມິຖຸນາ, ຢູ່ທີ່ສູນກາງກອງປະຊຸມ - ການສະແດງ, ນະຄອນ ຫາຍຟ່ອງ, ຄະນະປະຈຳຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ຈັດກອງປະຊຸມຄົ້ນຄວ້າ, ຮ່ຳຮຽນ, ກໍາແໜ້ນ, ຜັນຂະຫຍາຍຈັດຕັ້ງປະຕິບັດ ມະຕິກອງປະຊຸມໃຫຍ່ຜູ້ແທນທົ່ວປະເທດ ແນວໂຮມປະເທດຊາດຫວຽດນາມ ຄັ້ງທີ XI, ອາຍຸການ 2026 - 2031 ສຳລັບກຸ່ມແຂ່ງຂັນບັນດາຈັງຫວັດ, ນະຄອນ ຂຶ້ນກັບສູນກາງ. ກອງປະຊຸມໄດ້ຮັບການຈັດຕັ້ງຂຶ້ນຕາມຮູບແບບເຊິ່ງໜ້າ ປະສົມປະສານກັບທາງອອນລາຍ ໂດຍມີ 548 ຈຸດເຊື່ອມຕໍ່ຢູ່ບັນດາຕາແສງ, ແຂວງ, ເຂດພິເສດ.

ນີ້ແມ່ນໜຶ່ງໃນ 5 ກອງປະຊຸມ ທີ່ໄດ້ຮັບການຈັດຕັ້ງຂຶ້ນຕາມວິທີການເຮັດແບບໃໝ່ ຕາມກຸ່ມແຂ່ງຂັນ ດ້ວຍຮູບແບບເຊິ່ງໜ້າ ແລະ ອອນລາຍ ໄປຮອດຂັ້ນຕາແສງ. ກ່ອນໜ້ານັ້ນ, ກອງປະຊຸມໄດ້ຮັບການຈັດຕັ້ງຂຶ້ນຢູ່ ກຸ່ມແຂ່ງຂັນບັນດາຈັງຫວັດ ໄຕງວຽນ ແລະ ເຂດແຄມທະເລພາກກາງ ກໍຄືກຸ່ມແຂ່ງຂັນບັນດາຈັງຫວັດພາກໃຕ້.

ສະຫາຍ ຮ່າທິຫງາ, ກຳມະການຄະນະບໍລິຫານງານສູນກາງພັກ, ຮອງປະທານ - ເລຂາທິການໃຫຍ່ ຄະນະກຳມະການສູນກາງແນວໂຮມປະទេຊາດຫວຽດນາມ ໃຫ້ຮູ້ວ່າ, ກອງປະຊຸມໃຫຍ່ ແມ່ນເຫດການການເມືອງ - ສັງຄົມ ທີ່ມີຄວາມໝາຍສຳຄັນເປັນຢ່າງຍິ່ງ, ເປັນຂີດໝາຍໄລຍະແຫ່ງການພັດທະນາໃໝ່ ຂອງແນວໂຮມປະເທດຊາດຫວຽດນາມ. ທ່ານເລຂາທິການໃຫຍ່, ປະທານປະເທດ ໂຕເລີມ (TôLâm) ໄດ້ຊີ້ນຳໂດຍເນັ້ນຢ້ຳ 5 ກຸ່ມໜ້າທີ່ຈຸດສຸມ ທີ່ແນວໂຮມປະເທດຊາດ, ບັນດາອົງການຈັດຕັ້ງສະມາຊິກ ຈຳເປັນຕ້ອງຜັນຂະຫຍາຍພາຍໃດອາຍຸການຕໍ່ໜ້າ. ກອງປະຊຸມຄົ້ນຄວ້າ, ຮ່ຳຮຽນ, ກໍາແໜ້ນມະຕິ ທີ່ຈັດຂຶ້ນຕາມ 5 ກຸ່ມແຂ່ງຂັນ ແມ່ນແນໃສ່ຜັນຂະຫຍາຍບັນດາທິດທາງ, ການຊີ້ນຳຂອງທ່ານເລຂາທິການໃຫຍ່, ປະທານປະເທດ ໂຕເລີມ ຢູ່ພາຍໃດກອງປະຊຸມໃຫຍ່; ແມ່ນບາດກ້າວໜຶ່ງແຫ່ງການຫັນເປັນອັນລະອຽດ ຕໍ່ກັບມະຕິ, ລາຍການເຄື່ອນໄຫວຈັດຕັ້ງປະຕິບັດມະຕິກອງປະຊຸມໃຫຍ່, ຈາກນັ້ນ, ສ້າງຄວາມເປັນເອກະພາບທາງດ້ານຄວາມຮັບຮູ້ ແລະ ການເຄື່ອນໄຫວ ຢູ່ພາຍໃດທົ່ວລະບົບແນວໂຮມປະເທດຊາດ ແລະ ບັນດາອົງການຈັດຕັ້ງສະມາຊິກ.

ທ່ານຮອງເລຂາຄະນະພັກນະຄອນ, ປະທານຄະນະກຳມະການແນວໂຮມປະເທດຊາດຫວຽດນາມ ນະຄອນ ຫາຍຟ່ອງ ຟ້າມວັນເລິບ ໃຫ້ຮູ້ວ່າ: ຢູ່ທີ່ ຫາຍຟ່ອງ, ພາຍໃດໄລຍະຜ່ານມາ, ແນວໂຮມປະເທດຊາດ ແລະ ບັນດາອົງການຈັດຕັ້ງສະມາຊິກ ໄດ້ເສີມຂະຫຍາຍເປັນຢ່າງດີ ຕໍ່ກັບບົດບາດເປັນແກນກາງພາຍໃດການສ້າງສາໝວດມະຫາສາມັກຄີທົ່ວປວງຊົນທັງຊາດ, ປະກອບສ່ວນອັນສຳຄັນເຂົ້າພາຍໃດການພັດທະນາຂອງນະຄອນ. ລະບົບແນວໂຮມແຕ່ລະຂັ້ນ ໄດ້ເປັນເຈົ້າການປ່ຽນແປງໃໝ່ເນື້ອໃນ, ວິທີການເຄື່ອນໄຫວ, ເສີມຂະຫຍາຍເປັນຢ່າງດີ ຕໍ່ກັບບົດບາດເປັນແກນກາງພາຍໃດການສ້າງສາໝວດມະຫາສາມັກຄີທົ່ວປວງຊົນທັງຊາດ ປະກອບສ່ວນອັນສຳຄັນເຂົ້າພາຍໃດພາລະກິດແຫ່ງການພັດທະນາລວມຂອງນະຄອນ. ກອງປະຊຸມແມ່ນໂອກາດ ເພື່ອໃຫ້ບັນດາທ້ອງຖິ່ນໄດ້ພົບປະ, ແລກປ່ຽນບົດຮຽນ, ແບ່ງປັນບັນດາວິທີການເຮັດອັນດີ, ຮູບແບບທີ່ມີປະສິດທິຜົນ, ປະກອບສ່ວນຍົກສູງຄຸນນະພາບ, ປະສິດທິຜົນການເຄື່ອນໄຫວຂອງລະບົບແນວໂຮມພາຍໃດໄລຍະໃໝ່. ນະຄອນ ຫາຍຟ່ອງ ມີຄວາມມຸ່ງມາດປາດຖະໜາທີ່ຈະສືບຕໍ່ໄດ້ຮັບການຮ່ຳຮຽນ, ແລກປ່ຽນບັນດາບົດຮຽນອັນລ້ຳຄ່າຈາກບັນດາທ້ອງຖິ່ນ, ເປັນພິເສດແມ່ນພາຍໃດວຽກງານການຈັດຕັ້ງ ແລະ ຜັນຂະຫຍາຍວຽກງານແນວໂຮມ.

ທ່ານ ຟ້າມວັນເລິບ, ປະທານແນວໂຮມປະເທດຊາດຫວຽດນາມ ນະຄອນ ຫາຍຟ່ອງ, ກ່າວປາໄສຢູ່ພາຍໃດກອງປະຊຸມ. ພາບ: ຮວ່າງຫງອກ/TTXVN

ຢູ່ພາຍໃດລາຍການ, ບັນດາຜູ້ແທນໄດ້ຮັບການກຳແໜ້ນບັນດາເນື້ອໃນພື້ນຖານ, ແກນກາງ, ຈຸດໃໝ່ ຂອງເອກະສານ ກໍຄືທິດທາງ, ເປົ້າໝາຍ, ໜ້າທີ່ຈັດຕັ້ງປະຕິບັດ ມະຕິກອງປະຊຸມໃຫຍ່; ຮັບຟັງການເຜີຍແຜ່ກ່ຽວກັບເນື້ອໃນພື້ນຖານ ແລະ ໜ້າທີ່, ວິທີແກ້ໄຂ ຂອງ 7 ລາຍການເຄື່ອນໄຫວ ຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງຄະນະກຳມະການສູນກາງແນວໂຮມປະເທດຊາດຫວຽດນາມ ທີ່ໄດ້ຮັບການຜ່ານການເຫັນດີຢູ່ພາຍໃດກອງປະຊຸມໃຫຍ່; ເປັນຕົວແທນ, ປົກປ້ອງສິດ ແລະ ຜົນປະໂຫຍດອັນຊອບທຳ, ຖືກຕ້ອງຕາມກົດໝາຍ ຂອງປະຊາຊົນ, ຍົກສູງຄຸນນະພາບ, ປະສິດທິຜົນວຽກງານຕິດຕາມກວດກາ ແລະ ວິພາກວິຈານສັງຄົມ, ປະຕິບັດປະຊາທິປະໄຕ, ຕັ້ງໜ້າເຂົ້າຮ່ວມການສ້າງສາພັກ, ລັດ ແລະ ລະບົບການເມືອງ.

ຄຽງຄູ່ກັນນັ້ນ, ບັນດາຜູ້ແທນຍັງໄດ້ຮັບການແນະນຳການນຳໃຊ້ບາງແພລດຟອມດີຈີຕອນ ຂອງແນວໂຮມປະເທດຊາດຫວຽດນາມ ເພື່ອຍົກສູງປະສິດທິຜົນວຽກງານຊີ້ນຳ, ບໍລິຫານ, ເພີ່ມທະວີການປະຍຸກໃຊ້ເຕັກໂນໂລຊີຂໍ້ມູນຂ່າວສານ ແລະ ການຫັນເປັນດີຈີຕອນ ຢູ່ພາຍໃດລະບົບແນວໂຮມແຕ່ລະຂັ້ນ.

ສະຫາຍ ຮ່າທິຫງາ ມີຄວາມມຸ່ງມາດປາດຖະໜາວ່າຍັງຜ່ານກອງປະຊຸມນີ້, ຄະນະປະຈຳແນວໂຮມປະເທດຊາດຫວຽດນາມ ບັນດາຕົວເມືອງ ຈະສືບຕໍ່ຫັນເປັນອັນລະອຽດ ທາງດ້ານຈິດໃຈ, ໜ້າທີ່, ວິທີແກ້ໄຂ ທີ່ໄດ້ຮັບການກຳນົດໄວ້ ເພື່ອປ່ຽນແປງໃໝ່ຢ່າງແຂງແຮງ ຕໍ່ກັບການເຄື່ອນໄຫວຂອງແນວໂຮມປະເທດຊາດຫວຽດນາມ, ບັນດາອົງການຈັດຕັ້ງການເມືອງ - ສັງຄົມ ແລະ ບັນດາອົງການຈັດຕັ້ງສະມາຊິກ ເພື່ອເຮັດໃຫ້ “ຢູ່ພາຍໃດຮູບແບບໃໝ່, ອົງການຈັດຕັ້ງອາດຈະມີຄວາມກະທັດຮັດກວ່າເກົ່າ, ແຕ່ກຳລັງແຮງແຫ່ງການເຕົ້າໂຮມຕ້ອງກວ້າງຂວາງກວ່າເກົ່າ; ກົນໄກກົມກອງອາດຈະມີຂັ້ນຕອນໜ້ອຍກວ່າເກົ່າ, ແຕ່ການເຄື່ອນໄຫວຕ້ອງໃກ້ຊິດຕິດແທດກັບປະຊາຊົນກວ່າເກົ່າ” ຄືດັ່ງການຊີ້ນຳຂອງທ່ານເລຂາທິການໃຫຍ່, ປະທານປະເທດ ໂຕເລີມ. ສະຫາຍຍັງໄດ້ເນັ້ນຢ້ຳວ່າ, ເພື່ອຜັນຂະຫຍາຍມະຕິກອງປະຊຸມໃຫຍ່ໃຫ້ມີປະສິດທິຜົນນັ້ນ ແມ່ນຮຽກຮ້ອງໃຫ້ພະນັກງານແນວໂຮມປະເທດຊາດຫວຽດນາມ ແຕ່ລະຄົນ ຕ້ອງຄົ້ນຄວ້າຢ່າງເລິກເຊິ່ງ, ກໍາແໜ້ນເອກະສານຢ່າງລະອຽດ ເພື່ອໝູນໃຊ້ຢ່າງປະດິດສ້າງ, ສອດຄ່ອງທີ່ສຸດກັບສະພາບການຕົວຈິງ ຂອງແຕ່ລະທ້ອງຖິ່ນ, ຮາກຖານ.

ຢູ່ພາຍໃດກອງປະຊຸມ, ສະຫາຍ ຮ່າທິຫງາ ກໍໄດ້ຮັບຟັງ, ແລກປ່ຽນຄຳເຫັນ, ຄຳສະເໜີ ຂອງບັນດາຜູ້ແທນ ທີ່ຖອດຖອນມາຈາກພຶດຕິກຳຕົວຈິງ ຂອງວຽກງານແນວໂຮມຢູ່ຮາກຖານ ແລະ ໃຫ້ຮູ້ວ່າ ຄະນະກຳມະການແນວໂຮມປະເທດຊາດຫວຽດນາມ ຈະຮັບເອົາ, ຄົ້ນຄວ້າວິທີແກ້ໄຂ ເພື່ອແກ້ໄຂບັນດາຂໍ້ຄົງຄ້າງໃຫ້ໄດ້ໂດຍໄວ ແນໃສ່ຜັນຂະຫຍາຍວຽກງານແນວໂຮມໃຫ້ມີປະສິດທິຜົນ ພາຍໃດໄລຍະຕໍ່ໜ້າ.

ຜ່ານຜ່ານແຜນການບຸກຄະລາກອນ ຄະນະກຳມະການສູນກາງແນວໂຮມປະເທດຊາດ ຫວຽດນາມ ສະໄໝທີ XI, ສະໄໝປີ 2026 - 2031 ຍສໝ - ສືບຕໍ່ລາຍການເຮັດວຽກ, ໃນຕອນບ່າຍວັນທີ 12 ພຶດສະພາ, ກອງປະຊຸມໃຫຍ່ຜູ້ແທນທົ່ວປະເທດ ແນວໂຮມປະເທດຊາດ ຫວຽດນາມ ຄັ້ງທີ XI, ສະໄໝປີ 2026-2031 ໄດ້ຜ່ານແຜນການບຸກຄະລາກອນ ຄະນະກຳມະການສູນກາງ ແນວໂຮມປະເທດຊາດ ຫວຽດນາມ ສະໄໝທີ XI, ສະໄໝປີ 2026-2031; ປຶກສາຫາລືເອກະພາບແຕ່ງຕັ້ງຄະນະກຳມະການສູນກາງ ແນວໂຮມປະເທດຊາດ ຫວຽດນາມ ສະໄໝທີ ...

ກອງປະຊຸມໃຫຍ່ຜູ້ແທນທົ່ວປະເທດ ແນວໂຮມປະເທດຊາດ ຫວຽດນາມ ຄັ້ງທີ XI: ເປີດສາກໃຫ້ແກ່ໄລຍະແຫ່ງການພັດທະນາໃໝ່ຢ່າງຮອບດ້ານ ຍສໝ - ກອງປະຊຸມໃຫຍ່ຜູ້ແທນທົ່ວປະເທດ ແນວໂຮມປະເທດຊາດ ຫວຽດນາມ ຄັ້ງທີ XI: ເປີດສາກໃຫ້ແກ່ໄລຍະແຫ່ງການພັດທະນາໃໝ່ຢ່າງຮອບດ້ານ ນີ້ແມ່ນບົດປາໄສຂອງທ່ານນາງ ຮ່າທິຫງາ (Hà Thị Nga), ກຳມະການຄະນະບໍລິຫານງານສູນກາງພັກ, ຮອງປະທານ - ເລຂາໃຫຍ່ ຄະນະກຳມະການສູນກາງແນວໂຮມປະເທດຊາດ ຫວຽດນາມ ໃນພິທີຖະແຫຼງຂ່າວ ວັນທີ 04 ພຶດສະພາ ຢູ່ ຮ່າໂນ້ຍ ເພື່ອແຈ້ງຂໍ້ມູນ ...