ຫວຽດນາມ ແລະ ສິງກະໂປ ລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມືດ້ານການຄ້າເຂົ້າສານ
 | ຊຸກຍູ້ຄວາມເຂົ້າໃຈ ແລະ ການຮ່ວມມືດ້ານການສຶກສາລະຫວ່າງ ຫວຽດນາມ ແລະ ໄທ |
| ສືບຕໍ່ຊຸກຍູ້ການຮ່ວມມືຫຼາຍດ້ານລະຫວ່າງຫວຽດນາມ ແລະ GCC |
 |
| ທ່ານລັດຖະມົນຕີ ກະຊວງອຸດສາຫະກຳ ແລະ ການຄ້າ ຫງວຽນຮົ່ງຢຽນ ແລະ ທ່ານລັດຖະມົນຕີກະຊວງການພັດທະນາແບບຍືນຍົງ ແລະ ສິ່ງແວດລ້ອມ ສິງກະໂປ ທັງເປັນລັດຖະມົນຕີຮັບຜິດຊອບການພົວພັນກັບການຄ້າ ນາງ Grace Fu ໄດ້ລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມືດ້ານການຄ້າເຂົ້າສານ. (ພາບ: baochinhphu.vn) |
ບົດບັນທຶກຊ່ວຍຈຳກ່ຽວກັບການຮ່ວມມືດ້ານການຄ້າເຂົ້າສານດັ່ງກ່າວໄດ້ລົງນາມໂດຍ ທ່ານລັດຖະມົນຕີ ກະຊວງອຸດສາຫະກຳ ແລະ ການຄ້າ ຫງວຽນຮົ່ງຢຽນ ແລະ ທ່ານລັດຖະມົນຕີກະຊວງການພັດທະນາແບບຍືນຍົງ ແລະ ສິ່ງແວດລ້ອມ ສິງກະໂປ ທັງເປັນລັດຖະມົນຕີຮັບຜິດຊອບການພົວພັນກັບການຄ້າ ນາງ Grace Fu.
ບົດບັນທຶກຊ່ວຍຈຳແມ່ນພື້ນຖານເພື່ອຊຸກຍູ້ການພັດທະນາການຄ້າເຂົ້າສານຢ່າງໝັ້ນຄົງ ແລະ ຍືນຍົງ, ປະກອບສ່ວນຮັບປະກັນຄວາມໝັ້ນຄົງດ້ານສະບຽງອາຫານຂອງສອງຝ່າຍໂດຍຫຼີກລ່ຽງບັນດາຂໍ້ຈຳກັດດ້ານການຄ້າທີ່ບໍ່ຈຳເປັນ. ຕາມບົດບັນທຶກຊ່ວຍຈຳແລ້ວ, ຫວຽດນາມ ຈະອຳນວຍຄວາມສະດວກໃຫ້ແກ່ການສົ່ງອອກເຂົ້າສານໄປສິງກະໂປໃນຈຳນວນເຂົ້າສານທີ່ສອງຝ່າຍໄດ້ຕົກລົງໃນເງື່ອນໄຂສະເພາະ, ອີງຕາມຄວາມຮຽກຮ້ອງຕ້ອງການຂອງສິງກະໂປ.
ກ່າວຄຳປາໄສທີ່ພິທີລົງນາມ, ທ່ານນາງລັດຖະມົນຕີ Grace Fu ເນັ້ນໜັກວ່າ “ນີ້ແມ່ນບົດບັນທຶກຊ່ວຍຈຳການຮ່ວມມືດ້ານການຄ້າເຂົ້າສານຄັ້ງທຳອິດທີ່ສິງກະໂປໄດ້ລົງນາມກັບຄູ່ຮ່ວມມື ແລະ ພວກຂ້າພະເຈົ້າດີໃຈທີ່ຄູ່ຮ່ວມມືແມ່ນຫວຽດນາມ - ແມ່ນໜຶ່ງໃນບັນດາຜູ້ສະໜອງເຂົ້າລາຍໃຫຍ່ຂອງສິງກະໂປ. ໃນຖານະເປັນປະເທດທີ່ນຳເຂົ້າສະບຽງອາຫານຫຼາຍກວ່າ 90% ຂອງຄວາມຕ້ອງການຂອງຕົນ, ສິງກະໂປບໍ່ມີພູມຕ້ານທານຕໍ່ຜົນກະທົບຂອງຕ່ອງໂສ້ການສະໜອງຂອງໂລກທີ່ຂັດແຍ້ງ. ການສ້າງການພົວພັນຄູ່ຮ່ວມມືທົ່ວໂລກ ແລະ ພາກພື້ນແມ່ນສິ່ງຈຳເປັນເພື່ອຮັບປະກັນການສະໜອງເຂົ້າທີ່ໝັ້ນຄົງໃຫ້ແກ່ສິງກະໂປ”.
ສ່ວນທ່ານລັດຖະມົນຕີກະຊວງອຸດສາຫະກຳ ແລະ ການຄ້າ ຫງວຽນຮົ່ງຢຽນ ຢືນຢັນວ່າ ສິງກະໂປ ແມ່ນຄູ່ຮ່ວມມືເສດຖະກິດແຖວໜ້າ ແລະ ແມ່ນຕະຫຼາດສຳຄັນຂອງຫວຽດນາມ. ການລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມືດ້ານການຄ້າເຂົ້າສານແມ່ນເປັນບາດກ້າວອັນຕັ້ງໜ້າເພື່ອປະຕິບັດການພົວພັນຄູ່ຮ່ວມມືຍຸດທະສາດຮອບດ້ານ, ປະກອບສ່ວນຮັດແໜ້ນການພົວພັນລະຫວ່າງ 2 ພື້ນຖານເສດຖະກິດ, ສ້າງພື້ນຖານການຮ່ວມມືດ້ານການຄ້າເຂົ້າສານຢ່າງໝັ້ນຄົງ ແລະ ຍືນຍົງໃນສະພາບການທີ່ຕະຫຼາດໂລກຜັນແປຢ່າງບໍ່ຄາດຝັນ.
ຕາມທ່ານລັດຖະມົນຕີ ຫງວຽນຮົ່ງຢຽນ ແລ້ວ, ການເພີ່ມທະວີການຮ່ວມມືດ້ານການຄ້າເຂົ້າສານລະຫວ່າງ ຫວຽດນາມ ແລະ ສິງກະໂປ ຍັງແມ່ນການສະແດງໃຫ້ເຫັນຄວາມມານະພະຍາຍາມສົມທົບກັນຢ່າງແໜ້ນແຟ້ນ ເພື່ອຮັບປະກັນລະບົບຕ່ອງໂສ້ການສະໜອງ ແລະ ຄວາມໝັ້ນຄົງດ້ານສະບຽງອາຫານຢູ່ ອາຊຽນ.
“ໃນໄລຍະຈະມາເຖິງ, ຫວັງວ່າບັນດາອົງການຄຸ້ມຄອງຂອງ 2 ຝ່າຍຈະສືບຕໍ່ສົມທົບກັນຢ່າງແໜ້ນແຟ້ນເພື່ອເປີດກວ້າງການສະໜອງບັນດາຜະລິດຕະພັນກະເສດ, ສະບຽງອາຫານ ຫວຽດນາມ ທີ່ມີຊື່ສຽງ, ຄຸນນະພາບໃຫ້ແກ່ຕະຫຼາດ ສິງກະໂປ”, ທ່ານລັດຖະມົນຕີ ຫງວຽນຮົ່ງຢຽນ ກ່າວ.
ສຳນັກງານການຄ້າຫວຽດນາມ ປະຈຳສິງກະໂປ ອ້າງຕາມສະຖິຕິຂອງອົງການວິສາຫະກິດສິງກະໂປໃຫ້ຮູ້ວ່າ ໃນ 9 ເດືອນຕົ້ນປີ 2025, ຍອດມູນຄ່າການນຳເຂົ້າເຂົ້າສານຂອງສິງກະໂປຈາກໂລກບັນລຸປະມານ 347,5 ລ້ານ SGD, ເພີ່ມຂຶ້ນ 3,4% ເມື່ອທຽບໃສ່ໄລຍະດຽວກັນຂອງປີ 2024.
ກ່ຽວກັບຄູ່ຮ່ວມມື, ປະຈຸບັນ ຫວຽດນາມ ແມ່ນປະເທດສະໜອງເຂົ້າໃຫຍ່ອັນດັບ 3 ໃຫ້ສິງກະໂປ, ຖັດຈາກ ອິນເດຍ ແລະ ໄທ.
 | ຊຸກຍູ້ການຮ່ວມມືພັດທະນາການທ່ອງທ່ຽວ ຫວຽດນາມ ກັບບັນດາຄູ່ຮ່ວມມືສາກົນ ຍສໝ - ວິສາຫະກິດທ່ອງທ່ຽວຫວຽດນາມ ມີການຄ້າກັບກຸ່ມທ່ອງທ່ຽວ ສ.ເກົາຫຼີ ແລະ ຟີລິບປິນ, ເປີດກວ້າງການຮ່ວມມື ແລະ ຊຸກຍູ້ການເຕີບໂຕຂອງນັກທ່ອງທ່ຽວສາກົນ. |
 | ຫວຽດນາມ - ລາວ ນຳການພົວພັນດ້ານເສດຖະກິດ, ການຄ້າ ແລະ ພະລັງງານຂຶ້ນສູ່ລະດັບສູງໃໝ່ ຍສໝ - ການຢ້ຽມຢາມ ແລະ ເຮັດວຽກຂອງທ່ານລັດຖະມົນຕີວ່າການກະຊວງອຸດສາຫະກຳ ແລະ ການຄ້າ ລາວ ມາໄລທອງ ກົມມະສິດ ແມ່ນຂີດໝາຍສຳຄັນເປີດໄລຍະໃໝ່ແຫ່ງການຮ່ວມມືຢ່າງແທດຈິງ, ມີປະສິດທິຜົນ ແລະ ຍືນຍົງລະຫວ່າງສອງກະຊວງ ແລະ ສອງປະເທດ... |
ມີງດຶກ