ເພື່ອນມິດສາກົນ: ຫວຽດນາມ ສົ່ງແຮງບັນດານໃຈການປົດປ່ອຍ ແລະ ພັດທະນາ
 | ບັກນິງ ໄດ້ເຜີຍແຜ່ບັນດາຄຸນຄ່າປະຫວັດສາດ, ວັດທະນະທຳ ແລະ ຈິດໃຈສາມັກຄີແຫ່ງຊາດໃຫ້ເຖິງປະຊາຊົນ ແລະ ເພື່ອນມິດສາກົນ. |
| ການແລກປ່ຽນມິດຕະພາບຫວຽດນາມ - ອາເມລິກາ: ເຜີຍແຜ່ຈິດໃຈປອງດອງ ແລະ ພັດທະນາ |
ທ່ານ Suos Yara, ໂຄສົກ, ກຳມະການສູນກາງ, ຮອງຫົວໜ້າຄະນະພົວພັນຕ່າງປະເທດສູນກາງພັກປະຊາຊົນກຳປູເຈຍ (CPP), ປະທານຄະນະກຳມະການການຕ່າງປະເທດ, ການຮ່ວມມືສາກົນ, ໂຄສະນາເຜີຍແຜ່ ແລະ ຂໍ້ມູນຂ່າວສານ (ຄະນະກຳມະການ 5) ຂອງສະພາແຫ່ງຊາດກຳປູເຈຍ:
ພັກກອມມູນິດຫວຽດນາມ ຢືນຢັນບົດບາດນຳພາຮອບດ້ານນັບແຕ່ໄຊຊະນະປີ 1945 ເຖິງຂະບວນການປ່ຽນແປງໃໝ່.
ກ່າວຄຳປາໄສກັບນັກຂ່າວຂອງສຳນັກຂ່າວສານ ຫວຽດນາມ, ທ່ານ Suos Yara ຢືນຢັນວ່າ: ໄຊຊະນະຂອງການປະຕິວັດເດືອນສິງຫາ (19 ສິງຫາ 1945) ແລະ ວັນຊາດ (2 ກັນຍາ 1945) ໄດ້ຢືນຢັນບົດບາດນຳໜ້າຂອງພັກກອມມູນິດຫວຽດນາມ ໄດ້ຮັບຜົນສຳເລັດພາຍໃຕ້ການນຳພາຂອງປະທານ ໂຮ່ຈີມິນ, ສິ້ນສຸດການເປັນທາດຂອງລ່າເມືອງຂຶ້ນ, ສັກດິນາ ແລະ ເປີດສັງກາດເອກະລາດຂອງຊາດ.
ນັບແຕ່ໄດ້ຮັບໄຊຊະນະໃນປີ 1945, ພັກກອມມູນິດຫວຽດນາມ ສືບຕໍ່ນຳພາປະຊາຊົນຍາດໄດ້ໄຊຊະນະທີ່ສຳຄັນຄື: ບັ້ນຮົບຊາຍແດນປີ 1950, ດ້ຽນບຽນຝູ ປີ 1954, ນຳໄປສູ່ສັນຍາ ເຈນີວາ, ຈາກນັ້ນແມ່ນໄຊຊະນະປະຫວັດສາດໃນປີ 1975, ສຳເລັດພາລະກິດການທ້ອນໂຮມປະເທດຊາດເປັນເອກະພາບ. “ພັກກອມມູນິດ ຫວຽດນາມ ບໍ່ພຽງແຕ່ແມ່ນເຈົ້າກຳນຳພາທາງດ້ານຈິດໃຈຂອງປະຊາຊົນຫວຽດນາມ ໃນໜ້າທີ່ຕັດສິນ, ຫາກຍັງວາງອອກແນວທາງ ແລະ ຊຸກຍູ້ຄວາມຕັດສິນໃຈຢ່າງໝັ້ນຄົງໃຫ້ຂະບວນການທ້ອນໂຮມປະເທດຊາດເປັນເອກະພາບ”, ທ່ານກ່າວ.
 |
| ທ່ານ Suos Yara ໃຫ້ສຳພາດຕໍ່ສຳນັກຂ່າວສານຫວຽດນາມ ແລະ ບັນດາອົງການຂ່າວຫວຽດນາມ ທີ່ປະຈຳ ຢູ່ພະນົມເປັນ. (ພາບ: TTXVN) |
ຕາມທ່ານແລ້ວ, ຍຸດທະສາດທັງກໍ່ສ້າງສັງຄົມນິຍົມຢູ່ພາກເໜືອ ແລະ ທັງຕໍ່ສູ້ປົດປ່ອຍຊາດຢູ່ພາກໃຕ້ ໄດ້ສ້າງກຳລັງແຮງດ້ານການທະຫານ ແລະ ເສດຖະກິດ, ເຮັດໃຫ້ໄຊຊະນະປີ 1975 - ຄວາມພາກພູມໃຈຂອງຫວຽດນາມ ຢູ່ຕໍ່ໜ້າໂລກ.
ໂດຍສະເພາະທ່ານໄດ້ເນັ້ນໜັກເຖິງຫຼັກໝັ້ນຂອງກອງປະຊຸມໃຫຍ່ຄັ້ງທີ 6 (1986) ກັບຂະບວນການປ່ຽນແປງໃໝ່, ເປີດປະຕູ ແລະ ເຊື່ອມໂຍງເຂົ້າກັບສາກົນ, ຊ່ວຍໃຫ້ຊີວິດການເປັນຢູ່ຂອງປະຊາຊົນມີສະຖຽນລະພາບ ແລະ ຍົກສູງທີ່ຕັ້ງສາກົນ. “ພາຍໃຕ້ການນຳພາຂອງພັກກອມມູນິດຫວຽດນາມ, ປະເທດຂອງເຂົາເຈົ້າໄດ້ຫຼຸດອັດຕາຄອບຄົວມີຄວາມທຸກຍາກປະຈຳປີ ແລະ ໄດ້ຫຼຸດລະດັບຄວາມທຸກຍາກໃນປະຈຸບັນ. ນັ້ນແມ່ນຫຼັກຖານຢັ້ງຢືນເຖິງຜົນສຳເລັດຂອງພັກ ກໍ່ຄືບັນດາແນວທາງການຊີ້ນຳອັນດີງາມຂອງປະທານ ໂຮ່ຈີມິນ”, ທ່ານກ່າວ.
ຕີລາຄາສູງການເປີດກວ້າງການຮ່ວມມືຂອງຫວຽດນາມ ແລະ ກາຍເປັນ “ມັງກອນຂອງພາກພື້ນ”, ທ່ານສະແດງຄວາມເຊື່ອໝັ້ນວ່າ: “ພາຍໃຕ້ການນຳພາອັນຖືກຕ້ອງຂອງພັກກອມມູນິດຫວຽດນາມ, ພິເສດແມ່ນທ່ານເລຂາທິການໃຫຍ່ ໂຕເລີມ, ແລະ ຄວາມເຊື່ອໝັ້ນອັນໜັກແໜ້ນຂອງປະຊາຊົນ, ຮອດປີ 2045, ຫວຽດນາມ ຈະບັນລຸເປົ້າໝາຍຍົກສູງພາບພົດ, ທີ່ຕັ້ງ ແລະ ອິດທິພົນຂອງຕົນໃນພາກພື້ນ ແລະ ໃນໂລກ.
ທ່ານຜູ້ແທນສະພາຕ່ຳ Pedro Vázquez ປະທານຄະນະກຳມະການການຕ່າງປະເທດຂອງສະພາຕ່ຳເມັກຊິໂກ:
ເມັກຊິໂກ ເຊື່ອໝັ້ນໃນໄລຍະພັດທະນາໃໝ່ຂອງຫວຽດນາມ
ທ່ານຜູ້ແທນສະພາຕ່ຳ Pedro Vázquez ຢືນຢັນວ່າ ການປະຕິວັດເດືອນສິງຫາ ປີ 1945 ແລະ ວັນກຳເນີດຂອງສາທາລະນະລັດ ປະຊາທິປະໄຕ ຫວຽດນາມ ແມ່ນຂີດໝາຍອັນໃຫຍ່ຫຼວງ, ເປີດໄລຍະແຫ່ງເອກະລາດ ແລະ ເສລີພາບໃຫ້ປະຊາຊົນຫວຽດນາມ ແລະ ສົ່ງແຮງບັນດານໃຈໃຫ້ແກ່ຂະບວນການປົດປ່ອຍຊາດໃນທົ່ວໂລກ.
ທ່ານຕີລາຄາສູງການເດີນທາງຂອງຫວຽດນາມຈາກປະເທດທີ່ຖືກທຳລາຍຢ່າງໜັກໜ່ວງຈາກສົງຄາມມາເປັນພື້ນຖານເສດຖະກິດທີ່ຂະຫຍັນຂັນເຄື່ອນ, ເຊື່ອມໂຍງເຂົ້າກັນຢ່າງເລິກເຊິ່ງ, ດ້ວຍ GDP ຕໍ່ຫົວຄົນເພີ່ມຂຶ້ນເກືອບ 40 ເທົ່າເມື່ອທຽບໃສ່ໄລຍະຕົ້ນຂອງການປ່ຽນແປງໃໝ່.
ຕາມທ່ານ Vázquez ແລ້ວ, ຜົນສຳເລັດນັ້ນແມ່ນເຄື່ອງໝາຍເປັນຫຼັກຖານພະຍານໃຫ້ວິໄສທັດຍຸດທະສາດຂອງພັກກອມມູນິດຫວຽດນາມ ໃນການສົມທົບກັນເອກະລາດແຫ່ງຊາດກັບສັງຄົມນິຍົມ, ພ້ອມກັນນັ້ນ ກໍ່ວາງຜົນປະໂຫຍດຂອງປະຊາຊົນເປັນໃຈກາງ, ພິເສດແມ່ນບັນດາໝາກຜົນແຫ່ງການຫຼຸດຜ່ອນຄວາມທຸກຍາກ, ເປີດກວ້າງການສຶກສາ, ການແພດ ແລະ ຮັບປະກັນຊີວິດສັງຄົມ.
 |
| ທ່ານຜູ້ແທນສະພາຕ່ຳ Pedro Vázquez, ປະທານຄະນະກຳມະການການຕ່າງປະເທດຂອງສະພາຕ່ຳເມັກຊິໂກ. (ພາບ: TTXVN) |
ທ່ານເນັ້ນໜັກວ່າ, ພາບພົດຂອງຫວຽດນາມ ໃນປະຈຸບັນແມ່ນຕິດພັນກັບສັນຕິພາບ, ການຮ່ວມມື ແລະ ພັດທະນາ, ແມ່ນຈຸດໝາຍປາຍທາງທີ່ດຶງດູດບັນດານັກລົງທຶນ ແລະ ມີຫາງສຽງນັບມື້ນັບສຳຄັນກວ່າອີກໃນບັນດາອົງການຈັດຕັ້ງສາກົນ, ດ້ວຍຫຼັກໝັ້ນທີ່ໝັ້ນຄົງກ່ຽວກັບເອກະລາດ, ເປັນເຈົ້າຕົນເອງ ແລະ ການຮ່ວມມືທີ່ສະເໝີພາບ ແລະ ຕ່າງຝ່າຍຕ່າງມີຜົນປະໂຫຍດຮ່ວມກັນ.
ຕາມມຸມມອງຂອງເມັກຊິໂກ, ທ່ານ Vázquez ຕີລາຄາສູງການພົວພັນມິດຕະພາບ ແລະ ການຮ່ວມມືຫຼາຍດ້ານກັບຫວຽດນາມ, ຖືວ່ານີ້ແມ່ນຫຼັກຖານພະຍານໃຫ້ບັນດາຄຸນຄ່າກ່ຽວກັບເອກະລາດ, ຍຸດຕິທຳ ແລະ ການພັດທະນາແບບຍືນຍົງ.
ທ່ານເຊື່ອໝັ້ນວ່າ ດ້ວຍຄວາມຄຸນນະທາດຂອງຊາດ, ພື້ນຖານວັດທະນະທຳທີ່ເຕັມໄປດ້ວຍສີສັນ ແລະ ຍຸດທະສາດພັດທະນາທີ່ຖືກຕ້ອງ, ຫວຽດນາມ ພວມກ້າວເຂົ້າສູ່ໄລຍະໃໝ່, ຈະກາຍເປັນປະເທດມີລາຍຮັບສູງ ແລະ ປະກອບສ່ວນເພີ່ມທະວີສັນຕິພາບ, ສະຖຽນລະພາບ ແລະ ຄວາມກ້າວໜ້າໃນໂລກ.
ທ່ານ Juan Castillo, ເລຂາທິການໃຫຍ່ພັກກອມມູນິດ, ລັດຖະມົນຕີວ່າການກະຊວງແຮງງານ ແລະຮັບປະກັນຊີວິດສັງຄົມ Uruguay:
ຫວຽດນາມແມ່ນແບບຢ່າງທີ່ສ່ອງແສງໃຫ້ແກ່ການພັດທະນາແບບຍືນຍົງ.
ໃນຕອບການໃຫ້ສຳພາດຕໍ່ສຳນັກຂ່າວສານ ຫວຽດນາມ, ທ່ານ Juan Castillo ຢືນຢັນວ່າ ວັນທີ 2 ກັນຍາ 1945 ບໍ່ພຽງແຕ່ແມ່ນຂີດໝາຍປະຫວັດສາດຂອງຫວຽດນາມ ເທົ່ານັ້ນ, ຫາກຍັງແມ່ນສັນຍາລັກອັນໃຫຍ່ຫຼວງໃຫ້ແກ່ຂະບວນການປົດປ່ອຍຊາດ ແລະ ຄວາມກ້າວໜ້າໃນສັງຄົມໃນທົ່ວໂລກ.
ທ່ານເນັ້ນໜັກວ່າ ບັນດາຜົນງານເຊິ່ງປະຊາຊົນຫວຽດນາມ ບັນລຸໄດ້ໃນໄລຍະ 80 ປີຜ່ານມາແມ່ນເລີ່ມຈາກຈິດໃຈອົງອາດກ້າແກ່ນ ແລະ ຄວາມມຸ່ງມາດປາດຖະໜາຢາກກໍ່ສ້າງສັງຄົມຍຸຕິທຳ, ປະຊາທິປະໄຕ ແລະ ສີວິໄລ. ໃນສະພາບການປະສົບກັບຄວາມຫຍຸ້ງຍາກຫຼາຍຢ່າງ, ຫວຽດນາມ ໄດ້ຮັກສາຄວາມໝັ້ນຄົງບົນເສັ້ນທາງສັງຄົມນິຍົມ, ພັດທະນາເສດຖະກິດ, ຮັບປະກັນຊີວິດສັງຄົມ, ປັບປຸງຊີວິດການເປັນຢູ່ຂອງປະຊາຊົນ.
 |
| ທ່ານ Juan Castillo, ເລຂາທິການໃຫຍ່ພັກກອມມູນິດ ອູຣູກວາຍ, ລັດຖະມົນຕີກະຊວງແຮງງານ ແລະ ຮັບປະກັນຊີວິດສັງຄົມຂອງອູຣູກວາຍ. (ພາບ: TTXVN) |
ທ່ານສະແດງຄວາມຊົມເຊີຍຕໍ່ບົດບາດທີ່ນັບມື້ນັບເຂັ້ມແຂງຂອງຫວຽດນາມໃນເວທີສາກົນ, ຖືວ່ານີ້ແມ່ນຫຼັກຖານພະຍານຢ່າງຈະແຈ້ງກ່ຽວກັບປະສິດທິຜົນ ແລະ ຄວາມຍືນຍົງຂອງຮູບແບບການພັດທະນາທີ່ຫວຽດນາມ ພວມມຸ່ງໄປເຖິງ. ທ່ານເນັ້ນໜັກວ່າ: “ຫວຽດນາມ ແມ່ນແບບຢ່າງທີ່ສ່ອງແສງກ່ຽວກັບການພັດທະນາແບບຍືນຍົງ ແລະ ການປ່ຽນແປງໃໝ່. ພວກຂ້າພະເຈົ້າພາກພູມໃຈທີ່ຖືວ່າ ຫວຽດນາມ ແມ່ນເພື່ອນມິດທີ່ຊື່ສັດ ແລະ ເປັນກຳລັງໃຈໃນການເດີນທາງສ້າງໂລກທີ່ມີມະນຸດສະທຳ, ຍຸຕິທຳ ແລະ ສັນຕິພາບ”.
ທ່ານ Castillo ກໍ່ແຈ້ງໃຫ້ຊາບອີກວ່າ ອູຣູກວາຍ ພວມຜັນຂະຫຍາຍກໍ່ສ້າງອະນຸສາວະລີປະທານ ໂຮ່ຈີມິນ ຢູ່ Montevideo, ເຊິ່ງເປັນບ່ອນໜຶ່ງທີ່ທ່ານເຄີຍຕັ້ງຕີນໃນການເດີນທາງວິ່ງເຕັ້ນກູ້ປະເທດຊາດ. ທ່ານຢືນຢັນວ່າ ໂຄງການນີ້ແມ່ນຄວາມຮູ້ບຸນຄຸນອັນເລິກເຊິ່ງ, ພ້ອມກັນນັ້ນກໍສົ່ງສານໃຫ້ບັນດາຄົນລຸ້ນອະນາຄົດກ່ຽວກັບອຸດົມການ ແລະ ຮູບຮ່າງຂອງປະທານໂຮ່ຈິມິນ.
ຕາມທ່ານແລ້ວ, ອະນຸສາວະລີຈະກາຍເປັນພື້ນຖານອັນລ້ຳຄ່າຂອງການພົວພັນມິດຕະພາບ ລະຫວ່າງສອງປະເທດ, ພ້ອມກັນນັ້ນ ກໍ່ສະແດງຄວາມປາດຖະໜາວ່າ ຈະມາຢ້ຽມຢາມ ຫວຽດນາມ ໂດຍໄວ ເພື່ອເປັນສັກຂີພິຍານຕໍ່ຜົນງານການພັດທະນາຂອງປະເທດທີ່ລາວຮັກແພງມາຕະຫຼອດ.
ທ່ານ Hugo Pierrel, ຮອງຫົວໜ້າອົງການພັດທະນາຝຣັ່ງ (AFD) ປະຈຳ ຫວຽດນາມ:
ຫວຽດນາມ ບັນລຸໄດ້ບັນດາຜົນງານພັດທະນາເສດຖະກິດ - ສັງຄົມທີ່ປະທັບໃຈເປັນພິເສດ.
ຕາມທ່ານ Pierrel ແລ້ວ, ຫວຽດນາມ ໄດ້ຜ່ານຜ່າການເດີນທາງພັດທະນາເສດຖະກິດ - ສັງຄົມ “ທີ່ໜ້າປະທັບໃຈເປັນພິເສດ”, ນັບແຕ່ປະເທດດ້ອຍພັດທະນາຕ່ຳໄດ້ບືນຕົວຂຶ້ນສູ່ກຸ່ມບັນດາປະເທດມີລາຍຮັບປານກາງໃນປີ 2017 ແລະ ພວມຢູ່ໃນເສັ້ນທາງເຂົ້າຮ່ວມກຸ່ມບັນດາປະເທດມີລາຍຮັບສູງປານກາງ. ໜຶ່ງໃນບັນດາຜົນສຳເລັດອັນພົ້ນເດັ່ນແມ່ນການຫຼຸດຜ່ອນຄວາມທຸກຍາກທີ່ໜ້າປະທັບໃຈຄື: ອັດຕາຄວາມທຸກຍາກຢ່າງສຸດຂີດຈາກ 45% ໃນປີ 1990 ລົງເຫຼືອຕ່ຳກວ່າ 1% ໃນປະຈຸບັນ, ຍ້ອນບັນດານະໂຍບາຍແບ່ງປັນແຫຼ່ງກຳລັງຢ່າງສົມເຫດສົມຜົນ, ການຄຸ້ມຄອງມະຫາພາກທີ່ມີປະສິດທິຜົນ ແລະ ການປະຕິຮູບຢ່າງຢຶດໝັ້ນ. ທ່ານໃຫ້ຄຳເຫັນວ່າ ນະໂຍບາຍຄຸ້ມຄອງເສດຖະກິດຂອງຫວຽດນາມ ແມ່ນ “ລັກສະນະແບບຢ່າງ”, ສ້າງຄວາມໄວ້ເນື້ອເຊື່ອໃຈຕໍ່ກັບບັນດາຄູ່ຮ່ວມມືສາກົນ, ພ້ອມກັນນັ້ນ ໝູນໃຊ້ການເຊື່ອມໂຍງດ້ານການຄ້າຢ່າງຄ່ອງແຄ່ວ, ດຶງດູດແຫຼ່ງທຶນ FDI ແລະ ODA.
 |
| ທ່ານ Hugo Pierrel, ຮອງຜູ້ອໍານວຍການ AFD ປະຈໍາ ຫວຽດນາມ. (ພາບ: TTXVN) |
ນອກຈາກນັ້ນ, ທ່ານ Pierrel ໄດ້ຊີ້ໃຫ້ເຫັນ 3 ສິ່ງທ້າທາຍຕົ້ນຕໍໃນການຈັດຕັ້ງປະຕິບັດໂຄງການຢູ່ຫວຽດນາມ ຄື: ການຄຸ້ມຄອງທີ່ດິນແດນ ແລະ ປົດປ່ອຍໜ້າພຽງຍັງຄົງຄ້າງ, ຂັ້ນຕອນການອະນຸມັດໂຄງການຍັງສັບສົນ ແລະ ຄວາມສ່ຽງຕໍ່ຜົນກະທົບດ້ານຊີວະນາໆພັນລະຫວ່າງຂະບວນການພັດທະນາພື້ນຖານໂຄງລ່າງ. ເຖິງຢ່າງໃດກໍຕາມ, ທ່ານຮັບຮູ້ວ່າ ລັດຖະບານຫວຽດນາມ ໄດ້ເກັບກູ້ຢ່າງຕັ້ງໜ້າ, ປັບປຸງຂະບວນການ, ແລະ ສຸມໃສ່ອະນຸລັກຮັກສາລະບົບນິເວດ. ເພື່ອຮັກສາການເຕີບໂຕແບບຍືນຍົງ, ທ່ານນາຍົກລັດຖະມົນຕີ ໄດ້ສະເໜີໃຫ້ ຫວຽດນາມ ຕ້ອງສົມທົບ 4 ປັດໄຈຕົ້ນຕໍຄື: ພັດທະນາລະບົບການຜະລິດ - ບໍລິໂພກ, ຮັບມືກັບການປ່ຽນແປງຂອງດິນຟ້າອາກາດໃນທຸກນະໂຍບາຍ, ກໍ່ສ້າງພື້ນຖານໂຄງລ່າງ - ກົດບັນຢັດທີ່ໜັກແໜ້ນ ແລະ ພັດທະນາແຫຼ່ງຊັບພະຍາກອນມະນຸດທີ່ມີຄຸນນະພາບສູງ.
ທ່ານເນັ້ນໜັກເຖິງຄວາມຄັດແຍກຢ່າງຈະແຈ້ງເຖິງບົດບາດຂອງການລົງທຶນພາກລັດ - ເອກະຊົນໃນບັນດາຂົງເຂດຍຸດທະສາດ, ຮັບປະກັນໃຫ້ທຸກຂະແໜງການເສດຖະກິດ ໃນການເຂົ້າເຖິງແຫຼ່ງທຶນສິນເຊື່ອຍຸຕິທຳ, ຜ່ານນັ້ນ ເຮັດໃຫ້ບັນລຸເປົ້າໝາຍເຕີບໂຕສີຂຽວກາຍເປັນຈິງ. ທ່ານ Pierrel ຢືນຢັນວ່າ: “ບັນດາຄູ່ຮ່ວມມືພັດທະນາຄື AFD ຍາມໃດກໍ່ພ້ອມແລ້ວທີ່ຈະພ້ອມກັບລັດຖະບານ ຫວຽດນາມ, ແບ່ງປັນປະສົບການ, ທັກສະ ແລະ ເຕັກໂນໂລຢີ ເພື່ອຮ່ວມກັນບັນລຸບັນດາຈຸດໝາຍພັດທະນາທີ່ທະເຍີທະຍານ.
 | ມະຕິເລກທີ 57: ກຸນແຈເພື່ອຊ່ວຍໃຫ້ ຫວຽດນາມ ພັດທະນາຢ່າງກະໂດດຂັ້ນ ຍສໝ - ວັນທີ 22 ທັນວາ 2024, ກົມການເມືອງໄດ້ອອກມະຕິເລກທີ 57 ກ່ຽວກັບການບຸກທະລຸດ້ານວິທະຍາສາດເຕັກໂນໂລຢີ, ນະວັດຕະກຳ ແລະ ການຫັນເປັນດິຈິຕອນແຫ່ງຊາດ. ເປັນຄັ້ງທຳອິດ, ບັນດາຂົງເຂດເຫຼົ່ານີ້ໄດ້ຮັບການຈັດຕັ້ງຢູ່ໃນຖານະ “ບາດກ້າວບຸກທະລຸສຳຄັນແຖງໜ້າ”, ເປັນກຳລັງແຮງຕົ້ນຕໍໃນການພັດທະນາກຳລັງຜະລິດທີ່ທັນສະໄໝ, ການພົວພັນດ້ານການຜະລິດທີ່ສົມບູນແບບ, ປ່ຽນແປງໃໝ່ແບບວິທີການປົກຄອງປະເທດຊາດ, ພັດທະນາເສດຖະກິດ - ສັງຄົມ, ປ້ອງກັນຄວາມສ່ຽງທີ່ຈະຕົກຕ່ຳຖອຍຫຼັງ, ນຳປະເທດຊາດກ້າວເຂົ້າສູ່ການພັດທະນາ ແລະ ວັດທະນາຖາວອນໃນສັງກາດໃໝ່. |
 | ຫວຽດນາມ ຢັ້ງຢືນຖານະທີ່ຕັ້ງໃນອາຊຽນ: ຮ່ວມມື, ພັດທະນາ ແລະເຊື່ອມຕໍ່ພາກພື້ນ ຍສໝ - ດ້ວຍຂີດໝາຍສຳຄັນໃນໄລຍະ 30 ປີຜ່ານມາ, ຫວຽດນາມ ໄດ້ມານະພະຍາຍາມຢ່າງບໍ່ຢຸດຢັ້ງເພື່ອຮັກສາຄວາມສາມັກຄີ, ເປັນເອກະພາບ ແລະເພີ່ມທະວີບົດບາດໃຈກາງຂອງອາຊຽນ ເພື່ອສັນຕິພາບ, ສະຖຽນລະພາບ, ການຮ່ວມມື ແລະພັດທະນາຢູ່ພາກພື້ນ ແລະໃນໂລກ. |
ແທັງຮັ່ງ