ຫວຽດນາມ ແມ່ນແຫຼ່ງທ່ອງທ່ຽວອັນດັບໜຶ່ງຂອງຊາວອົດສະຕາລີ
ກໍ່ຕາມໜ້າເວບນີ້, ຫວຽດນາມ ໄດ້ຮັບການຕີລາຄາແມ່ນປະເທດທີ່ຟົດຟື້ນ, ຊີວິດຊີວາ ແລະ ອຸດົມສົມບູນດ້ານວັດທະນະທຳ. ການທ່ອງທ່ຽວຂອງຫວຽດນາມມີຄຸນນະພາບດີ ແລະ ລາຄາຖືກກ່ວາປະເທດອາຊີຕາເວັນອອກສ່ຽງໃຕ້ອື່ນໆ.
ຕາມຂໍ້ມູນຂອງກົມສະຖິຕິອົດສະຕາລີ, ຈຳນວນນັກທ່ອງທ່ຽວຈາກປະເທດນີ້ມາຫວຽດນາມໃນໄຕມາດທີ 1 ໄດ້ເພີ່ມຂຶ້ນ 54% ເມື່ອທຽບໃສ່ໄລຍະດຽວກັນຂອງປີ 2019. ຂໍ້ມູນຂອງກົມສະຖິຕິຫວຽດນາມ ສະແດງໃຫ້ເຫັນວ່າ ນັກທ່ອງທ່ຽວອົດສະຕາລີ ນອນໃນ top 10 ທ້ອງຕະຫຼາດທ່ອງທ່ຽວອັນດັບໜຶ່ງໃນ 6 ເດືອນຕົ້ນປີ. ຈຳນວນນັກທ່ອງທ່ຽວອົດສະຕາລີ ມາຫວຽດນາມ ໃນ 2 ໄຕມາດຕົ້ນປີນີ້ບັນລຸ 276.000 ເທື່ອຄົນ, ຢືນອັນດັບທີ 8.
 |
| ບົດຄວາມທີ່ລົງໃນໜ້າເວັບ Sky News ຍ້ອງຍໍການທ່ອງທ່ຽວຫວຽດນາມ. (ພາບ: TTXVN) |
ອົງການທ່ອງທ່ຽວ InsideAsia Tours ມີສຳນັກງານປະຈຳອົດສະຕາລີ ໃຫ້ຮູ້ວ່າ ຈຳນວນແຂກທ່ອງທ່ຽວເຂົ້າຫວຽດນາມ ໂດຍກົງໃນ 6 ເດືອນຕົ້ນປີເພີ່ມຂຶ້ນ 46% ເມື່ອທຽບໃສ່ໄລຍະດຽວກັນຂອງປີກາຍ. ທ່ານນາງ Nicole Newport, ຜູ້ອຳນວຍການຂາຍເຄື່ອງເຂດໂອເຊເນຍຂອງ InsideAsia Tours ເນັ້ນໜັກວ່າ ນີ້ແມ່ນຫຼັກຖານທີ່ຈະແຈ້ງໃຫ້ເຫັນວ່າ ຫວຽດນາມ ພວມກາຍເປັນຈຸດໝາຍປາຍທາງອັນດັບໜຶ່ງ. ຄວາມຕ້ອງການການທ່ອງທ່ຽວຂອງຫວຽດນາມ ແມ່ນມີສະຖຽນລະພາບນັບແຕ່ຕົ້ນປີ ແລະ ບໍ່ມີສັນຍານທີ່ຈະຊ້າລົງ.
ທ່ານນາງ Newport ກ່າວວ່າ "ນັກທ່ອງທ່ຽວອົດສະຕາລີ ນັບມື້ນັບຫຼາຍຂຶ້ນຊອກຫາການເດີນທາງວັດທະນະທໍາທີ່ມີຄວາມຫມາຍນອກເຫນືອໄປຈາກສະຖານທີ່ທ່ອງທ່ຽວພື້ນເມືອງ,"
ຕາມບໍລິສັດ Travel Money Oz ແລ້ວ, ເຫດຜົນທີ່ຫວຽດນາມ ໄດ້ກາຍເປັນຈຸດໝາຍປາຍທາງທີ່ດຶງດູດນັກທ່ອງທ່ຽວ ອົດສະຕາລີ ແມ່ນອັດຕາແລກປ່ຽນລະຫວ່າງເງິນໂດລາອົດສະຕາລີ (AUD) ກັບເງິນຕາຫວຽດນາມ. ຫວ່າງມໍ່ໆມານີ້, ເງິນ AUD ເພີ່ມຂຶ້ນຢ່າງຕໍ່ເນື່ອງເມື່ອທຽບໃສ່ກັບເງິນຕາຫວຽດນາມ, ສົ່ງຜົນກະທົບໂດຍກົງຕໍ່ງົບປະມານຂອງນັກທ່ອງທ່ຽວ, ໂດຍສະເລ່ຍອາຫານ ຫຼື ຂີ່ລົດ taxi ລາຄາພຽງແຕ່ປະມານ 5 AUD, ແລະ ນ້ຳດື່ມບໍລິສຸດ 1 ລິດ ລາຄາປະມານ 80 ເຊັນເທົ່ານັ້ນ.
ຍິ່ງໄປກວ່ານັ້ນ, ເມື່ອທຽບໃສ່ບັນດາປະເທດອາຊີຕາເວັນອອກສ່ຽງໃຕ້ອື່ນໆ, ຫວຽດນາມ ມີພູມສາດໃກ້ຄຽງກັບ ອົດສະຕາລີ. ຄວາມຫຼາກຫຼາຍຂອງພູມສັນຖານທໍາມະຊາດ ແລະປະຫວັດສາດວັດທະນະທໍາອັນອຸດົມສົມບູນເຮັດໃຫ້ນັກທ່ອງທ່ຽວຮູ້ສຶກວ່າເຂົາເຈົ້າໄດ້ຄົ້ນຫາຫຼາຍປະເທດໃນເວລາດຽວກັນເມື່ອເຂົາເຈົ້າມາຫວຽດນາມ.
ບໍລິສັດທ່ອງທ່ຽວ Klook ຍັງໄດ້ລາຍງານການຈອງໂຮງແຮມໃນຫວຽດນາມເພີ່ມຂຶ້ນ 250% ໃນເດືອນມີນາຫາເດືອນມິຖຸນາ 2025 ເມື່ອທຽບໃສ່ໄລຍະດຽວກັນຂອງປີກາຍ. ແຫຼ່ງທ່ອງທ່ຽວທີ່ຖືກຄົ້ນຫາຫຼາຍທີ່ສຸດຂອງຫວຽດນາມແມ່ນນະຄອນໂຮ່ຈິມິນ, ຮ່າໂນ້ຍ, ດານັງ, ອ່າວ ຮ່າລອງ ແລະ ໂຮ້ຍອານ.
 | ນຳ ກວາງນິງ ກາຍເປັນຈຸດນັດພົບການທ່ອງທ່ຽວສະໜິດຕິດພັນກັບຊາວອິດສະລາມ ຍສໝ - ບັນດາຜູ້ແທນໄດ້ເຮັດແຈ້ງບັນດາເນື້ອໃນກ່ຽວກັບການບຳລຸງສ້າງແຫຼ່ງຊັບພະຍາກອນມະນຸດ ຕອບສະໜອງຄວາມຕ້ອງການຂອງການທ່ອງທ່ຽວສະໜິດຕິດພັນກັບຊາວອິດສະລາມ; |
 | ຈິດໃຈຮ່ວມມື, ຮັກສາສັນຕິພາບ ແມ່ນຊັບສິນອັນລ້ຳຄ່າຂອງຊາວຫວຽດນາມ ແລະ ອາເມລິກາ ຍສໝ - ນັ້ນແມ່ນສານທີ່ທ່ານ ຟານແອງເຊີນ, ປະທານສະຫະພັນບັນດາອົງການມິດຕະພາບ ຫວຽດນາມ ໄດ້ແບ່ງປັນການຕ້ອນຮັບຄະນະຜູ້ແທນກອງທຶນໄກ່ເກ່ຍ ແລະ ພັດທະນາ (FRD) ແລະ ສະພາແຫ່ງຊາດຜູ້ອາຍຸສູງ ອາເມລິກາ (NCOE) ໃນວັນທີ 17 ເມສາ ຢູ່ຮ່າໂນ້ຍ. |
ມີງດຶກ