ຫວຽດນາມ ໄດ້ເຊີນ 5 ປະເທດເພື່ອນມິດເຂົ້າຮ່ວມການເດີນສວນສະໜາມເນື່ອງໃນໂອກາດວັນຊາດ 2 ກັນຍາ
 | ໂຮງໝໍສະໜາມຂັ້ນ 2 ເລກ 5 ກັບເມືອປະເທດ, ປະຕິບັດສໍາເລັດໜ້າທີ່ຢູ່ຊູດັງໃຕ້ຢ່າງດີເດັ່ນ |
| ຮ່າໂນ້ຍ ເກັບລາຍຮັບໄດ້ກວ່າ 2,18 ຕື້ດົ່ງ ໃນໂອກາດບຸນວັນຊາດທີ 2 ກັນຍາ |
ນັ້ນແມ່ນຂໍ້ມູນຂອງທ່ານພົນໂທ ຮ່ວາງຊວນຈຽນ - ກຳມະການສູນກາງພັກ, ກຳມະການປະຈຳຄະນະພັກທະຫານສູນກາງ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ທີ່ກອງປະຊຸມໄດ້ດຳເນີນລົງວັນທີ 9 ກໍລະກົດນີ້, ຢູ່ຮ່າໂນ້ຍ, ເພື່ອຜັນຂະຫຍາຍບັນດາການເຄື່ອນໄຫວການຕ່າງປະເທດໃນການປ້ອງກັນປະເທດເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນການປະຕິວັດເດືອນສິງຫາ ແລະ ວັນຊາດ 2 ກັນຍາ.
ຕາມແຜນການແລ້ວ, ພິທີການເດີນສວນສະໜາມ, ຂະບວນແຫ່ຈະດຳເນີນແຕ່ເວລາ 6:30 ໂມງເຊົ້າວັນທີ 2 ກັນຍາ, ຢູ່ສະໜາມຫຼວງ ບາດິ່ງ ແລະ ບາງຖະໜົນໃຈກາງນະຄອນຫຼວງ ຮ່າໂນ້ຍ. ງານສະເຫຼີມສະຫຼອງຈະມີຜູ້ແທນ ແລະ ປະຊາຊົນປະມານ 30.000 ຄົນເຂົ້າຮ່ວມ. ລາຍການຕົ້ນຕໍຈະເປັນການຈູດໂຄມໄຟ, ພິທີຍົກທຸງ, ກ່າວຄຳປາໄສ, ຂະບວນແຫ່, ເດີນຂະບວນ ແລະ ການສະແດງສິລະປະ.
 |
| ຄະນະການເດີນສວນສະໜາມກອງທັບຈີນ ໄດ້ເຂົ້າຮ່ວມການຊ້ອມຮົບເພື່ອສະເຫຼີມສະຫຼອງວັນປົດປ່ອຍພາກໃຕ້, ທ້ອນໂຮມປະເທດຊາດຄົບຮອບ 50 ປີ (ເມສາ 2025). (ພາບ: VTC News) |
ຄຳເຊີນຂອງກະຊວງປ້ອງກັນປະເທດຫວຽດນາມ ສົ່ງກຳລັງທະຫານຈາກ 5 ປະເທດເຂົ້າຮ່ວມການເດີນສວນສະໜາມທີ່ພິທີສະເຫຼີມສະຫຼອງແມ່ນການເຄື່ອນໄຫວສະແດງເຖິງນ້ຳໃຈມິດຕະພາບ, ຄວາມສາມັກຄີ ແລະ ຄວາມຕິດພັນກັນລະຫວ່າງປະຊາຊົນຫວຽດນາມ ແລະ ກອງທັບຫວຽດນາມກັບບັນດາປະເທດເພື່ອນມິດທີ່ເປັນມູນເຊື້ອ. ພ້ອມກັນນັ້ນ, ກໍ່ຢືນຢັນນະໂຍບາຍການຕ່າງປະເທດຂອງຫວຽດນາມ ແມ່ນເອກະລາດ, ເປັນເຈົ້າຕົນເອງ, ຫັນເປັນຫຼາຍຝ່າຍ, ຫັນເປັນຫຼາຍຮູບຫຼາຍແບບ, ເປັນເພື່ອນມິດ ແລະ ຄູ່ຮ່ວມມືທີ່ໄວ້ເນື້ອເຊື່ອໃຈກັບບັນດາປະເທດຂອງຫວຽດນາມ.
ມາຮອດປະຈຸບັນ, ຝ່າຍກູບາ ໄດ້ຕອບສະໜອງຄຳເຊີນ, ໂດຍຖືວ່າ, ທ່ານລັດຖະມົນຕີວ່າການກະຊວງບັນດາກຳລັງປະກອບອາວຸດປະຕິວັດ ກູບາ ຈະເຂົ້າຮ່ວມພິທີສະເຫຼີມສະຫຼອງ 80 ປີແຫ່ງວັນປະຕິວັດເດືອນສິງຫາ ແລະ ວັນຊາດໃນວັນທີ 2 ກັນຍາ ຢູ່ ຮ່າໂນ້ຍ. ລາວ ແລະ ກຳປູເຈຍ ກໍ່ໃຫ້ຮູ້ວ່າຈະສະໜັບສະໜູນນະໂຍບາຍສົ່ງກຳລັງເຂົ້າຮ່ວມການເດີນສວນສະໜາມຢູ່ພິທີສະເຫຼີມສະຫຼອງ ຕາມຄຳເຊີນຂອງຝ່າຍຫວຽດນາມ.
ກ່ອນໜ້ານັ້ນ, ເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນປົດປ່ອຍພາກໃຕ້ ແລະ ໂຮມປະເທດຊາດເປັນເອກະພາບ (ເດືອນ ເມສາ 2025), ຕາມຄຳເຊີນຂອງກະຊວງປ້ອງກັນປະເທດຫວຽດນາມ, ບັນດາກະຊວງປ້ອງກັນປະເທດຂອງ ຈີນ, ລາວ, ກຳປູເຈຍ ໄດ້ສົ່ງທະຫານເຂົ້າຮ່ວມການເດີນສວນສະໜາມ, ຂະບວນແຫ່. ການເຄື່ອນໄຫວດັ່ງກ່າວໄດ້ດຳເນີນໄປຢ່າງສະຫງ່າຜ່າເຜີຍ ແລະ ປະສົບຜົນສຳເລັດ, ໄດ້ສ້າງຄວາມປະທັບໃຈອັນດີງາມໃນໃຈປະຊາຊົນຫວຽດນາມ ແລະ ເພື່ອນມິດສາກົນ.
 | ສະຖານທູດ ຫວຽດນາມ ປະຈຳ ອີຢິບ ໄດ້ຈັດພິທີສະເຫຼີມສະຫຼອງວັນຊາດ 2 ກັນຍາ ຍສໝ - ວັນທີ 19 ສິງຫາ, ຢູ່ນະຄອນຫຼວງ Cairo, ສະຖານທູດ ຫວຽດນາມ ປະຈຳ ອີຢິບ ໄດ້ຈັດຕັ້ງພິທີສະເຫຼີມສະຫຼອງ 79 ປີແຫ່ງວັນຊາດ ສາທາລະນະລັດ ສັງຄົມນິຍົມ ຫວຽດນາມ (2 ກັນຍາ 1945 – 2 ກັນຍາ 2024). |
 | ສະຖານທູດລາວ ປະຈໍາ ແບນຊິກ, ກຳປູເຈຍ ອວຍພອນວັນຊາດຫວຽດນາມ ວັນທີ 2 ກັນຍາ ຍສໝ - ເນື່ອງໃນໂອກາດສະເຫຼີມສະຫຼອງ 79 ປີແຫ່ງວັນຊາດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ (2 ກັນຍາ 1945 – 2 ກັນຍາ 2024), ທ່ານ ເອກອັກຄະລັດຖະທູດ ລາວ ປະຈຳ ແບນຊິກ ແລະ ທ່ານ ເອກອັກຄະລັດຖະທູດ ລາວ ... |
ແທັງຮັ່ງ