ເຫັນດີຈັດຕັ້ງບັນດາການເຄື່ອນໄຫວສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ເນປານ ຢູ່ ຮ່າໂນ້ຍ
 | ການເຄື່ອນໄຫວຫຼາຍຢ່າງ ເພື່ອສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ເຢຍລະມັນ |
| ຫວຽດນາມ ຈະຈັດພິທີສະເຫຼີມສະຫຼອງ 50 ປີແຫ່ງວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ |
ທີ່ການເຮັດວຽກ, ທ່ານ Dhan Bahadur Oli, ເອກອັກຄະລັດຖະທູດ ເນປານ ປະຈຳ ໄທ ທັງຄວບຕຳແໜ່ງຖິ່ນຖານ ຫວຽດນາມ ໃຫ້ຮູ້ວ່າ ຈະສົມທົບກັນຢ່າງແໜ້ນແຟ້ນກັບຝ່າຍ ຫວຽດນາມ ແລະ ເຫັນດີເປັນເອກະສັນກັນກ່ຽວກັບແຜນການຈັດຕັ້ງບັນດາການເຄື່ອນໄຫວສະເຫຼີມສະຫຼອງຢູ່ ຮ່າໂນ້ຍ.
 |
| ທ່ານ ປອ ເຈີ່ນແອງຕວນ, ປະທານສະມາຄົມມິດຕະພາບ ຫວຽດນາມ - ເນປານ (ເບື້ອງຂວາ) ແລະ ທ່ານ Dhan Bahadur Oli, ເອກອັກຄະລັດຖະທູດ ເນປານ ປະຈຳ ໄທ ທັງຄວບຕຳແໜ່ງຖິນຖານ ຫວຽດນາມ. (ຮູບ: ສະມາຄົມມິດຕະພາບຫວຽດນາມ - ເນປານ) |
3 ກິດຈະກຳຕົ້ນຕໍໄດ້ສອງຝ່າຍເຫັນດີເປັນເອກະພາບ ລວມມີ:
ກ່ອນອື່ນໝົດ, ກອງປະຊຸມສຳມະນາ “ສືບຕໍ່ປົກປັກຮັກສາ ແລະ ເສີມຂະຫຍາຍສາຍພົວພັນມິດຕະພາບ ຫວຽດນາມ - ເນປານ”, ຈະດຳເນີນໃນເດືອນ ຕຸລາ ຫຼື ພະຈິກ 2025, ໂດຍມີການເຂົ້າຮ່ວມຂອງປະມານ 50 ຜູ້ແທນເປັນນັກຮຽນຮູ້, ນັກທຸລະກິດ, ນັກການທູດຂອງ 2 ປະເທດ. ເນື້ອໃນຂອງກອງປະຊຸມສຳມະນາຈະສຸມໃສ່ປຶກສາຫາລືກ່ຽວກັບການຮ່ວມມືດ້ານເສດຖະກິດ, ການລົງທຶນ, ການທ່ອງທ່ຽວ, ການສຶກສາ ແລະ ການຄ້າ. ທ່ານເອກອັກຄະລັດຖະທູດ Dhan Bahadur Oli ຈະນຳໜ້າຄະນະ ເນປານ ເຂົ້າຮ່ວມເຫດການຄັ້ງນີ້.
ທີ ສອງ, ຈັດຕັ້ງງານຕະຫຼາດນັດການຄ້າ - ການທ່ອງທ່ຽວ ຫວຽດນາມ - ເນປານ, ຄາດວ່າຈະດຳເນີນໃນເດືອນຕຸລາ ຫຼື ພະຈິກ 2025, ເພື່ອແນະນຳບັນດາຜະລິດຕະພັນທີ່ພົ້ນເດັ່ນ ແລະ ວັດທະນະທຳ ທີ່ເປັນເອກະລັກພິເສດຂອງ 2 ປະເທດຄື ກາແຟ ຫວຽດນາມ, ຊາ ເນປານ, ຕ່ຳຜ້າ, ຜະລິດຕະພັນກະເສດປອດສານພິດ... ສະຖານທູດເນປານ ປະຈຳ ໄທ ໃຫ້ຄຳໝັ້ນສັນຍາ ຈະລະດົມວິສາຫະກິດ ເນປານ ເຂົ້າຮ່ວເຫດການຢູ່ຮ່າໂນ້ຍ.
ທີສາມ, ຈັດຕັ້ງລາຍການສະແດງວັດທະນະທຳ - ສິລະປະ ເນປານ, ຄາດວ່າຈະດຳເນີນໃນເດືອນ ຕຸລາ ຫຼື ພະຈິກ 2025 ຢູ່ ຮ່າໂນ້ຍ, ລວມມີບັນດາລາຍການສະແດງຟ້ອນພື້ນເມືອງ, ສະແດງຊຸດຜ້າອາພອນ Sari ແລະ Daura Suruwal, ບັນດາລາຍການສະແດງພື້ນເມືອງວັດທະນະທຳ ທີ່ເປັນເອກະລັກພິເສດຂອງເນປານ ໂດຍຄະນະສິລະປະເນປານ ສະແດງ.
ກ່າວຄຳປາໄສທີ່ການເຮັດວຽກ, ທ່ານ ປອ ເຈີ່ນແອງຕວນ ເນັ້ນໜັກວ່າ ບັນດາການເຄື່ອນໄຫວເພື່ອສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ເນປານ ແມ່ນໂອກາດເພື່ອໃຫ້ປະຊາຊົນຫວຽດນາມ ໄດ້ສຳຜັດກັບບັນດາຄຸນຄ່າວັດທະນະທຳຂອງເນປານ - ດິນແດນຂອງຈອມ Everest ແລະ ໃຈກາງຂອງພຸດທະສາສະໜາ; ພ້ອມກັນນັ້ນ, ກໍ່ປະກອບສ່ວນຊຸກຍູ້ການຮ່ວມມືດ້ານເສດຖະກິດ, ການຄ້າ, ການທ່ອງທ່ຽວ ກໍ່ຄືນ້ຳໃຈມິດຕະພາບລະຫວ່າງສອງປະເທດ.
ໃນຂອບເຂດການປະຕິບັດງານ, ຄະນະຍັງໄດ້ພົບປະ ແລະ ແລກປ່ຽນກັບທ່ານ ຟ້າມຫວຽດຮຸງ, ເອກອັກຄະລັດຖະທູດຫວຽດນາມ ປະຈຳ ໄທ. ທ່ານເອກອັກຄະລັດຖະທູດ ຟ້າມຫວຽດຮຸງ ຢືນຢັນວ່າ ສະຖານທູດ ຫວຽດນາມ ປະຈຳ ໄທ ຈະຮ່ວມເດີນທາງກັບບັນດາການເຄື່ອນໄຫວສະເຫຼີມສະຫຼອງ, ໜູນຊ່ວຍໃຫ້ຄະນະສິລະປະ ເນປານ ມາຢ້ຽມຢາມ ຫວຽດນາມ, ພ້ອມກັນນັ້ນ ສົມທົບກັບສະມາຄົມວິສາຫະກິດ ຫວຽດນາມ ອາໄສຢູ່ ໄທ ເຂົ້າຮ່ວມບັນດາການເຄື່ອນໄຫວທີ່ກ່ຽວຂ້ອງ.
ຜ່ານບັນດາການເຄື່ອນໄຫວ, ສະມາຄົມສືບຕໍ່ຢືນຢັນບົດບາດຂອງການທູດປະຊາຊົນໃນການຊຸກຍູ້ການຮ່ວມມືສອງຝ່າຍ, ພ້ອມກັນນັ້ນ ກໍ່ຮັບໃຊ້ວິວັດກະທັດລັດກົງຈັກ, ພັດທະນາເສດຖະກິດ - ສັງຄົມ, ນຳຫວຽດນາມ ເຂົ້າສູ່ສັງກາດພັດທະນາ ແລະ ວັດທະນາຖາວອນ.
 | ໂຄສະນາວັດທະນະທຳ ຫວຽດນາມ ໃນພິທີສະເຫຼີມສະຫຼອງ 50 ປີແຫ່ງການພົວພັນ ຫວຽດນາມ - ເຢຍລະມັນ ທີ່ Brechtfestival 2025 ຍສໝ - ເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນພົວພັນທາງການທູດລະຫວ່າງ ຫວຽດນາມ - ເຢຍລະມັນ, ນັບແຕ່ວັນທີ 28 ກຸມພາ – 2 ມີນາ, ຢູ່ນະຄອນ Augsburg (ເຢຍລະມັນ), ສະມາຄົມ ຫວຽດນາມ - ເຢຍລະມັນ Swabia ແລະ ສະມາຄົມ ຫວຽດນາມ ... |
 | ຜູ້ແທນສາກົນກວ່າ 400 ທ່ານຈະເຂົ້າຮ່ວມການທ່ຽວຊົມລະດູບານໃໝ່ມິດຕະພາບປີ 2025 ຢູ່ ຮ່າໂນ້ຍ ຍສໝ - ວັນທີ 1 ມີນາ, ສະຫະພັນບັນດາອົງການມິດຕະພາບ ນະຄອນ ຮ່າໂນ້ຍ ຈະສົມທົບກັບພະແນກການທ່ອງທ່ຽວ ຮ່າໂນ້ຍ ແລະ ຄະນະກຳມະການປະຊາຊົນ ເມືອງ ເມລິງ ຈັດລາຍການທ່ຽວຊົມລະດູບານໃໝ່ມິດຕະພາບ 2025. |