ງານພົບປະມິດຕະພາບສະເຫຼີມສະຫຼອງ 158 ປີແຫ່ງວັນຊາດການາດາ ຢູ່ນະຄອນໂຮ່ຈີມິນ
 | ສະເຫຼີມສະຫຼອງບຸນປີໃໝ່ລາວ, ກຳປູເຈຍ, ມຽນມາ ແລະ ໄທ ຢູ່ນະຄອນໂຮ່ຈີມິນ |
| ນັກສຶກສາລາວ ແລະກຳປູເຈຍ ຢູ່ນະຄອນໂຮ່ຈີມິນ ໄດ້ຮັບການໜູນຊ່ວຍດ້ວຍວິທີການຮຽນຢູ່ມະຫາວິທະຍາໄລ |
ກ່າວຄຳປາໄສທີ່ການພົບປະ, ທ່ານນາງ ຫງວຽນເຖແທງ, ຮອງປະທານສະມາຄົມມິດຕະພາບ ຫວຽດນາມ - ການາດາ ນະຄອນ ໂຮ່ຈີມິນ ໃຫ້ຮູ້ວ່າ ນັບແຕ່ວັນສ້າງຕັ້ງການພົວພັນທາງການທູດເມື່ອປີ 1973, ການພົວພັນ ຫວຽດນາມ - ການາດາ ໄດ້ພັດທະນາຢ່າງບໍ່ຢຸດຢັ້ງ, ແທດຈິງ ແລະ ມີປະສິດທິຜົນໃນຫຼາຍຂົງເຂດຄື: ການເມືອງ, ການທູດ, ການຄ້າ, ການລົງທຶນ, ການຮ່ວມມືພັດທະນາ, ການສຶກສາ ແລະ ການແລກປ່ຽນປະຊາຊົນ.
ປະຈຸບັນ, ການາດາ ແມ່ນຄູ່ຮ່ວມມືການຄ້າໃຫຍ່ອັນດັບສອງຂອງຫວຽດນາມ ຢູ່ເຂດທະວີບອາເມລິກາ, ນຂະນະທີ່ ຫວຽດນາມ ແມ່ນຄູ່ຮ່ວມມືການຄ້າໃຫຍ່ທີ່ສຸດຂອງການາດາໃນອາຊຽນ ແລະ ນອນໃນກຸ່ມ 40 ຄູ່ຮ່ວມມືການຄ້າແຖວໜ້າຂອງການາດາຢູ່ພາກພື້ນອິນໂດປາຊີຟິກ.
 |
| ກອງປະຊຸມສະເຫຼີມສະຫຼອງ 158 ປີແຫ່ງວັນຊາດການາດາຢູ່ນະຄອນໂຮ່ຈິມິນ. (ພາບ: ສະຫະພັນບັນດາອົງການມິດຕະພາບນະຄອນໂຮ່ຈິມິນ) |
ຕາມທ່ານນາງ ຫງວຽນເຖແທງ ແລ້ວ, ປະຈຸບັນ, ການາດາ ແມ່ນສະຖານທີ່ທີ່ມີຄວາມນິຍົມຂອງນັກສຶກສາ ຫວຽດນາມ, ດ້ວຍນັກສຶກສາຕ່າງປະເທດປະມານ 20.000 ຄົນພວມຮ່ຳຮຽນຢູ່ບັນດາສະຖາບັນການສຶກສາຢູ່ປະເທດນີ້. ປະຊາຄົມຊາວຫວຽດນາມ ຢູ່ການາດາ ມີປະມານ 275.000 ຄົນ ໄດ້ສົມທົບກັນຢ່າງເລິກເຊິ່ງ, ກວ້າງຂວາງ, ປະກອບສ່ວນຢ່າງຕັ້ງໜ້າເຂົ້າໃນຊີວິດດ້ານເສດຖະກິດ, ວັດທະນະທຳ, ສັງຄົມຂອງປະເທດປະຈຳຖິ່ນ, ພ້ອມກັນນັ້ນກໍ່ກາຍເປັນຂົວເຊື່ອມຕໍ່ດ້ານມະນຸດສະທຳແບບຍືນຍົງລະຫວ່າງ 2 ປະເທດ.
 |
| ບັນດາຜູ້ແທນຖ່າຍຮູບທີ່ລະນຶກຢູ່ກອງປະຊຸມ. (ພາບ: ສະຫະພັນບັນດາອົງການມິດຕະພາບນະຄອນໂຮ່ຈິມິນ) |
ກ່າວຄຳປາໄສທີ່ກອງປະຊຸມ, ທ່ານນາງ Annie Dube, ກົງສຸນໃຫຍ່ ການາດາ ປະຈຳນະຄອນ ໂຮ່ຈີມິນ ເນັ້ນໜັກວ່າ ບົດບາດເປັນປະທານ G7 ໃນປີ 2025 ແມ່ນກາລະໂອກາດເພື່ອໃຫ້ການາດາ ຊຸກຍູ້ບັນດາເປົ້າໝາຍລວມຄື: ປົກປັກຮັກສາບັນດາປະຊາຄົມ, ເພີ່ມທະວີຄວາມໝັ້ນຄົງດ້ານພະລັງງານ, ເລັ່ງລັດຫັນເປັນດີຈີຕອນ ແລະ ປັບປຸງການພົວພັນຄູ່ຮ່ວມມື. ທ່ານນາງກ່າວວ່າ ການາດາ ພວມຜັນຂະຫຍາຍຍຸດທະສາດອິນໂດປາຊີຟິກ ເພື່ອເພີ່ມທະວີການຮ່ວມມືກັບບັນດາປະເທດພັນທະມິດ ແລະ ຄູ່ຮ່ວມມືການຄ້າ, ມຸ່ງໄປສູ່ຄວາມຈະເລີນຮຸ່ງເຮືອງຮ່ວມກັນ ແລະ ການຮ່ວມມືທົ່ວໂລກ.
ໃນຂອບເຂດຍຸດທະສາດນີ້, ການາດາ ພວມດຳເນີນການເຈລະຈາການຄ້າກັບບັນດາປະເທດອາຊຽນ, ໃນນັ້ນ ຫວຽດນາມ ແມ່ນຄູ່ຮ່ວມມືສຳຄັນ.
ໂດຍສະຫລຸບຄຳປາໄສ, ທ່ານນາງ Annie Dube ເນັ້ນໜັກວ່າ “ໂລກຂອງພວກເຮົາມີຄວາມເຊື່ອມຕໍ່ກັນຢ່າງເລິກເຊິ່ງ. ແລະ ພວກເຮົາທຸກຄົນດີຂຶ້ນເມື່ອພວກເຮົາເຮັດວຽກຮ່ວມກັນ".
 | ຊາຍຄາມິດຕະພາບຂອງນັກສຶກສາລາວ ຢູ່ນະຄອນໂຮ່ຈີມິນ ຍສໝ - ເກືອບ 20 ປີມານີ້, ຫໍພັກນັກສຶກສາລາວ ຢູ່ນະຄອນ ໂຮ່ຈີມິນ ໄດ້ກາຍເປັນຊາຍຄາລວມຂອງນັກສຶກສາລາວຫຼາຍລຸ້ນຄົນ, ເປັນບ່ອນສະໜິດຕິດພັນປະຊາຄົມນັກສຶກສາ ລາວ ກັບຊາວນະຄອນ, ພິເສດແມ່ນລຸ້ນໜຸ່ມຢູ່ຫວຽດນາມ. |
 | ແນະນໍາວັດທະນະທໍາອາຫານການກິນອີຕາລີ ຢູ່ນະຄອນໂຮ່ຈີມິນ ເນື່ອງໃນໂອກາດສະເຫຼີມສະຫຼອງ 76 ປີແຫ່ງວັນຊາດ ສ. ອີຕາລີ (2-6-1946/2-6-2022), ວັນທີ 3 ມິຖຸນາ, ສະຖານກົງສູນໃຫຍ່ ສ. ອີຕາລີ ປະຈໍາ ໂຮ່ຈີມິນ ໄດ້ສົມທົບກັບບາງກົມກອງ, ວິສາຫະກິດຂອງອີຕາລີ ຈັດຕັ້ງ Roadshow ເຫຼົ້າແວງອີຕາລີ ຄັ້ງທໍາອິດ ຢູ່ນະຄອນໂຮ່ຈີມິນ. |
ມີງດຶກ