ຄະນະ, ຫົວໜ່ວຍ 19 ແຫ່ງຂອງອົງການຄະນະກຳມະການສູນກາງແນວໂຮມປະເທດຊາດຫວຽດນາມ ເລີ່ມດຳເນີນການເຄື່ອນໄຫວຕາມຮູບແບບໃໝ່.
ທ່ານ ໂດ້ວັນຈ໋ຽນ, ກຳມະການກົມການເມືອງ, ເລຂາທິການສູນກາງພັກ, ເລຂາທິການຄະນະພັກແນວໂຮມປະເທດຊາດ, ບັນດາອົງຄະນະສູນກາງ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ເປັນປະທານກອງປະຊຸມ.
 |
| ກອງປະຊຸມໄດ້ປະກາດບັນດາຂໍ້ຕົກລົງກ່ຽວກັບວຽກງານພະນັກງານ. (ພາບ: Dinh Hoa) |
ຕາມບັນດາຂໍ້ຕົກລົງທີ່ໄດ້ປະກາດແລ້ວ, ອົງການຄະນະກຳມະການສູນກາງແນວໂຮມປະເທດຊາດຫວຽດນາມ ລວມມີຄະນະ, ຫົວໜ່ວຍ 19 ແຫ່ງ. ໃນນັ້ນ, ບັນດາຄະນະເປັນເສນາທິການ, ຊ່ວຍວຽກໃຊ້ລວມ ລວມມີ: ຄະນະຈັດຕັ້ງ, ຄະນະກວດກາ; ຄະນະປະຊາທິປະໄຕ, ຕິດຕາມກວດກາ ແລະ ຕີລາຄາຄຸນະພາບສັງຄົມ; ຄະນະວຽກງານສັງຄົມ; ຄະນະໂຄສະນາສຶກສາ; ຄະນະຊົນເຜົ່າ ແລະ ສາສະໜາ; ຄະນະການທູດປະຊາຊົນ; ຄະນະວຽກງານສະມາຄົມມະຫາຊົນ; ພະແນກການເງິນ - ແຜນການ, ຫ້ອງການອົງການ.
ບັນດາຄະນະສະເພາະລວມມີ: ຄະນະວຽກງານກຳມະບານ; ຄະນະການພົວພັນແຮງງານ; ຄະນະວຽກງານຊາວກະສິກອນ; ຄະນະວຽກງານຄະນະຜູ້ແທນ; ຄະນະວຽກງານຊາວໜຸ່ມ; ຄະນະວຽກງານແມ່ຍິງ.
ບັນດາໜ່ວຍງານພາລະກິດປະກອບມີ: ສະຖາບັນການຝຶກອົບຮົມ, ບຳລຸງສ້າງພະນັກງານ ແລະ ຄົ້ນຄ້ວາວິທະຍາສາດ; ຫ້ອງວ່າການຄະນະກຳມະການສາມັກຄີສາສະໜາກາໂຕລິກຫວຽດນາມ; ຫໍພິພິທະພັນແນວໂຮມປະເທດຊາດຫວຽດນາມ; ໜັງສືພິມ Dai Doan Ket.
ຍອກຈຳນວນໃນບັນດາຄະນະ, ຫົວໜ່ວຍທັງໝົດ 446 ຄົນ. ໃນນັ້ນ, ເປັນຫົວໜ້າ 141 ຄົນ; ລັດຖະກອນ 236 ຄົນ; ຂ້າລັດຖະການຂຶ້ນກັບບັນດາຄະນະ, ຫົວໜ່ວຍໃຊ້ລວມ 69 ຄົນ.
 |
| ທ່ານປະທານ ໂດ້ວັນຈ໋ຽນ ກ່າວຄຳປາໄສທີ່ກອງປະຊຸມ. (ພາບ: Dinh Hoa) |
ກ່າວຄຳປາໄສທີ່ມອບໝາຍໜ້າທີ່ໃຫ້ບັນດາຄະນະ, ຫົວໜ່ວຍເຄື່ອນໄຫວຕາມຮູບແບບໃໝ່ຢ່າງເປັນທາງການ, ທ່ານປະທານ ໂດ້ວັນຈ໋ຽນ ຖືວ່າ ນີ້ແມ່ນເຫດການພິເສດ, ປະຕິບັດນະໂຍບາຍໃຫຍ່ຂອງພັກ, ກົດໝາຍຂອງລັດ, ນຳ 5 ອົງການການເມືອງ - ສັງຄົມ ມາຫຼັງຄາເຮືອນຮ່ວມແຫ່ງຄວາມສາມັກຄີທົ່ວປວງຊົນທັງຊາດ.
ທ່ານສະເໜີໃຫ້ຫົວໜ້າຄະນະ, ພະນັກງານ, ລັດຖະກອນ, ຜູ້ອອກແຮງງານຂອງອົງການຄະນະກຳມະການສູນກາງແນວໂຮມປະເທດຊາດຫວຽດນາມ ຄົ້ນຄວ້າຢ່າງຮອບຄອບກ່ຽວກັບຂໍ້ຕົກລົງຂອງກົມການເມືອງກ່ຽວກັບການສ້າງຕັ້ງອົງຄະນະພັກແນວໂຮມປະເທດຊາດ, ບັນດາອົງຄະນະສູນກາງ; ມະຕິເລກທີ 304-QD/TW ຂອງກົມການເມືອງກ່ຽວກັບບັນດາໜ້າທີ່, ການຈັດຕັ້ງກົນໄກຂຂອງອົງການຄະນະກຳມະການສູນກາງແນວໂຮມປະເທດຊາດ ຫວຽດນາມ; ບັນດາຂໍ້ຕົກລົງກ່ຽວກັບໜ້າທີ່, ການຈັດຕັ້ງກົນໄກຂຂອງຄະນະ, ຫົວໜ່ວຍ. ດ້ວຍເຫດນີ້, ຈະຍຶດໝັ້ນບັນດາຮູບແບບການຈັດຕັ້ງ, ວິທີການເຄື່ອນໄຫວຂອງແນວໂຮມປະເທດຊາດຫວຽດນາມ, ບັນດາອົງການການເມືອງ - ສັງຄົມພາຍໃຕ້ແນວໂຮມປະເທດຊາດຫວຽດນາມ, ສົມທົບກັນຢ່າງຕັ້ງໜ້າ ແລະ ມີຫົວຄິດປະດິດສ້າງຂອງແຕ່ລະອົງການ.
ທ່ານໃຫ້ຂໍ້ສັງເກດວ່າ ພະນັກງານທັງໝົດ ຕ້ອງເຊື່ອມຊຶມຢ່າງເລິກເຊິ່ງຈິດໃຈຊີ້ນຳຂອງທ່ານເລຂາທິການໃຫຍ່ ໂຕເລີມທີ່ກອງປະຊຸມເຮັດວຽກ ແລະ ມອບຂໍ້ຕົກລົງຂອງກົມການເມືອງກ່ຽວກັບການສ້າງຕັ້ງອົງການຄະນະກຳມະການສູນກາງແນວໂຮມປະເທດຊາດ ຫວຽດນາມ. ບົນຈິດໃຈນັ້ນ, ຫົວໜ້າຄະນະ, ຫົວໜ່ວຍ, ພະນັກງານສະມາຊິກພັກ, ລັດຖະກອນ, ຜູ້ອອກແຮງງານຕ້ອງເຮັດວຽກງານອຸດົມຄະຕິດ້ອຍຕົນເອງ; ເປັນເຈົ້າການໃນການກຳນົດໜ້າທີ່ຕ້ອງເຮັດທັນທີ ແລະ ໄລຍະຍາວໃຫ້ແກ່ທີ່ຕັ້ງວຽກງານ ແລະ ຄວາມຮັບຜິດຊອບຂອງຕົນ ດ້ວຍຄຳຂວັນ “ເຮັດບົດບາດຂອງຕົນໃຫ້ດີ ແລະ ຮູ້ບົດຮຽນດີ”.
 |
| ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ໂດ້ວັນຈ໋ຽນ ແລະ ທ່ານຮອງປະທານ - ເລຂາທິການໃຫຍ່ຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທິທູຮ່າ ໄດ້ມອບຂໍ້ຕົກລົງ ແລະ ມອບດອກໄມ້ຊົມເຊີຍຄະນະໂຄສະນາສຶກສາ. (ພາບ: Dinh Hoa) |
ທ່ານ ໂດ້ວັນຈ໋ຽນ ຮຽກຮ້ອງແຕ່ວັນທີ 1 ກໍລະກົດນີ້ເປັນຕົ້ນໄປ, ບັນດາຄະນະ, ຫົວໜ່ວຍຕ້ອງສ້າງສະຖຽນລະພາບໂດຍໄວ, ຈັດຕັ້ງສຳນັກງານຕາມແຜນວາດທີ່ຄະນະປະຈຳສະພາໄດ້ຮັບຮອງ. ຫົວໜ້າຄະນະ, ໜ່ວຍພັກ ຕ້ອງເປັນເອກະພາບ ແລະ ມອບໝາຍໜ້າທີ່ວິຊາສະເພາະໃຫ້ພະນັກງານ-ລັດຖະກອນແຕ່ລະຄົນຕາມໜ້າທີ່ ແລະ ໜ້າທີ່ທີ່ໄດ້ຮັບມອບໝາຍ; ພ້ອມກັນນັ້ນ, ກໍ່ສ້າງລະບຽບການດ້ານການເຮັດວຽກ ແລະ ຍື່ນສະເໜີຮັບຮອງເອົາການປະຕິບັດຢ່າງເຂັ້ມງວດ.
ຕາມການມອບໝາຍຂອງຄະນະປະຈຳ, ບັນດາຄະນະ, ຫົວໜ່ວຍຕ້ອງສຸມໃສ່ປະຕິບັດ 6 ໜ້າທີ່ສຳຄັນຂອງແນວໂຮມປະເທດຊາດ ແລະ ບັນດາອົງຄະນະສູນກາງແຕ່ນີ້ຮອດທ້າຍປີ 2025.
ພິເສດແມ່ນຕ້ອງກຳແໜ້ນສະພາບການປະຕິບັດຕົວແບບແນວໂຮມປະເທດຊາດ, ບັນດາອົງການການເມືອງ - ສັງຄົມ, ບັນດາສະມາຄົມມະຫາຊົນຕາມຕົວແບບໃໝ່ຂອງທ້ອງຖິ່ນ 2 ຂັ້ນ (ແຂວງ ແລະ ຕາແສງ). ເປັນເຈົ້າການໃນການກຳແໜ້ນຂໍ້ຫຍຸ້ງຍາກ ແລະ ອຸປະສັກຕ່າງໆ ເພື່ອໃຫ້ຄຳແນະນຳ ແລະ ສະເໜີບັນດາມາດຕະການແກ້ໄຂທີ່ເໝາະສົມ, ຮັບປະກັນການດຳເນີນງານຢ່າງຄ່ອງແຄ້ວ, ມີປະສິດທິຜົນຕາມກຳນົດເວລາ ແລະ ຕາມຄວາມຕ້ອງການ.
ທ່ານ ໂດ໋ວັນຈ໋ຽນ ສົ່ງສານຄວາມສາມັກຄີເຖິງບັນດາພະນັກງານ, ລັດຖະກອນ, ແລະ ຜູ້ອອກແຮງງານສູນກາງແນວໂຮມປະເທດຊາດຫວຽດນາມ ທັງໝົດ; ເນັ້ນໜັກວ່າ ກົນໄກໃໝ່ຂອງແນວໂຮມປະເທດຊາດຫວຽດນາມ ແລະ ບັນດາອົງການສະມາຊິກຕ້ອງສຸມໃສ່ຮາກຖານຢ່າງແໜ້ນແຟ້ນ, ຕິດຕາມເຂດທີ່ຢູ່ອາໄສ, ໃກ້ຊິດກັບປະຊາຊົນ, ຮັບໃຊ້ປະຊາຊົນ; ພ້ອມກັນນັ້ນ, ໃຫ້ສຳເລັດຈິດໃຈ “ກົນໄກໃໝ່ຕ້ອງໄປຄຽງຄູ່ກັບແນວຄິດໃໝ່”.
ຜູ້ຕາງໜ້າໃຫ້ພະນັກງານທີ່ໄດ້ຮັບການແຕ່ງຕັ້ງ, ທ່ານ ກາວຊວນຖາວ, ຫົວໜ້າຄະນະວຽກງານສັງຄົມ, ໄດ້ສະແດງຄວາມຕັດສິນໃຈເສີມຂະຫຍາຍນ້ຳໃຈສາມັກຄີ, ນະວັດຕະກຳ, ພະຍາຍາມຢ່າງສຸດຂີດເພື່ອສຳເລັດໜ້າທີ່ເປັນເສນາທິການ, ຊ່ວຍວຽກ, ຮັບໃຊ້ການນຳພາຂອງແນວໂຮມປະເທດຊາດ ຫວຽດນາມ ແລະ ບັນດາອົງການການເມືອງ - ສັງຄົມຢ່າງມີປະສິດທິຜົນ. ທ່ານເນັ້ນໜັກວ່າ ໃນໄວໆນີ້, ຈະພ້ອມກັບຄະນະສ້າງສະຖຽນລະພາບໃນການຈັດຕັ້ງ, ມອບໜ້າທີ່ວຽກງານໃຫ້ທັນການ.
 | ຊຸກຍູ້ການຮ່ວມມືກັບບັນດາປະເທດ ເອີລົບ, ຕັ້ງໜ້າປະກອບສ່ວນເຂົ້າໃນການອະນຸລັກຮັກສາ ແລະ ນຳໃຊ້ທະເລ ແລະ ມະຫາສະໝຸດແບບຍືນຍົງ ຍສໝ - ນັບແຕ່ວັນທີ 5 – 14 ມິຖຸນາ, ທ່ານນາຍົກລັດຖະມົນຕີ ຟ້າມມິງຈິງ ພ້ອມກັບຄະນະຜູ້ແທນຂັ້ນສູງ ຫວຽດນາມ ຈະໄປຢ້ຽມຢາມ ສ. ແອັດໂຕເນຍ ຢ່າງເປັນທາງການ ເຂົ້າຮ່ວມກອງປະຊຸມມະຫາສະໝຸດ ສປຊ ຄັ້ງທີ 3 ຢູ່ສ.ຝລັ່ງ ແລະ ຢ້ຽມຢາມ ລາຊະອານາຈັກ ສະວິດຢ່າງເປັນທາງການ. ການເດີນທາງໄປປະຕິບັດງານຂອງທ່ານນາຍົກລັດຖະມົນຕີ ... |
 | ມອບຈົດໝາຍທາງການຄັດຄ້ານບັນດາການເຄື່ອນໄຫວລະເມີດອະທິປະໄຕຂອງຫວຽດນາມ ສຳລັບເຈື່ອງຊາ ຍສໝ - ຫວຽດນາມ ໄດ້ສື່ສານ ແລະ ມອບຈົດໝາຍທາງການຄັດຄ້ານບັນດາປະເທດທີ່ກ່ຽວຂ້ອງກ່ຽວກັບບັນດາການເຄື່ອນໄຫວທີ່ລະເມີດອະທິປະໄຕຂອງຫວຽດນາມ ສຳລັບເກາະ ຮ່ວາຍເອີນ ແລະ ບັນດາສິ່ງທີ່ຄົງຕົວເປັນເອກະລາດທີ່ກ່ຽວຂ້ອງຂອງເຈື່ອງຊາ. |
ມີງດຶກ