ການຮ່ວມມືດ້ານຊັບພະຍາກອນມະນຸດຫວຽດນາມ ສໍາລັບວິສາຫະກິດຂະໜາດກາງ ແລະ ນ້ອຍຢູ່ພາກພື້ນ Kyushu (ຍີ່ປຸ່ນ)
 | ສະເໜີບັນດາມາດຕະການຊຸກຍູ້ການພົວພັນມິດຕະພາບການຮ່ວມມືລະຫວ່າງ ຫວຽດນາມ - ຍີ່ປຸ່ນ |
| ຫວຽດນາມ ໄດ້ຮັບອຸປະກອນເກັບກູ້ລະເບີດບໍ່ທັນແຕກທີ່ຕົກຄ້າງຫຼັງສົງຄາມທີ່ທັນສະໄໝຈາກ ຍີ່ປຸ່ນ |
ກອງປະຊຸມສຳມະນາເພື່ອແນໃສ່ສ້າງຊ່ອງທາງເຊື່ອມຕໍ່ໂດຍກົງລະຫວ່າງບັນດາວິສາຫະກິດສົ່ງແຮງງານຫວຽດນາມ ແລະ ວິສາຫະກິດເຂດ Kyushu ທີ່ຈຳເປັນຕ້ອງຮັບຄົນງານຫວຽດນາມ, ພິເສດແມ່ນວິສາຫະກິດຂະໜາດນ້ອຍ ແລະ ຂະຫນາດກາງ - ກຸ່ມທີ່ຍັງປະສົບກັບຄວາມຫຍຸ້ງຍາກຫຼາຍຢ່າງໃນການເຂົ້າເຖິງແຫຼ່ງຊັບພະຍາກອນມະນຸດ.
ກ່າວຄຳປາໄສທີ່ການສຳມະນາ, ທ່ານນາງກົງສຸນໃຫຍ່ຫວຽດນາມ ປະຈຳ Fukuoka ຫວູຈີມາຍ ເນັ້ນໜັກວ່າ ການພົວພັນຮ່ວມມືດ້ານແຮງງານລະຫວ່າງ ຫວຽດນາມ ແລະ Kyushu ພວມພັດທະນາຢ່າງແຮງ, ບໍ່ພຽງແຕ່ຢຸດຕິການບຳລຸງສ້າງພາສາ ແລະ ທັກສະຂັ້ນພື້ນຖານເທົ່ານັ້ນ ຫາກຍັງໄດ້ເປີດກ້ວາງບັນດາໂຄງການທີ່ມີຄຸນນະພາບສູງໃນບັນດາຂົງເຂດຄື: ເຄິ່ງຊັກນຳໄຟຟ້າ, ປັນຍາປະດິດ (AI) ແລະ ເຕັກໂນໂລຢີສີຂຽວ.
ປະຈຸບັນມີຄົນງານທຳມະດາສາມັນ ຫວຽດນາມ ປະມານ 35.000 ຄົນ ແລະ ວິສະວະກອນ IT ກວ່າ 1.000 ຄົນທີ່ເຮັດວຽກຢູ່ Kyushu. ຄວາມຕ້ອງການແຮງງານຫວຽດນາມ ທີ່ບໍ່ມີສີມື, ພິເສດແມ່ນຢູ່ແຂວງ Fukuoka, Oita ແລະ Saga ເພີ່ມຂຶ້ນຢ່າງຫຼວງຫຼາຍ ຍ້ອນປະຊາກອນຜູ້ສູງອາຍຸຂອງຍີ່ປຸ່ນ ແລະ ການຂາດແຄນແຮງງານ.
 |
| ການສຳມະນາ “ການຮ່ວມມືດ້ານຊັບພະຍາກອນມະນຸດຫວຽດນາມ ສໍາລັບວິສາຫະກິດຂະໜາດກາງ ແລະ ນ້ອຍຢູ່ພາກພື້ນ Kyushu”. (ພາບ: ຄະນະຈັດຕັ້ງ) |
ຜ່ານການສຳມະນາ, ບັນດາວິສາຫະກິດສອງຝ່າຍຈະເພີ່ມທະວີຄວາມເຂົ້າໃຈ, ສ້າງຕັ້ງການພົວພັນຮ່ວມມືແບບຍືນຍົງ ແລະ ມຸ່ງໄປເຖິງການລົງນາມໃນບັນດາຂໍ້ຕົກລົງສະເພາະ, ນຳມາເຊິ່ງຜົນປະໂຫຍດໃຫ້ທັງສອງຝ່າຍ ແລະ ຄົນງານ ຫວຽດນາມ. ສະຖານກົງສຸນໃຫຍ່ຫວຽດນາມ ປະຈຳ Fukuoka ຈະສືບຕໍ່ໜູນຊ່ວຍບັນດາວິສາຫະກິດຂອງ 2 ຝ່າຍໃນການເຊື່ອມຕໍ່, ຄັດເລືອກຢ່າງໂປ່ງໃສ ແລະ ມີປະສິດທິຜົນ, ພ້ອມທັງສ້າງເງື່ອນໄຂສະດວກໃຫ້ຄົນງານຫວຽດນາມ ໄປເຮັດວຽກຢູ່ ຍີ່ປຸ່ນ ຢ່າງໝັ້ນຄົງ, ປອດໄພ ແລະ ພັດທະນາໄລຍະຍາວຢູ່ ຍີ່ປຸ່ນ.
ທ່ານ ຟ້າມແທງຮ່ວາງ, ປະທານສະມາຄົມສົ່ງເສີມການຄ້າ ແລະ ການລົງທຶນ ຫວຽດນາມ ປະຈຳ Kyushu ຢືນຢັນວ່າ ສະມາຄົມຈະສືບຕໍ່ເສີມຂະຫຍາຍບົດບາດເປັນຂົວຕໍ່ຢ່າງມີປະສິດທິຜົນລະຫວ່າງປະຊາຄົມວິສາຫະກິດຂອງ 2 ປະເທດ, ພິເສດແມ່ນໃນຂົງເຂດພັດທະນາແຫຼ່ງຊັບພະຍາກອນມະນຸດ. ເພີ່ມທະວີການແລກປ່ຽນ, ບຳລຸງສ້າງ ແລະ ການຕ້ອນຮັບຄົນງານຫວຽດນາມ ບໍ່ພຽງແຕ່ຈະຊ່ວຍໃຫ້ວິສາຫະກິດ ຍີ່ປຸ່ນ ແກ້ໄຂຄວາມຕ້ອງການແຫຼ່ງຊັບພະຍາກອນມະນຸດເທົ່ານັ້ນ, ຫາກຍັງນຳມາເຊິ່ງກາລະໂອກາດໃຫ້ຄົນງານ ຫວຽດນາມ ຍົກສູງທັກສະ ແລະ ເຊື່ອມໂຍງເຂົ້າກັບສະພາບແວດລ້ອມແຫ່ງການເຮັດວຽກສາກົນຢ່າງເລິກເຊິ່ງ.
ທ່ານນາງ Yuko Ohno, ຮອງປະທານສະມາຄົມວິສາຫະກິດຂະໜາດກາງ ແລະ ນ້ວຍ Fukuoka ໄດ້ຕີລາຄາສູງບັນດາການປະກອບສ່ວນຂອງຄົນງານ ຫວຽດນາມ, ເນັ້ນໜັກວ່າ ກຳລັງນີ້ໄດ້ກາຍເປັນພາກສ່ວນທີ່ຂາດບໍ່ໄດ້ຂອງຫຼາຍຂະແໜງການຢູ່ ຍີ່ປຸ່ນ. ທ່ານນາງ ໃຫ້ຮູ້ວ່າ ປະຈຸບັນ, ສະມາຄົມວິສາຫະກິດຂະໜາດກາງ ແລະ ນ້ວຍ Fukuoka ມີວິສາຫະກິດສະມາຊິກປະມານ 1.300 ແຫ່ງ, ໃນນັ້ນມີວິສາຫະກິດຫຼາຍແຫ່ງພວມປະສົບກັບຄວາມຫຍຸ້ງຍາກຢ່າງໜັກໜ່ວງໃນດ້ານການບັນຈຸ, ໂດຍສະເພາະແມ່ນພະນັກງານໜຸ່ມ ແລະ ແຮງງານທີ່ມີສີມື. ຕາມທ່ານນາງແລ້ວ, ຄົນງານຫວຽດນາມ ໄດ້ຕີລາຄາສູງບັນດາຄວາມມານະພະຍາຍາມ, ທັດສະນະຈິງໃຈ ແລະ ມີຄວາມຈິງໃຈໃນວຽກງານ.
ເຖິງຢ່າງໃດກໍຕາມ, ໃນຂະບວນການຮ່ວມມືຍັງຄົງມີສິ່ງກີດຂວາງຄືຄວາມແຕກຕ່າງດ້ານພາສາ, ວັດທະນະທຳ ແລະ ຄວາມຮັບຮູ້ຂອງລະບົບກົດໝາຍ ແລະ ສັງຄົມລະຫວ່າງສອງຝ່າຍ. ຜ່ານຜ່າສິ່ງທ້າທາຍນີ້, ຫຼັກໝັ້ນແມ່ນເພີ່ມທະວີການເຈລະຈາ, ຊຸກຍູ້ຄວາມເຂົ້າໃຈ ແລະ ສ້າງຄວາມໄວ້ເນື້ອເຊື່ອໃຈລະຫວ່າງຄົນງານ ແລະ ບັນດາວິສາຫະກິດຮັບໃຊ້.
ທີ່ການສຳມະນາ, ບັນດາວິສາຫະກິດທັງສອງຝ່າຍໄດ້ແນະນຳຄວາມສາມາດບົ່ມຊ້ອນ, ທ່າແຮງ ໃນການຝຶກອົບຮົມພາສາຍີ່ປຸ່ນ, ການດຳລົງຊີວິດ ແລະ ການຮັບເອົາຄົນງານຫວຽດນາມ. ວິສາຫະກິດຫວຽດນາມ ຢືນຢັນຄຸນນະພາບຂອງແຫຼ່ງກຳລັງມະນຸດໄວໜຸ່ມ, ຄວາມສາມາດປັບຕົວໄວ ແລະ ຄວາມສາມາດບົ່ມຊ້ອນຮ່ວມມືໃນໄລຍະຍາວ. ບັນດາວິສາຫະກິດ ຍີ່ປຸ່ນ ກໍ່ຕີລາຄາສູງຄວາມກ້າວໜ້າ ແລະ ຄວາມສາມາດບົ່ມຊ້ອນຂອງຄົນງານ ຫວຽດນາມ ໃນບັນດາຂົງເຂດຄື: ພະຍາບານ, ກໍ່ສ້າງ, ປຸງແຕ່ງອາຫານ ແລະ ອຸດສາຫະກຳຜະລິດ. ບາງຄຳເຫັນສະເໜີໃຫ້ຫຼຸດເວລາດຳເນີນເອກະສານ ແລະ ເຮັດໃຫ້ຂະບວນການຮັບສະໝັກພະນັກງານມີຄວາມໂປ່ງໃສ ເພື່ອຫຼຸດຜ່ອນຄ່າໃຊ້ຈ່າຍ ແລະ ຄວາມສ່ຽງຂອງທັງສອງຝ່າຍ.
 | ເພີ່ມຂົວຕໍ່ພັດທະນາພາສາຫວຽດ ຢູ່ຍີ່ປຸ່ນ ໂດຍຜ່ານການຮ່ວມມືດ້ານການສຶກສາ ຍສໝ - ວັນທີ 25 ກຸມພາ, ຢູ່ຮ່າໂນ້ຍ, ສະຖາບັນການສຶກສາ ແລະ ບຳລຸງສ້າງສາກົນ (ມະຫາວິທະຍາໄລສ້າງຄູຮ່າໂນ້ຍ) ໄດ້ລົງນາມໃນບົດບັນທຶກກັບສູນສຶກສາ ຫວຽດນາມ ຢູ່ ຍີ່ປຸ່ນ (ມະຫາວິທະຍາໄລ Osaka, ປະເທດ ຍີ່ປຸ່ນ) ເພື່ອຜັນຂະຫຍາຍການຄົ້ນຄວ້າ, ສອນພາສາຫວຽດນາມ ແລະ ຈັດຕັ້ງການສອບເສັງເພື່ອຕີລາຄາກຳລັງຄວາມສາມາດພາສາຫວຽດນາມ ໃຫ້ແກ່ຊາວຕ່າງປະເທດຢູ່ຍີ່ປຸ່ນ. |
 | ເປີດກວ້າງການພົວພັນ ຫວຽດນາມ - ຍີ່ປຸ່ນ ຍສໝ - ໃນປະຫວັດສາດ, ຍີ່ປຸ່ນ ແມ່ນປະເທດມີການພົວພັນພິເສດກັບ ຫວຽດນາມ, ກວາງນາມ. ພິເສດ, ຊາວ ຍີ່ປຸ່ນ ໄດ້ຮ່ວມເດີນທາງກັບ ໂຮ້ຍອານ ໃນການປົກປັກຮັກສາ, ເສີມຂະຫຍາຍຄຸນຄ່າມໍລະດົກ. |
ມີງດຶກ