ກວາງນາມ ແລະ ເຊກອງ (ລາວ) ເປີດກວ້າງການຮ່ວມມືໃນຫຼາຍຂົງເຂດ
 | CHIA ມອບເກີບກວ່າ 2.500 ຄູ່ໃຫ້ປະຊາຊົນທີ່ປະສົບກັບຄວາມຫຍຸ້ງຍາກ ຢູ່ ກວາງນາມ |
| ຄະນະປະຈຳພັກແຂວງ ຕ້ອນຮັບຄະນະປະຕິບັດງານແຂວງ ເຊກອງ (ລາວ) |
ຕາມໜ້າຂ່າວສານເອເລັກໂຕຼນິກຂອງຄະນະກຳມະການແນວໂຮມປະເທດຊາດ ຫວຽດນາມ ແລ້ວ, ກອງປະຊຸມພົບປະຄັ້ງນີ້ໂດຍທ່ານ ເລຈີ໋ແທງ, ປະທານຄະນະກຳມະການແນວໂຮມປະເທດຊາດຫວຽດນາມ ແຂວງ ກວາງນາມ ແລະ ທ່ານນາງ ວີໄລວັນ ດາລາສິນ, ປະທານຄະນະກຳມະການແນວໂຮມ ລາວ ສ້າງຊາດແຂວງເຊກອງ ເປັນປະທານຮ່ວມ.
 |
| ກອງປະຊຸມປະຈຳປີ 2025 ລະຫວ່າງຄະນະກຳມະການແນວໂຮມປະເທດຊາດຫວຽດນາມ ແຂວງ ກວາງນາມ ແລະ ຄະນະກຳມະການແນວໂຮມ ລາວ ສ້າງຊາດ ແຂວງເຊກອງ ໄດ້ໄຂຂຶ້ນໃນວັນທີ 12 ມິຖຸນານີ້ ຢູ່ແຂວງ ກວາງນາມ. (ພາບ: ເວັບໄຊຂໍ້ມູນເອເລັກໂຕນິກຂອງຄະນະກຳມະການແນວໂຮມປະເທດຊາດຫວຽດນາມ) |
ກ່າວຄຳປາໄສທີ່ໄຂເປີດກອງປະຊຸມ, ທ່ານ ເລຈີ໋ແທງ ໃຫ້ຮູ້ວ່າ 2 ຝ່າຍໄດ້ສົມທົບກັນຢ່າງມີປະສິດທິຜົນ ເພື່ອຜັນຂະຫຍາຍບົດບັນທຶກຄວາມເຂົ້າໃຈກ່ຽວກັບການຮ່ວມມືໄລຍະ 2022-2027 ດ້ວຍຫຼາຍການເຄື່ອນໄຫວຢ່າງຕັ້ງໜ້າຄື: ໜູນຊ່ວຍຍົກສູງຄຸນນະພາບຊັບພະຍາກອນມະນຸດ, ປັບປຸງຊີວິດການເປັນຢູ່, ກໍ່ສ້າງເຂດຊາຍແດນສັນຕິພາບ, ມິດຕະພາບ...
ຕາມທ່ານ ເລຈີ໋ແທງ ແລ້ວ, ໃນໄລຍະຈະມາເຖິງ, ປະຕິບັດນະໂຍບາຍການຈັດຕັ້ງຄະນະບໍລິຫານງານ, ແຂວງ ກວາງນາມ ຈະສົມທົບກັບນະຄອນ ດານັງ ເພື່ອສ້າງຕັ້ງຫົວໜ່ວຍບໍລິຫານ - ນະຄອນໃໝ່. ຈາກນັ້ນ, ມຸ່ງໄປເຖິງການເຕີບໂຕທີ່ສຳຄັນຂອງພາກກາງ. ບົນຈິດໃຈສືບທອດ, ແຂວງ ກວາງນາມ ໃຫ້ຄຳໝັ້ນສັນຍາວ່າຈະສືບຕໍ່ສ້າງສັນຍາຮ່ວມມືໃໝ່ກັບແຂວງເຊກອງ, ສຸມໃສ່ປະຕິບັດບັນດາເນື້ອໃນຕົວຈິງ, ມີປະສິດທິຜົນ, ຍືນຍົງ, ເພື່ອເປີດກວ້າງການພົວພັນດ້ານເສດຖະກິດ, ວັດທະນະທຳ, ສັງຄົມ ແລະ ການພົວພັນແລກປ່ຽນປະຊາຊົນລະຫວ່າງ 2 ທ້ອງຖິ່ນ.
ທີ່ການພົບປະ, ທ່ານນາງ ວີໄລວັນ ດາລາສິນ, ປະທານຄະນະກຳມະການແນວໂຮມ ລາວ ສ້າງຊາດແຂວງເຊກອງ ໄດ້ຕີລາຄາສູງນ້ຳໃຈຈິງໃຈ ແລະ ການຊ່ວຍເຫຼືອຕົວຈິງຂອງແຂວງ ກວາງນາມ ໃນຊຸມປີມໍ່ໆມານີ້, ພິເສດແມ່ນຍົກສູງຄຸນນະພາບແຫຼ່ງຊັບພະຍາກອນມະນຸດ, ໜູນຊ່ວຍແຫຼ່ງທຶນ, ຊີວິດການເປັນຢູ່ຂອງການຜະລິດ, ປັບປຸງຊີວິດການເປັນຢູ່ຂອງປະຊາຊົນທ້ອງຖິ່ນ.
 |
| ບັນດາຜູ້ແທນຖ່າຍຮູບທີ່ລະນຶກ. (ພາບ: ເວັບໄຊຂໍ້ມູນເອເລັກໂຕນິກຂອງຄະນະກຳມະການແນວໂຮມປະເທດຊາດຫວຽດນາມ) |
ທ່ານນາງເຊື່ອໝັ້ນວ່າ ການພົວພັນລະຫວ່າງຄະນະກຳມະການແນວໂຮມປະເທດຊາດຫວຽດນາມ ແຂວງ ກວາງນາມ ກັບຄະນະກຳມະການແນວໂຮມ ລາວ ແຂວງເຊກອງ ຈະນັບມື້ນັບປັບປຸງ, ພັດທະນາອັນດີງາມ. ຜ່ານນັ້ນ ປະກອບສ່ວນແທດຈິງເຂົ້າໃນການປົກປັກຮັກສາ ແລະ ເພີ່ມທະວີສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ.
 | ແຂວງ ກວາງນາມ-ແຂວງ ເຊກອງ (ລາວ) ຮ່ວມກັນໃນການກໍ່ສ້າງເສັ້ນຊາຍແດນ “ສັນຕິພາບ, ມິດຕະພາບ, ການຮ່ວມມື, ພັດທະນາ” ຍສໝ - ຄະນະປະຕິບັດງານຂອງສະມາຄົມມິດຕະພາບ ລາວ-ຫວຽດນາມ ແຂວງ ເຊກອງ (ລາວ) ໂດຍທ່ານນາງ ບຸນຮຽງ ບຸນຈິດ ປະທານແນວລາວສ້າງຊາດ ແຂວງ ເຊກອງ, ປະທານສະມາຄົມມິດຕະພາບ ລາວ-ຫວຽດນາມ ແຂວງ ເຊກອງ ໄດ້ມີການໄປຢ້ຽມຢາມ ແລະ ເຮັດວຽກກັບສະມາຄົມມິດຕະພາບ ຫວຽດນາມ - ລາວ ແຂວງ ກວາງນາມ. |
 | ກວາງນາມ - ດານັງ - ເທື່ອທຽນເຫ້ວ ໂຄສະນາ, ສົ່ງເສີມການທ່ອງທ່ຽວຢູ່ Sydney (ອົດສະຕຣາລີ) ຍສໝ - ການເຄື່ອນໄຫວນີ້ໄດ້ຮັບການສົມທົບກັນປະຕິບັດໂດຍ 3 ທ້ອງຖິ່ນ ກວາງນາມ - ດານັງ - ເທື່ອທຽນເຫ້ວ ໃນວັນທີ 13 ກັນຍາ ຢູ່ນະຄອນ Sydney (ອົດສະຕຣາລີ). |
ມີງດຶກ