ຮ່າໂນ້ຍ ເພີ່ມທະວີການແລກປ່ຽນປະຊາຊົນ, ເປີດກວ້າງການຮ່ວມມືຫຼາຍດ້ານກັບອາຟຼິກາໃຕ້
 | ເພີ່ມທະວີຄວາມເຂົ້າໃຈ, ການພັດທະນາການພົວພັນຫວຽດນາມ - ຣູມານີ ໃຫ້ເໝາະສົມກັບຄວາມສາມາດບົ່ມຊ້ອນ |
| ຫວຽດນາມ - ແບນຊິກ ຊຸກຍູ້ການຮ່ວມມືດ້ານວິທະຍາສາດ, ຄົ້ນຄວ້າ ແລະ ບຳລຸງສ້າງ |
ທີ່ໝູ່ບ້ານວັດທະນະທໍາ Lesedi - ຮູບແບບການທ່ອງທ່ຽວຊຸມຊົນທີ່ໂດດເດັ່ນດ້ວຍພື້ນທີ່ທົບທວນຄືນຊີວິດວັດທະນະທໍາຂອງປຊົນເຜົ່າ Zulu, Xhosa, Pedi ແລະ Basotho ຢ່າງມີຊີວິດຊີວາ - ຄະນະຜູ້ແທນໄດ້ຮຽນຮູ້ວິທີການອາຟຣິກາໃຕ້ປະສົມປະສານການອະນຸລັກວັດທະນະທໍາພື້ນເມືອງກັບການພັດທະນາການທ່ອງທ່ຽວແບບຍືນຍົງ. ຮູບແບບນີ້ເຮັດໃຫ້ຄົນເປັນຈຸດສູນກາງຂອງການອະນຸລັກມໍລະດົກ, ພ້ອມກັນນັ້ນ ນຳການລົງຕົວຈິງຢ່າງມີຊີວິດຊີວາ ກ່ຽວກັບພິທີ, ອາຫານ, ຖາປັດຕະຍະ ແລະ ສິລະປະພື້ນເມືອງ.
 |
| ຄະນະປະຕິບັດງານໄດ້ໄປຢ້ຽມຢາມ ແລະ ສຳຫຼວດໝູ່ບ້ານວັດທະນະທຳ Lesedi. (ພາບ: ໜັງສືພິມ ຮ່າໂນ້ຍໃໝ່) |
ທ່ານນາງ ຫງວຽນລານເຮືອງ ໃຫ້ຮູ້ວ່າ “ປະຈຸບັນ ຮ່າໂນ້ຍ ມີໝູ່ບ້ານຫັດຖະກຳພື້ນເມືອງ, ໝູ່ບ້ານບູຮານ ແລະ ຊຸມຊົນຢູ່ອາໄສທີ່ມີປະເພນີອັນຍາວນານ ຫຼາຍແຫ່ງຄື: ໝູ່ບ້ານບູຮານ ເດືອງເລີມ, ໝູ່ບ້ານດິນເຜົາ ບ໋າດຈາງ, ໝູ່ບ້ານຜ້າໄໝ ວ້ານຟຸກ, ຫຼື ບັນດາໝູ່ບ້ານ ກວານຮໍ່ ນອກນະຄອນ. ານຮຽນຮູ້ຈາກຮູບແບບ Lesedi ສາມາດເປີດທິດທາງໃໝ່ໃນການພັດທະນາການທ່ອງທ່ຽວວັດທະນະທຳ ສົມທົບກັບການສຶກສາປະສົບການ, ສ້າງການຫາລ້ຽງຊີບແບບຍືນຍົງໃຫ້ຊາວທ້ອງຖິ່ນ ແລະ ເຜີຍແຜ່ບັນດາຄຸນຄ່າວັດທະນະທຳຂອງຫວຽດນາມ, ນະຄອນຫຼວງຮ່າໂນ້ຍ ອອກສູ່ໂລກ”.
ໃນຂອບເຂດການໄປປະຕິບັດງານ, ຄະນະຜູ້ແທນໄດ້ມີການພົວພັນກັບຊາວໜຸ່ມ ແລະ ນັກສຶກສາອາຟຼິກາໃຕ້. ເຂົາເຈົ້າສະແດງຄວາມຮັກແພງເປັນພິເສດຕໍ່ວັດທະນະທຳຫວຽດນາມ, ພິເສດແມ່ນຊຸດເສື້ອຍາວ, ອາຫານພື້ນເມືອງ ແລະ ຮູບພາບຂອງຮ່າໂນ້ຍ ທີ່ສັນຕິສຸກ, ເປັນມິດ.
ຄະນະຜູ້ແທນ ຍັງໄດ້ໄປຢ້ຽມຢາມ ແລະ ພົບປະກັບປະຊາຄົມຊາວຫວຽດນາມ ຢູ່ອາຟະລິກາໃຕ້, ຮັບຟັງການແບ່ງປັນ ແລະ ຊຸກຍູ້ຍາດຕິພີ່ນ້ອງ ເຊື່ອມໂຍງຢ່າງຕັ້ງໜ້າເຂົ້າສັງຄົມປະຈຳຖິ່ນ, ອະນຸລັກຮັກສາວັດທະນະທໍາຂອງຊາດ, ເສີມຂະຫຍາຍບົດບາດເປັນຂົວຕໍ່ໃນການຊຸກຍູ້ການພົວພັນແລກປ່ຽນປະຊາຊົນ ແລະ ການຮ່ວມມືລະຫວ່າງສອງປະເທດ.
ຢູ່ນະຄອນຫຼວງບໍລິຫານ Pretoria, ຄະນະໄດ້ເຮັດວຽກກັບສະຖານທູດ ຫວຽດນາມ ປະຈຳ ອາຟຣິກາໃຕ້. ທ່ານເອກອັກຄະລັດຖະທູດຫວຽດນາມ ປະຈຳ ອາຟະລິກາໃຕ້ ຮ່ວາງສີເກື່ອງ ໃຫ້ຮູ້ວ່າ ອາຟຼິກາໃຕ້ແມ່ນພື້ນຖານເສດຖະກິດໃຫຍ່ທີ່ສຸດຂອງອາຟຼິກາ, ດ້ວຍຄວາມສາມາດບົ່ມຊ້ອນອັນໃຫຍ່ຫຼວງໃນຂົງເຂດກະສິກຳ, ອຸດສາຫະກຳປຸງແຕ່ງ, ບໍ່ແຮ່, ການທ່ອງທ່ຽວ ແລະ ເຕັກໂນໂລຢີ. ຫວຽດນາມ ແລະ ອາຟຣິກາໃຕ້ ໄດ້ສ້າງຕັ້ງການພົວພັນທາງການທູດເມື່ອປີ 1993 ແລະ ປະຈຸບັນ ອາຟຣິກາໃຕ້ ແມ່ນຄູ່ຮ່ວມມື ແລະ ພັດທະນາທຳອິດຂອງຫວຽດນາມ ຢູ່ ອາຟຣິກາ. ຮ່າໂນ້ຍ ແລະ ບັນດາທ້ອງຖິ່ນອາຟຼິກາໃຕ້ຍັງມີຄວາມສາມາດບົ່ມຊ້ອນຮ່ວມມືອັນໃຫຍ່ຫຼວງ, ພິເສດແມ່ນໃນຂົງເຂດວິທະຍາສາດ, ການລົງທຶນ, ການທ່ອງທ່ຽວ, ວັດທະນະທຳ ແລະ ການສຶກສາ.
ທ່ານນາງ ຫງວຽນລານເຮືອງ ໄດ້ຕີລາຄາສູງການສະໜັບສະໜູນຂອງສະຖານທູດ, ພ້ອມທັງແຈ້ງໃຫ້ຊາບກ່ຽວກັບສະພາບການພັດທະນາເສດຖະກິດ - ສັງຄົມຂອງ ຮ່າໂນ້ຍ. ທ່ານນາງສະເໜີໃຫ້ສະຖານທູດສືບຕໍ່ແມ່ນຂົວຕໍ່ເພື່ອແນໃສ່ໂຄສະນາຮູບພາບຮ່າໂນ້ຍ; ສະໜັບສະໜູນການເຊື່ອມໂຍງວິສາຫະກິດ, ສົ່ງເສີມການຄ້າ, ການລົງທຶນ, ຈັດຕັ້ງງານວາງສະແດງ, ເຫດການໂຄສະນາສິນຄ້າ; ຊຸກຍູ້ການຮ່ວມມືດ້ານການທ່ອງທ່ຽວ, ແລກປ່ຽນວັດທະນະທຳ, ການເຊື່ອມຕໍ່ການຝຶກອົບຮົມ ແລະ ພັດທະນາແຫຼ່ງຊັບພະຍາກອນມະນຸດລະຫວ່າງຮ່າໂນ້ຍ ກັບບັນດາທ້ອງຖິ່ນຂອງອາຟຼິກາໃຕ້.
ທ່ານນາງ ຢັ້ງຢືນວ່າ “ນະຄອນ ຮ່າໂນ້ຍ ປາດຖະໜາຢາກສົມທົບກັບນະຄອນຫຼວງ Pretoria, ຜ່ານສະຖານທູດ ຫວຽດນາມ ປະຈຳ ອາຟະລິກາໃຕ້ ແລະ ສະຖານທູດ ອາຟະລິກາໃຕ້ ປະຈຳ ຫວຽດນາມ ເພື່ອເຊື່ອມຕໍ່ບັນດາປະຊາຄົມວິສາຫະກິດ, ເພີ່ມທະວີການຊຸກຍູ້ກາລະໂອກາດຮ່ວມມືທີ່ມີທ່າແຮງ ແລະ ໜູນຊ່ວຍວິສາຫະກິດ. ນອກຈາກນັ້ນ, ດ້ວຍພື້ນຖານວັດທະນະທໍາທີ່ເປັນເອກະລັກສະເພາະທີ່ດຶງດູດ, ສອງຝ່າຍຕ້ອງສ້າງເງື່ອນໄຂເພື່ອເພີ່ມທະວີການພົບປະແລກປ່ຽນວັດທະນະທໍາ, ສິລະປະ; ຊຸກຍູ້ການພົບປະແລກປ່ຽນປະຊາຊົນ, ໂຄສະນາວັດທະນະທຳລະຫວ່າງນະຄອນຫຼວງຮ່າໂນ້ຍ ກັບບັນດານະຄອນໃຫຍ່ຂອງອາຟຼິກາໃຕ້, ປະກອບສ່ວນເຂົ້າໃນບັນດາຜົນງານລວມຂອງການພົວພັນສອງປະເທດ ຫວຽດນາມ - ອາຟຣິກາໃຕ້”.
 | ຫຼາຍວິທີແກ້ໄຂຢ່າງເເທດຈິງ ເພື່ອເປີດກ້ວາງການຮ່ວມມືດ້ານເສດຖະກິດ, ການຄ້າ ແລະ ເຕັກໂນໂລຢີລະຫວ່າງ ຫວຽດນາມ ແລະ ອິນໂດເນເຊຍ ຍສໝ - ວັນທີ 27 ມີນາ, ຢູ່ຮ່າໂນ້ຍ, ສະມາຄົມມິດຕະພາບ ຫວຽດນາມ - ອິນໂດເນເຊຍ ສົມທົບກັບສະຖານທູດ ອິນໂດເນເຊຍ ປະຈຳ ຫວຽດນາມ ໄດ້ຈັດຕັ້ງກອງປະຊຸມສຳມະນາ ດ້ວຍຫົວຂໍ້ “ຫວຽດນາມ - ອິນໂດເນເຊຍ ມຸ່ງໄປເຖິງປີ 2045: ເພີ່ມທະວີການພົວພັນຄູ່ຮ່ວມມື, ເປີດກວ້າງການພົວພັນຮ່ວມມື ແລະ ເຮັດໃຫ້ການພົວພັນມິດຕະພາບເລິກເຊິ່ງກ່ວາອີກ”. ... |
 | ຂີດໝາຍໃໝ່ໃນການຮ່ວມມື ແລະ ການພົບປະແລກປ່ຽນປະຊາຊົນລະຫວ່າງ ຫວຽດນາມ - ສິງກະໂປ ຍສໝ - ວັນທີ 26 ມີນາ, ຢູ່ຮ່າໂນ້ຍ, ພາຍໃຕ້ການເປັນສັກຂີພິຍານຂອງທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ທ່ານນາຍົກລັດຖະມົນຕີ ສິງກະໂປ Lawrence Wong, ທ່ານ ຮອງປະທານກອງທຶນສາກົນສິງກະໂປ Lian Wee Cheow ແລະ ທ່ານຮອງປະທານ - ເລຂາໃຫຍ່ສະມາຄົມມິດຕະພາບ ຫວຽດນາມ - ... |
ມີງດຶກ