ຊອກຫາ “ຊ່ອງທາງ” ເພື່ອສົ່ງອອກສິນຄ້າໄປຍັງອາຊີຕາເວັນອອກສ່ຽງໃຕ້ ໂດຍຜ່ານຊາວຫວຽດນາມ ຢູ່ຕ່າງປະເທດ
 | ນາຍົກລັດຖະມົນຕີ ນິວຊີແລນ: ຫວຽດນາມ ແມ່ນດວງດາວທີ່ພວມຂຶ້ນໃນອາຊີຕາເວັນອອກສ່ຽງໃຕ້ |
| ຊາວຫວຽດນາມ ອາໄສຢູ່ຕ່າງປະເທດ: ກຳລັງງຽບໆໃນແນວຮົບດ້ານການທູດ |
ການເຄື່ອນໄຫວດັ່ງກ່າວແມ່ນຢູ່ໃນຂອບເຂດໂຄງການ “ງານວາງສະແດງນະຄອນໂຮ່ຈີມິນ ແລະ ບັນດາແຂວງ, ນະຄອນມິດຕະພາບຢູ່ແຂວງ ສະຫວັນນະເຂດ ຄັ້ງທີ 5” ໃນປີ 2025 ໂດຍຄະນະກຳມະການປະຊາຊົນນະຄອນ ໂຮ່ຈີມິນ ຈັດຕັ້ງ.
ເປົ້າໝາຍຂອງກອງປະຊຸມເພື່ອໂຄສະນາ, ແນະນຳຄວາມສາມາດບົ່ມຊ້ອນ, ທ່າແຮງ, ສະພາບການລົງທຶນ, ການຄ້າ, ການທ່ອງທ່ຽວ ແລະ ທິດພັດທະນາຂອງນະຄອນ ໂຮ່ຈີມິນ. ພ້ອມກັນນັ້ນ, ເຊື່ອມຕໍ່ບັນດາວິສາຫະກິດນະຄອນໂຮ່ຈິມິນ ກັບບັນດາສະມາຄົມວິສາຫະກິດ, ວິສາຫະກິດຊາວ ຫວຽດນາມ ຢູ່ ລາວ, ໄທ, ກຳປູເຈຍ, ສິງກະໂປ ເພື່ອຮ່ວມມືລົງທຶນ, ດຳເນີນທຸລະກິດ; ຍູ້ແຮງການເຄື່ອນໄຫວນຳເຂົ້າ ແລະ ສົ່ງອອກ, ພັດທະນາຊ່ອງທາງຈຳໜ່າຍສິນຄ້ານະຄອນ ໂຮ່ຈີມິນ ໄປຍັງບັນດາປະເທດໃນພາກພື້ນອາຊີຕາເວັນອອກສ່ຽງໃຕ້ ໂດຍຜ່ານສະມາຄົມວິສາຫະກິດຫວຽດນາມ ຢູ່ຕ່າງປະເທດ.
ກອງປະຊຸມຍັງໄດ້ຂໍ້ມູນ, ໂຄສະນາກ່ຽວກັບບັນດາແຜນການນະໂຍບາຍ, ກົນໄກສະເພາະຂອງນະຄອນໂຮ່ຈິມິນ.
 |
| Bà Nguyễn Trần Phượng Trân, Thành ủy viên, Phó trưởng Đoàn Đại biểu Quốc hội chuyên trách TP.HCM, Trưởng đoàn công tác phát biểu tại hội nghị. ທ່ານນາງ ຫງວຽນເຈີ່ນເຟືອງເຈີ່ນ, ຮອງຫົວໜ້າຄະນະຜູ້ແທນສະພາແຫ່ງຊາດຮັບຜິດຊອບນະຄອນ ໂຮ່ຈີມິນ, ຫົວໜ້າຄະນະປະຕິບັດງານ ກ່າວຄຳປາໄສທີ່ກອງປະຊຸມ. |
ກ່າວຄຳປາໄສທີ່ກອງປະຊຸມ, ທ່ານນາງ ຫງວຽນເຈີ່ນເຟືອງເຈີ່ນ, ຮອງຫົວໜ້າຄະນະຜູ້ແທນສະພາແຫ່ງຊາດຮັບຜິດຊອບນະຄອນ ໂຮ່ຈີມິນ, ຫົວໜ້າຄະນະປະຕິບັດງານ ໄດ້ຕີລາຄາວ່າກອງປະຊຸມບໍ່ພຽງແຕ່ແມ່ນເຫດການທີ່ມີຄວາມຕ່າງປະເທດເທົ່ານັ້ນ, ຫາກຍັງແມ່ນບາດກ້າວຍຸດທະສາດເພື່ອນຳສິນຄ້ານະຄອນໂຮ່ຈິມິນ ເຂົ້າສູ່ທ້ອງຕະຫຼາດອາຊີຕາເວັນອອກສຽງໃຕ້ ຕື່ມອີກ. ນະຄອນ ໂຮ່ຈີມິນ ຕີລາຄາສູງບົດບາດຂອງສະມາຄົມວິສາຫະກິດ ຫວຽດນາມ ຢູ່ຕ່າງປະເທດ - ຫົວໜ່ວຍກໍ່ສ້າງເຄືອຂ່າຍດຳເນີນທຸລະກິດ, ເຊື່ອມຕໍ່ການຄ້າ, ໜູນຊ່ວຍວິສາຫະກິດພາຍໃນປະເທດເປີດກວ້າງທ້ອງຕະຫຼາດ.
ທ່ານນາງ ດັ້ງທິຫາຍເຕີມ, ຫົວໜ້າກົງສູນໃຫຍ່ຫວຽດນາມ ປະຈຳສະຫວັນນະເຂດ ໄດ້ຕີລາຄາສູງຂໍ້ລິເລີ່ມຈັດຕັ້ງກອງປະຊຸມຢູ່ແຂວງ. ຜ່ານກອງປະຊຸມ, ຄະນະກຳມະການຊາວຫວຽດນາມ ອາໄສຢູ່ນະຄອນ ໂຮ່ຈີມິນ ໄດ້ນຳໜ້າໃນການແກ້ໄຂຄວາມຫຍຸ້ງຍາກໃຫ້ແກ່ບັນດາວິສາຫະກິດ, ນຳບັນດາວິສາຫະກິດ ຫວຽດນາມ ຢູ່ໃນປະເທດພ້ອມກັບບັນດາວິສາຫະກິດຫວຽດນາມ ຢູ່ຫ່າງໄກຈາກບ້ານເກີດເມືອງນອນ ນັ່ງຮ່ວມກັນບົນພື້ນຖານລວມຂອງວັດທະນະທຳຫວຽດນາມ, ຈິດໃຈຫວຽດນາມ ເພື່ອພັດທະນາຂອງຫວຽດນາມ.
ໂດຍຜ່ານການພົບປະຂອງບັນດາວິສາຫະກິດ, ລະບົບຕ່ອງໂສ້ຈຳໜ່າຍສິນຄ້າໃໝ່ຈະໄດ້ຮັບການສ້າງຕັ້ງເທື່ອລະກ້າວ ເພື່ອໃຫ້ສິນຄ້ານະຄອນໂຮ່ຈິມິນ ປະກົດຕົວຢູ່ບັນດາແຂວງພາກຕາເວັນອອກສຽງເໜືອຂອງໄທ, ບັນດາແຂວງພາກເໜືອ - ພາກກາງ - ພາກໃຕ້ຂອງລາວ. ຈາກນັ້ນ, ປະຊາຊົນລາວ ແລະ ໄທ ບໍ່ພຽງແຕ່ຈະຮູ້ຈັກນະຄອນໂຮ່ຈິມິນ ຜ່ານບັນດາຜະລິດຕະພັນທີ່ດີເທົ່ານັ້ນ, ຫາກຍັງມີຄວາມປາດຖະໜາຢາກໄປທ່ອງທ່ຽວ, ສຶກສາ ແລະ ເຮັດວຽກຢູ່ນະຄອນໂຮ່ຈິມິນຕື່ມອີກ.
ທ່ານ ເລື່ອງດີງບາງ, ປະທານສະມາຄົມວິສາຫະກິດຫວຽດນາມ ຢູ່ລາວ (AVILA), ສະເໜີສ້າງເຄືອຂ່າຍການຮ່ວມມືຢ່າງແໜ້ນແຟ້ນລະຫວ່າງວິສາຫະກິດຫວຽດນາມ ຢູ່ພາຍໃນ ແລະ ຕ່າງປະເທດ. "ການຮ່ວມມືບໍ່ພຽງແຕ່ຊ່ວຍເພີ່ມປະສິດທິພາບຂະບວນການແຈກຢາຍ, ແຕ່ຍັງແບ່ງປັນຂໍ້ມູນຕະຫຼາດ, ປະສົບການ, ແລະຍຸດທະສາດທຸລະກິດທີ່ມີປະສິດທິພາບ", ທ່ານ ບາງ ກ່າວ.
ນອກຈາກບັນດາການໂອ້ລົມສົນທະນາແລ້ວ, ກອງປະຊຸມຍັງໄດ້ຈັດຕັ້ງໂຄງການເຊື່ອມຕໍ່ B2B ລະຫວ່າງບັນດາວິສາຫະກິດນະຄອນໂຮ່ຈິມິນ ກັບບັນດາວິສາຫະກິດຫວຽດນາມ ຢູ່ພາກພື້ນອາຊີຕາເວັນອອກສ່ຽງໃຕ້. ນີ້ແມ່ນໂອກາດອັນລ້ຳຄ່າເພື່ອໃຫ້ບັນດາວິສາຫະກິດ ຫວຽດນາມ ຊອກຫາຄູ່ຮ່ວມມືຈຳໜ່າຍ, ເປີດກວ້າງທ້ອງຕະຫຼາດ ແລະ ເພີ່ມທະວີກຳລັງການແຂ່ງຂັນໃນສະພາບການເຊື່ອມໂຍງຢ່າງລວງເລິກ.
 |
| ພິທີລົງນາມໃນບົດບັນທຶກຊ່ວຍຈຳລະຫວ່າງສະມາຄົມວິສາຫະກິດຫວຽດນາມ ຢູ່ລາວ ແລະ ສະມາຄົມວິສາຫະກິດ ໄທ - ຫວຽດນາມ ປະຈຳ ໄທ. |
ໜຶ່ງໃນບັນດາຈຸດພົ້ນເດັ່ນຂອງກອງປະຊຸມແມ່ນພິທີລົງນາມໃນບົດບັນທຶກຊ່ວຍຈຳ (MOU) ລະຫວ່າງສະມາຄົມວິສາຫະກິດຫວຽດນາມ ຢູ່ລາວ (AVILA) ແລະ ສະມາຄົມວິສາຫະກິດ ໄທ - ຫວຽດນາມ ປະຈຳ ໄທ (BAOTV).... ສັນຍາດັ່ງກ່າວສ້າງພື້ນຖານໃຫ້ແກ່ການເຄື່ອນໄຫວສົ່ງເສີມການຄ້າ, ໜູນຊ່ວຍການເຊື່ອມໂຍງ, ເປີດກວ້າງເຄືອຂ່າຍການບໍລິໂພກຂອງບັນດາຜະລິດຕະພັນຫວຽດນາມ ຢູ່ຕະຫຼາດສາກົນ.
 | ຍສໝ - ຕອນເຊົ້າວັນທີ 19 ມັງກອນ 2025, ພີ່ນ້ອງຊາວຫວຽດນາມ ຢູ່ຕ່າງປະເທດ 8 ກົມກອງລວມໝູ່ ແລະ 18 ບຸກຄົນ ໄດ້ຮັບການຍ້ອງຍໍຈາກ ຄະນະບໍລິຫານງານສູນກາງແນວໂຮມປະເທດຊາດ ຫວຽດນາມ ຍ້ອນໄດ້ມີປະກອບສ່ວນຢ່າງແທດຈິງເຂົ້າໃນວຽກງານສ້າງສາ , ເຕົ້າໂຮມ ແລະ ສາມັກຄີວົງຄະນະຍາດ. |
 | ຍສໝ - ວັນເຝີ ຫວຽດນາມ ຢູ່ ອາຟຼິກກາໃຕ້ ປີ 2024, ໄດ້ດຳເນີນຢູ່ເຂດຕະຫຼາດອາຫານການກິນ Hazel Food Market ທີ່ມີຊື່ສຽງຂອງນະຄອນຫຼວງ Pretoria. ນີ້ແມ່ນປີທີ 2 ຢ່າງລຽນຕິດເຫດການນີ້ໄດ້ຈັດຂຶ້ນຢູ່ປະເທດ ອາຟຼິກກາໃຕ້, ໂດຍມີການເຂົ້າຮ່ວມຂອງປະຊາຊົນປະເທດປະຈຳຖິ່ນເປັນຈຳນວນຫຼາຍ. |
ມີງດຶກ