Plan International ນຳ​​ຫ້ອງ​ຮຽນ​ຖາວອນ​ໃຫ້​ນັກຮຽນ​ທີ່​ດ້ອຍ​ໂອກາດ​ຢູ່​ ກວາງ​ຈີ້

	ການ​ພົບ​ປະ, ແລກປ່ຽນ​ກັບ​ບັນດາ​ອະດີດ​ນັກ​ສຶກສາ​ຫວຽດນາມ ທີ່ຮ່ຳຮຽນ​ຢູ່​ກວາງ​ຊີ, ຈີນ
	ນັກຮຽນ, ນັກສຶກສາ 50 ຄົນຈາກ ກ່າເມົາ ໄດ້ຮັບທຶນການສຶກສາ The Corea Peace3000

ໂດຍກໍ່ສ້າງດ້ວຍມູນຄ່າທັງໝົດ 1,88 ຕື້ດົ່ງ, ຕົວແບບໂຮງຮຽນປະຖົມ ທ້ວນ 1 ລວມມີ 3 ຫ້ອງຮຽນຖາວອນ, ຫ້ອງນ້ຳຍິງ-ຊາຍ ແລະ ຂອບເຂດທີ່ມີຕົ້ນໄມ້ຫຼາຍແຫ່ງ, ໄດ້ຕອບສະໜອງມາດຕະຖານຂອງກະຊວງສຶກສາ ແລະ ບຳລຸງສ້າງ ຫວຽດນາມ. ນອກຈາກແຫຼ່ງທຶນຕົ້ນຕໍຈາກບໍລິສັດ1&D Holdings ຍີ່ປຸ່ນ, ອົງການ Plan International ແລະ ຄະນະກຳມະການປະຊາຊົນເມືອງ ເຮື໋ອງຮວ໋າ, ໂຮງຮຽນຍັງໄດ້ລະດົມແຫຼ່ງທຶນເພີ່ມເຕີມ ເພື່ອປະກອບໂຕະ, ຕັ່ງ, ຕູ້ຫ້ອງສະໝຸດ, ພັດລົມໄຟຟ້າ ແລະ ເຄື່ອງຕົບແຕ່ງຕ່າງໆ, ເພື່ອສ້າງສະພາບແວດລ້ອມແຫ່ງການຮຽນຮູ້ຢ່າງຄົບຖ້ວນໃຫ້ແກ່ນັກຮຽນ.

ຕົວແບບໂຮງຮຽນປະຖົມ ທ້ວນ 1 ນຳມາພື້ນທີ່ຮ່ຳຮຽນທີ່ປອດໄພ ແລະ ໝັ້ນຄົງໃຫ້ແກ່ນັກຮຽນປະຖົມຢູ່ເຂດດ້ອຍໂອກາດຂອງ​ເມືອງ ເຮື໋ອງຮວ໋າ, ແຂວງ ກວາງຈີ້ໃ ພາບ: Xuan Thuy

ພາຍຫຼັງໃຊ້ເວລາກໍ່ສ້າງ 10 ເດືອນ (ແຕ່ເດືອນເມສາ 2024 ຫາ ເດືອນກຸມພາ 2025), ກິດຈະກຳໄດ້ສຳເລັດຕາມກຳນົດເວລາ ແລະ ໄດ້ນຳໃຊ້ຢ່າງເປັນທາງການ. ໂຮງຮຽນແຫ່ງໃໝ່ແຫ່ງນີ້ ຈະຊ່ວຍໃຫ້ນັກຮຽນ ມ.1 ຫາ ມ4 ຈຳນວນ 77 ຄົນ ມີຫ້ອງຮຽນກວ້າງຂວາງ, ຢຸດຕິສະພາບທີ່ຕ້ອງໄດ້ຮໍ່າຮຽນຮ່ວມກັນ, ຮຽນເພິ່ງຢູ່ເຮື່ອນຊຸມຊົນໝູ່ບ້ານ. ພິເສດ, ກິດຈະກຳປະກອບສ່ວນຮັບປະກັນຄວາມປອດໄພຕໍ່ກັບໄພທຳມະຊາດເຊັ່ນ: ພະຍຸ ແລະ ໄພນໍ້າຖ້ວມ, ຊ່ວຍໃຫ້ເດັກນ້ອຍມີເງື່ອນໄຂການຮຽນຮູ້ທີ່ໝັ້ນຄົງກວ່າ.

ກ່າວ​ຄຳປາໄສ​ທີ່​ພິທີ, ທ່ານ ຫງວຽນ​ວັນ​ຕື່ - ຮອງ​ປະທານ​ຄະນະ​ກຳມະການ​ປະຊາຊົນ​ເມືອງ ເຮື໋ອງຮວ໋າ ໃຫ້​ຮູ້​ວ່າ “ຕົວໂຮງຮຽນ​ປະຖົມຕາແສງ 1 ບໍ່ພຽງແຕ່​ແມ່ນ​ກິດຈະກຳທີ່ມີຄວາມໝາຍ​ສຳຄັນ ເພື່ອປະກອບສ່ວນ​ເຂົ້າໃນການສຳເລັດພື້ນຖານວັດຖຸສຶກສາບົນບໍລິເວນເມືອງ ເຮື໋ອງຮວ໋າ ເທົ່ານັ້ນ, ຫາກ​ຍັງ​ແມ່ນ​ຂອງຂວັນ​ທີ່​ມີ​ຄວາມ​ໝາຍ​ຢ່າງ​ແທ້​ຈິງ, ​ແມ່ນ​ແຫຼ່ງກຳລັງ​ໃຈ​ອັນ​ໃຫຍ່​ຫຼວງຕໍ່ໝູ່ຄະນະພະນັກງານ, ຄູ​ອາຈານ, ນັກຮຽນ ​ແລະ ປະຊາຊົນທີ່ດຳລົງຢູ່ໝູ່ບ້ານ 1, ຕາແສງທ້ວນ, ເມືອງ ເຮື໋ອງຮວ໋າ”.

ແບ່ງປັນທີ່ເຫດການ, ທ່ານ TokaJi Hiroshi - ຜູ້ຕາງໜ້າບໍລິສັດ 1&D Holdings ຍີ່ປຸ່ນ – ເນັ້ນໜັກວ່າ “ພວກຂາ້ພະເຈົ້າຫວັງວ່າເດັກນ້ອຍຈະສືບຕໍ່ໄດ້ຮ່ຳຮຽນ, ຫຼິ້ນກັບໝູ່ເພື່ອນ ແລະ ສ້າງຄວາມຊົງຈຳທີ່ສວຍງາມຮ່ວມກັນຢູ່ໂຮງຮຽນແຫ່ງນີ້. ພ້ອມກັນນັ້ນ, ພວກຂ້າພະເຈົ້າຍັງເຊື່ອອີກວ່າ ບັນດາປະສົບການການຮຽນຮູ້ ແລະ ການຫຼິ້ນຢູ່ທີ່ນີ້ ຈະຊ່ວຍໃຫ້ເດັກນ້ອຍໄດ້ບຳລຸງສ້າງຄວາມຝັນຂອງຕົນໃຫ້ມີອະນາຄົດທີ່ສົດໃສ ແລະ ຮຸ່ງໂຮດຂຶ້ນ. ພວກຂາ້ພະເຈົ້າຍັງ​ຂໍ​ສະ​ແດງ​ຄວາມ​ຂອບ​ໃຈ​ຢ່າງ​ຈິງ​ໃຈ​ຕໍ່​ອົງການ Plan International, ອຳນາດ​ການ​ປົກຄອງ​ ແລະ ປະຊາຊົນ​​ທ້ອງ​ຖິ່ນ ຍ້ອນການຮ່ວມມືຢ່າງສຸດຈິດສຸດໃຈ​ໃນ​ຕະຫຼອດ​ຂະ​ບວນການຜັນຂະຫຍາຍ​ໂຄງການ”.

ອົງການ ReSurge International ແລະ VUFO ເພີ່ມທະວີການຮ່ວມມືເພື່ອໜູນຊ່ວຍເດັກນ້ອຍທີ່ພິການມາແຕ່ກຳເນີດ ຍສໝ - ວັນທີ 11 ກຸມພາ, ຢູ່ຮ່າໂນ້ຍ, ທ່ານ ຫງວຽນຫງອກຮຸ່ງ, ຮອງປະທານສະຫະພັນບັນດາອົງການມິດຕະພາບຫວຽດນາມ (VUFO) ໄດ້ຕ້ອນຮັບ ແລະ ເຮັດວຽກກັບທ່ານນາງ Claire Lachance, ປະທານ ແລະ ຜູ້ອຳນວຍການຝ່າຍບໍລິຫານອົງການ ReSurge International (ອາເມລິກາ).

ນັກຮຽນ, ນັກສຶກສາ ດົງທ໋າບ ພົບປະແລກປ່ຽນກັບນັກສຶກສາລາວ ແລະ ກຳປູເຈຍ ຍສໝ - ວັນທີ 7 ກຸມພາ, ຄະນະປະຈໍາຄະນະຊາວໜຸ່ມແຂວງ, ສະມາຄົມສະຫະພັນຊາວ​ໜຸ່ມ ຫວຽດນາມ ​ແຂວງ ດົງທ໋າບ ​ໄດ້​ສົມທົບ​ກັນ​ຈັດ​ຕັ້ງໂຄງການພົບ​ປະ, ແລກປ່ຽນລະຫວ່າງ​ນັກ​ສຶກສາ ລາວ, ກຳປູ​ເຈຍ ກັບ​ສະຫະພັນ​ກຳມະບານ, ຄະນະຕິດຕໍ່​ພົວພັນນັກສຶກສາ ແລະ ນັກຮຽນ, ນັກສຶກສາ ແຂວງ ດົງທ໋າບ ເນື່ອງ​ໃນ​ໂອກາດ​ລະດູບານ​ໃໝ່ປີມະເສັງ 2025.