ປະກາດ logo “ຄູ່ຮ່ວມມືຂອງສັງກາດໃໝ່” ລະຫວ່າງ ຫວຽດນາມ ແລະ ສິງກະໂປ
 | ງານຕະຫຼາດນັດສິນຄ້າ: ຂົວເຊື່ອມຕໍ່ການຄ້າລະຫວ່າງຫວຽດນາມ ແລະ ລາວ |
| ຊຸກຍູ້ການຮ່ວມມືຂອງຫວຽດນາມ ກັບ ສິງກະໂປ ແລະ ຍີ່ປຸ່ນ ໃນບັນດາຊ່ອງທາງລັດຖະສະພາ |
ເຂົ້າຮ່ວມເຫດການມີທ່ານ Jaya Ratnam, ເອກອັກຄະລັດຖະທູດຜູ້ມີອຳນາດເຕັມ ສາທາລະນະລັດ ສິງກະໂປ ປະຈຳ ຫວຽດນາມ; ທ່ານ ຫວູຫວຽດຫງວານ, ປະທານສະມາຄົມມິດຕະພາບຫວຽດນາມ - ສິງກະໂປ; ຜູ້ຕາງໜ້າບັນດາກະຊວງ, ຄະນະ, ຂະແໜງການ ແລະ ຫົວໜ່ວຍທີ່ກ່ຽວຂ້ອງຂອງສະຫະພັນບັນດາອົງການມິດຕະພາບ ຫວຽດນາມ ແລະ ສະມາຄົມມິດຕະພາບ ຫວຽດນາມ - ສິງກະໂປ.
 |
| ສະມາຄົມມິດຕະພາບຫວຽດນາມ - ສິງກະໂປ ແລະ ສະຖານທູດສິງກະໂປ ປະຈໍາ ຫວຽດນາມ ປະກາດ logo ສະເຫຼີມສະຫຼອງ 80 ປີແຫ່ງວັນຊາດຫວຽດນາມ ແລະ 60 ປີແຫ່ງວັນຊາດສິງກະໂປ (ພາບ: Dinh Hoa). |
Logo ທີ່ໄດ້ປະກາດມີຮູບຂອງດອກໄມ້ສອງດອກທີ່ມີຄວາມໝາຍເປັນສັນຍາລັກອັນເລິກເຊິ່ງ. ດອກໄມ້ປະຈຳຊາດຂອງສິງກະໂປ Vanda Miss Joaquim (ດອກກ້ວຍໄມ້ ສິງກະໂປ) ເປັນສັນຍາລັກໃຫ້ແກ່ພື້ນຖານວັດທະນະທຳທີ່ເປັນເອກະລັກສະເພາະ ແລະ ຈິດໃຈຂອງຄວາມກ້າວຫນ້າ ແລະ ດີເລີດ. ໃນຂະນະນັ້ນ, ດອກບົວຂອງຫວຽດນາມ ແມ່ນສະແດງໃຫ້ເຫັນເຖິງຄຸນນະທາດອັນລະອຽດອ່ອນ, ບໍລິສຸດ ແລະ ພະລັງອັນແຮງກ້າຂອງຊາວ ຫວຽດນາມ. ສັນຍາລັກດັ່ງກ່າວບໍ່ພຽງແຕ່ສະທ້ອນໃຫ້ເຫັນເຖິງການຮ່ວມມືອັນແໜ້ນແຟ້ນລະຫວ່າງສອງປະເທດເທົ່ານັ້ນ, ແຕ່ຍັງເປັນການສົ່ງສານເຖິງການພົວພັນຄູ່ຮ່ວມມືຍຸດທະສາດໃນສັງກາດໃໝ່.
ກ່າວຄຳປາໄສທີ່ເຫດການ, ທ່ານ ຫວູຫວຽດຫງວານ, ປະທານສະມາຄົມມິດຕະພາບຫວຽດນາມ - ສິງກະໂປ ເນັ້ນໜັກວ່າ Logo ນີ້ບໍ່ພຽງແຕ່ແມ່ນສັນຍາລັກແຫ່ງການພົວພັນຄູ່ຮ່ວມມືໃນສັງກາດໃໝ່ເທົ່ານັ້ນ, ຫາກຍັງແມ່ນຮູບພາບຕາງໜ້າທີ່ສະແດງໃຫ້ເຫັນເຖິງສາຍພົວພັນມິດຕະພາບອັນແໜ້ນແຟ້ນລະຫວ່າງປະຊາຊົນ 2 ປະເທດ . ພ້ອມທັງສະແດງໃຫ້ເຫັນບັນດາຜົນງານລວມທີ່ບັນດາຄູ່ຮ່ວມມືຫວຽດນາມ ແລະ ສິງກະໂປ ສ້າງຂຶ້ນ. ໃນປີ 2025 ແລະ ຊຸມປີຕໍ່ໄປ, ດ້ວຍຄວາມສາມັກຄີ ແລະ ການຮ່ວມມື, ພວກເຮົາຈະກ້າວໄປສູ່ອະນາຄົດອັນດີງາມ. ຫວຽດນາມ ຈະກ້າວເຂົ້າສູ່ສັງກາດໃໝ່, ສັງກາດບືນຕົວຂອງປະເທດຊາດ, ຄືບັນດາການນຳຂອງຊາດໄດ້ກ່າວໄວ້. ສິ່ງນັ້ນຈະສ້າງກາລະໂອກາດອັນໃຫຍ່ຫຼວງເພື່ອປັບປຸງການພົວພັນຄູ່ຮ່ວມມືລະຫວ່າງສອງຝ່າຍ.
ທ່ານ ຫວູຫວຽດຫງວານ ກໍ່ໃຫ້ຮູ້ວ່າ ສະມາຄົມມິດຕະພາບຫວຽດນາມ - ສິງກະໂປ ແລະ ສະຖານທູດສິງກະໂປ ໄດ້ມີມູນເຊື້ອການຮ່ວມມືອັນຍາວນານ ແລະ ພາກພູມໃຈໃນການເຊື່ອມຕໍ່ປະຊາຊົນສອງປະເທດຜ່ານຫລາຍການເຄື່ອນໄຫວທີ່ມີຄວາມໝາຍ ແລະ ມີປະສິດທິຜົນ. ຄວາມມານະພະຍາຍາມດັ່ງກ່າວໄດ້ປະກອບສ່ວນເຂົ້າໃນການປັບປຸງຄວາມສາມັກຄີ, ມິດຕະພາບທີ່ດີກວ່າ ແລະ ເປັນໂລກທີ່ສວຍງາມ.
 |
| ບັນດາຜູ້ແທນໄດ້ຖ່າຍຮູບທີ່ລະນຶກ. (ພາບ: Dinh Hoa) |
ຕາມທ່ານເອກອັກຄະລັດຖະທູດ Jaya Ratnam ແລ້ວ, logo ນີ້ແມ່ນສັນຍາລັກທຳອິດຂອງການພົວພັນຄູ່ຮ່ວມມື ຫວຽດນາມ - ສິງກະໂປ ໃນປີ 2025, ແມ່ນຈຸດເລີ່ມຕົ້ນທີ່ມີຄວາມໝາຍ. ປີນີ້, ພວກເຮົາຈະໄດ້ເຫັນປະຈັກຕາການຢ້ຽມຢາມຂັ້ນສູງຫຼາຍຄັ້ງ ແລະ ຂໍ້ລິເລີ່ມການຮ່ວມມື, ນຳການພົວພັນລະຫວ່າງສອງປະເທດຂຶ້ນສູ່ລະດັບການພົວພັນຄູ່ຮ່ວມມືຍຸດທະສາດຮອບດ້ານ. ການພົວພັນລະຫວ່າງປະຊາຊົນແມ່ນພື້ນຖານອັນໜັກແໜ້ນເພື່ອຊ່ວຍໃຫ້ສອງປະເທດກ້າວໄປສູ່ເປົ້າໝາຍທີ່ໃຫຍ່ກວ່າເກົ່າ. ຄຳຂວັນ “ຄູ່ຮ່ວມມືຂອງສັງກາດໃໝ່” ບໍ່ພຽງແຕ່ສະແດງໃຫ້ເຫັນຈິດໃຈຮ່ວມມືເທົ່ານັ້ນ, ຫາກຍັງຝາກຝັງຄວາມໄວ້ເນື້ອເຊື່ອໃຈ ແລະ ຄວາມຫວັງໃນອະນາຄົດຂອງສອງປະເທດ.
ພິທີປະກາດ logo ກໍ່ໄດ້ເລີ່ມຕົ້ນບັນດາການເຄື່ອນໄຫວສຳຄັນຂອງສອງປະເທດໃນປີ 2025 ຫຼາຍຢ່າງ, ເມື່ອຂະນະທີ່ 2 ປະເທດມຸ່ງໄປເຖິງຍົກລະດັບການພົວພັນຄູ່ຮ່ວມມືຍຸດທະສາດຂຶ້ນສູ່ລະດັບສູງໃໝ່. ທີ່ກອງປະຊຸມພົບປະທາງໂທລະສັບລະຫວ່າງທ່ານເລຂາທິການໃຫຍ່ ຫວຽດນາມ ໂຕເລີມ ແລະ ທ່ານນາຍົກລັດຖະມົນຕີ ສິງກະໂປ Lawrence Wong ໃນວັນທີ 20 ທັນວາ 2024, ທ່ານນາຍົກລັດຖະມົນຕີ ສິງກະໂປ Lawrence Wong ໄດ້ເຊື້ອເຊີນທ່ານເລຂາທິການໃຫຍ່ ຫວຽດນາມ ໂຕເລີມ ແລະ ພັນລະຍາ ໄປຢ້ຽມຢາມ ສິງກະໂປ ຢ່າງເປັນທາງການຕາມເວລາສະດວກທີ່ສຸດໃນປີ 2025. ທ່ານເລຂາທິການໃຫຍ່ ຫວຽດນາມ ໂຕເລີມ ໄດ້ຕອບຮັບຄຳເຊີນຢ່າງດີໃຈ ແລະ ເຊື້ອເຊີນທ່ານນາຍົກລັດຖະມົນຕີ ສິງກະໂປ Lawrence Wong ແລະ ພັນລະຍາ ມາຢ້ຽມຢາມ ຫວຽດນາມ ໃນເວລາທີ່ເໝາະສົມ.
ບາງຮູຍພາບໃນເຫດການ:
 |
 |
 |
 |
 |
 |
 |
 |
 | ຕ້ອງເພີ່ມທະວີຄວາມເຂົ້າໃຈເຊິ່ງກັນ ແລະ ກັນລະຫວ່າງລຸ້ນໜຸ່ມຫວຽດນາມ ແລະ ມົງໂກລີ ຍສໝ - ນີ້ແມ່ນເນື້ອໃນຂອງການພົບປະແລກປ່ຽນລະຫວ່າງທ່ານ ຟານແອງເຊີນ, ປະທານສະຫະພັນບັນດາອົງການມິດຕະພາບ ຫວຽດນາມ (VUFO) ແລະ ທ່ານ Jigjee Sereejav, ເອກອັກຄະລັດຖະທູດວິສາມັນຜູ້ມີອຳນາດເຕັມ ມົງໂກນ ປະຈຳ ຫວຽດນາມ, ໃນວັນທີ 24 ຕຸລາ ຢູ່ ຮ່າໂນ້ຍ. |
 | ລັດຖະບານ ສິງກະໂປ ສົ່ງເຄື່ອງຊ່ວຍເຫຼືອທີ່ຈຳເປັນເພື່ອໜູນຊ່ວຍປະຊາຊົນເຂດຖືກເສຍຫາຍຈາກໄພທຳມະຊາດຂອງ ຫວຽດນາມ ຍສໝ - ເຄື່ອງຊ່ວຍເຫຼືອລວມມີ: ຈັກກັນຕອງນ້ຳ, ນ້ຳດື່ມແກ້ວ, ເຄື່ອງອະນາໄມສ່ວນຕົວ, ຜ້າຫົ່ມກູ້ຊີວິດ (ຜ້າຫົມສຸກເສີນ), ອາຫານ. |
ມີງດຶກ