ຮ່າໂນ້ຍ - ວຽງຈັນ (ລາວ) : ແບ່ງປັນປະສົບການໃນວຽກງານກວດກາພັກ
 | ເປີດຊຸດອົບຮົມບຳລຸງກ່ຽວກັບວຽກງານພັກ ແລະ ມະຫາຊົນ ໃຫ້ພະນັກງານນະຄອນຫຼວງ ວຽງຈັນ |
| ພິທີເປີດໂຄງການມິດຕະພາບ ຮ່າໂນ້ຍ - ວຽງຈັນ (ລາວ) |
ກ່າວຄຳປາໄສທີ່ການຕ້ອນຮັບ, ສະຫາຍ ວິລະສັກ ນາມມຸນຕີ ຫົວໜ້າຄະນະກວດກາພັກ - ອົງການກວດກາລັດຖະບານ ນະຄອນຫຼວງ ວຽງຈັນ ໄດ້ສະແດງຄວາມເສົ້າສະຫຼົດໃຈ ແລະ ແບ່ງເບົາຕໍ່ການເຖິງແກ່ມໍລະນະກຳຂອງ ສະຫາຍ ເລຂາທິການໃຫຍ່ ພັກຄອມມູນິດ ຫວຽດນາມ ຫງວຽນຟູ໋ຈ້ອງ. ພ້ອມກັນນັ້ນ, ກໍ່ສະແດງຄວາມຂອບໃຈຕໍ່ການຕ້ອນຮັບຢ່າງສົມກຽດຂອງຄະນະພັກນະຄອນ ຮ່າໂນ້ຍ ໃຫ້ສຳລັບຄະນະ.
 |
| ສະຫາຍ ນາງ ບຸ່ຍທິມິນຮວ່າຍ ເລຂາຄະນະພັກນະຄອນ ຮ່າໂນ້ຍ ໄດ້ມອບຂອງທີ່ລະນຶກໃຫ້ ສະຫາຍ ວິລະສັກ ນາມມຸນຕີ ຫົວໜ້າຄະນະກວດກາພັກ - ອົງການກວດກາລັດຖະບານ ນະຄອນຫຼວງ ວຽງຈັນ. |
ສະຫາຍ ວິລະສັກ ນາມມຸນຕີ ຫວັງວ່າ ການພົວພັນຮ່ວມມືລະຫວ່າງສອງອົງການກວດກາຄະນະພັກນະຄອນ ຈະກາຍເປັນຈຸດທີ່ປະກາຍແຈ້ງໃນການພົວພັນຮ່ວມມືລະຫວ່າງ ນະຄອນຫຼວງ ວຽງຈັນ - ຮ່າໂນ້ຍ, ໂດຍຜ່ານນັ້ນ ກໍ່ປະກອບສ່ວນຢ່າງຕັ້ງໜ້າເຂົ້າໃນສາຍພົວພັນລະຫວ່າງ 2 ປະເທດ.
ນະຄອນຫຼວງ ວຽງຈັນ ພວມພະຍາຍາມກະກຽມຈັດຕັ້ງກອງປະຊຸມສຸດຍອດ ອາຊຽນ ຄັ້ງທີ 44, 45 ແລະ ບັນດາກອງປະຊຸມສຸດຍອດທີ່ກ່ຽວຂ້ອງຢ່າງສຳເລັດຜົນ, ເຊິ່ງຄາດວ່າ ຈະດຳເນີນແຕ່ວັນທີ 8 - 11 ຕຸລາ ປີ 2024, ສະຫາຍ ວິລະສັກ ນາມມຸນຕີ ເນັ້ນໜັກວ່າ: ປີ 2024 ກໍ່ແມ່ນປີທ່ອງທ່ຽວແຫ່ງຊາດຂອງ ລາວ, ດ້ວຍຫຼາຍກິດຈະກຳ ແລະ ເຫດການໃຫຍ່, ສະນັ້ນ, ນະຄອນຫຼວງ ວຽງຈັນ ຈຶ່ງມີຄວາມຕັດສິນໃຈທີ່ຈະຈັດຕັ້ງບັນດາກິດຈະກຳໃຫຍ່ດັ່ງກ່າວໃຫ້ປະສົບຜົນສຳເລັດ, ສ້າງຄວາມປະທັບໃຈໃຫ້ແກ່ເພື່ອນມິດສາກົນ. ສະຫາຍ ວີລະສັກ ນາມມຸນຕີ ກໍ່ອວຍພອນໃຫ້ນະຄອນຫຼວງ ຮ່າໂນ້ຍ ຈະສືບຕໍ່ພັດທະນາຢ່າງເຂັ້ມແຂງ, ຮັ່ງມີ, ສວຍງາມ, ສີວິໄລ, ປະຊາຊົນນັບມື້ນັບຈະເລີນຮຸ່ງເຮືອງ, ມີຊີວິດທີ່ອີ່ມໜຳສຳລານ ແລະ ມີຄວາມຜາສຸກ.
ໂດຍຂອບໃຈຕໍ່ບັນດາການແບ່ງປັນຂອງ ສະຫາຍ ວິລະສັກ ນາມມຸນຕີ, ສະຫາຍ ນາງ ບຸ່ຍທິມິນຮວ່າຍ ໄດ້ຢືນຢັນຄືນໃໝ່ຄວາມສຳຄັນຂອງການພົວພັນຖານບ້ານໃກ້ເຮືອນຄຽງອ້າຍນ້ອງທີ່ໃກ້ຊິດສະໜິດແໜ້ນແຕ່ດົນນານລະຫວ່າງ ຫວຽດນາມ - ລາວ.
ສະຫາຍ ນາງ ບຸ່ຍທິມິນຮວ່າຍ ກໍ່ສະແດງຄວາມປິຕິຊົມຊື່ນຕໍ່ການປ່ຽນແປງ, ເຕີບໃຫຍ່ຂະຫຍາຍຕົວ ແລະ ບັນດາຜົນງານອັນໃຫຍ່ຫຼວງຂອງສອງປະເທດ, ໃນນັ້ນມີການພັດທະນາຢ່າງເຂັ້ມແຂງຂອງນະຄອນຫຼວງ ຮ່າໂນ້ຍ ແລະ ນະຄອນຫລວງ ວຽງຈັນ ດ້ວຍນ້ຳໃຈມິດຕະພາບທີ່ນັບມື້ນັບເລິກເຊິ່ງ.
 |
| ບັນຍາກາດທີ່ການຕ້ອນຮັບ. |
ຕາມສະຫາຍ ນາງ ບຸ່ຍທິມິນຮວ່າຍ ແລ້ວ, ເວລາທີ່ຜ່ານມານີ້, ນະຄອນຫຼວງ ຮ່າໂນ້ຍ ແລະ ນະຄອນຫລວງ ວຽງຈັນ ໄດ້ມີການຮ່ວມມື ແລະ ພົບປະແລກປ່ຽນທີ່ມີຄວາມໝາຍຫຼາຍຢ່າງ, ພິເສດແມ່ນການຮ່ວມມືລະຫວ່າງບັນດາອົງການວິຊາສະເພາະ.
ໂດຍຕີລາຄາສູງຄວາມປາດຖະໜາຢາກຮ່ຳຮຽນເອົາປະສົບການວຽກງານກວດກາພັກ ຂອງຄະນະກວດກາພັກ - ອົງການກວດກາລັດຖະບານ ນະຄອນຫຼວງ ວຽງຈັນ, ສະຫາຍ ນາງ ບຸ່ຍທິມິນຮວ່າຍ ສະເໜີໃຫ້ຄະນະກຳມະການກວດກາພັກນະຄອນ ຮ່າໂນ້ຍ ຕັ້ງໜ້າແບ່ງປັນປະສົບການຢ່າງເລິກເຊິ່ງກວ້າງຂວາງ, ພິເສດແມ່ນການຝຶກອົບຮົມຖັນແຖວພະນັກງານກວດກາຢູ່ທຸກຂັ້ນ. ພ້ອມກັນນັ້ນ, ກໍ່ຮຽນຮູ້ປະສົບການທີ່ເປັນປະໂຫຍດຕື່ມອີກຈາກຝ່າຍເພື່ອນ, ໂດຍຜ່ານນັ້ນ ກໍ່ສ້າງອົງການພັກໃຫ້ປອດໃສ ແລະ ເຂັ້ມແຂງຂອງສອງຝ່າຍຢ່າງບໍ່ຢຸດຢັ້ງ.
 | Vietjet ເປີດສາຍການບິນເຊື່ອມຕໍ່ນະຄອນ ໂຮ່ຈີມິນ (ຫວຽດນາມ) ກັບນະຄອນຫຼວງ ວຽງຈັນ (ສປປ ລາວ) ຍສໝ - ສາຍການບິນ ນະຄອນ ໂຮ່ຈີມິນ - ນະຄອນຫຼວງ ວຽງຈັນ ໄດ້ຮັບໃຊ້ຜູ້ໂດຍສານດ້ວຍ 4 ຖ້ຽວໄປ - ກັບ/ອາທິດ, ໃນວັນຈັນ, ວັນພຸດ, ວັນສຸກ, ວັນອາທິດ, ໂດຍໃຊ້ເວລາບິນປະມານ 1 ຊົ່ວໂມງ 45 ນາທີ. |
 | ນໍາ ຮວ່ານນກຽມ-ຈັນທະບູລີ ກາຍເປັນແບບຢ່າງການຮ່ວມມືລະຫວ່າງຮ່າໂນ້ຍ ແລະ ວຽງຈັນ (ລາວ) ໂດຍໄວ ຍສໝ - ສະຫາຍ ຫງວຽນວັນຟອງ ຫວັງວ່າ ເມືອງຮວ່ານກຽມ ແລະ ເມືອງຈັນທະບູລີ ຈະປຶກສາຫາລື ແລະ ກຳນົດເນື້ອໃນການຮ່ວມມືໃນໄລຍະຈະມາເຖິງ ຕາມທິດເສີມຂະຫຍາຍຄວາມສາມາດບົ່ມຊ້ອນ ແລະ ທ່າແຮງຂອງແຕ່ລະທ້ອງຖິ່ນ... |
ມິງດຶກ (ແປຕາມ baomoi.com)