ເພີ່ມທະວີການຮ່ວມມືສະໜິດຕິດພັນລະຫວ່າງກົມໃຫຍ່ການເມືອງກອງທັບປະຊາຊົນສອງປະເທດຫວຽດນາມ-ລາວ

	ເພີ່ມທະວີນໍ້າໃຈສາມັກຄີ, ການຮ່ວມມື ແລະມິດຕະພາບລະຫວ່າງສະຫະພັນແມ່ຍິງກອນຕູມ ແລະສະຫະພັນແມ່ຍິງອັດຕະປື, ເຊກອງ (ລາວ)
	ຫວຽດນາມ-ຍີ່ປຸ່ນ ເພີ່ມທະວີການພົບປະແລກປ່ຽນລັດຖະສະພາ, ແລກປ່ຽນປະສົບການນິຕິບັນຍັດ

ໃນຂອບເຂດການຢ້ຽມຢາມ ສປປ ລາວ ເປັນທາງການ, ຕອນບ່າຍວັນທີ 26 ສິງຫາ, ຢູ່ນະຄອນຫຼວງວຽງຈັນ, ທ່ານພົນໂທ ຈິ້ງວັນກວ໊ຽດ, ເລຂາທິການສູນກາງພັກກອມມູນິດຫວຽດນາມ, ຄະນະປະຈໍາຄະນະພັກການທະຫານສູນກາງ, ຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ ແລະຄະນະຜູ້ແທນການເມືອງຂັ້ນສູງກອງທັບປະຊາຊົນ ຫວຽດນາມ ໄດ້ເຂົ້າຢ້ຽມຂໍ່ານັບທ່ານ ທອງລຸນ ສີສຸລິດ ເລຂາທິການໃຫຍ່, ປະທານປະເທດລາວ.

ທ່ານ ທອງລຸນ ສີສຸລິດ ເລຂາທິການໃຫຍ່, ປະທານປະເທດລາວ ຕ້ອນຮັບທ່ານພົນໂທ ຈິ້ງວັນກວ໊ຽດ. ພາບ: nhandan.vn

ທ່ານພົນໂທ ຈິ້ງວັນກວ໊ຽດ ສະແດງຄວາມປາດຖະໜາວ່າ ທ່ານເລຂາທິການໃຫຍ່, ປະທານປະເທດ ທອງລຸນ ສີສຸລິດ ສືບຕໍ່ເອົາໃຈໃສ່, ສ້າງເງື່ອນໄຂໃຫ້ກະຊວງປ້ອງກັນປະເທດ ແລະກອງທັບສອງປະເທດເພີ່ມທະວີການແລກປ່ຽນປະສົບການໃນວຽກງານກະກຽມ ແລະຈັດຕັ້ງກອງປະຊຸມໃຫຍ່ທຸກຂັ້ນ; ໜູນຊ່ວຍ, ຊ່ວຍເຫຼືອເຊິ່ງກັນ ແລະກັນຍົກສູງປະສິດທິຜົນໃນວຽກງານເປັນເສນາທິການ, ສະເໜີໃຫ້ການນຳຂັ້ນສູງສອງພັກ, ສອງລັດ ບັນດາແຜນນະໂຍບາຍ, ມາດຕະການແນໃສ່ເພີ່ມທະວີການນຳພາຂອງແຕ່ລະພັກສໍາລັບກອງທັບຂອງແຕ່ລະປະເທດ ແລະສະກັດກັ້ນບັນດາອິດທິກໍາລັງເປັນປໍລະປັກ, ປະຕິການ. ສືບຕໍ່ສ້າງເງື່ອນໄຂເພື່ອໃຫ້ກອງທັບສອງປະເທດເສີມຂະຫຍາຍ, ແຜ່ຂະຫຍາຍທ່າແຮງກ່ຽວກັບເສົາຄ້ຳການຮ່ວມມືດ້ານປ້ອງກັນຊາດໃຫ້ຂົງເຂດເສດຖະກິດ ແລະການຮ່ວມມືອື່ນເພື່ອສະໜິດຕິດພັນການພົວພັນຮ່ວມມືຢ່າງເລິກເຊິ່ງກວ້າງຂວາງ, ເພີ່ມທະວີຜົນປະໂຫຍດຂອງແຕ່ລະປະເທດຕິດພັນກັບການປັບປຸງການປ້ອງກັນຊາດ, ປ້ອງກັນຄວາມສະຫງົບ.

ທ່ານພົນໂທ ຈິ້ງວັນກວ໊ຽດ ແລະທ່ານພົນເອກ ຈັນສະໝອນ ຈັນຍາລາດ ທີ່ການເຂົ້າຢ້ຽມຂໍ່ານັບ. ພາບ: nhandan.vn

ຕອນບ່າຍວັນດຽວກັນ, ທ່ານພົນໂທ ຈິ້ງວັນກວ໊ຽດ ແລະຄະນະຜູ້ແທນການເມືອງຂັ້ນສູງກອງທັບປະຊາຊົນຫວຽດນາມ ເຂົ້າຢ້ຽມຂໍ່ານັບທ່ານພົນເອກ ຈັນສະໝອນ ຈັນຍາລາດ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດລາວ.

ທ່ານພົນໂທ ຈິ້ງວັນກວ໊ຽດ ສະແດງຄວາມປາດຖະໜາວ່າ ລັດຖະບານ, ກະຊວງປ້ອງກັນປະເທດລາວ ແລະທ່ານພົນເອກ ຈັນສະໝອນ ຈັນຍາລາດ ສືບຕໍ່ເອົາໃຈໃສ່, ຊີ້ນຳບັນດາອົງການທີ່ກ່ຽວຂ້ອງສົມທົບກັບອົງການ, ກົມກອງທີ່ກ່ຽວຂ້ອງຂອງຫວຽດນາມ ສູ້ຊົນໃນປີ 2024 ຈະປັບປຸງຂັ້ນຕອນຍື່ນສະເໜີຕໍ່ກົມການເມືອງສອງປະເທດອະນຸມັດຜ່ານສໍາເນົາເອກະສານ ເພື່ອສະເໜີຮັບຮອງປູຊະນີຍະສະຖານປະຫວັດສາດເສັ້ນທາງເຈື່ອງເຊີນ - ເສັ້ນທາງໂຮ່ຈີມິນ ຢູ່ດິນແດນລາວ; ມີກົນໄກນະໂຍບາຍທີ່ເໝາະສົມເພື່ອໃຫ້ສອງກອງທັບເປີດກວ້າງແຫຼ່ງກຳລັງ, ຂົງເຂດຮ່ວມມືແນໃສ່ປັບປຸງການຮ່ວມມືດ້ານປ້ອງກັນຊາດລະຫວ່າງສອງປະເທດ; ບັນດາອົງການ, ກົມກອງສອງຝ່າຍເພີ່ມທະວີການແລກປ່ຽນປະສົບການໃນວຽກງານກະກຽມ ແລະຈັດຕັ້ງກອງປະຊຸມໃຫຍ່ທຸກຂັ້ນ; ໜູນຊ່ວຍ, ຊ່ວຍເຫຼືອເຊິ່ງກັນ ແລະກັນຍົກສູງປະສິດທິຜົນໃນວຽກງານເປັນເສນາທິການ, ສະເໜີໃຫ້ການນຳຂັ້ນສູງສອງປະເທດບັນດາແຜນນະໂຍບາຍ, ມາດຕະການເພື່ອແນໃສ່ເພີ່ມທະວີການນຳພາຂອງແຕ່ລະພັກສໍາລັບກອງທັບຂອງແຕ່ລະປະເທດ.

ສ່ວນທ່ານພົນເອກ ຈັນສະໝອນ ຈັນຍາລາດ ເນັ້ນໜັກວ່າ ການເພີ່ມທະວີການຮ່ວມມືດ້ານປ້ອງກັນຊາດກັບຫວຽດນາມ ຍາມໃດກໍ່ແມ່ນໜຶ່ງໃນບັນດາບຸລິມະສິດຂອງກະຊວງປ້ອງກັນປະເທດລາວ, ປະກອບສ່ວນເຂົ້າໃນການເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອພິເສດກັບຫວຽດນາມ “ໃຫ້ຂຽວສົດງົດງາມ, ໝັ້ນຄົງຂະໜົງແກ່ນໄປຊົ່ວກາລະນານ”; ພ້ອມທັງເຊື່ອໝັ້ນວ່າ ກອງທັບປະຊາຊົນຫວຽດນາມ ຈະບັນລຸໄດ້ຜົນງານຫຼາຍຢ່າງໃນພາລະກິດສ້າງສາ ແລະປົກປັກຮັກສາປະເທດຊາດກວ່າອີກ.

*ກ່ອນໜ້ານັ້ນ, ຕອນບ່າຍວັນທີ 26 ສິງຫາ, ຢູ່ນະຄອນຫຼວງວຽງຈັນ, ທ່ານພົນໂທ ທອງລອຍ ສີລິວົງ, ກໍາມະການສູນກາງພັກປະຊາຊົນປະຕິວັດລາວ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບປະຊາຊົນລາວ ໄດ້ເປັນປະທານພິທີຕ້ອນຮັບທ່ານພົນໂທ ຈິ້ງວັນກວ໊ຽດ ແລະຄະນະຜູ້ແທນການເມືອງຂັ້ນສູງກອງທັບປະຊາຊົນຫວຽດນາມ.

ພາຍຫຼັງພິທີຕ້ອນຮັບຢ່າງເປັນທາງການ, ທ່ານພົນໂທ ຈິ້ງວັນກວຽດ, ຫົວໜ້າກົມໃຫຍ່ການເມືອງ ກອງທັບປະຊາຊົນຫວຽດນາມ ໄດ້ມີການພົບປະສອງຝ່າຍກັບທ່ານພົນໂທ ທອງລອຍ ສີລິວົງ ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງ ກອງທັບປະຊາຊົນລາວ.

ທ່ານພົນໂທ ຈິ້ງວັນກວ໊ຽດ ແລະທ່ານພົນໂທ ທອງລອຍ ສີລິວົງ ກວດແຖວກຽດຕິຍົດກອງທັບປະຊາຊົນລາວ. ພາບ: nhandan.vn

ທີ່ການພົບປະ, ທ່ານພົນໂທ ຈິ້ງວັນກວຽດ ໄດ້ແຈ້ງໃຫ້ທ່ານພົນໂທ ທອງລອຍ ສີລິວົງ ຮັບຊາບກ່ຽວກັບສະພາບການຢູ່ ຫວຽດນາມ ນັບແຕ່ຕົ້ນປີ 2024 ມາຮອດປະຈຸບັນ; ໂດຍຢືນຢັນວ່າ, ພາຍໃຕ້ການນຳພາຂອງຄະນະບໍລິຫານງານສູນກາງພັກ, ກົມການເມືອງ, ຄະນະເລຂາທິການ ພ້ອມກັບຄວາມເຫັນດີເຫັນພ້ອມ, ຄວາມຕັດສິນໃຈຂອງທົ່ວລະບົບການເມືອງ ແລະທົ່ວປວງຊົນ, ຫວຽດນາມ ໄດ້ຜ່ານຜ່າຄວາມຫຍຸ້ງຍາກ, ສິ່ງທ້າທາຍຫຼາຍຢ່າງ, ສືບຕໍ່ບັນລຸໄດ້ໝາກຜົນອັນໃຫຍ່ຫຼວງ ແລະ ຮອບດ້ານໃນຫຼາຍຂົງເຂດ.

ທ່ານພົນໂທ ຈິ້ງວັນກວຽດ ໄດ້ສະແດງຄວາມເຫັນດີເປັນເອກະພາບຕໍ່ກັບການຕີລາຄາຂອງທ່ານພົນໂທ ທອງລອຍ ສີລິວົງ ກ່ຽວກັບໝາກຜົນການຮ່ວມມືລະຫວ່າງສອງກອງທັບ ແລະສອງກົມໃຫຍ່ການເມືອງ. ພົ້ນເດັ່ນແມ່ນ, ສອງຝ່າຍໄດ້ສົມທົບກັນຢ່າງແໜ້ນແຟ້ນ ແລະປະຕິບັດວຽກງານໂຄສະນາ, ສຶກສາອົບຮົມກ່ຽວກັບສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງສອງພັກ, ສອງລັດ, ສອງກອງທັບ ແລະ ປະຊາຊົນສອງປະເທດເປັນຢ່າງດີ ກໍຄືຕໍ່ເຫດການສຳຄັນຂອງສອງປະເທດຢ່າງເປັນປະຈຳ.

ສອງຝ່າຍໄດ້ສົມທົບກັນຈັດຕັ້ງການສຳຫຼວດພື້ນທີ່ຕົວຈິງ ແລະສ້າງເອກະສານວິທະຍາສາດໃຫ້ສຳເລັດ ເພື່ອສະເໜີຮັບຮອງປູຊະນີຍະສະຖານເສັ້ນທາງ ເຈື່ອງເຊີນ - ເສັ້ນທາງ ໂຮ່ຈີມິນ ຢູ່ດິນແດນລາວ; ສົມທົບກັນຈັດຕັ້ງພິທີປະດັບຫຼຽນໄຊຂອງລັດ ແລະ ກະຊວງປ້ອງກັນປະເທດລາວ ໃຫ້ແກ່ໝູ່ຄະນະ, ບຸກຄົນຂອງກອງທັບປະຊາຊົນຫວຽດນາມ; ສົມທົບກັນຈັດຕັ້ງພິທີມອບລາງວັນໃຫ້ແກ່ໝູ່ຄະນະ, ບຸກຄົນຂອງລາວ ທີ່ມີຜົນງານດີເດັ່ນໃນການສົມທົບກັນຊອກຫາ, ທ້ອນໂຮມອັດຖິທະຫານອາສາສະໝັກ, ນັກຊ່ຽວຊານຫວຽດນາມ ທີ່ເສຍຊີວິດຢູ່ລາວ ໃນປາງສົງຄາມ, ໄລຍະ 2013-2020.

ບັນຍາກາດທີ່ການພົບປະສອງຝ່າຍ. ພາບ: nhandan.vn

ການເຄື່ອນໄຫວແລກປ່ຽນຄະນະຜູ້ແທນໄດ້ຮັບການຖືເປັນສໍາຄັນຈາກສອງຝ່າຍ; ການເຄື່ອນໄຫວແຮກສ່ຽວລະຫວ່າງຄູ່ຄ້າຍທະຫານຊາຍແດນ, ກອງຮ້ອຍທະຫານຊາຍແດນ; ກຸ່ມຊຸມຊົນທີ່ຢູ່ສອງຝາກຊາຍແດນ ໄດ້ຮັກສາໄວ້ຢ່າງມີປະສິດທິຜົນ; ການຮ່ວມມືຢ່າງແໜ້ນແຟ້ນໃນການບໍາລຸງ-ກໍ່ສ້າງພະນັກງານ, ກໍ່ສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງ.

ບົນເນື້ອໃນຈິດໃຈດັ່ງກ່າວນັ້ນ, ທ່ານພົນໂທ ຈິ້ງວັນກວຽດ ໄດ້ສະເໜີເນື້ອໃນຈຸດສຸມການຮ່ວມມືຈຳນວນໜຶ່ງ. ຕາມນັ້ນແລ້ວ, ສືບຕໍ່ຮັກສາການແລກປ່ຽນຄະນະຜູ້ແທນທຸກຂັ້ນລະຫວ່າງບັນດາອົງການ, ກົມກອງຂອງສອງກົມໃຫຍ່ການເມືອງ. ນອກຈາກນັ້ນ, ສອງຝ່າຍຕ້ອງສືບຕໍ່ເສີມຂະຫຍາຍບັນດາກົນໄກ, ຮູບແບບການຮ່ວມມື ຄືການພົບປະແລກປ່ຽນນາຍທະຫານໜຸ່ມ, ແມ່ຍິງກອງທັບ, ການແຮກສ່ຽວລະຫວ່າງກຳລັງປ້ອງກັນຊາຍແດນ ແລະ ກຸ່ມຊຸມຊົນທີ່ຢູ່ສອງຟາກຊາຍແດນຢ່າງມີປະສິດທິຜົນ…

ສືບຕໍ່ສົມທົບກັນຢ່າງແໜ້ນແຟ້ນໃນຂົງເຂດວຽກງານພັກ, ວຽກງານການເມືອງ, ຜັນຂະຫຍາຍວຽກງານໂຄສະນາສຶກສາອົບຮົມກ່ຽວກັບປະຫວັດສາດ, ຄວາມໝາຍ ແລະ ຄວາມສຳຄັນຂອງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງສອງພັກ, ສອງລັດ, ສອງກອງທັບ ແລະ ປະຊາຊົນສອງປະເທດ ຢ່າງມີປະສິດທິຜົນ...

ສອງຝ່າຍສືບຕໍ່ເພີ່ມທະວີການຮ່ວມມືຢ່າງຮອບດ້ານ, ແທດຈິງ ແລະ ມີປະສິດທິຜົນໃນທຸກດ້ານໜ້າທີ່ວຽກງານຂອງພັກ ແລະ ວຽກງານການເມືອງ ບົນເນື້ອໃນຈິດໃຈມິດສະຫາຍອ້າຍນ້ອງ, ຖືນີ້ແມ່ນພື້ນຖານ ແລະກໍາລັງໜູນເພື່ອເພີ່ມພູນຄູນສ້າງໃຫ້ນໍ້າໃຈມິດຕະພາບ ແລະ ຄວາມໄວ້ເນື້ອເຊື່ອໃຈດ້ານການເມືອງລະຫວ່າງກອງທັບສອງປະເທດໃຫ້ຫຼາຍກວ່າອີກ.

ກໍ່ໃນວັນດຽວກັນ, ທ່ານພົນໂທ ຈິ້ງວັນກວ໊ຽດ ແລະຄະນະຜູ້ແທນການເມືອງຂັ້ນສູງກອງທັບປະຊາຊົນຫວຽດນາມ ໄດ້ວາງພວງມາລາຢູ່ອະນຸສາວະລີນັກຮົບວິລະຊົນທີ່ເສຍສະຫຼະຊີວິດເພື່ອຊາດ ຢູ່ນະຄອນຫຼວງວຽງຈັນ.

ຫວຽດນາມ - ລາວ ເພີ່ມທະວີການຮ່ວມມືດ້ານພະລັງງານ ແລະ ຊັບພະຍາກອນແຮ່ທາດ. ຍສໝ - ວັນ​ທີ 7 ​ເມສາ​ນີ້, ຢູ່​ນະຄອນຫຼວງ​ວຽງ​ຈັນ, ທ່ານ ລັດຖະມົນຕີ​ອຸດສາຫະກຳ ແລະ ການຄ້າ ຫວຽດນາມ ຫງວຽນ​ຮົ່ງ​ຢ່່ຽນ ​ໄດ້​ມີ​ການພົບປະເຈລະຈາ​ກັບ​ທ່ານ ລັດຖະມົນຕີ​ພະລັງງານ ​ແລະ ບໍ່​ແຮ່ ລາວ ​ໂພ​ໄຊ ​ໄຊ​ຍະ​ສອນ.

ຄະນະການຕິດຕໍ່ມິດຕະພາບທີ່ເປັນມູນເຊື້ອຫວຽດນາມ - ລາວ: ສືບຕໍ່ເສີມຂະຫຍາຍບົດບາດຂອງການທູດປະຊາຊົນ, ເພີ່ມທະວີຄວາມສາມັກຄີຂອງສອງປະເທດ ຍສໝ - ດ້ວຍ​ບົດບາດ​ຮັກສາ​ຮີດຄອງ​ປະ​ເພນີ, ອະນຸລັກ​ຮັກສາ​ປະຫວັດສາດ, ປະກອບສ່ວນ​ປະສົບ​ການ ​ແລະ ​ເພີ່ມ​ທະວີ​ການ​ພົວພັນ​ສາມັກຄີ​ແບບ​ພິ​ເສດ​ຫວຽດນາມ - ລາວ ​ໃນ​ຂົງ​ເຂດ​ການ​ທູດ​ປະຊາຊົນ​ຫວຽດນາມ - ລາວ, ຄະນະ​ກຳມະການ​ພົວພັນ​ມິດຕະພາບ​ທີ່​ເປັນ​ມູນ​ເຊື້ອ ຫວຽດນາມ - ລາວ ຍາມ​ໃດ​ກໍ່​ປະຕິບັດ​ໜ້າ​ທີ່​ເປັນ​ຢ່າງ​ດີ. ບົດບາດ​ເປັນ​ຂົວ​ຕໍ່​ຮັດ​ແໜ້ນ ​ແລະ ພັດທະນາ​ສາຍ​ພົວພັນ​ມິດຕະພາບ​ທີ່​ເປັນ​ມູນ​ເຊື້ອ​ລະຫວ່າງ​ປະຊາຊົນ​ສອງ​ປະ​ເທດ​ຫວຽດນາມ - ລາວ, ປະກອບສ່ວນ​ຊຸກຍູ້​ການ​ພົວພັນ​ແລກປ່ຽນ​ປະຊາຊົນ​ລະຫວ່າງ​ສອງ​ປະ​ເທດ. ນີ້​ແມ່ນ​ຄຳ​ຖະ​ແຫຼງ​ຂອງ​ທ່ານ​ພົນຕີ ຫງວຽນ​ຕຽນ​ລອງ, ...