ສະພາແຫ່ງຊາດ ຫວຽດນາມ ແລະລັດຖະສະພາ ມາເລເຊຍ ພ້ອມແລ້ວທີ່ຈະລົງນາມໃນສັນຍາຮ່ວມມື
 | ມາເລເຊຍ ຍູ້ແຮງການສົ່ງອອກ ໄປຍັງຕະຫຼາດຫວຽດນາມ |
| ກຸ່ມສະມາຊິກລັດຖະສະພາມິດຕະພາບຫວຽດນາມ - ກູບາ ໄດ້ອອກຖະແຫຼງການສະໜັບສະໜູນກູບາ |
 |
| ທ່ານ ຫງວຽນຄັກດິ້ງ, ກໍາມະການສູນກາງພັກ, ຮອງປະທານສະພາແຫ່ງຊາດ ຫວຽດນາມ ໄດ້ມີການພົບປະກັບທ່ານປະທານສະພາຕ່ຳ ມາເລເຊຍ Tan Sri Dato' Johari Bin Abdul. |
ກ່າວຄຳປາໄສທີ່ການພົບປະ, ທ່ານ ຫງວຽນຄັກດິ້ງ ໄດ້ຕີລາຄາສູງບັນດາຜົນງານທີ່ ມາເລເຊຍ ບັນລຸໄດ້, ພິເສດແມ່ນການພັດທະນາເສດຖະກິດຢ່າງວ່ອງໄວຂອງ ມາເລເຊຍ, ກາຍເປັນໜຶ່ງໃນ 27 ພື້ນຖານເສດຖະກິດທີ່ມີກຳລັງແກ່ງແຍ້ງແຖວໜ້າໃນໂລກ. ການພົວພັນລະຫວ່າງສອງປະເທດຍັງໄດ້ຮັບການພັດທະນາຢ່າງຕັ້ງຫນ້າ ແລະ ແທດຈິງໃນໄລຍະເຄິ່ງສັດຕະວັດທີ່ຜ່ານມາໃນທຸກຂົງເຂດ. ປະຈຸບັນ ຫວຽດນາມ ແມ່ນຄູ່ຮ່ວມມືຍຸດທະສາດໜຶ່ງດຽວ ແລະ ຄູ່ຮ່ວມມືການຄ້າໃຫຍ່ອັນດັບ 3 ຂອງ ມາເລເຊຍ ຢູ່ ອາຊຽນ. ມາເລເຊຍ ແມ່ນຄູ່ຮ່ວມມືການຄ້າໃຫຍ່ອັນດັບ 2 ຂອງ ຫວຽດນາມ ໃນ ອາຊຽນ ແລະ ທີ 11 ໃນໂລກ.
ຕາມທ່ານ ຫງວຽນຄັກດິ້ງ ແລ້ວ, ໃນໄລຍະຜ່ານມາ, 2 ປະເທດໄດ້ສົມທົບກັນຢ່າງແໜ້ນແຟ້ນຢູ່ບັນດາເວທີປາໄສພາກພື້ນ ແລະ ສາກົນຄື ອາຊຽນ, ສະຫະປະຊາຊາດ, APEC... ການພົວພັນລະຫວ່າງສະພາແຫ່ງຊາດ ຫວຽດນາມ ແລະ ລັດຖະສະພາ ມາເລເຊຍ ກໍ່ສືບຕໍ່ໄດ້ຮັບການປັບປຸງບົນແງ່ມຸມສອງຝ່າຍ ແລະ ໃນຂອບເຂດບັນດາເວທີປາໄສລະຫວ່າງສະພາແຫ່ງຊາດ ເຊິ່ງ 2 ຝ່າຍເປັນສະມາຊິກຄື AIPA, IPU, APPF...
ເພື່ອສືບຕໍ່ຮັດແໜ້ນການພົວພັນຮ່ວມມືລະຫວ່າງ 2 ອົງການນິຕິບັນຍັດ, ທ່ານ ຫງວຽນຄັກດິ້ງ ສະເໜີໃຫ້ສອງຝ່າຍຊຸກຍູ້ການລົງນາມໃນສັນຍາຮ່ວມມືລະຫວ່າງສະພາແຫ່ງຊາດ ຫວຽດນາມ ກັບ ສະພາຕ່ຳ ແລະ ສະພາສູງ ມາເລເຊຍ; ບັນດາການເຄື່ອນໄຫວແລກປ່ຽນຄະນະຜູ້ແທນຂັ້ນສູງລະຫວ່າງຄະນະກຳມະການວິຊາສະເພາະ, ກຸ່ມສະມາຊິກລັດຖະສະພາມິດຕະພາບ, ສະມາຊິກລັດຖະສະພາຍິງ, ສະມາຊິກລັດຖະສະພາໜຸ່ມ... ສະພາແຫ່ງຊາດ ຫວຽດນາມ ກຽມພ້ອມທີ່ຈະຕ້ອນຮັບຫຼາຍກວ່າບັນດາຄະນະຜູ້ແທນຈາກສະພາສູງ, ສະພາຕ່ຳຂອງ ມາເລເຊຍ ທີ່ມາຢ້ຽມຢາມ, ແບ່ງປັນ ແລະ ແລກປ່ຽນປະສົບການຢູ່ ຫວຽດນາມ, ບໍ່ພຽງແຕ່ຢູ່ຂັ້ນສະຫະພາບເທົ່ານັ້ນ ຫາກຍັງຢູ່ບັນດາລັດຂອງ ມາເລເຊຍ ນຳອີກ.
ສອງອົງການນິຕິບັນຍັດຕ້ອງການສືບຕໍ່ສ້າງແລວທາງດ້ານນິຕິກຳທີ່ສະດວກ, ເພີ່ມທະວີການຕິດຕາມກວດກາ, ຊຸກຍູ້ບັນດາກະຊວງ, ຂະແໜງການ, ທ້ອງຖິ່ນ ແລະ ວິສາຫະກິດປະຕິບັດບັນດາຂໍ້ຕົກລົງ ແລະ ສັນຍາທີ່ໄດ້ລົງນາມຢ່າງຕັ້ງໜ້າ, ມີປະສິດທິຜົນ.
ທ່ານ ຫງວຽນຄັກດິ້ງ ສະເໜີໃຫ້ຄະນະເລຂາສະພາສູງ ແລະ ສະພາຕ່ຳ ມາເລເຊຍ ເພີ່ມທະວີການຮ່ວມມືກັບຫ້ອງວ່າການສະພາແຫ່ງຊາດ ຫວຽດນາມ, ໂດຍສະເພາະ ແມ່ນໃນຂົງເຂດກໍ່ສ້າງ, ບຳລຸງສ້າງພະນັກງານ, ແລກປ່ຽນປະສົບການໃນວຽກງານຄົ້ນຄວ້າ, ເສນາທິການສັງລວມ, ຈັດຕັ້ງການຮັບໃຊ້ບັນດາການເຄື່ອນໄຫວຂອງລັດຖະສະພາ.
ຊົມເຊີຍ ມາເລເຊຍ ໄດ້ອະນຸຍາດສ້າງຕັ້ງ “ສະມາຄົມມິດຕະພາບ ມາເລເຊຍ - ຫວຽດນາມ” ໃນປີ 2022, ທ່ານ ຫງວຽນຄັກດິ້ງ ຫວັງວ່າ ສະພາສູງ, ສະພາຕ່ຳ ແລະ ບັນດາສະມາຊິກລັດຖະສະພາ ມາເລເຊຍ ຈະສືບຕໍ່ເອົາໃຈໃສ່ໜູນຊ່ວຍ ແລະ ສ້າງເງື່ອນໄຂສະດວກໃຫ້ແກ່ປະຊາຄົມ ຊາວຫວຽດນາມ ທີ່ດຳລົງຊີວິດ, ເຮັດວຽກ, ຮ່ຳຮຽນຢູ່ ມາເລເຊຍ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາຂອງ ມາເລເຊຍ ແລະ ເປັນຂົວເຊື່ອມຕໍ່ໃຫ້ແກ່ການພົວພັນລະຫວ່າງສອງປະເທດ.
ຊົມເຊີຍ ມາເລເຊຍ ຈະດຳລົງຕຳແໜ່ງປະທານ ອາຊຽນ ແລະ ປະທານ AIPA ໃນປີ 2025. ທ່ານຮອງປະທານສະພາແຫ່ງຊາດ ຫວັງວ່າ ໃນໄລຍະຈະມາເຖິງ, ມາເລເຊຍ ຈະມີຂໍ້ລິເລີ່ມຫຼາຍຢ່າງ, ປະກອບສ່ວນຢ່າງແທດຈິງ ແລະ ມີປະສິດທິຜົນເຂົ້າໃນການພັດທະນາຂອງ ອາຊຽນ ແລະ AIPA.
 |
| ທ່ານປະທານສະພາຕ່ຳ ມາເລເຊຍ Tan Sri Dato' Johari Bin Abdul (ຂວາ) ຕ້ອນຮັບທ່ານຮອງປະທານສະພາແຫ່ງຊາດ ຫງວຽນຄັກດິ້ງ. |
ປະທານສະພາຕ່ຳ ແລະ ຮອງປະທານສະພາສູງ ມາເລເຊຍ ໄດ້ເຫັນດີເປັນເອກະພາບກັບບັນດາຂໍ້ສະເໜີຂອງທ່ານ ຫງວຽນຄັກດິ້ງ ແລະ ຢືນຢັນວ່າ ທັງສະພາສູງ ແລະ ສະພາຕ່ຳ ມາເລເຊຍ ລ້ວນແຕ່ປາດຖະໜາຢາກເພີ່ມທະວີການຮ່ວມມືກັບສະພາແຫ່ງຊາດ ຫວຽດນາມ; ຕົກລົງເພີ່ມທະວີການແລກປ່ຽນຄະນະຜູ້ແທນ ແລະ ຊຸກຍູ້ການລົງນາມໃນສັນຍາຮ່ວມມືລະຫວ່າງສອງອົງການນິຕິບັນຍັດ. ພ້ອມກັນນັ້ນ, ກໍ່ຖືວ່າ ບັນດາຄະນະກຳມະການວິຊາສະເພາະຂອງສອງຝ່າຍສາມາດຄົ້ນຄວ້າ ແລະ ລົງນາມໃນສັນຍາຮ່ວມມື ເພື່ອແລກປ່ຽນປະສົບການໃນບັນດາຂົງເຂດວິຊາສະເພາະເຊັ່ນ: ການປະກາດໃຊ້, ຕິດຕາມກວດກາການປະຕິບັດກົດໝາຍ; ສະກັດກັ້ນ ແລະ ຕ້ານການສໍ້ລາດບັງຫຼວງ; ຊຸກຍູ້ການຮ່ວມມືດ້ານວັດທະນະທຳ, ການພົບປະແລກປ່ຽນປະຊາຊົນ ແລະ ບັນດາຂົງເຂດທີ່ສະມາຊິກລັດຖະສະພາມີຄວາມສົນໃຈຮ່ວມ.
ທ່ານປະທານສະພາຕ່ຳ ມາເລເຊຍ ໃຫ້ຮູ້ວ່າ, ໃນບົດບາດເປັນປະທານ ອາຊຽນ ໃນປີ 2025, ມາເລເຊຍ ຈະສຸມໃສ່ 3 ໂຄງການດຳເນີນງານຄື: ການຫັນປ່ຽນພະລັງງານສີຂຽວ, ພະລັງງານທົດແທນ; ຄວາມໝັ້ນຄົງດ້ານສະບຽງອາຫານ ແລະ ການຫັນເປັນດິຈິຕອນ, ປັນຍາປະດິດ (AI). ຈາກນັ້ນ, ກໍ່ໄດ້ເສີມຂະຫຍາຍກຳລັງແຮງສັງລວມຂອງ ອາຊຽນ ແລະ ທ້ອງຕະຫຼາດທີ່ມີປະຊາກອນ 600 ລ້ານກວ່າຄົນ ເພື່ອດຶງດູດການລົງທຶນຈາກຕ່າງປະເທດ, ປະກອບສ່ວນກໍ່ສ້າງ ອາຊຽນ ໃຫ້ກາຍເປັນພາກພື້ນສັນຕິພາບ, ການຮ່ວມມື ແລະ ພັດທະນາ.
ກ່ຽວກັບບັນຫາທະເລຕາເວັນອອກ, 2 ຝ່າຍໄດ້ເຫັນດີເປັນເອກະພາບກັນວ່າ 2 ປະເທດຕ້ອງການສືບຕໍ່ການສົມທົບລະຫວ່າງສອງຝ່າຍ ກໍ່ຄືກັບບັນດາປະເທດ ອາຊຽນ ເພື່ອຮັກສາທັດສະນະລວມຂອງ ອາຊຽນ ກ່ຽວກັບ ທະເລຕາເວັນອອກ; ຮັບປະກັນການປະຕິບັດຖະແຫຼງການກ່ຽວກັບການປະພຶດຂອງບັນດາຝ່າຍຢູ່ ທະເລຕາເວັນອອກ (DOC) ຢ່າງຄົບຖ້ວນ ແລະ ຈິງຈັງ; ຊຸກຍູ້ການກໍ່ສ້າງປະມວນກົດໝາຍການປະພຶດຢູ່ ທະເລຕາເວັນອອກ (COC) ຢ່າງມີປະສິດທິພາບ, ປະສິດທິຜົນ, ສອດຄ່ອງກັບກົດໝາຍສາກົນ; ສົມທົບກັນກໍ່ສ້າງທະເລຕາເວັນອອກ ເປັນເຂດທະເລສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາແບບຍືນຍົງ.
 | ທ່ານເອກອັກຄະລັດຖະທູດ ລາວ ແລະ ມາເລເຊຍ: ຊາວຫວຽດນາມ ມີນ້ຳໃຈ ແລະ ມີອາຫານທີ່ລະອຽດອ່ອນ ຍສໝ - ເອກອັກຄະລັດຖະທູດ ລາວ ແລະ ມາເລເຊຍ ປະຈໍາ ຫວຽດນາມ ມີຄວາມປະທັບໃຈກັບທິວທັດທຳມະຊາດທີ່ສວຍງາມ, ນ້ຳໃຈ, ປະຊາຊົນມີຄວາມດຸໝັ່ນທຳມາຫາກິນ ແລະ ອາຫານການກິນທີ່ສວຍລະອຽດອ່ອນ, ເປັນເອກະລັກສະເພາະຂອງປະເທດທີ່ມີຮູບຊົງ S. |
 | AAPF 31: ຫວຽດນາມ ເພີ່ມທະວີການຮ່ວມມືລັດຖະສະພາກັບລາວ ແລະ ລັດເຊຍ ຍສໝ - ຢູ່ນອກເວທີປາໄສລັດຖະສະພາ ອາຊີ - ປາຊີຟິກ ຄັ້ງທີ 31 (AAPF 31) ໄດ້ໄຂຂຶ້ນຢູ່ນະຄອນຫຼວງ ມານີລາ, ປະເທດ ຟີລິບປິນ, ຕອນເຊົ້າວັນທີ 25 ພະຈິກ, ທ່ານຮອງປະທານສະພາແຫ່ງຊາດ ຫງວຽນທິກິມເງິນ ໄດ້ໃຫ້ການຕ້ອນຮັບທ່ານຮອງປະທານສະພາແຫ່ງຊາດ ລາວ ແລະ ຮອງປະທານສະພາສະຫະພັນລັດເຊຍຜູ້ທີໜຶ່ງ. |
ມິງດຶກ