ສາລະວັນ ປະກາດຈົບຊັ້ນມັດທະຍົມຕອນຕົ້ນ ບຳລຸງ

ແຂວງສາລະວັນ ໄດ້ຈັດພິທີປະກາດເປັນແຂວງຈົບການສຶກສາຊັ້ນມັດທະຍົມຕອນຕົ້ນບໍາລຸງສຳລັບປະຊາຊົນ ຢ່າງເປັນທາງການ ແລະ ເປັນແຂວງທີ 7 ຂອງທົ່ວປະເທດ ຂຶ້ນໃນທ້າຍເດືອນ ເມສາຜ່ານມາ ທີ່ສະໂມສອນຂອງແຂວງ ໂດຍໃຫ້ກຽດເຂົ້າຮ່ວມຂອງທ່ານ ນາງ ແສງເດືອນ ຫຼ້າຈັນທະບູນ ກຳມະການສູນກາງພັກ ລັດຖະມົນຕີ ກະຊວງສຶກສາທິການ ແລະ ກິລາ, ມີທ່ານ ສີສຸວັນ ວົງຈອມສີ ກຳມະການສູນກາງພັກ ເລຂາພັກແຂວງ ເຈົ້າແຂວງ ສາລະວັນ, ບັນດາຄະນະປະຈຳພັກແຂວງ, ຮອງເຈົ້າແຂວງສະຫວັນນະເຂດ, ຈຳປາສັກ, ເຊກອງ, ອັດຕະປື, ອະດີດການນຳ ແລະ ຕາງໜ້າຂະແໜງການກ່ຽວຂ້ອງຈາກສູນກາງ, ແຂວງ, ເມືອງເຂົ້າຮ່ວມ.