ຄະນະນຳເມືອງບົວລະພາ ໃຫ້ການຕ້ອນຮັບ ການມາຢ້ຽມຢາມ ຂອງ ຄະນະການນຳ ເມືອງມິງຮົວ ແຂວງ ກວາງບິ່ງ ສສ ຫວຽດນາມ.

ສະຫາຍ ດ໋ວນງ໋ອກຫຼຳ ເລຂາພັກເມືອງ ເມືອງມິງຮົ່ວ ແຂວງ ກວາງບິ່ງ ສສ ຫວຽດນາມ ມອບຂອງຂວັນໃຫ້ແກ່ ແຂວງຄຳມ່ວນ.

ເພື່ອຮັດແໜ້ນຄວາມສາມັກຄີລະຫວ່າງ ສອງປະເທດ ລາວ - ຫວຽດນາມ ກໍ່ຄືແຂວງຄໍາມ່ວນ ແລະ ແຂວງກວາງບິງ ເວົ້າລວມ ເວົ້າສະເພາະ 2 ເມືອງ ຕິດຈອດກັນ ລະຫວ່າງ ເມືອງບົວລະພາ ແລະ ເມືອງ ມີງຮົ່ວ ແຂວງກວາງບີງ ສສ ຫວຽດນາມ ໃຫ້ມີຄວາມແໜ້ນແກ່ນຂຶ້ນຕື່ມ, ດັ່ງນັ້ນ ໃນຄັ້ງວັນທີ 9 ເມສາ 2019 ທີ່ຜ່ານມາ ຄະນະການນໍາເມືອງ ມີງຮົ່ວ ແຂວງກວາງບິ່ງ ສສ ຫວຽດນາມ ນຳໂດຍ ສະຫາຍ ດ໋ວນງ໋ອກຫຼຳ ເລຂາພັກເມືອງ ເມືອງມິງຮົ່ວ ແຂວງ ກວາງບິ່ງ ສສ ຫວຽດນາມ ພ້ອມດ້ວຍການນຳພາຍໃນເມືອງ ຈຳນວນ 11 ສະຫາຍ ໄດ້ເຄື່ອນໄຫວ ພົບປະຢ້ຽມຢາມ ແລະ ອວຍພອນ ຄະນະການນຳເມືອງບົວລະພາ, ເນື່ອງໃນໂອກາດ ສະເຫລີມສະຫລອງ ປີໃໝ່ລາວ ໃຫ້ການຕ້ອນຮັບໃນຄັ້ງນີ້ ໂດຍ ສະຫາຍ ປອ. ແກ້ວອຸດອນ ບຸດສິງຂອນ ກໍາມະການພັກແຂວງ ເລຂາພັກເມືອງ ເຈົ້າເມືອງ ເມືອງບົວລະພາ ພ້ອມດ້ວຍຄະນະການນຳພາຍໃນເມືອງ ໃຫ້ການຕ້ອນຮັບຢ່າງອົບອຸ່ນ.
ຈຸດປະສົງໃນການເຄື່ອນໄຫວພົບປະຢ້ຽມຢາມ ຂອງຄະນະການນຳເມືອງ ມິງຮົ່ວ ໃນຄັ້ງນີ້ ກໍ່ເພື່ອອວຍພອນປີ ໃໝ່ລາວ ປະຈຳປີ ພສ 2562 ໃຫ້ກັບ ຄະນະການນຳເມືອງບົວລະພາ ເພື່ອເພີ່ມທະວີຮັດແໜ້ນຄວາມສາມະຄີລະ ຫວ່າງ 2 ເມືອງຕິດຈອດກັນ ເຊິ່ງໃນໂອກາດທີ່ການນຳ ເມືອງມີງຮົ່ວ ສສ ຫວຽດນາມ ເຄື່ອນໄຫວພົບປະຢ້ຽມຢາມ ໃນຄັ້ງນີ້ ສະຫາຍ ປອ. ແກ້ວອຸດອນ ບຸດສິງຂອນ ກໍ່ໄດ້ສະແດງຄວາມຂອບໃຈ ແລະ ຍ້ອງຍໍຊົມເຊີຍ ຢ່າງອົບອຸ່ນຕໍ່ການມາຢ້ຽມຢາມ ຂອງ ສະຫາຍ ດ໋ວນງ໋ອກຫຼຳ ເລຂາພັກເມືອງ ເມືອງມິງຮົ່ວ ສສຫວຽດນາມ ພ້ອມຄະນະ, ເຊິ່ງການມາຢ້ຽມ ຢາມ ຂອງ ຄະນະການນຳເມືອງມິງຮົ່ວໃນຄັ້ງນີ້ ທ່ານເຈົ້າເມືອງ ເມືອງບົວລະພາ ພ້ອມດ້ວຍການນຳພາຍໃນເມືອງ ຍັງໄດ້ນຳພາທ່ຽວຊົມ ຖ້ຳນ້ຳລອດເຊບັ້ງໄຟ ເຊີ່ງເປັນແຫລ່ງທ່ອງທ່ຽວ ທີ່ມີຄວາມສວຍສົດງົດງາມ ຂອງເມືອງບົວລະພາ ອີກດ້ວຍ.

（ແຫຼ່ງ​ຂໍ້​ມູນ​： Khammouane News）